ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀରଙ୍କ ଗୋଟିଏ ପରେ ଗୋଟିଏ ଡିମାଣ୍ଡ ପୂରଣ ହେବାରେ ଲାଗିଛି । ପୂର୍ବରୁ ଲକ୍ଷୌ ସୁପର ଜାଏଣ୍ଟ ପକ୍ଷରୁ ଏକାଠି କାମ କରିଥିବା ମର୍କେଲଙ୍କୁ ବୋଲିଂ କୋଚ ପାଇଁ ଡିମାଣ୍ଡ ରଖିଥିଲେ ମର୍କେଲ । ଆଉ ଆଜି ଏହା ମଧ୍ୟ ପୂରଣ ହୋଇଛି । ଟିମ ଇଣ୍ଡିଆର ବୋଲିଂ କୋଚଭାବେ ତାଙ୍କୁ ନିଯୁକ୍ତ କରାଯାଇଛି । ବିସିସିଆଇ ସମ୍ପାଦକ ଜୟ ଶାହା ଏହି ସୂଚନା ଦେଇଛନ୍ତି । ତେବେ ବାଂଲାଦେଶ ବିପକ୍ଷ ଟେଷ୍ଟ ସିରିଜରୁ ନିଜର କାର୍ଯ୍ୟଭାର ସମ୍ଭାଳିବେ ମର୍କେଲ । ଦକ୍ଷିଣ ଆଫ୍ରିକାର ପୂର୍ବତନ ଦୃତ ବୋଲର ମର୍କେଲ ଜଣେ ଦକ୍ଷ ବୋଲର ଥିଲେ । ଆଇପିଏଲରେ ମଧ୍ୟ ସେ ଦିଲ୍ଲୀ କ୍ୟାପିଟାଲ, ଚେନ୍ନାଇ ସୁପରକିଙ୍ଗସ ପକ୍ଷରୁ ଖେଳିଛନ୍ତି । ତାଙ୍କର ଦକ୍ଷ ବୋଲିଂ ଆଗରେ ବଡ଼ ବଡ଼ ବ୍ୟାଟ୍ସମ୍ୟାନମାନେ ଧରାଶାୟୀ ହୋଇଥିବାବେଳେ ଭାରତୀୟ ଦଳର ବୋଲିଂ ଦିଶାକୁ କେଉଁ ଦିଗକୁ ନେବେ ତାହା ଦେଖିବାକୁ ବାକି ରହିଛି । ବାଂଲାଦେଶ ବିପକ୍ଷ ଟେଷ୍ଟ ସିରିଜରୁ ତାଙ୍କର ପରୀକ୍ଷା ଆରମ୍ଭ ହେବ ।
ରିଲ୍ ମାୟା,ମାଟିରେ ପୋତି ହେଲେ ଯୁବକ !
ନନ୍ଦିଘୋଷ ବ୍ୟୁରୋ: ଏବେ ସମାଜରେ ସମସ୍ତଙ୍କୁ ବାୟା କରୁଛି ରିଲ୍ସ ନିଶା । ଅଧିକ ଲାଇକ, କମେଣ୍ଟ ପାଇଁ ଜୀବନକୁ ବାଜିରେ ଲଗାଉଛନ୍ତି । ବିପଦ ସଙ୍କୁଳ ଅବସ୍ଥାରେ ରିଲ୍ସ କରୁଛନ୍ତି ଅନେକ । ଏବେ ଏଭଳି ଏକ ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ଯେଉଁଥିରେ ଜଣେ ଯୁବକ ମାଟିରେ ପୋତି ହୋଇଯାଇଛନ୍ତି । ବିହାରରେ ଏବେ ଏମିତି ଏକ ଭିଡିଓ ବେଶ ଭାଇରାଲ ହେବାରେ ଲାଗିଛି । ତେବେ ଏହା କେଉଁ ଅଞ୍ଚଳର ତାହା ସ୍ପଷ୍ଠ ହୋଇନାହିଁ । କିନ୍ତୁ ଏହି ଭିଡିଓରେ ଦେଖିବାକୁ ମିଳୁଛି କି, ଯୁବକ ଜଣକ ସମ୍ପୂର୍ଣ୍ଣ ମାଟିରେ ପୋତି ହୋଇଯାଇଛନ୍ତି । ପାଖରେ ଜଣେ ଯୁବତୀ ଏବଂ ଜଣେ ଅର୍ଦ୍ଧବୟସ୍କା ମହିଳା ବସିଛନ୍ତି । ଭିଡିଓରେ କୌଣସି ଶବ୍ଦ ଆସୁନଥିବାବେଳେ ଏଥିରେ ଏକ ହିନ୍ଦୀ ଗୀତ ବାଜୁଛି । ତେବେ ମହିଳା ଜଣକ ଯୁବକଙ୍କୁ ଖୁଆାଉଥିବାବେଳେ ଯୁବତୀ ଜଣକ ପାଖରେ ବସି ମୁଣ୍ଡ ଆଉଁସୁଛନ୍ତି । ଆଉ ଭିଡିଓ ଶେଷରେ ସେମାନେ ଇଶାରା କରୁଛନ୍ତି କି, ଭିଡିଓକୁ ଲାଇକ କମେଣ୍ଟ କରିବା ପାଇଁ । ଯେଉଁଥିରୁ ଅନୁମାନ କରାଯାଉଛି କି, ଯୁବକ ଜଣକ ରିଲ୍ସ ପାଇଁ ଏଭଳି ପୋତି ହୋଇଛନ୍ତି । ଯାହାକୁ ନେଇ କିଛି ୟୁଜର୍ସ ଭଲ କମେଣ୍ଟ ଦେଉଥିବାବେଳେ ଆଉ କିଛି ଖରାପ କମେଣ୍ଟ ମଧ୍ୟ ଦେଉଛନ୍ତି । କେହି କେହି ସଚେତନ କରିବା ଭଳି ମେସେଜ ମଧ୍ୟ ଦେଉଛନ୍ତି ।
ସାନଖେମୁଣ୍ଡିରେ ତ୍ରିରଙ୍ଗା ବାଇକ ରାଲିରେ ବିଜେପିର ଦୁଇ ଗୋଷ୍ଠୀ ମଧ୍ୟରେ ଖଣ୍ଡଯୁଦ୍ଧ
ନନ୍ଦିଘୋଷ ବ୍ୟୁରୋ: ଗଂଜାମ ସାନଖେମୁଣ୍ଡିରେ ତ୍ରିରଙ୍ଗା ବାଇକ ରାଲି ଚାଲିଥିବା ବେଳେ ବିଜେପିର ଦୁଇ ଗୋଷ୍ଠୀ ମଧ୍ୟରେ ଖଣ୍ଡଯୁଦ୍ଧ। ସାନଖେମୁଣ୍ଡିର ବିଜେପି ବିଧାୟକ ପ୍ରାର୍ଥୀ ଉତ୍ତମ ପାଣିଗ୍ରାହୀଙ୍କ ଗୋଷ୍ଠୀ ଏବଂ ପୂର୍ବତନ ବିଜେପିର ବିଧାୟକ ପ୍ରାର୍ଥୀ ବିଜୟ କୁମାର ସ୍ୱାଇଁଙ୍କ ଗୋଷ୍ଠୀ ମଧ୍ୟରେ ଖଣ୍ଡଯୁଦ୍ଧ ଦେଖିବାକୁ ମିଳିଥିଲା। ସରକାରୀ ସ୍ତରରେ କାର୍ଯ୍ୟକ୍ରମ ରହିଥିବା ବେଳେ ବିଜେପି କର୍ମୀମାନେ ବାଇକ ରାଲିରେ ଯିବାବେଳେ ଉଭୟଙ୍କ ମଧ୍ୟରେ ବଚସା ହୋଇ ଗଣ୍ଡଗୋଳ ହୋଇଥିଲା। ଧସ୍ତାଧସ୍ତି ସହ ମୁଥ ମରାମରି ହୋଇଥିଲେ। ତ୍ରିରଙ୍ଗା ପତାକା ଧରିଥିବା ବାଡ଼ିରେ ଉଭୟ ଗୋଷ୍ଠୀ ମଧ୍ୟରେ ମାରପିଟ ହୋଇଥିଲା। ପାଟପୁର ପୋଲିସ ଉପସ୍ଥିତିରେ ଦୁଇ ବିଜେପି ବିଧାୟକ ପ୍ରାର୍ଥୀଙ୍କ ଉପସ୍ଥିତିରେ 326 ନମ୍ବର ଜାତୀୟ ରାଜପଥ ପାଲଟିଥିଲା ଯୁଦ୍ଧପଡିଆ। ତ୍ରିରଙ୍ଗା ବାଇକ ରାଲିରେ ସାମିଲ ହୋଇଥିବା ଅନ୍ୟ ଯୁବ ପିଢ଼ି ଛତ୍ରଭଙ୍ଗ ଦେଇଥିଲେ।
କନ୍ଧମାଳ-କଳାହାଣ୍ଡି ସୀମାନ୍ତରେ ସୁରକ୍ଷା କର୍ମୀ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ
ନନ୍ଦିଘୋଷ ବ୍ୟୁରୋ: କନ୍ଧମାଳ-କଳାହାଣ୍ଡି ସୀମାନ୍ତରେ ସୁରକ୍ଷା କର୍ମୀ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ । ଗୁମୁଡୁମାହା ନିକଟସ୍ଥ ଦାସୁଙ୍ଗିଆ ଜଙ୍ଗଲରେ ସୁରକ୍ଷାକର୍ମୀ-ମାଓବାଦୀ ମୁହାଁମୁହିଁ ହୋଇଛନ୍ତି। ଦୀର୍ଘ ସମୟ ଧରି ଉଭୟଙ୍କ ମଧ୍ୟରେ ଗୁଳିବିନିମୟ ଜାରି ରହିଥିବା ସୂଚନା ମିଳିଛି। ସେପଟେ ସମ୍ପୃକ୍ତ ଅଞ୍ଚଳରେ କମ୍ବିଂ ଅପରେସନ୍ ଜୋରଦାର ଚାଲିଥିବା ବେଳେ ୬ଟି ଟିମ୍ ଏହି ଅପରେସନରେ ସାମିଲ୍ ଥିବା ବିଶ୍ବସ୍ତ ସୂତ୍ରରୁ ସୂଚନା ମିଳିଛି । ଏହାକୁ ନେଇ ଗୁମୁଡୁମାହା,ଦାସୁଙ୍ଗିଆ,ଜକିଙ୍ଗୀଆ,ପାଙ୍ଗୁରୁମିଲା ଅଞ୍ଚଳର ଲୋକଙ୍କ ମନରେ କୋକୁଆ ଭୟ ସୃଷ୍ଟି ହୋଇଛି ।
ପୁଣି ଚର୍ଚ୍ଚାରେ ହାର୍ଦ୍ଦିକ ପାଣ୍ଡ୍ୟା, ଏହି ସେଲିବ୍ରେଟୀଙ୍କ ସହ ଚାଲିଛି କଣ?
ନନ୍ଦିଘୋଷ ବ୍ୟୁରୋ: ଭାରତୀୟ କ୍ରିକେଟ ଦଳର ଦକ୍ଷ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ପୁଣିଥରେ ଖବରର ଶିରୋନାମା ପାଲଟିଛନ୍ତି । ଜଣେ ବିଦେଶୀ ସେଲିବ୍ରେଟୀଙ୍କୁ ଡେଟ୍ କରୁଥିବା ଖବର ଏବେ ଚର୍ଚ୍ଚା ହେଉଛି । ଉଭୟ ନିଜର ଇନଷ୍ଟାଗ୍ରାମ ପେଜରେ ସେମାନଙ୍କ ଫଟୋ ଓ ଭିଡିଓ ସେୟାର କରିଛନ୍ତି । ଉଭୟ କୁଲ ମାଇଣ୍ଡରେ ନଜର ଆସିଛନ୍ତି । ବ୍ରିଟିସ ସିଙ୍ଗର ଜସ୍ମିନଙ୍କ ସହ ପାଣ୍ଡ୍ୟାଙ୍କ ଫଟୋ ଏବେ ଭାଇରାଲ ହେବାରେ ଲାଗିଛି । କୁହାଯାଉଛି କି, ପାଣ୍ଡ୍ୟା ତାଙ୍କୁ ବିବାହ କରିବାକୁ ଯାଉଛନ୍ତି । ଅନନ୍ୟା ପାଣ୍ଡେଙ୍କ ପରେ ଏବେ ଜସ୍ମିନଙ୍କ ସହ ପାଣ୍ଡ୍ୟାଙ୍କ ନାମକୁ ଯୋଡ଼ା ଯାଉଛି । ଜସ୍ମିନ ଜଣେ ପ୍ରସିଦ୍ଧ ୟୁଟ୍ୟୁବର । ସେ ଜଣେ ସିଙ୍ଗର ମଧ୍ୟ, ବଲିଉଡରେ ମଧ୍ୟ କିଛି ଗୀତ ଗାଇ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି । ତାଙ୍କ ଜନ୍ମ ଇଂଲଣ୍ଡରେ ହୋଇଥିବାବେଳେ ପ୍ରଥମେ ସେ ବ୍ରିଟିସ୍ ଧାରାବାହିକରେ ଅଭିନୟ କରୁଥିଲେ । ପରେ ୨୦୧୪ରେ ନିଜର ଏକ ୟୁଟ୍ୟୁବ ଖୋଲିଥିଲେ । ତାଙ୍କର ଗୀତ ଗାଇବାର ରୁଚି ଆଉ ପେଶା ତାଙ୍କୁ ପରିଚିତ କରିଛି । ଏବେ ସେ ପାଣ୍ଡ୍ୟାଙ୍କ ସହ ନଜର ଆସିଥିବାବେଳେ ସେମାନଙ୍କ ମଧ୍ୟରେ କଣ ସମ୍ପର୍କରେ ରହିଛି ତାହା ସେମାନଙ୍କୁ ଜଣା । ଏଯାବତ ଉଭୟ ଗଣମାଧ୍ୟମ ସମ୍ମୁଖରେ ଏସମ୍ପର୍କରେ କୌଣସି ପ୍ରତିକ୍ରିୟା ରଖିନାହାନ୍ତି ।
ବ୍ରିଜରୁ ଡେଇଁଲେ ମା ଓ ନାବାଳକ ପୁଅ
ନନ୍ଦିଘୋଷ ବ୍ୟୁରୋ: ନିଶ୍ଚିନ୍ତ କୋଇଲି ନେମାଳ ଚିତ୍ରୋତ୍ପଳା ବ୍ରିଜ ଉପରୁ ଡେଇଁ ମା ଓ ନାବାଳକ ପୁଅର ଆତ୍ମହତ୍ୟା ଉଦ୍ୟମ । ମାଆର ପତ୍ତା ମିଳୁ ନଥିବା ବେଳେ ନାବାଳକ ପୁଅକୁ ଉଦ୍ଧାର କରାଯାଇ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ହେଲେ ଡାକ୍ତର ତାକୁ ମୃତ ଘୋଷଣା କରିଛନ୍ତି । ମାଆକୁ ଖୋଜି ବାହାର କରିବା ପାଇଁ ତଲାସୀ ଚାଲିଛି । ଦୁଇ ନାବାଳକ ପୁଅ ଝିଅଙ୍କୁ ଧରି ମାଆ ସୁହାନ ପରବିନ ନେମାଳ ପାଖ ଚିତ୍ରୋତ୍ପଳା ନଦୀ ପାଖକୁ ଆସିଥିଲେ । ଏହାପରେ ସୁହାନ ପ୍ରଥମେ ପୁଅକୁ ନଦୀକୁ ଫିଙ୍ଗିବା ପରେ ସେ ନିଜେ ନଦୀକୁ ଡେଇଁ ପଡିଥିବା ଝିଅ କହିଛି । ମୃତ ନାବାଳକ ୧୦ ବର୍ଷର ସେକ ତାୟର ଉଦ୍ଦିନ। ତେବେ ଗୃପ ଲୋନ କରିବା ହେତୁ ସେ ଚିନ୍ତିତ ଥିଲେ । ସେଥିପାଇଁ ନଦୀକୁ ଡେଇଁ ପଡିଥିବା ନାବାଳିକା ଝିଅ ଓ ସମ୍ପର୍କୀୟ କହିଛନ୍ତି।
ଭିଜିଲାନ୍ସ ଜାଲରେ ବଲାଙ୍ଗୀର ଭୂତଳ ଜଳ ବିଭାଗ ଭୂତତ୍ତ୍ଵବିତ ଅସୀମ ଅଂଶୁମାନ ନାୟକ
ନନ୍ଦିଘୋଷ ବ୍ୟରୋ: ଭିଜିଲାନ୍ସ ଜାଲରେ ଆଉ ଜଣେ ବରିଷ୍ଠ ଅଧିକାରୀ। ଲାଞ୍ଚ ନେବାବେଳେ ଧରାପଡିଲେ ବଲାଙ୍ଗୀର ଭୂତଳ ଜଳ ବିଭାଗ ଭୂତତ୍ତ୍ଵବିତ ଅସୀମ ଅଂଶୁମାନ ନାୟକ। ୪୦ ହଜାର ଟଙ୍କା ଲାଞ୍ଚ ନେବାବେଳେ ଅସୀମ ଅଂଶୁମାନଙ୍କୁ ଧରିଲା ଭିଜିଲାନ୍ସ। ‘ଛାତ’ ଯୋଜନାରେ ଜଣେ ପରାମର୍ଶଦାତାଙ୍କ ଠାରୁ ଲାଞ୍ଚ ନେଉଥିବାଳେ ତାଙ୍କୁ ଭିଜିଲାନ୍ସ ଧରିଛି। ପୂର୍ବରୁ ସେ ୧୦ ହଜାର ଟଙ୍କା ଲାଞ୍ଚ ନେଇଥିବା ନେଇ ଅଭିଯୋଗ ହୋଇଥିଲା। ପରାମର୍ଶଦାତାଙ୍କଠାରୁ ସେ ମୋଟ ୫୦ ହଜାର ଟଙ୍କା ଲାଞ୍ଚ ଦାବି କରିଥିଲେ। ଏକକାଳୀନ ୩ଟି ସ୍ଥାନରେ ରେଡ ହୋଇଥିବା ସୂଚନା ମିଳିଛି।
ପ୍ରକାଶ ପାଇଲା ଆଇସିସି ରାଙ୍କିଂ, ଜାଣନ୍ତୁ କିଏ କେତେ ନମ୍ବର ସ୍ଥାନରେ..
ନନ୍ଦିଘୋଷ ବ୍ୟୁରୋ: ପ୍ରକାଶ ପାଇଲା ଆଇସିସି ତାଲିକା । ବ୍ୟାଟିଂରେ ତିନୋଟି ଯାକ ଫର୍ମାଟରେ ଟପ ୫ ଭିତରେ ରହିଛନ୍ତି ପାକିସ୍ତାନୀ ବ୍ୟାଟ୍ସମ୍ୟାନ ବାବର ଆଜମ । ଦିନିକିଆରେ ବାବର ଆଜମ ଏକ ନମ୍ବର ସ୍ଥାନରେ ରହିଥିବାବେଳେ ଦ୍ବିତୀୟ ସ୍ଥାନରେ ରହିଛନ୍ତି ଭାରତୀୟ ଅଧିନାୟକ ରୋହିତ ଶର୍ମା, ତୃତୀୟ ସ୍ଥାନରେ ଶୁଭମନ ଗିଲ ରହିଥିବାବେଳେ ଚତୁର୍ଥ ସ୍ଥାନରେ ରହିଛନ୍ତି ବିରାଟ କୋହଲି । ଦିନିକିଆ ରାଙ୍କିଂରେ ଟପ ୫ ମଧ୍ୟରେ ତିନିଜଣ ଭାରତୀୟ ଖେଳାଳି ରହିଛନ୍ତି । ଦିନିକିଆରେ ପଞ୍ଚମ ସ୍ଥାନରେ ରହିଛନ୍ତି ଆୟାରଲ୍ୟାଣ୍ଡର ହେନରି ଟ୍ୟକ୍ଟର । ସେହିପରି ଟେଷ୍ଟରେ ବ୍ୟାଟ୍ସମ୍ୟାନଙ୍କ ମଧ୍ୟରେ ଏକ ନମ୍ବର ସ୍ଥାନରେ ରହିଛନ୍ତି ଇଂଲଣ୍ଡର ଜୋ ରୁଟ୍, ଦ୍ବିତୀୟ ସ୍ଥାନରେ ବାବର ଆଜମ ରହିଥିବାବେଳେ ଟପ ୫ରେ ଜଣେ ମଧ୍ୟ ଭାରତୀୟ ଖେଳାଳି ନାହାନ୍ତି । ଅନ୍ୟପଟେ ଟି-୨୦ କଥା ଯଦି କହିବା ତାହେଲେ ଏକ ନମ୍ବର ସ୍ଥାନରେ ଅଷ୍ଟ୍ରେଲୀୟ ଖେଳାଳି ଟ୍ରାଭିସ ହେଡ ଏକ ନମ୍ବର ସ୍ଥାନରେ ରହିଛନ୍ତି । ଦ୍ବିତୀୟ ସ୍ଥାନରେ ରହିଛନ୍ତି ଭାରତୀୟ ବ୍ୟାଟ୍ସମ୍ୟାନ ସୂର୍ଯ୍ୟକୁମାର ଯାଦବ । ବାବର ଆଜମ ୫ ନମ୍ବରେ ସ୍ଥାନରେ ରହିଛନ୍ତି ।
ରଙ୍ଗିଲା ସ୍ଵାମୀକୁ ହୋଟେଲରୁ ଧରିଲା ସ୍ତ୍ରୀ
ଭୁବନେଶ୍ୱର : ଏକାଧିକ ବଙ୍ଗୀୟ ଯୁବତୀଙ୍କ ସହ ଅସଂଯତ ଅବସ୍ଥାରେ ଓୟୋ ହୋଟେଲରୁ ସ୍ୱାମୀକୁ ରଙ୍ଗେ ହାତ ଧରିଲା ସ୍ତ୍ରୀ। ଭୁବନେଶ୍ବର ପଟିଆରେ ଥିବା ଏକ ଓୟୋ ହୋଟେଲରେ ରାତି ଅଧରେ ସ୍ତ୍ରୀ ଧରିବା ପରେ ସ୍ବାମୀ ସହ ବଙ୍ଗୀୟ ଯୁବତୀ ଇନଫୋସିଟି ଥାନାରେ ଅଟକ । ମିଳିଥିବା ସୂଚନା ଅନୁସାରେ ପେଶାରେ ରାପର ଥିବା ରୋମିଓ ସ୍ବାମୀ ଜଣକ ଦୁଇ ବଙ୍ଗୀୟ ଯୁବତୀଙ୍କ ସହ ଗୋଟିଏ ଓୟୋ ରୁମରେ ଥିଲେ ।
କୌଣସି ସୂତ୍ରରୁ ଖବର ପାଇ ତାଙ୍କ ସ୍ତ୍ରୀ ତାଙ୍କୁ ଧରିବା ପାଇଁ ପୋଲିସକୁ ଧରି ସ୍ପଟରେ ପହଞ୍ଚିଥିଲେ । ପହଞ୍ଚିବାପରେ ଯେଉଁ ରୁମରେ ସେମାନେ ଥିଲେ ସେଠାରେ ପହଞ୍ଚି ତାଙ୍କୁ ରଙ୍ଗେ ହାତ ଧରିଥିଲେ । ରୁମ ଭିତରୁ ବହୁ ଆପତ୍ତିଜନକ ସାମଗ୍ରୀ ମିଳିଛି । ଏତଲା ଆଧାରରେ ଇନଫୋସିଟି ଥାନା ପୋଲିସ ଯୁବକ ଓ ଦୁଇ ବଙ୍ଗୀୟ ଯୁବତୀଙ୍କୁ ଅଟକ ରଖି ପଚରାଉଚରା କରିଛି । ରୁମରେ ସେକ୍ସ୍ ରାକେଟ ଚାଲିଥିବା ସନ୍ଦେହ କରାଯାଉଛି । ସେପଟେ ଉକ୍ତ ଯୁବକଙ୍କ ନାଁରେ ଚନ୍ଦ୍ରଶେଖରପୁର ଓ ନନ୍ଦନକାନନ ଥାନାରେ ମଧ୍ୟ ପୂର୍ବରୁ ଅଭିଯୋଗ ଥିବା ଜାଣିବାକୁ ପାଇଛି ପୋଲିସ ।
ସ୍ବାଧୀନତା ଦିବସ ପୂର୍ବରୁ ମାତିଲେ ଆତଙ୍କବାଦୀ ; ଜାମ୍ମୁ ଓ କାଶ୍ମୀରରେ ସେନା ଅଫିସର ସହିଦ
ଶ୍ରୀନଗର : ଜାମ୍ମୁ ଓ କାଶ୍ମୀରର ଡୋଡା ଜିଲ୍ଲା ଅନ୍ତର୍ଗତ ଆସାର ଅଞ୍ଚଳରେ ସହିଦ ସେନା ଅଫିସର। ଯବାନ ଓ ଆତଙ୍କବାଦୀଙ୍କ ମଧ୍ଯରେ ହୋଇଥିବା ଗୁଳିବିନିମୟରେ ପ୍ରାଣ ହରାଇଛନ୍ତି ଅଫିସର। ଏହି ଘଟଣାରେ ଜଣେ ନାଗରିକ ଆହତ ହୋଇଛନ୍ତି। ଆତଙ୍କବାଦୀଙ୍କୁ ଧରିବା ଲାଗି ସେଠାରେ ଚାଲିଛି ସର୍ଚ୍ଚ ଅପରେସନ। ଶିବଗଡ଼-ଆସାର ଅଞ୍ଚଳରେ ଆତଙ୍କବାଦୀ ରହିଥିବା ସୂଚନା ମିଳିବା ପରେ ସେଠାରେ ଯବାନଙ୍କ ପକ୍ଷରୁ କର୍ଡନ କରାଯାଇ ସର୍ଚ୍ଚ ଅପରେସନ କରାଯାଇଥିଲା।
ଆତଙ୍କବାଦୀଙ୍କ ନିକଟରୁ ଏକ ଆମେରିକା ନିର୍ମିତ ଏମ-୪ ଆସଲ୍ଟ ରାଇଫସ ଜବତ ହୋଇଛି। ସ୍ବାଧୀନତା ଦିବସ ଲାଗି ସାରା ଦେଶରେ ସତର୍କତାମୂଳକ ପଦକ୍ଷେପ ନିଆଯାଇଥିବାବେଳେ ଜାମ୍ମୁ ଓ କାଶ୍ମୀରରେ ବି ଅପରେସନ ଜୋରଦାର କରାଯାଇଛି। ନିରାପତ୍ତା ପ୍ରସଙ୍ଗରେ ବରିଷ୍ଠ ଅଧିକାରୀଙ୍କ ସହ ପ୍ରତିରକ୍ଷା ରାଜନାଥ ସିଂଙ୍କ ବୈଠକ ପରେ ଏହି ଆକ୍ରମଣ ଚିନ୍ତା ସୃଷ୍ଟି କରିଛି। ଗତ ମାସରେ କୁପୱାରା ଜିଲ୍ଲାରେ ଆତଙ୍କୀଙ୍କ ଗୁଳିରେ ଜଣେ ଯବାନଙ୍କ ପ୍ରାଣହାନି ଘଟିଥିଲା।