ନନ୍ଦିଘୋଷ ବ୍ୟୁରୋ: ଗାଁ ଗାଁରେ ଜମୁଛି ପ୍ରଚାର। ବ୍ରହ୍ମଗିରି ନିର୍ବାଚନମଣ୍ଡଳିରେ ବିଜେଡି ବିଧାୟକ ପ୍ରାର୍ଥୀ ଉମାକାନ୍ତ ସାମନ୍ତରାୟଙ୍କ ଜୋରଦାର ପ୍ରଚାର। ଉମା ପୁରୀ ସଦର ବ୍ଲକର ୧୧ ନମ୍ବର ପଂଚାୟତରେ କ୍ଯାମ୍ପେନିଂ କରିଛନ୍ତି। ହଜାର ହଜାର ସମର୍ଥକଙ୍କ ଗହଣରେ ବାହାରିଥିଲା ରାଲି। ରାଜ୍ଯ ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନାକୁ ମୁଦ୍ଦା କରି ଭୋଟ ଭିକ୍ଷା କରିଥିଲେ ଉମାଶଙ୍କର। ନବୀନ ପଟ୍ଟନାୟକଙ୍କ ବିଭିନ୍ନ ବିକାଶମୂଳକ କାର୍ଯ୍ୟ ଲୋକଙ୍କୁ ପ୍ରଭାବିତ କରିଛି। ତେଣୁ ଲୋକଙ୍କ ଆଶୀର୍ବାଦ ନବୀନ ପଟ୍ଟନାୟକଙ୍କ ଉପରେ ରହିବ। ବ୍ରହ୍ମଗିରିରେ ବିପୁଳ ଜନ ସମର୍ଥନ ମିଳିବା ନେଇ ଆଶା ପ୍ରକଟ କରିଛନ୍ତି ଉମା।
ଓଡ଼ିଆ ଅସ୍ମିତା କଥା କହୁଥିବା କେନ୍ଦ୍ରମନ୍ତ୍ରୀଙ୍କ ବିହାର ପ୍ରୀତି ଅଧିକ : ଲେନିନ ମହାନ୍ତି
ନନ୍ଦିଘୋଷ ବ୍ୟୁରୋ: ସମ୍ବଲପୁରରେ ବିଜେଡି ମୁଖପାତ୍ର ଲେନିନ ମହାନ୍ତିଙ୍କ ପ୍ରେସମିଟ୍ । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ମିଛର ଗୁମର ଖୋଲିଲେ ଲେନିନ ମହାନ୍ତି । ବିଜେପି ରାଜ୍ୟରେ ପୋଛି ହୋଇ ହୋଇ ଯାଉଛି ଯେଉଁ କାରଣରୁ ବାରମ୍ବାର ମିଛ କହୁଛନ୍ତି ଧର୍ମେନ୍ଦ୍ର ପ୍ରଧାନ । ଭଗବାନଙ୍କୁ ନେଇ ମିଛ କହୁଛନ୍ତି । ପୁରୀ ପରିକ୍ରମା ପ୍ରକଳ୍ପକୁ ନେଇ ମିଛ କହୁଛନ୍ତି । ଜଗନ୍ନାଥଙ୍କୁ ବିକି ନିର୍ବାଚନ ଜିତିବାକୁ ଚାହୁଁଛି ବିଜେପି । ସେପଟେ ପ୍ରତିଦିନ ପ୍ରେସମିଟ କରି ମୁଖ୍ୟମନ୍ତ୍ରୀଙ୍କୁ ଗାଳି କରୁଛନ୍ତି । କିନ୍ତୁ ମୁଖ୍ୟମନ୍ତ୍ରୀଙ୍କ ବଡ଼ପଣ ସେ ଆପଣଙ୍କୁ କିଛି କହୁନାହାନ୍ତି । ଆପଣ କେବେ ବି ତାଙ୍କ ସମକକ୍ଷ ନୁହଁନ୍ତି ସେଥିପାଇଁ ସେ ଆପଣଙ୍କ ଉତ୍ତର ରଖୁନାହାନ୍ତି । ସମ୍ବଲପୁରବାସୀ ସ୍ବାଭିମାନୀ । ସେ କେବେହେଲେ ଜଣେ ମିଛୁଆକୁ ଭୋଟ୍ ଦେବେ ନାହିଁ ।
କାହା ଚାପରେ ଟି-୨୦ ବିଶ୍ବକପ ପାଇଁ ଭାରତୀୟ ଦଳରେ ସାମିଲ ହେଲେ ହାର୍ଦ୍ଦିକ ପାଣ୍ଡ୍ୟା?
ନନ୍ଦିଘୋଷ ବ୍ୟୁରୋ: ଏକ ସୂତ୍ରରୁ ପ୍ରକାଶ ପାଇଛି କି, ଖରାପ ଫର୍ମ ପାଇଁ ଟି-୨୦ ବିଶ୍ବକପ ପାଇଁ ଭାରତୀୟ ଦଳରେ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କୁ ଟିମରେ ନେବାକୁ ଚାହୁଁନଥିଲେ ରୋହିତ ଶର୍ମା ଏବଂ ମୁଖ୍ୟ ଚୟନକର୍ତ୍ତା ଅଜିତ ଅଗରକର । କିନ୍ତୁ ହାର୍ଦ୍ଦିକ ପାଣ୍ଡ୍ୟା ଦଳରେ ସ୍ଥାନ ପାଇବା ସହ ଉପଅଧିନାୟକ ଭାବେ ଦାୟିତ୍ବ ନେଇଛନ୍ତି । ଯାହାକୁ ନେଇ ବେଶ ଚର୍ଚ୍ଚା ହେଉଛି । ଏକ ସୂତ୍ରରୁ ପ୍ରକାଶ ପାଇଛି କି, ଚାପରେ ଦଳରେ ତାଙ୍କୁ ଏଭଳି ସୁଯୋଗ ମିଳିଛି । କିନ୍ତୁ କିଏ ଏବଂ କାହିଁକି ପାଣ୍ଡ୍ୟାଙ୍କୁ ଦଳରେ ସାମିଲ କରିବା ପାଇଁ ଚାପ ପକାଇଲେ ତାହା ବେଶ ଚର୍ଚ୍ଚାର ବିଷୟ ପାଲଟିଛି । କୁହାଯାଉଛି କି ହାର୍ଦ୍ଦିକ ପାଣ୍ଡ୍ୟାଙ୍କୁ ମୁମ୍ବାଇ ଇଣ୍ଡିଆନ୍ସ ଅଧିନାୟକ ଦାୟିତ୍ବ ଦେବା ପରେ ଦଳରେ ସବୁକିଛି ଠିକ୍ ଚାଲିନାହିଁ । ରୋହିତ ଏବଂ ପାଣ୍ଡ୍ୟାଙ୍କ ମଧ୍ୟରେ ସମ୍ପର୍କ ମଧ୍ୟ ଠିକ ନଥିବା ବିଭିନ୍ନ ସମୟରେ ଗଣମାଧ୍ୟମରେ ପ୍ରକାଶ ପାଇଛି ।
ଏପରିକି ନିକଟରେ ରୋହିତ ଶର୍ମା କୋଲକାତା ନାଇଟ ରାଇଡର୍ସ ଡ୍ରେସିଂ ରୁମରେ ନଜର ଆସିଥିଲେ । ଅଭିଶେକ ନାୟାରଙ୍କ ସହ କଥା ହେଉଥିବାର ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା । ରୋହିତ କୋଲକାତା ନାଇଟ ରାଇଡର୍ସ ପକ୍ଷରୁ ଆସନ୍ତା ବର୍ଷ ଖେଳିପାରନ୍ତି ବୋଲି ମଧ୍ୟ କୁହାଯାଉଛି । ତେବେ ଏବେ ଉଭୟଙ୍କ ମତଭେଦ ପାଇଁ ମୁମ୍ବାଇ ଇଣ୍ଡିଆନ୍ସ କିଭଳି ସ୍ଥିତିରେ ରହିଛି ତାହା ସମସ୍ତଙ୍କୁ ବେଶ ଜଣା । ବାସ୍ତବରେ ଯଦି ଉଭୟଙ୍କ ମଧ୍ୟରେ ସେମିତି କିଛି ମତଭେଦ ଥାଏ ଏବଂ ଅଧିନାୟକ- ଉପଅଧିନାୟକଙ୍କ ମଧ୍ୟରେ ଠିକରେ ନପଡ଼େ ତାହେଲେ ଏହାର ପ୍ରଭାବ ମଧ୍ୟ ବିଶ୍ବକପରେ ଭାରତୀୟ ଦଳ ଉପରେ ପଡ଼ିପାରେ ବୋଲି କ୍ରିକେଟ ବିଶେଷଜ୍ଞମାନେ ମତ ଦେଇଛନ୍ତି ।
ବାଇକ- ସ୍କୁଟି ମୁହାଁମୁହିଁ ଧକ୍କାରେ ୨ ମୃତ ,୩ ଗୁରୁତର
ନନ୍ଦିଘୋଷ ବ୍ୟୁରୋ: କେନ୍ଦୁଝର ଜିଲ୍ଲା ଏନଏଚ ୨୦୦ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ବାଇକ ଓ ସ୍କୁଟି ମୁହାଁମୁହିଁ ଧକ୍କା । ଘଟଣାରେ ୨ ମୃତ ,୩ ଗୁରୁତର । ମୃତକ ହେଲେ ଗୋପାଳପୁର ଗ୍ରାମର ଯଦୁ ମୁଣ୍ଡା ଓ ତଣ୍ଡ ଡୁମୁରିଆ ଗାଁର ମିତ୍ରଭାନୁ ବେହେରା ।ଯଦୁ ମୁଣ୍ଡା ସ୍କୁଟି ଯୋଗେ ପାଟଣା ଆଡୁ ଆସୁଥିବା ବେଳେ ମିତ୍ରଭାନୁ ବେହେରା ବାଇକ୍ ଯୋଗେ ଢେଙ୍କିକୋଟ ଆଡୁ ଆସୁଥିବା ସମୟରେ ମୁହାଁମୁହିଁ ଧକ୍କା ହୋଇଥିଲା । ଘଟଣା ସ୍ଥଳରେ ୨ ଜଣଙ୍କର ମୃତ୍ଯୁ ଘଟିଥିବା ବେଳେ ୩ ଜଣ ଆହତ ହୋଇଛନ୍ତି । ଖବର ପାଇ ଗ୍ରାମବାସୀ ଘଟଣା ସ୍ଥଳରେ ପହଞ୍ଚି ସମସ୍ତ ଗୁରୁତରଙ୍କୁ ପାଟଣା ମେଡିକାଲରେ ଭର୍ତ୍ତି କରିଛନ୍ତି । ଘଟଣାର ଅଧିକ ତଦନ୍ତ କରୁଛି ପୋଲିସ ।
ନାମାଙ୍କନ ଭରିଲେ ମାହାଙ୍ଗା ବିଜେଡି ବିଧାୟକ ପ୍ରାର୍ଥୀ ଅଙ୍କିତ ପ୍ରତାପ ଜେନା
ନନ୍ଦିଘୋଷ ବ୍ୟୁରୋ: ମାହାଙ୍ଗା ନିର୍ବାଚନ ମଣ୍ଡଳୀରେ ନାମାଙ୍କନ ଦାଖଲ କଲେ ବିଜେଡି ବିଧାୟକ ପ୍ରାର୍ଥୀ ଅଙ୍କିତ ପ୍ରତାପ ଜେନା । ଅଙ୍କିତ ତାଙ୍କ ବାପା ବିଧାୟକ ପ୍ରତାପ ଜେନା ଓ ଶତାଧିକ ସମର୍ଥକ ମାନଙ୍କ ଗହଣରେ ଯାଇ ନାମାଙ୍କନ ପତ୍ର ଦାଖଲ କରିଛନ୍ତି । ରାଜ୍ଯ ସରକାରଙ୍କ ପ୍ରଚେଷ୍ଟାରେ ମାହାଙ୍ଗାରେ ସର୍ବାଙ୍ଗୀନ ବିକାଶ ହୋଇଛି । ବିକାଶ କ୍ଷେତ୍ରରେ ମୁଖ୍ୟମନ୍ତ୍ରୀଙ୍କ ପଦକ୍ଷେପକୁ ଅଞ୍ଚଳବାସୀ ଅନୁଭବ କରିଛନ୍ତି । ତେଣୁ ମାହାଙ୍ଗାରେ ତାଙ୍କର ଏକ ତରଫା ବିଜୟ ହେବ ବୋଲି ଅଙ୍କିତ କହିଛନ୍ତି । ମୁଖ୍ୟମନ୍ତ୍ରୀଙ୍କ ପ୍ରତିଟି ଯୋଜନା ଲୋକଙ୍କ ହିତ ସାଧନ କରିଥିବା ବେଳେ ବିଏସକେୱାଇ ଗରିବ ଓ ଅସହାୟଙ୍କ ପାଇଁ ବରଦାନ ସାଜିଛି ।
ବିଶାଳ ସମାବେଶରେ ବିଜେଡିକୁ ସମର୍ଥନ କରିବାକୁ ଘୋଷଣା କଲା କେନ୍ଦୁପତ୍ର ତୋଳାଳି ଓ କର୍ମଚାରୀ ମହାସଂଘ
ନନ୍ଦିଘୋଷ ବ୍ୟୁରୋ: ବିଜେଡି ସହ ରହିଛନ୍ତି ଓଡିଶା କେନ୍ଦୁପତ୍ର ତୋଳାଳି ଓ କର୍ମଚାରୀ ମହାସଂଘ । ପଦମପୁରଠାରେ ଆୟୋଜିତ ବିଶାଳ ସମାବେଶରେ ବିଜେଡିକୁ ସମର୍ଥନ କରିବାକୁ ଘୋଷଣା କରିଛନ୍ତି ରାଜ୍ଯର ସମସ୍ତ କେନ୍ଦୁପତ୍ର ତୋଳାଳି ଓ କର୍ମଚାରୀ । ନବୀନ ସରକାର କେନ୍ଦୁପତ୍ର ତୋଳାଳି ଓ କର୍ମଚାରୀଙ୍କ ପାଇଁ ସବୁ ସୁବିଧା କରିଛନ୍ତି । କାର୍ଯ୍ୟଦିବସ ବୃଦ୍ଧି ସହ, ଦୁଇଗୁଣା ବୋନସ ପ୍ରଦାନ କରୁଛନ୍ତି । ତୋଳାଳି ଓ କର୍ମଚାରୀଙ୍କ ବୟସ ୬୨ ବର୍ଷକୁ ବୃଦ୍ଧି କରିଛନ୍ତି । ଝିଅ ବାହାଘର ନିମନ୍ତେ ୫୦ ହଜାର ଟଙ୍କା ସହ ସାଇକେଲ ମଧ୍ଯ ମିଳୁଛି ।
କେନ୍ଦ୍ରର ବିଜେପି ସରକାର ୧୮ ପ୍ରତିଶତ ଜିଏସଟି ନେଉଥିବାବେଳେ ରାଜ୍ଯ ସରକାର ସହାୟତା ପ୍ରଦାନ କରୁଛନ୍ତି । ଏଥିପାଇଁ ମୁଖ୍ଯମନ୍ତ୍ରୀ ନବୀନ ପଟ୍ଟନାୟକ, 5T ଅଧ୍ଯକ୍ଷ କାର୍ତ୍ତିକ ପାଣ୍ଡିଆନ ଓ ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସଙ୍କୁ ସମସ୍ତେ କୃତଜ୍ଞତା ଜଣାଇବା ସହ ବିଜେଡି ପ୍ରାର୍ଥୀଙ୍କୁ ବିଜୟୀ କରିବାକୁ ସଂକଳ୍ପ ନେଇଛନ୍ତି । ଏହାଛଡ଼ା ଜିଏସଟି ପ୍ରତ୍ଯାହାର ନକଲେ ଆଗକୁ କେନ୍ଦ୍ର ବିରୋଧରେ ଆନ୍ଦୋଳନକୁ ଓହ୍ଲାଇବାକୁ ଚେତାବନୀ ଦେଇଛନ୍ତି ।
ସମାବେଶରେ ୧୦ ହଜାରରୁ ଅଧିକ କେନ୍ଦୁପତ୍ର ତୋଳାଳି ଓ କର୍ମଚାରୀ ଯୋଗଦେଇ ପଦମପୁର ବିଜେଡି ବିଧାୟକ ପ୍ରାର୍ଥୀ ବର୍ଷା ସିଂ ବରିହାଙ୍କୁ ବିଜୟୀ କରିବାକୁ ଶପଥ ନେଇଥିଲେ । ସମାବେଶରେ ବିଧାୟିକା ପ୍ରାର୍ଥୀ ବର୍ଷା ସିଂ ବରିହା, ରାଜୁ ଘିବେଲା, ଚିରାଗ ସିଂ ଦେଓ, ମୌସମ ମିଶ୍ର , ଚିତ୍ରସେନ ବଗର୍ତ୍ତି, ଭାଗର୍ବ ବଢେଇ, ନାରଣ ସାହୁ ପ୍ରମୁଖ ଯୋଗ ଦେଇଥିଲେ ।
କାର୍ତ୍ତିକ ପାଣ୍ଡିଆନଙ୍କ ସୁରକ୍ଷା ସମ୍ବନ୍ଧିତ ମିଛ RTI ଭାଇରାଲ ମାମଲା, ପ୍ରଦୀପ ଦାସଙ୍କୁ ପଚରାଉଚରା କଲା ପୋଲିସ
ଭୁବନେଶ୍ବର: ବରିଷ୍ଠ ବିଜେଡି ନେତା କାର୍ତ୍ତିକ ପାଣ୍ଡିଆନଙ୍କ ସୁରକ୍ଷା ସମ୍ବନ୍ଧିତ ମିଛ RTI ଭାଇରାଲ କରିବା ମାମଲା । ସହିଦନଗର ଥାନାରେ ପ୍ରକାଶ ଦାସଙ୍କୁ ପଚରାଉଚରା କରିଛି ପୋଲିସ । ମିଛ ଆରଟିଆଇ ଭାଇରାଲ ମାମଲାରେ ଥାନାରେ ରୁଜୁ ହୋଇଥିବା ମାମଲା ଅନୁସାରେ ପଚରାଉଚୁରା କରାଯାଉଛି । ଦଫା 419, 420, 465, 468, 469, 471, 505 (1) (a)(b)/34 ରେ ମାମଲା ରୁଜୁ ହୋଇଥିଲା । ମାମଲାରେ ସମ୍ପୃକ୍ତ ଅନ୍ୟମାନଙ୍କୁ କାଲି କାଲି ଜେରା କରାଯିବ ବୋଲି ସୂଚନା ମିଳିଛି । ଅଭିଯୋଗ ଅନୁସାରେ ପ୍ରଦୀପ ପ୍ରଧାନ, ଶ୍ରୀକାନ୍ତ ପାକଳ ଓ ପ୍ରକାଶ ଦାସ କାର୍ତ୍ତିକ ପାଣ୍ଡିଆନଙ୍କ ସୁରକ୍ଷାରେ ୭୪ ଜଣ ସୁରକ୍ଷାକର୍ମୀ ନିୟୋଜିତ ଥିବା ଏକ RTI କାଗଜପତ୍ର ଭାଇରାଲ କରିଥିଲେ । କିନ୍ତୁ ପରବର୍ତ୍ତୀ ସମୟରେ ଏହାକୁ ମିଥ୍ୟା ତଥ୍ୟ ବୋଲି କହିଥିଲା କମିଶନରେଟ ପୋଲିସ ।
ଆସନ୍ତା ୧୬ ତାରିଖ ରାଜଧାନୀରେ ରୋଡ୍ ଶୋ’ କରିବେ ମୁଖ୍ୟମନ୍ତ୍ରୀ
ନନ୍ଦିଘୋଷ ବ୍ୟୁରୋ: ଆସନ୍ତା ୧୬ ତାରିଖରେ ଭୁବନେଶ୍ବରରେ ନବୀନ ଶୋ । ବିଶାଳ ରୋଡ ଶୋ କରିବେ ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଗଙ୍ଗନଗର ଛକରୁ ରୁପାଲୀ ଛକ ପର୍ଯ୍ୟନ୍ତ ହେବ ବିଶାଳ ଶୋଭାଯାତ୍ରା । ରୋଡ ଶୋରେ ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ମାଗିବେ ମୁଖ୍ଯମନ୍ତ୍ରୀ ନବୀନ ପଟ୍ଟନାୟକ । LIC ଅଫିସ, ଗୋପବନ୍ଧୁ ଛକ, ଡିଏଭି ଛକ, HDFC ବ୍ୟାଙ୍କ ଛକ, ନୂଆସାହି ,ବେହେରା ସାହି, ନିକୋ ପାର୍କ ଛକ, ବାୟାବାବା ମଠ ଦେଇ ରୂପାଲି ଛକ ପର୍ଯ୍ୟନ୍ତ ଯିବ ନବୀନଙ୍କ ରୋଡ ଶୋ । ରୋଡ ଶୋ ପାଇଁ କଡ଼ାକଡ଼ି ହେବ ସୁରକ୍ଷା ବ୍ଯବସ୍ଥା । ଭୁବନେଶ୍ବର ଡିସିପିଙ୍କ ସୂଚନା ଅନୁସାରେ, ବ୍ଯାରିକେଡ ବ୍ଯବସ୍ଥା ହେବା ସହ ବିପୁଳ ଜନସମାଗମକୁ ଦୃଷ୍ଟିରେ ରଖି କର୍ଡନ ଉପରେ ଅଧିକ ଗୁରୁତ୍ବ ଦିଆଯିବ । ବରିଷ୍ଠ ପୋଲିସ ଅଧିକାରୀମାନେ ସୁରକ୍ଷା ବ୍ଯବସ୍ଥା ଦାୟିତ୍ବରେ ରହିବେ । ଉଚ୍ଚ କୋଠାମାନଙ୍କରେ ବି ସୁରକ୍ଷା କର୍ମୀ ନିୟୋଜିତ ହେବେ ।
ରଣେନ୍ଦ୍ର ସ୍ବାଇଁଙ୍କ ବିରୋଧରେ ଷଡ଼ଯନ୍ତ୍ର,ସୋସିଆଲ ମିଡିଆରେ ଭାଇରାଲ ହେଉଛି ଫେକ୍ ଫଟୋ
ଭୁବନେଶ୍ୱର : ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁଙ୍କ ନାଁରେ ଘୂରି ବୁଲୁଛି ଏକ ଫେକ୍ ଫଟୋ । ଏ ନେଇ ନିଜେ ରଣେନ୍ଦ୍ର ସୋସିଆଲ ମିଡିଆ ଏକ୍ସରେ ସୂଚନା ଦେଇଛନ୍ତି । ଏହାସହ ସେ ଅରିଜିନାଲ ଫଟୋ ଅପଲୋଡ କରି ଭାଇରାଲକାରୀଙ୍କୁ ଦେଇଛନ୍ତି କଡ଼ା ଜବାବ । ଏଥିରେ ସେ ଗୋଟିଏ ସତ ଗୋଟିଏ ମିଛ ଦେଖାଇଛନ୍ତି । କୌଣସି ଦୁର୍ବୃତ୍ତ ବରିଷ୍ଠ ବିଜେଡି ନେତା କାର୍ତ୍ତିକ ପାଣ୍ଡିଆନଙ୍କ ଫଟୋ ଯୋଡି ମିଛରେ ରଣେନ୍ଦ୍ରଙ୍କୁ ଆଶୀର୍ବାଦ କରୁଥିବା ଦୃଶ୍ୟକୁ ଭାଇରାଲ କରିଥିଲା । ଯାହାର ଜବାବ ରଖିଛନ୍ତି ନିଜେ ରଣେନ୍ଦ୍ର ସ୍ବାଇଁ । ସତ ଫଟୋକୁ କାଢି ଏକ୍ସରେ ଅପଲୋଡ କରିଛନ୍ତି ।
Some miscreants are circulating my fake image over Social media. I urge everyone to refrain from believing in such news and check the sources thoroughly before forwarding and believing.
I appeal @SpokespersonECI @ECISVEEP to kindly take stringent action against these miscreants. pic.twitter.com/21x2KHVT0d
— Ranendra Pratap Swain (@rajaaswain) May 13, 2024
ସତ ଫଟୋରେ ବରିଷ୍ଠ ନେତା ଡାକ୍ତର ଦାମୋଦର ରାଉତଙ୍କଠାରୁ ସେ ଆଶୀର୍ବାଦ ଭିକ୍ଷା କରୁଥିବା ଦେଖିବାକୁ ମିଳିଛି । ବ୍ଯାକ ଗ୍ରାଉଣ୍ଡରୁ ଯାହା ଜଣାପଡୁଛି ଏହି ଫଟୋଟି ବିଧାନସଭା କରିଡରର ଫଟୋ । ଏହି ଫଟୋରେ ଥିବା ବ୍ଯକ୍ତିମାନଙ୍କ ମଧ୍ଯରୁ ଏହା ଭିତରେ ଜଣଙ୍କର ପରଲୋକ ହୋଇସାରିଛି । ତେବେ କୌଣସି ଦୁର୍ବୃତ୍ତ ଜାଣିଶୁଣି ଦାମଙ୍କ ବଦଳରେ ପାଣ୍ଡିଆନଙ୍କ ଫଟୋକୁ ମର୍ଫ କରି ଅପଲୋଡ କରିଛି । ମିଛ ଫଟୋକୁ ଭାଇରାଲ କରିଛି । ଏ ନେଇ ସମସ୍ତେ ସତର୍କ ହେବାକୁ ଚେତେଇ ଦେଇଛନ୍ତି ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ । ଏହା ସହ ସେ ଇସିଆଇଙ୍କୁ ଟ୍ଯାଗ କରି ତାଙ୍କ ଦୃଷ୍ଟି ଆକର୍ଷଣ କରିଛନ୍ତି ଏବଂ ଭାଇରାଲଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
ସୋର ବିଧାନସଭା ନିର୍ବାଚନମଣ୍ଡଳିରେ ବିଜେପିର ଅସଲି ବିଧାୟକ ପ୍ରାର୍ଥୀ କିଏ ?
ସୋର : ସୋର ବିଧାନସଭା ନିର୍ବାଚନମଣ୍ଡଳିରେ ବିଜେପିର ଅସଲି ବିଧାୟକ ପ୍ରାର୍ଥୀ କିଏ ବୋଲି ଉଠିଲା ପ୍ରଶ୍ନ। କାରଣ ଏହି ଆସନ ପାଇଁ ବିଜେପି ୩ ଜଣଙ୍କୁ ଗ୍ରୀନ୍ ସିଗନାଲ ଦେଇଥିବା ଆଲୋଚନା ହେଉଛି। ଏପରିକି ୩ ଜଣ ଯାକ ପ୍ରାର୍ଥୀ ଏବେ ଦଳୀୟ ବିଜ୍ଞପ୍ତି ଦେଖାଇଛନ୍ତି। ସୂଚନା ଅନୁଯାୟୀ, ଗତ ଉପନିର୍ବାଚନରେ ଭଦ୍ରକର ଧାମନଗରରୁ ପ୍ରାର୍ଥୀ ହୋଇଥିବା ରାଜକିଶୋର ଦାସ ଓରଫ ରାଜୁ ଦାସ ଇତି ମଧ୍ୟରେ ବିଜେପିରେ ଯୋଗ ଦେଇଥିଲେ। ଧାମନଗରରୁ ଟିକେଟ୍ ଦିଆନଯାଇ ତାଙ୍କୁ ବାଲେଶ୍ବର ସୋରରୁ ବିଧାୟକ ପ୍ରାର୍ଥୀ ଭାବେ ଟିକେଟ୍ ଦିଆଯାଇଥିଲା। କିନ୍ତୁ ସୋର ବିଜେପିରୁ ରାଜୁ ଦାସଙ୍କୁ ଜମାରୁ ଗ୍ରହଣ କଲାନାହିଁ। ଫଳରେ ଦଳ ପାଇଁ ଅବାନୀୟ ପରିସ୍ଥିତି ସୃଷ୍ଟି ହୋଇଥିଲା।
ଏପଟେ ସୋରରେ ଥିବା ବିଜେଡି ବିଧାୟକ ପର୍ଶୁରାମ ଧଡ଼ାଙ୍କୁ ବିଜେଡି ଟିକେଟ ଦେଇନଥିବାରୁ ସେ ବିଜେପିରେ ସାମିଲ ହୋଇଥିଲେ। ପର୍ଶୁରାମଙ୍କ ଲୋକପ୍ରିୟତା ହ୍ରାସ ପାଇଥିବାରୁ ତାଙ୍କୁ ବିଜେଡି ଟିକେଟ୍ ଦେଇନଥିବା ଚର୍ଚ୍ଚା ହୋଇଥିଲା। ବିଜେପି କିନ୍ତୁ ରାଜୁ ଦାସଙ୍କୁ ଟିକେଟ୍ ଦେଇ ହରଡ ଘଣାରେ ପଡ଼ିବା ପରେ ପୁଣି ପର୍ଶୁରାମ ଧଡ଼ାଙ୍କୁ ମଧ୍ୟ ନୋମିନେସନ ଫାଇଲ କରିବାକୁ ଗ୍ରୀନ୍ ସିଗନାଲ ଦେଇଥିବା କୁହାଯାଉଛି।
ଆଜି ବାଲେଶ୍ବରରେ ପ୍ରଇମେ ରାଜୁ ଦାସ ବିଜେପିରୁ ସୋର ବିଧାନସଭା ପାଇଁ ପ୍ରାର୍ଥିପତ୍ର ଦାଖଲ କରିଥିଲେ। ପରେ ପରେ ପର୍ଶୁରାମ ଧଡ଼ା ମଧ୍ୟ ସୋର ବିଧାନସଭା ଆସନରୁ ବିଜେପି ପ୍ରାର୍ଥୀ ଭାବେ ନୋମିନେସନ ଫାଇଲ ପାଇଁ ପହଞ୍ଚିଛନ୍ତି। କେବଳ ସେତିକି ନୁହେଁ, ସୋରର ବିଜେପି ନେତା ରାକେଶ ମଲ୍ଲିକ ମଧ୍ୟ ସୋର ବିଧାୟକ ପ୍ରାର୍ଥୀ ଭାବେ ନୋମିନେସନ ଫାଇଲ କରିବାକୁ ପହଞ୍ଚିଛନ୍ତି। ତାଙ୍କୁ ମଧ୍ୟ ଦଳ ନାମାଙ୍କନ ଦାଖଲ ପାଇଁ ଗ୍ରୀନ ସିଗନାଲ ଦେଇଥିବା ସେ କହୁଛନ୍ତି। ଏବେ ପ୍ରଶ୍ନ ଉଠୁଛି, ପ୍ରକୃତରେ ସୋର ଆସନରୁ ବିଜେପିର ଅସଲ ପ୍ରାର୍ଥୀ କିଏ ? ସୂଚନା ଯୋଗ ଯେ, ସୋର ପାଇଁ ବିଜେଡି ମାଧବ ଧଡ଼ାଙ୍କୁ ପ୍ରାର୍ଥୀ କରିଛି।