ସମ୍ବଲପୁର: ଧର୍ମେନ୍ଦ୍ରଙ୍କ ପ୍ରଚାର ସଭାକୁ ଲୋକ ଆସୁନାହାନ୍ତି । ଚେୟାର ଭରା ସଭାରେ ଦେଖାଯାଉଛି ଜନମରୁଡ଼ି । ଗତକାଲି ଧର୍ମେନ୍ଦ୍ର ପ୍ରଧାନ ବଇଣ୍ଡାରେ ବିଜୟ ସଂକଳ୍ପ ସମାବେଶ କରୁଥିଲେ । ମଞ୍ଚରେ ନେତା ଭର୍ତ୍ତି ହୋଇଥିବାବେଳେ ମଞ୍ଚ ତଳ ଥିଲା ଏକଦମ ଖାଲି । ପୂର୍ବରୁ ବି ବିଭିନ୍ନ ସ୍ଥାନରେ ଧର୍ମେନ୍ଦ୍ରଙ୍କ ସଭାକୁ ଲୋକ ଆସୁନଥିବା ଦେଖିବାକୁ ମିଳିଥିଲା । ବାରମ୍ବାର ଏଭଳି ଦୃଶ୍ଯ ଦେଖି ପ୍ରଶ୍ନ ଉଠୁଛି, ଧର୍ମେନ୍ଦ୍ରଙ୍କୁ ପସନ୍ଦ କରୁନାହାନ୍ତି କି ସମ୍ବଲପୁରବାସୀ ।

କେଉଁଠି ଚେୟାର ଖାଲି, କେଉଁଠି ଲୋକ ଉଠିକି ପଳୋଉଛନ୍ତି । ହଜାର ହଜାର ଚେୟାର ପଡ଼଼ିଛି, ହେଲେ ମୁଣ୍ଡ ଗଣିଦେବା ବେଳକୁ ଶହେ ଲୋକ ବି ହେଉନାହାନ୍ତି । ସମ୍ବଲପୁରରେ ଏମିତି ଲୋକହସା ହେଉଛନ୍ତି କେନ୍ଦ୍ରମନ୍ତ୍ରୀ ତଥା ବିଜେପିର ସମ୍ବଲପୁର ଲୋକସଭା ପ୍ରାର୍ଥୀ ଧର୍ମେନ୍ଦ୍ର ପ୍ରଧାନ । ଆଠମଲ୍ଲିକ ବିଧାନସଭା ନିର୍ବାଚନମଣ୍ଡଳିର ବଇଣ୍ଡାଠାରେ ହୋଇଥିବା ଏ ସଭା ଉପରେ ନଜର ପକାନ୍ତୁ । ୧୩ ମେରେ ବିଜେପି ଆୟୋଜନ କରିଥିଲା ବିଜୟ ସଂକଳ୍ପ ସମାବେଶ ।

ସାଂସଦ ପ୍ରାର୍ଥୀ ଧର୍ମେନ୍ଦ୍ର ପ୍ରଧାନଙ୍କ ସହ ଆଠମଲ୍ଲିକ ବିଧାୟକ ପ୍ରାର୍ଥୀ ବି ଉପସ୍ଥିତ ଥିଲେ । ମଞ୍ଚ ସିନା ନେତାରେ ଭର୍ତ୍ତି ହୋଇଥିଲା । ହେଲେ ମଞ୍ଚ ତଳ ଜନଶୂନ୍ଯ । ଏମିତିକି ଧର୍ମେନ୍ଦ୍ର ଭାଷଣ ଦେବାବେଳେ ବି ଲୋକଙ୍କ ଦେଖା ହିଁ ନଥିଲା । ବିଜେପିର ଦୁର୍ବଳ ସଂଗଠନ ଓ ବିଶେଷ କରି ସମ୍ବଲପୁରରେ ଧର୍ମେନ୍ଦ୍ର ପ୍ରଧାନଙ୍କ ଗ୍ରହଣିୟତା ନଥିବା ପ୍ରମାଣିତ କରୁଛି । ବିଜୟ ସଂକଳ୍ପ କାର୍ଯ୍ୟକ୍ରମ କରୁଥିବା ବିଜେପିର ବିଜୟ ପ୍ରତିଶତ କେତେ ଏ ଖାଲି ଚେୟାର ହିଁ ବୟାନ କରୁଛି।

ଶୁଣାଯାଉଛି ଧର୍ମେନ୍ଦ୍ରଙ୍କ ନାଁ ଶୁଣିଲେ କାଳେ ସଭାକୁ ଆସିବାକୁ ଲୋକ ମୁହଁମୁହେଁ ମନା କରିଦେଉଛନ୍ତି । ବଡ଼ ମଞ୍ଚ ସିନା ବନ୍ଧା ହେଉଛି ହେଲେ ହାତଗଣତି ଦଳୀୟ କର୍ମୀଙ୍କ ଛଡ଼ା ସଭାକୁ ଆଉ କେହି ଆସୁନାହାନ୍ତି । ଏମିତିକି ଲୋକ ଆଣିବାକୁ ଧର୍ମେନ୍ଦ୍ର ପ୍ରଚୁର ଟଙ୍କା ବାଣ୍ଟୁଥିବା ଅଭିଯୋଗ ହୋଇଛି । ପୂର୍ବରୁ ବି ଏକାଧିକ ସଭାରେ ଧର୍ମେନ୍ଦ୍ର ହଟାହଟା ହୋଇଥିଲେ । ସମ୍ବଲପୁର ପିଏଚଡି ପଡିଆରେ ଧର୍ମେନ୍ଦ୍ର ଭାଷଣ ଆରମ୍ଭ କରିବା କ୍ଷଣି ଲୋକ ସଭାସ୍ଥଳ ଖାଲି କରି ପଳାଇଥିଲେ । ଏକ ଭଜନ ସମାରୋହରେ ବି ଧର୍ମେନ୍ଦ୍ର ପହଞ୍ଚିବା କ୍ଷଣି ଲୋକେ ଉଠିକି ପଳାଇଥିଲେ ।

(ଫାଭିଓ) ପୂର୍ବରୁ ଦେବଗଡର ସାଂସଦ ଥିଲେ ଧର୍ମେନ୍ଦ୍ର । ହେଲେ ନିଜ କାର୍ଯ୍ୟକାଳ ସମୟରେ ଲୋକସଭା କ୍ଷେତ୍ର ପାଇଁ କୌଣସି ଅବଦାନ ନାହିଁ । ଏପରିକି ଗତ ୧୦ ବର୍ଷ ହେଲା କେନ୍ଦ୍ରରେ ମନ୍ତ୍ରୀ ଥିଲେ ବି ଓଡ଼ିଶା କଥା ଛାଡ଼ନ୍ତୁ ନିଜ ଜନ୍ମମାଟି ପାଇଁ ବି କିଛି କରିନାହାନ୍ତି । ସମ୍ବଲପୁର ପାଇଁ ଧର୍ମେନ୍ଦ୍ରଙ୍କ ଅବଦାନ ଶୂନ୍ । ଏଭଳି ଜଣେ ନେତାଙ୍କୁ କାହିଁକି ସାଂସଦ କରିବୁ ବୋଲି ସମ୍ବଲପୁରବାସୀ ପ୍ରଶ୍ନ କରୁଛନ୍ତି । ଯେଉଁଥି ପାଇଁ ଧର୍ମେନ୍ଦ୍ରଙ୍କୁ ଲୋକ ପସନ୍ଦ ହିଁ କରୁନାହାନ୍ତି ।