ସିଲଭର ସିଟିରେ କାର୍ତ୍ତିକ ପାଣ୍ଡିଆନଙ୍କ ମେଗା ରୋଡ୍ ଶୋ’

କଟକ: ସିଲଭର ସିଟିରେ ବିଜେଡିର ସାନଦାର ଶୋ । ବିଜେଡି ଷ୍ଟାର ପ୍ରଚାରକ କାର୍ତ୍ତିକ ପାଣ୍ଡିଆନଙ୍କ ବିଶାଳ ରୋଡ୍ ଶୋ । ବିକାଶର ସାରଥିଙ୍କ ପାଇଁ ଭାଇଚାରାର ସହରରେ ଲାଗିଲା ଭଲପାଇବାର ଭିଡ଼ । ସ୍ନେହ ଆଦରର ଲମ୍ବାଧାଡ଼ିରେ ପାଣ୍ଡିଆନଙ୍କୁ ସ୍ବାଗତ କଲେ କଟକ ବାସିନ୍ଦା । ସନ୍ଧ୍ଯାରୁ ପ୍ରାୟ ୪ ଘଣ୍ଟା ଧରି ଲୋକାରଣ୍ଯ ପାଲଟିଯାଇଥିଲା ସାରା ସହର । ସବୁଠି କେବଳ ବିଜେଡି ଆଉ ଶଙ୍ଖର ଧ୍ବନୀ ଶୁଭିବା ସହ ସମର୍ଥନର ବିଶାଳ ଶୋଭାଯାତ୍ରା ଆଖି ଝଲସାଇ ଦେଉଥିଲା । ରାସ୍ତାର ଦୁଇ ପାଖ ସମେତ ଏମିତିକି ଛାତ ଉପରେ ରହି ବି ପାଣ୍ଡିଆନଙ୍କୁ ସ୍ବାଗତ କରୁଥିଲେ କଟକ ବାସିନ୍ଦା ।

ଫୁଲ ପକାଇ, ଶଙ୍ଖ ବଜାଇ, ପାରମ୍ପରିକ ବାଜାବାଣ ସହ ଧୁମଧାମରେ ସମସ୍ତେ ପାଣ୍ଡିଆନଙ୍କୁ ସ୍ବାଗତ କରିଥିଲେ । ବିକାଶ ପାଇଁ କୃତଜ୍ଞତା ପ୍ରଦାନ କରି ବିଜେଡିକୁ ହିଁ ସମର୍ଥନ ବୋଲି ସୂଚେଇଦେଇଥିଲେ । ହଜାର ହଜାର ଲୋକଙ୍କ ଭିଡ଼ ଭିତରେ କିଲୋମିଟର କିଲୋମିଟର ଯାଏଁ ଶୋଭାଯାତ୍ରାରେ ଯାଇଥିଲେ ପାଣ୍ଡିଆନ । ଶୋଭାଯାତ୍ରା ସମୟରେ ମାଆ କଟକ ଚଣ୍ଡୀଙ୍କୁ ଦର୍ଶନ କରି ଆଶୀର୍ବାଦ ଭିକ୍ଷା କରିଥିଲେ ।

ବିଜେଡିର ଉଭୟ ସାଂସଦ ଓ ବିଧାନସଭା ପ୍ରାର୍ଥୀଙ୍କୁ ଭୋଟ ଦେବାକୁ ଜନତାଙ୍କୁ ଅନୁରୋଧ କରିଥିଲେ ପାଣ୍ଡିଆନ । ରାଜ୍ଯର ବିକାଶ ପାଇଁ ମୁଖ୍ଯମନ୍ତ୍ରୀ ନବୀନ ପଟ୍ଟନାୟକ ଅହରହ ଉଦ୍ଯମ କରୁଛନ୍ତି । ଫାଇଭ-ଟି ସ୍ପର୍ଶରେ କଟକର ରୂପାନ୍ତରଣ ହୋଇଛି । ଏଣୁ ବିକାଶ ପାଇଁ ନବୀନଙ୍କ ହାତମୁଠାକୁ ଟାଣ କରିବାକୁ ସେ ସମସ୍ତଙ୍କୁ ଆହ୍ବାନ ଦେଇଥିଲେ । ନବୀନଙ୍କୁ ଷଷ୍ଠଥର ମୁଖ୍ଯମନ୍ତ୍ରୀ କରିବାକୁ ଶଙ୍ଖ ଚିହ୍ନରେ ଆଶୀର୍ବାଦ ମାଗିବାକୁ ପାଣ୍ଡିଆନ ।