ନନ୍ଦିଘୋଷ ବ୍ୟୁରୋ: ଆଜିଠାରୁ ଆରମ୍ଭ ହେବ ସଂସଦର ଶୀତକାଳୀନ ଅଧିବେଶନ। ଏହା ୧୯ ତାରିଖ ଯାଏ ଚାଲିବ। ଗୃହକୁ ସୁରୁଖୁରୁରେ ଚଳାଇବା ଲାଗି ସର୍ବଦଳୀୟ ବୈଠକରେ ଆଲୋଚନା ହୋଇଛି। ଏହି ବୈଠକରେ ସ୍ବତନ୍ତ୍ର ଭୋଟର ତାଲିକା ସଂଶୋଧନ ପ୍ରସଙ୍ଗରେ ସଂସଦରେ ସବିଶେଷ ଆଲୋଚନା ଲାଗି ଦାବି କରିଥିଲେ ବିରୋଧୀ। ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିଜୁ କହିଛନ୍ତି- ସର୍ବଦଳୀୟ ବୈଠକ ସଫଳ ହୋଇଛି। ଏଥିରେ ୩୬ ଦଳର ୫୦ରୁ ଅଧିକ ନେତା ଯୋଗ ଦେଇଥିଲେ। ଦେଶରେ ବିଏଲଓମାନେ ଆତ୍ମହତ୍ୟା କରିବା ପ୍ରସଙ୍ଗରେ ବି ସରକାରଙ୍କୁ ଘେରିଥିଲେ ଟିଏମସି ସାଂସଦ। ଏହି ଅଧିବେଶନରେ ୧୪ଟି ବିଲ୍ ଆଗତ ହେବ ବୋଲି ସୂଚନା ମିଳିଛି। ଏହି ଅଧିବେଶନ ବିଭିନ୍ନ ଦୃଷ୍ଟିରୁ ଗୁରୁତ୍ବପୂର୍ଣ୍ଣ ହେବ। ଏହି ଅଧିବେଶନରେ ୧୫ଟି ସିଟିଂ ବସିବ। ଅଧିବେଶନରେ ପ୍ରାଇଭେଟ ମେମ୍ବର୍ସ ବିଲ୍ ଗୁଡିକ ଡିସେମ୍ବର ୫ ଓ ଡିସେମ୍ବର ୧୯ରେ ଆଗତ ହେବ ବୋଲି ଜଣାଯାଇଛି। ସେପଟେ କମ୍ ଦିନ ଲାଗି ହେଉଥିବା ଅଧିବେଶନକୁ ନେଇ ସମାଲୋଚନା କରିଛନ୍ତି ବିରୋଧୀ। ବିଭିନ୍ନ ପ୍ରସଙ୍ଗରେ ସରକାରଙ୍କୁ ଘେରିବା ଲାଗି ବିରୋଧୀ କରିଛନ୍ତି ରଣନୀତି।..
ଦୈନିକ ଖବର କାଗଜ ‘ସକାଳ’ ସ୍ବନକ୍ଷତ୍ର ଦିବସ ଅବସରରେ ମିନିମାରାଥନ
ନନ୍ଦିଘୋଷ ବ୍ୟୁରୋ: ଦୌଡ଼ୁଛି ସାରା ଓଡ଼ିଶା । ଦୈନିକ ଖବର କାଗଜ ‘ସକାଳ’ ସ୍ବନକ୍ଷତ୍ର ଦିବସ ଅବସରରେ ’ସକାଳ’ ଏବଂ ’ନନ୍ଦିଘୋଷ ଟିଭି’ ପକ୍ଷରୁ ମିନିମାରାଥନ । ଭୁବନେଶ୍ବର ସମେତ ରାଉରକେଲା, ବାଲେଶ୍ବର, ସମ୍ବଲପୁର ଏବଂ ଜୟପୁରରେ ଅନୁଷ୍ଠିତ ହେଉଛି ମିନିମାରାଥନ । ଛାତ୍ରଛାତ୍ରୀଙ୍କ ସମେତ ସ୍ଥାନୀୟ ସହରବାସୀମାନେ ଏହି ମାରାଥନରେ ଯୋଗ ଦେଇଛନ୍ତି । ଉତ୍ସାହର ସହ ଦୌଡ଼ୁଥିବା ଦେଖିବାକୁ ମିଳୁଛି ।
ଦିପିନା ମେମୋରିଆଲ ଟୁର୍ଣ୍ଣାମେଣ୍ଟ: ବମ୍ଫକୁଦକୁ ହରାଇ ଦାରୁଥୁଙ୍ଗ ଗଡ଼ ଚାମ୍ପିଅନ
ଦିପିନା ମେମୋରିଆଲ ଟୁର୍ଣ୍ଣାମେଣ୍ଟ: ବମ୍ଫକୁଦକୁ ହରାଇ ଦାରୁଥୁଙ୍ଗ ଗଡ଼ ଚାମ୍ପିଅନ
ନନ୍ଦିଘୋଷ ବ୍ୟୁରୋ: ଶେଷ ହୋଇଛି ଅନ୍ଧାରୁଆ ଜଗନ୍ନାଥ ପ୍ରସାଦ କ୍ରିକେଟ ଟୁର୍ଣ୍ଣାମେଣ୍ଟ । ବମ୍ଫକୁଦ ଟିମକୁ ହରାଇ ଦାରୁଥୁଙ୍ଗ ଗଡ଼ ଚାମ୍ପିଅନ ହୋଇଛି । Arise Youth Clubର ସମସ୍ତ ସଦସ୍ୟ ଆଜିର ମ୍ୟାଚ୍ ପରିଚାଳନା କରିଥିଲେ । ଏହା ଦିପିନା ମେମୋରିଆଲ ଟୁର୍ଣ୍ଣାମେଣ୍ଟ ଭାବେ ଜଣାଶୁଣା ।
ଫାଇନାଲ ମ୍ୟାଚରେ ଅତିଥି ଭାବେ ଭୁବନେଶ୍ୱର ବ୍ଲକର ଅଜିତ୍ ଶ୍ରୀଚନ୍ଦନ, ତପନ ଚକ୍ରବର୍ତ୍ତୀ, ସ୍ଵର୍ଣ୍ଣଲତା ବଳିଆରସିଂ, ଜ୍ଞାନରଞ୍ଜନ ପ୍ରଧାନ, ଜ୍ଞାନରଞ୍ଜନ ମାନସିଂହ (ପୂତୁଲୁ ଭାଈ), ସୁନିଲ୍ ସାହୁ (ଗାନ୍ଧୀ), ଦେବସ୍ମିତା (ମୋନା) ପ୍ରମୁଖ ଉପସ୍ଥିତ ଥିଲେ । ଫାଇନାଲ ପରେ ପୁରସ୍କାର ବିତରଣ ଉତ୍ସବକୁ ରାଜା ସ୍ବାଇଁ ପରିଚାଳନା କରିଥିଲେ ।
ରାଞ୍ଚି ଦିନିକିଆ: ୧୭ ରନରେ ଦକ୍ଷିଣ ଆଫ୍ରିକାକୁ ହରାଇଲା ଭାରତ, ବିରାଟଙ୍କ ଶତକ
ରାଞ୍ଚି ଦିନିକିଆ: ୧୭ ରନରେ ଦକ୍ଷିଣ ଆଫ୍ରିକାକୁ ହରାଇଲା ଭାରତ, ବିରାଟଙ୍କ ଶତକ
ନନ୍ଦିଘୋଷ ବ୍ୟୁରୋ: ଟେଷ୍ଟ ସିରିଜ ପରାଜୟର ପ୍ରତିଶୋଧ ଦିନିକିଆରେ । ରାଞ୍ଚିରେ ଖେଳାଯାଇଥିବା ପ୍ରଥମ ଦିନିକିଆରେ ଦକ୍ଷିଣ ଆଫ୍ରିକାକୁ ପରାସ୍ତ କଲା ଭାରତ । ୩୫୦ ରନର ପିଛା କରି ଦକ୍ଷିଣ ଆଫ୍ରିକା ଦଳ ୪୯.୨ ଓଭରରେ ସମସ୍ତ ଓ୍ବିକେଟ ହରାଇ ୩୩୨ ରନ୍ କରିବାକୁ ସକ୍ଷମ ହୋଇଥିଲା । କିଙ୍ଗ କୋହଲିଙ୍କ ଧୂଆଁଧାର ଶତକ, ରେହିତ ଏବଂ ଅଧିନାୟକ ରାହୁଲଙ୍କ ଅର୍ଦ୍ଧଶତକ ବଳରେ ଭାରତ ୮ ଓ୍ବିକେଟ ହରାଇ ୩୪୯ ରନ୍ କରିଥିଲା । ପରେ କୁଲଦୀପ ଓ ରାଣାଙ୍କ ବୋଲିଂର ଯାଦୁ ଦକ୍ଷିଣ ଆଫ୍ରିକାକୁ ଧରାଶାୟୀ କରି ଦେଇଥିଲା ।
ଟସ୍ ହାରି ବ୍ୟାଟିଂ ଆମନ୍ତ୍ରଣ ପାଇଥିବା ଭାରତର ଦୁଇ ଓପ୍ନର ରୋହିତ ଶର୍ମା ଏବଂ ୟଶସ୍ବୀ ଜୟସଓ୍ବାଲ ଭଲ ଆରମ୍ଭ କରିଥିଲେ । ତେବେ ୧୬ ବଲରୁ ୧୮ ରନ୍ କରି ୟଶସ୍ବୀ ଆଉଟ ହୋଇଯାଇଥିଲେ । ଏହାପରେ କ୍ରିଜରେ ରୋହିତଙ୍କ ସହ ଯୋଗ ଦେଇଥିଲେ ବିରାଟ କୋହଲି । ଦିନିକିଆରୁ ଅବସର ନେଇ ଚର୍ଚ୍ଚାର କେନ୍ଦ୍ର ପାଲଟି ଥିବା ଭାରତର ଏହି ଦୁଇ ଷ୍ଟାର ଦକ୍ଷିଣ ଆଫ୍ରିକ ବୋଲଙ୍କୁ ଧୂଲେଇ କରିବା ଆରମ୍ଭ କରି ଦେଇଥିଲେ । ଫିଲ୍ଡରେ ଚୌକା, ଛକାର ବର୍ଷା ହୋଇଥିଲା । ୫ ଚୌକା, ୩ ଛକା ବଳରେ ୫୧ ବଲରୁ ୫୭ ରନ କରି ରୋହିତ ଆଉଟ ହୋଇଥିଲେ । ହେଲେ ସେତେବେଳକୁ ଭାରତକୁ ଏକ ଭଲ ମୂଳଦୁଆ ଦେଇ ସାରିଥିଲେ । ଏହାପରେ ଋତୁରାଜ ଗାୟକଓ୍ବାଡ କ୍ରିଜକୁ ଆସିଥିଲେ ବି ବିଶେଷ କିଛି କରିପାରି ନଥିଲେ । ସେ ୧୪ ବଲରୁ ମାତ୍ର ୮ ରନ କରି ଆଉଟ ହୋଇଯାଇଥିଲେ । ଓ୍ବାସିଂଟନ ସୁନ୍ଦର ବି ଫେଲ୍ ମାରିଥିଲେ । ୧୯ ବଲରୁ ୧୩ ରନ୍ କରି ଆଉଟ ହୋଇଯାଇଥିଲେ । ଏହାପରେ ଅଧିନାୟକ କେ.ଏଲ. ରାହୁଲ ପିଚକୁ ଆସିଥିଲେ । ବିରାଟଙ୍କ ସହ ମିଶି ଧୂଆଁଧାର ବାଟିଂ ଆରମ୍ଭ କରିଥିଲେ । ଏହାରି ଭିତରେ କୋହଲି ତାଙ୍କ ୫୨ତମ ଶତକ ହାସଲ କରିଥିଲେ । ଆଉ ଏହାପରେ ଦକ୍ଷିଣ ଆଫ୍ରିକା ବୋଳରଙ୍କ ସହ ସେ କେବଳ ଚୌକା, ଛକାରେ କଥା ହୋଇଥିଲେ । କୋହଲି ୧୨୦ ବଲ ଖେଳି ୧୧ ଚୌକା ଓ ୭ ଛକା ସହାୟତାରେ ୧୩୫ ରନ୍ କରି ଆଉଟ ହୋଇଥିଲେ । ବିରାଟଙ୍କ ପରେ ପିଚକୁ ଆସିଥିବା ରବୀନ୍ଦ୍ର ଜାଡେଜା ୨୦ ବଲରୁ ଦ୍ରୁତ ୩୨ ରନ କରିଥିବା ବେଳେ ରାହୁଲ ୫୬ ବଲରୁ ୬୦ ରନର ଗୁରୁତ୍ବପୂର୍ଣ୍ଣ ଇଂନିସ ଖେଳିଥିଲେ । ଦକ୍ଷିଣ ଆଫ୍ରିକା ପକ୍ଷରୁ ମାର୍କୋ ଜନସନ, ଏନ. ବର୍ଗର, ସି. ବସ୍ ଏବଂ ଓ. ବାର୍ଟମ୍ୟାନ ଦୁଇଟି ଲେଖାଏଁ ଓ୍ବିକେଟ ନେଇଥିଲେ ।
୩୫୦ ରନର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ଦକ୍ଷିଣ ଆଫ୍ରିକାର ଆରମ୍ଭ ଭଲ ହୋଇ ନଥିଲା । ହର୍ଷିତ ରାଣା ଏବଂ ଅର୍ଶଦୀପ ସିଂ ଦକ୍ଷିଣ ଆଫ୍ରିକାର ବ୍ୟାଟିଂ ମେରୁଦଣ୍ଡ ଭାଙ୍ଗି ଦେଇଥିଲେ । ଅଧିନାୟକ ଏ. ମାର୍କରମ ୭, ଆର. ରିକକଲଟନ ୦ ଏବଂ ଡି-କକ୍ ବିନା କୌଣସି ରନରେ ବ୍ୟାଭିଲିୟନ ଫେରି ଯାଇଥିଲେ । ୧୧ ରନରେ ତିନି ଓ୍ବିକେଟ ହରାଇ ସଙ୍କଟରେ ଥିବା ଟିମକୁ ଏମ. ବ୍ରିଟଜକ ଏବଂ ଟି. ଜୋରଜି ସମ୍ଭାଳି ଥିଲେ । ଜୋରଜି ୩୯ ରନ କରି ଆଉଟ ହେବା ପରେ ବ୍ରେଭିସ ୩୭ ରନ କରି ଆଉଟ ହୋଇଥିଲେ । ଏହାପରେ ଏମ. ଜନଶନ ଏବଂ ବ୍ରିଟଜକ ଦକ୍ଷିଣ ଆଫ୍ରିକାର ସ୍କୋରକୁ ଆଗକୁ ନେଇଥିଲେ । ଏମିତି ବି ସମୟ ଆସିଥିଲା ଭାରତ ହାତରୁ ମ୍ୟାଚ ଖସିଯିବା ପରି ଲାଗୁଥିଲା । ହେଲେ ବ୍ରିଟଜକ ୭୨ ଏବଂ ଜନଶନ ୭୦ ରନ କରି ଆଉଟ ହେବା ପରେ ମ୍ୟାଚ ପୁଣି ଭାରତ ସପକ୍ଷକୁ ଚାଲି ଆସିଥିଲା । ଏହାପରେ କର୍ବିନ ବୋଶ ଧୂଆଁଧାର ୬୭ ରନର ପାରି ଖେଳିଥିଲେ । ହେଲେ ଶେଷ ଆଡକୁ ଅନ୍ୟ କୌଣସି ଖେଳାଳି ତାଙ୍କୁ ସାଥ ଦେଇ ନଥିଲେ । ଫଳରେ ଟିମ ୩୩୨ ରନ କରି ଅଲଆଉଟ୍ ହୋଇଯାଇଥିଲା । ଭାରତ ପକ୍ଷରୁ କୁଲଦୀପ ଯାଦବ ୪ ଓ୍ବିକେଟ ନେଇଥିବା ବେଳେ ହର୍ଷିତ ରାଣା ୩, ଅର୍ଶଦୀପ ୨ ଏବଂ ପ୍ରସିଦ୍ଧ କ୍ରିଷ୍ଣା ଗୋଟିଏ ଓ୍ବିକେଟ ନେଇଥିଲେ ।
ବନ୍ଦ ହୋଇଯିବ ଆବୁଧାବିକୁ ସିଧା ବିମାନ !
ନନ୍ଦିଘୋଷ ବ୍ୟୁରୋ : ଆବୁଧାବିରୁ ଭୁବନେଶ୍ବର ସିଧା ବିମାନ ବନ୍ଦ ହେବାର ଆଶଙ୍କା ଦେଖାଦେଇଛି। ମୁଖ୍ୟମନ୍ତ୍ରୀଙ୍କ ଉଦ୍ୟମ ପରେ ଜୁନ୍ ୧୨ ତାରିଖରୁ ୬ ମାସ ପାଇଁ ଆରମ୍ଭ ହୋଇଥିବା ବିମାନ ସେବା ଆଗକୁ ବଢିବ କି ନାହିଁ ତାହା ସନ୍ଦେହରେ। ଏହାକୁ ନେଇ ଚିନ୍ତାରେ ପ୍ରବାସୀ ଓଡ଼ିଆ। ସିଧା ବିମାନ ଦ୍ବାରା ଓଡ଼ିଶା ଓ ଗଲ୍ଫ ଦେଶ ମଧ୍ୟରେ ବ୍ୟବସାୟ ଓ ସଂସ୍କୃତିର ବିନିମୟ ହେବା ସହ କମ୍ ଦାମରେ କମ୍ ସମୟରେ ଯିବା ଆସିବା ହୋଇପାରୁଛି। ଏଥିପାଇଁ ରାଜ୍ୟ ସରକାର ପ୍ରୋଇଭେଟ ଅପରେଟର ଇଣ୍ଡିଗୋକୁ ବିମାନ ଚଳାଚଳ ପାଇଁ ଆର୍ଥିକ ସହାୟତା ଯୋଗାଉଛନ୍ତି। ସରକାର ଏହି ସହାୟତା ଜାରି ରଖି ସିଧା ବିମାନ ଚଳାଇବାକୁ କେନ୍ଦ୍ରମନ୍ତ୍ରୀଙ୍କ ସହ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଛନ୍ତି।
ଜୁନ୍ ୧୨, ୨୦୨୫ରେ ଆରମ୍ଭ ହୋଇଥିଲା ଭୁବନେଶ୍ବର-ଆବୁଧାବି ସିଧା ବିମାନ ସେବା। ୬ ମାସ ପାଇଁ ସରକାର ଦେଇଥିଲେ ଭାୟାବିଲିଟି ଗ୍ୟାପ ଫଣ୍ଡ। ଏବେ ଡ଼ିସେମ୍ବର ୧୧ ତାରିଖରୁ ଏହି ସିଧା ବିମାନ ସେବା ବନ୍ଦ ହେବାର ଆଶଙ୍କା ଉପୁଜିଛି। ଏହାକୁ ନେଇ ଚିନ୍ତାରେ ୟୁଏଇରେ ରହୁଥିବା ୧୦ ହଜାର ଓଡ଼ିଆ। ଭୁବନେଶ୍ବର-ଆବୁଧାବି ସିଧା ବିମାନ ଉପରେ ବିହାର, ପଶ୍ଚିମବଙ୍ଗ, ଆନ୍ଧ୍ର ଓ ଓଡ଼ିଶାର ଲୋକେ ନିର୍ଭର କରିଥାନ୍ତି। ସିଧା ବିମାନ ୪ ଘଣ୍ଟା ଲାଗୁଥିବା ବେଳେ ଟିକେଟ ଦର ବି କମ୍ ପଡ଼ୁଛି। ଅପରେଟର ଇଣ୍ଡିଗୋ ଏହି ରୁଟରେ ଲାଭ ନ ହେବା କଥା କହି ବାରମ୍ବାର ବନ୍ଦ କରିଦେବା କଥା କହୁଥିବାରୁ ରାଜ୍ୟ ସରକାର ଭାୟାବିଲିଟି ଗ୍ୟାପ ଫଣ୍ଡ ଯୋଗାଇଛନ୍ତି। ୬ ମାସ ପାଇଁ ଏହା ବଳବତ୍ତର ଥିବା ବେଳେ ଡ଼ିସେମ୍ବର ୧୧ ତାରିଖରୁ ବନ୍ଦ ହେବା ଆଶଙ୍କା ଥିବାରୁ ଏହାକୁ ଚାଲୁ ରଖିବାକୁ ସରକାରଙ୍କୁ ଅନୁରୋଧ କରିଛନ୍ତି ଆବୁଧାବି ପ୍ରବାସୀ ଓଡ଼ିଆ ସମାଜ।
ଆବୁଧାବି, ଦୁବାଇ, ୟୁଏଇ ଭଳି ଗଲ୍ଫ ଦେଶରେ ପ୍ରାୟ ୧୦ ହଜାର ଓଡ଼ିଆ ବସବାସ କରୁଛନ୍ତି। ଓଡ଼ିଶା ମଧ୍ୟରେ ଭାବର ବିନିମୟ ହେଉ କି ସଂସ୍କୃତି, ପରମ୍ପରା କଥା, ପୁଣି ବ୍ୟବସାୟ ପାଇଁ ମଧ୍ୟ ଏହା ରୁଟ ଅେନକ ଗୁରୁତ୍ବ ବହନ କରୁଛି। ସି’ ଫୁଡ଼, ହସ୍ତକଳା, ହସ୍ତଶିଳ୍ପ ଭଳି ଦ୍ରବ୍ୟର ଆଦର ଗଲ୍ଫ ଦେଶରେ ଅନେକ। ପର୍ଯ୍ୟଟନ ସହ ଦ୍ବିପାକ୍ଷିକ ସମ୍ପର୍କ ବୃଦ୍ଧି ପାଇଁ ସିଧା ବିମାନର ଆବଶ୍ୟକତା ରହିଛି। ଆବୁଧାବି ଗଲ୍ଫ ଦେଶର ପ୍ରବେଶ ପଥ ହୋଇଥିବା ବେଳେ ଭୁବନେଶ୍ବରରୁ ସିଧା ବିମାନ ଅେନକ ସହାୟକ ହେଉଛି। ଏହା ସହ ଆବୁଧାବି ବିମାନବନ୍ଦରରେ ୟୁଏସ୍-ଇମିଗ୍ରେସନ କ୍ଲିୟରାନ୍ସର ସୁବିଧା ଥିବାରୁ ସିଧା ବିମାନ ଚଳାଚଳ ଜାରି ରଖିବାକୁ କେନ୍ଦ୍ରମନ୍ତ୍ରୀ, ମୁଖ୍ୟମନ୍ତ୍ରୀ ଓ ବାଣିଜ୍ୟ ପରିବହନ ମନ୍ତ୍ରୀଙ୍କୁ ଚିଠି ଲେଖି ଅନୁରୋଧ କରିଛନ୍ତି ପ୍ରବାସୀ ଓଡ଼ିଆ ସମାଜ।
ଭୁବନେଶ୍ବରରୁ ଆବୁଧାବି ସିଧା ବିମାନ ସପ୍ତାହରେ ୩ ଥର ଇଣ୍ଡିଗୋ ଚଳାଚଳ କରୁଥିବାରୁ ଏଠାରୁ ଆମେରିକା, ୟୁରୋପ ଭଳି ଦେଶକୁ ସିଧା ସଂଯୋଗ ଥିବାରୁ ଯାତ୍ରୀଙ୍କ ପାଇଁ ସୁବିଧା ହେଉଛି। ଦୁବାଇ, ସିଙ୍ଗାପୁର, ବ୍ୟାଙ୍କକକୁ ସିଧା ବିମାନ ଭୁବନେଶ୍ବରରୁ ଚାଲୁଥିବା ବେଳେ ଦେଶ ଭିତରେ ୨୮ଟି ସ୍ଥାନକୁ ସିଧା ବିମାନ ଉଡ଼ୁଛି।
ଆଧୁନିକତା ଛାପରେ ପଶ୍ଚିମ ଓଡିଶାରେ ଆଉ ଶୁଭୁନି କେନ୍ଦେରା ବାଦ୍ୟ ; ମିଳୁନି ଧାନରେ ନିର୍ମିତ ମହାଲକ୍ଷ୍ମୀଙ୍କ ମୂର୍ତ୍ତି
ନନ୍ଦିଘୋଷ ବ୍ୟୁରୋ : ଦୁର୍ଦ୍ଦିନରେ ଦେବ ଗୁରୁ । ଦିନ ଥିଲା ମାର୍ଗଶିର ମାସରେ ଦେବଗୁରୁ ସଂପ୍ରଦାୟର ଲୋକେ ଘରକୁ ଘର ବୁଲି ଧାନରେ ତିଆରି ମହାଲକ୍ଷ୍ମୀ ମୂର୍ତ୍ତି ଦେଇ ଦୁଇ ପଇସା ରୋଜଗାର କରୁଥିଲେ । ହେଲେ ଆଧୁନିକ ଯୁଗରେ ସେ ଆଉ ଚାଲୁନି । ଫଳରେ ଦୁର୍ଦ୍ଦିନରେ ଦିନ କାଟୁଛନ୍ତି ଅନେକ ଲୋକେ ।
ଆଧୁନିକତା ଛାପରେ ଆଉ ଶୁଭୁନି କେନ୍ଦେରା ବାଦ୍ୟ । କଳାହାଣ୍ଡି ଜିଲ୍ଲା ଧର୍ମଗଡରେ ଆଉ ଗୁଞ୍ଜରିତ ହେଉନି ଦେବଗୁରୁ ସଂପ୍ରଦାୟ ଲୋକଙ୍କ ଗୁଣୁଗୁଣୁ ଗୀତ । ଦିନ ଥିଲା ଦେବଗୁରୁ ସମ୍ପ୍ରଦାୟର ଲୋକେ କାର୍ତ୍ତିକ ଓ ମାର୍ଗଶିର ଦୁଇ ମାସ ଘରକୁ ଘର ବୁଲୁଥିଲେ । ପ୍ରତି ଘରେ ଧାନରେ ତିଆରି ଲକ୍ଷ୍ମୀ ମୂର୍ତ୍ତି ଦେଇ ଦୁଇ ପଇସା ରୋଜଗାର କରିବା ସହ ଧାନ ସଂଗ୍ରହ କରି ପରିବାର ପ୍ରତିପୋଷଣ କରୁଥିଲେ । ହେଲେ ଏବେ ପଶ୍ଚିମ ଓଡ଼ିଶାରେ ଆଉ ଶୁଭୁନି କେନ୍ଦେରା ବାଦ୍ୟ । ବୁଡ଼ିବାକୁ ବସିଲାଣି ଦେବଗୁରୁ ସଂପ୍ରଦାୟ ଲୋକଙ୍କ କୌଳିକ ବୃତ୍ତି l
ବର୍ତ୍ତମାନ ଯୁଗରେ ରୌପ୍ୟ ବ୍ରୋଞ୍ଜ, କଂସା ଓ ପିତଳ ତିଆରି ସାମଗ୍ରୀ ଜିନିଷର ଚାହିଦା ବଢିଗଲାଣି । ଫଳରେ ଦିନକୁ ଦିନ ଦେବଗୁରୁ ସଂପ୍ରଦାୟ ଲୋକଙ୍କ କୂଳ ବେଉସା ବୁଡିବାକୁ ବସିଲାଣି । ଜାଗା ବାଡି ନ ଥିବା ଏହି ସମ୍ପ୍ରଦାୟ ଲୋକଙ୍କୁ ପୁର୍ବ ସରକାର ସମୟରେ ଘର ଖଣ୍ଡିଏ ଯୋଗାଇ ଦିଆଯାଇଥିଲା । ହେଲେ ଏବକାର ସରକାର ସେମାନଙ୍କ ଦୁଃଖ ବୁଝୁନଥିବା ଅଭିଯୋଗ ହୋଇଛି ।
ଦିଲ୍ଲୀ ପୋଲିସ କବଜାରେ ତିନି ଆତଙ୍କବାଦୀ, ପାକିସ୍ତାନୀ ଗ୍ୟାଙ୍ଗଷ୍ଟର ଶହଜାଦ ସହ ସମ୍ପର୍କ
ଦିଲ୍ଲୀ ପୋଲିସ କବଜାରେ ତିନି ଆତଙ୍କବାଦୀ, ପାକିସ୍ତାନୀ ଗ୍ୟାଙ୍ଗଷ୍ଟର ଶହଜାଦ ସହ ସମ୍ପର୍କ
ନନ୍ଦିଘୋଷ ବ୍ୟୁରୋ: ଦିଲ୍ଲୀ ପୋଲିସର ସ୍ପେଶାଲ ସେଲ ହାତରେ ତିନି ପାକିସ୍ତାନୀ ଆତଙ୍କବାଦୀ । ପାକିସ୍ତାନ ଗୁଇନ୍ଦା ସଂସ୍ଥା ଆଇଏସଆଇ ସହ ଏମାନଙ୍କ ସମ୍ପର୍କ ଥିବା ସୂଚନା । ଏମାନେ ପାକିସ୍ତାନୀ ଗ୍ୟାଙ୍ଗଷ୍ଟର ଶହଜାଦ ଭଟ୍ଟି ଗ୍ୟାଙ୍ଗର ବୋଲି କୁହାଯାଉଛି । ଦିଲ୍ଲୀ ଲାଲକିଲ୍ଲା ବିସ୍ଫୋରଣ ସହ ଏହି ଗିରଫଦାରୀକୁ ଜୋଡି ଦେଖାଯାଉଛି । ତେବେ ଦିଲ୍ଲୀ ବ୍ଲାଷ୍ଟର ମୁଖ୍ୟ ଅଭିଯୁକ୍ତ ଡକ୍ଟର ଉମର ଉନ ନବୀ ସହ ଏମାନଙ୍କ ସାଧାସଳଖ ସମ୍ପର୍କ ଥିବା ନେଇ ସୁରକ୍ଷା ଏଜେନ୍ସି ସ୍ପଷ୍ଟ କରିନାହାନ୍ତି । ଏମାନେ ଉତ୍ତର ଭାରତରେ ରହୁଥିବା ବେଳେ ଆଇଏସଆଇ ସମ୍ପର୍କରେ ଥିଲେ ।
ଏହି ଗିରଫଦାରୀ ପରେ ଦିଲ୍ଲୀ ବ୍ଲାଷ୍ଟକୁ ନେଇ ନୂଆ ଦିଗ ପଦାକୁ ଆସିଛି । ଦିଲ୍ଲୀ ବ୍ଲାଷ୍ଟରେ କେବଳ ଆତଙ୍କବାଦୀ ସଂଗଠନ ସାମିଲ ନଥିଲେ । ଏମାନଙ୍କ ସହ ପାକିସ୍ତାନର ବଡ଼ ଗ୍ୟାଙ୍ଗଷ୍ଟର ଶହଜାଦ ଭଟ୍ଟି ବି ସାମିଲ ଥିବା ଜଣାପଡ଼ିଛି । ସମସ୍ତ ଆତଙ୍କବାଦୀଙ୍କୁ ଉତ୍ତର ପ୍ରଦେଶ, ପଞ୍ଜାବ ଓ ମଧ୍ୟ ପ୍ରଦେଶରୁ କରାଯାଇଛି ।
କିଏ ଏହି ଶହଜାଦ ଭଟ୍ଟି ?
ପାକିସ୍ତାନର ପଞ୍ଜାମ ପ୍ରାନ୍ତର ମୂଳ ବାସିନ୍ଦା ହେଉଛି ଶହଜାଦ ଭଟ୍ଟି । ତା’ପାଖରେ ମରକ୍କାନ ପାସପୋର୍ଟ ଅଛି ଓ ସେ ୟୁଏଇରେ ଆକ୍ଟିଭ ରହିଛି । ନିଜକୁ ଇସଲାମ ଓ ପାକିସ୍ତାନର ସିପାହୀ କହି ସୋସିଆଲ ମିଡ଼ିଆରେ ଭିଡିଓ ପକାଇଥାଏ । ଲରେନ୍ସ ବତଷ୍ଣୋଇ ଗ୍ୟାଙ୍ଗ ସହ ତା’ର ଅସ୍ତ୍ରଶସ୍ତ୍ର ଚୋରା ଚାଲାଣରେ ପାର୍ଟନରସିପ ଥିଲା । ହେଲେ ୨୦୨୫ରେ ଉଭୟଙ୍କ ମଧ୍ୟରେ ଶତ୍ରୁତା ବଢ଼ିଯାଇଥିଲା । ୨୦୨୫ ଏପ୍ରିଲରେ ପହଲଗାମ ଟେରର ଆଟାକ ପରେ ବିଷ୍ଣୋଇ ଗ୍ୟାଙ୍ଗ ପାକିସ୍ତାନ ଉପରେ ଆକ୍ରମଣ କରିବାକୁ ଧମକ ଦେଇଥିଲା । ଏହାର ଜବାବରେ ଭଟ୍ଟି ଭିଡିଓ ଜାରି କରି ସିଦ୍ଧୁ ମୁସେଓ୍ବାଲା (୨୦୨୨) ଓ ବାବା ସିଦ୍ଦିକି (୨୦୨୪) ହତ୍ୟା ଉପରୁ ପରଦା ଉଠାଇବାକୁ ଧମକ ଦେଇଥିଲା । ତା’ ପାଖରେ ପଲିଟିସିଆନ, ଫଣ୍ଡିଂ ଓ ଅସ୍ତ୍ରଶସ୍ତ୍ରକୁ ନେଇ ରେକର୍ଡିଂ ରହିଥିବା କହିଥିଲା ।
କୋମାରେ ଅକ୍ସିଜେନ ପ୍ଲାଣ୍ଟ ଲାଗୁନି ରୋଗୀଙ୍କ ହିତରେ ; ନିର୍ମାଣର ୫ ବର୍ଷ ପରେ ବି ହେଉନି କାର୍ଯ୍ୟକ୍ଷମ
ନନ୍ଦିଘୋଷ ବ୍ୟୁରୋ : କେବେ କାର୍ଯ୍ୟକ୍ଷମ ହେବ ଅକ୍ସିଜେନ ପ୍ଲାଣ୍ଟ । ନିର୍ମାଣର ୫ ବର୍ଷ ପରେ ବି ହେଉନି କାର୍ଯ୍ୟକାରୀ । କୋଭିଡ ସମୟରେ ଗୁରୁତର ରୋଗୀଙ୍କୁ ଅକ୍ସିଜେନ ଯୋଗାଇଦେବା ଲକ୍ଷ୍ୟରେ ଗୁଣୁପୁର ଉପଖଣ୍ଡ ମେଡିକାଲ ପରିସରରେ ଅକ୍ସିଜେନ ପ୍ଳାଣ୍ଟ ସ୍ଥାପନ କରାଯାଇଥିଲା । ହେଲେ ପ୍ଲାଣ୍ଟଟି କାର୍ଯ୍ୟକ୍ଷମ ହୋଇପାରୁନି । ଏହାକୁ ନେଇ ପ୍ରକାଶ ପାଇଛି ଅସନ୍ତୋଷ।
କୋମାରେ ଅକ୍ସିଜେନ ପ୍ଲାଣ୍ଟ । ଲାଗୁନି ରୋଗୀଙ୍କ ହିତରେ । ନିର୍ମାଣର ୫ ବର୍ଷ ପରେ ବି ହେଉନି କାର୍ଯ୍ୟକ୍ଷମ । ନିଘୋଡ଼ ନିଦ୍ରାରେ ଜିଲ୍ଲା ସ୍ଵାସ୍ଥ୍ୟ ବିଭାଗ । କୋଭିଡ ସମୟରେ ଗୁରୁତର ରୋଗୀଙ୍କୁ ଅକ୍ସିଜେନ ଯୋଗାଇଦେବା ଲକ୍ଷ୍ୟରେ ରାୟଗଡ ଜିଲ୍ଲା ଗୁଣୁପୁର ଉପଖଣ୍ଡ ମେଡିକାଲ ପରିସରରେ ଅକ୍ସିଜେନ ପ୍ଲାଣ୍ଟ ସ୍ଥାପନ କରାଯାଇଥିଲା । ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କ ପକ୍ଷରୁ ୨ କୋଟିରୁ ଉର୍ଦ୍ଧ୍ଵ ଟଙ୍କାରେ ନିର୍ମାଣ ହୋଇଥିବା ପ୍ଲାଣ୍ଟର ଦାୟିତ୍ଵ ହିନ୍ଦୁସ୍ଥାନ ପେଟ୍ରୋଲିୟମ କର୍ପୋରେସେନକୁ ଦିଆଯାଇଥିଲା । ଦୀର୍ଘ ଦିନ ହେଲା ୪୫୦ ଏଲ.ପି.ଏମ୍ କ୍ଷମତା ବିଶିଷ୍ଟ ପ୍ଲାଣ୍ଟ କାମ ସରିଲାଣି । ବିଭିନ୍ନ ୱାର୍ଡକୁ ଅକ୍ସିଜେନ ଯୋଗାଇବା ପାଇଁ ପାଇପ ଲାଇନ ବିଛା ବି ସରିଛି । ହେଲେ ଅକ୍ସିଜେନ ପ୍ଲାଣ୍ଟ କାର୍ଯ୍ୟକ୍ଷମ ହୋଇନଥିବାରୁ ପ୍ରକାଶ ପାଇଛି ପ୍ରତିକ୍ରିୟା।
ଗୁଣପୁର ଉପଖଣ୍ଡ ମେଡିକାଲ ଉପରେ ଦୈନିକ ଶତାଧିକ ରୋଗୀ ନିର୍ଭର କରନ୍ତି । ହେଲେ ମେଡିକାଲରେ ଭିତ୍ତିଭୂମି ସୁଦୃଢ ନଥିବାରୁ ରୋଗୀମାନେ ଉତ୍ତମ ସ୍ଵାସ୍ଥ୍ୟସେବା ପାଇବାରୁ ବଞ୍ଚିତ ହେଉଛନ୍ତି। ଗୁଣୁପୁର ଉପଖଣ୍ଡ ଚିକିତ୍ସାଳୟରେ ନିର୍ମାଣଧୀନ ପ୍ଲାଣ୍ଟଟି ଯାନ୍ତ୍ରିକ ତୃଟି କାରଣରୁ ଅଚଳ ଅଛି ବୋଲି କହିଛନ୍ତି ଜିଲ୍ଲା ମୁଖ୍ୟ ଚିକିତ୍ସାଧିକାରୀ ।
ସଭ୍ୟ ସମାଜରେ କୁତ୍ସିତ ବାସନ୍ଦ ପ୍ରଥା, ନଣନ୍ଦ-ଭାଉଜଙ୍କ କଳି ; ଗାଁରୁ ଉଠିଲାନି ଶବ
ନନ୍ଦିଘୋଷ ବ୍ୟୁରୋ : ନଣନ୍ଦ ଭାଉଜ କଳିରେ ଶବ ପଡିଲା ବଳି । ବାସନ୍ଦ ନାଁରେ ଗାଁରୁ ଉଠିଲାନି ଶବ। ଦୀର୍ଘ ୨୦ ଘଣ୍ଟା ଧରି ଘରେ ପଡି ରହିଲା ମୃତଦେହ । ଗଞ୍ଜାମ ଧରାକୋଟ ଥାନା କମାଶାସନ ଗାଁରେ ଦେଖିବାକୁ ମିଳିଛି ଅଭାବନୀୟ ଘଟଣା । ଶବ ସତ୍କାର ପାଇଁ ଗାଁ ଲୋକେ ରାଜିଥିବା ବେଳେ ବୋହୂ ନାଁରେ ଥିବା ୪ ଲକ୍ଷ ଟଙ୍କା ପ୍ରଦାନ ସହ ସାମାଜିକ ବାସନ୍ଦ ଉଠାଇବାକୁ ଅଡିବସିଥିଲେ ଦୁଇ ଝିଅ । ପୋଲିସର ବୁଝାସୁଝା ପରେ ମୃତକଙ୍କ ହେଲା ଶବ ସତ୍କାର ।
ସଭ୍ୟ ସମାଜରେ କୁତ୍ସିତ ବାସନ୍ଦ ପ୍ରଥା । ବାସନ୍ଦ ନାଁରେ ଗାଁରୁ ଉଠିଲାନି ଶବ । ଦୀର୍ଘ ୨୦ ଘଣ୍ଟା ଧରି ଘରେ ପଡି ରହିଲା ମୃତଦେହ । ଗାଁରେ ଜଳିଲାନି ଚୁଲି । ଠପ ହୋଇଗଲା ଦେବ କାର୍ଯ୍ୟ । ଗଞ୍ଜାମ ଧରାକୋଟ ଥାନା କମାଶାସନ ଗାଁରେ ଦେଖିବାକୁ ମିଳିଛି ଏଭଳି ଅମାନବୀୟ ଘଟଣା । ଗାଁର ୬୫ ବର୍ଷୀୟା ବୃଦ୍ଧା ଏସ୍.ରତ୍ନlଲୁ ରେଡ୍ଡୀଙ୍କ ଦେହାନ୍ତ ପରେ ଘରେ କୋଡିଏ ଘଣ୍ଟା ଧରି ଶବ ପଡିରହିଥିଲା । ପୂର୍ବରୁ ରତ୍ନାଲୁଙ୍କ ସ୍ଵାମୀ ଓ ଦୁଇ ପୁଅଙ୍କ ମୃତ୍ୟୁ ଘଟିଥିବା ବେଳେ ପାଖରେ ଥିଲେ ଦୁଇ ଝିଅ । ଶବ ସତ୍କାର ପାଇଁ ଗାଁ ଲୋକେ ରାଜିଥିବା ବେଳେ ବୋହୂ ନାଁରେ ଥିବା ୪ ଲକ୍ଷ ଟଙ୍କା ପ୍ରଦାନ ସହ ସାମାଜିକ ବାସନ୍ଦ ଉଠାଇବାକୁ ଅଡିବସିଥିଲେ ଦୁଇ ଝିଅ । ସ୍ଥାନୀୟ ଲୋକେ ଓ ପୋଲିସର ବୁଝାସୁଝା ପରେ ମୃତକଙ୍କ ଶବ ସତ୍କାର କରାଗଲା ।
ମୃତକ ରତ୍ନାଲୁ ରେଡ୍ଡୀ ତାଙ୍କ ସ୍ଵାମୀ ଓ ଦୁଇ ପୁଅଙ୍କ ମୃତ୍ୟୁ ପରେ ବଡ ବୋହୂ ପାଖରେ ନରହି ସାନ ଝିଅ ପାଖରେ ରହୁଥିଲେ । ପୂର୍ବରୁ ତାଙ୍କ ନାଁରେ ଥିବା ଏକ ଜମିକୁ ବିକ୍ରି କରି ଦୁଇ ଝିଅ ଓ ବିଧବା ବୋହୂ ମଧ୍ୟରେ ସମସ୍ତ ଟଙ୍କା ବାଣ୍ଟି ଦେଇଥିଲେ । ସେଥିରୁ ବଳକା ୪ ଲକ୍ଷ ଟଙ୍କା ତାଙ୍କର ଶୁଦ୍ଧଘର ପାଇଁ ବୋହୂ ନାମରେ ରହିଥିଲା । ଏବଂ ତାଙ୍କ ନାଁରେ ଥିବା ନିଜ ଘରକୁ ସାନ ଝିଅ ନାଁରେ ଲେଖାଇଦେଇଥିଲେ । କିନ୍ତୁ ବୋହୂ ତାକୁ ଗ୍ରହଣ କରିପାରି ନଥିଲେ । ଘଟଣା ଗାଁ ଲୋକଙ୍କ ପାଖରେ ବିଚାରଧୀନ ଥିଲା । ତେଣୁ ଗାଁରେ ମୃତକ ରତ୍ନାଲୁ ଓ ତାଙ୍କ ଝିଅଙ୍କ ସହ କେହି କଥାବାର୍ତ୍ତା କରୁନଥିଲେ । ଦୁଇ ଝିଅ ଓ ମାଆଙ୍କୁ ବାସନ୍ଦ କରାଯାଇଥିବା ନେଇ ଧରାକୋଟ ଥାନାରେ ଅନେକ ଥର ଅଭିଯୋଗ ହୋଇଥିଲେ ସୁଦ୍ଧା କୌଣସି ସମାଧାନ ହୋଇପାରିନଥିଲା । ମାଆଙ୍କ ମୃତ୍ୟୁ ପରେ ଝିଅ ମାନେ ୪ ଲକ୍ଷ ଟଙ୍କା ଦାବି କରିବା ସହ ବାସନ୍ଦ ପ୍ରଥା ଉଠାଇବାକୁ ଅଡି ବସିଥିଲେ । ଅନ୍ୟପଟେ ବାସନ୍ଦ କଥାକୁ ଖଣ୍ଡନ କରିଛନ୍ତି ଗାଁ ସଭାପତି ।
ରାଞ୍ଚିରେ କୋହଲିଙ୍କ ବିରାଟ ସ୍କୋର, ମାରିଲେ ୫୨ ତମ ଶତକ
ରାଞ୍ଚିରେ କୋହଲିଙ୍କ ବିରାଟ ସ୍କୋର, ମାରିଲେ ୫୨ ତମ ଶତକ
ନନ୍ଦିଘୋଷ ବ୍ୟୁରୋ: ରୋହିତ ଶର୍ମା ଓ ବିରାଟ କୋହଲିଙ୍କ ଅବସରକୁ ନେଇ ନାନା କଳ୍ପନାଜଳ୍ପନା ଲାଗି ରହିଥିବା ବେଳେ ଆଜି ଉଭୟ ରାଞ୍ଚି ଦିନିକିଆରେ ଦକ୍ଷିଣ ଆଫ୍ରିକା ବୋଳଙ୍କୁ ଧୂଲେଇ କରିଛନ୍ତି । ରୋହିତ ୫୭ ରନ୍ କରି ଆଉଟ୍ ହୋଇଥିବା ବେଳେ ବିରାଟ ତାଙ୍କ ୫୨ତମ ଶତକ ପୂରଣ କରିଛନ୍ତି । ବିରାଟ ୧୧୯ ବଲରୁ ୧୩୫ ରନ୍ କରିଛନ୍ତି । ଆଉ ଏହି ଶତକ ସହ ଦିନିକିଆରୁ ତାଙ୍କୁ ଅବସର ନେଇଯିବା କଥା କହୁଥିବା ସମାଲୋଚକଙ୍କ ମୁହଁ ବନ୍ଦ କରି ଦେଇଛନ୍ତି । ଦକ୍ଷିଣ ଆଫ୍ରିକା ବିପକ୍ଷରେ ଭାରତ ୦-୨ରେ ସିରିଜ ହାରିଥିବା ବେଳେ ସମସ୍ତଙ୍କ ନଜର ଦିନିକିଆ ସିରିଜ ଉପରେ ଥିଲା । ଏହି ଶତକ ବଳରେ ବିରାଟ ସମାଲୋଚକ ବିଶେଷ କରି ବିସିସିଆଇରେ ନିଷ୍ପତ୍ତି ନେଉଥିବା ବ୍ୟକ୍ତିଙ୍କୁ ଜବାବ ଦେଇଛନ୍ତି ।
ଅଷ୍ଟ୍ରେଲିଆ ଗସ୍ତରେ ଦିନିକିଆ ସିରିଜରେ ଇଣ୍ଟରନ୍ୟାସନାଲ କ୍ରିକେଟକୁ ଫେରିଥିବା କୋହଲିଙ୍କ ପାଇଁ ସିରିଜ ଏତେ ଭଲ ନଥିଲା । ହେଲେ ରାଞ୍ଚିରେ ସାଉଥ ଆଫ୍ରିକା ବିପକ୍ଷ ପ୍ରଥମ ଦିନିକିଆରେ ଶତକ ମାରି ପ୍ରଶଂସକଙ୍କୁ ଖୁସି କରିଦେଇଛନ୍ତି । ସୂଚନାଯୋଗ୍ୟ ଏହି ଷ୍ଟାଡିୟମରେ ବିରାଟ ପୂର୍ବରୁ ଦୁଇଟି ଶତକ ମାରିଛନ୍ତି ।