ଖୋର୍ଦ୍ଧା ଜିଲ୍ଲା ବାଣପୁର ର ଗଣପର୍ବ ଐତିହାସିକ ପଞ୍ଚୁ୍ଦୋଳ ଯାତ୍ରା l ଏହି ପଞ୍ଚୁ୍ଦୋଳ ଯାତ୍ରା ଟି ବାଣପୁରର ଐତିହାସିକ ପଲଟଣ ପଡିଆ ଠାରେ ଦୁଇଦିନ ଧରି ଅନୁଷ୍ଠିତ ହେଉଥିବା ବେଳେ l ପଞ୍ଚୁଦୋଳ ଯାତ୍ରାର ମେଳଣ ପର୍ବ ପ୍ରାୟ ଏକ ଘଣ୍ଟାଧରି ଧୁମ ଧାମରେ ପାଳିତ ହୋଇଯାଇଛି । ପ୍ରାୟ ୩୫୦ବର୍ଷ ତଳରୁ ବାଣପୁରର ଏହି ଗଣପର୍ବ ପାଳନ ହୋଇ ଆଶୁଥିବା ବେଳେ । ଚଳିତ ବର୍ଷ ଦୋଳ ପୂର୍ଣ୍ଣମାର ପଞ୍ଚାଦିନ ପରେ ବା ରବିବାର ରାତ୍ର ପ୍ରାୟ 2ଟା ପରେ l ପଞ୍ଚୁ୍ଦୋଳ ଯାତ୍ରାର ସ୍ଥାନାଧିପତି ଚରଣ ଚକାଦେବ..ମା’ ଭଗବତୀଙ୍କୁ ନିମନ୍ତ୍ରଣ କରିଥିଲେ l ମା ଭଗବତୀ ପଞ୍ଚୁ୍ଦୋଳ ପଡିଆରେ ଥିବା ଆସ୍ଥାନରେ ବିଜେ କରିବା ପରେପରେ ଉମାମହେଶ୍ୱର ଦେବ, ରଙ୍କନାଥ ଦେବ, ରଘୁନାଥ ଦେବ, ରାମେଶ୍ୱର ଦେବ ଆଦି ପ୍ରଭୁମାନେ ଆସ୍ଥାନ ବିଜେ କରୁଥିଲେ l ଏହା ପରେ ବିଭିନ୍ନ ଗ୍ରାମରୁ ଆସିଥିବା ଠାକୁର ମାନେ ମେଳଣ ପଡିଆକୁ ଆସି ନିଜ ନିଜ ଆସ୍ଥାନରେ ବିଜେ କରିଥିଲେ । ତେବେ ଚଳିତ ବର୍ଷ 82ଟି ବିମାନରେ 166 ଦେବା ଦେବୀ ବିଜେ କରିଥିଲେ l

ସର୍ବ ପ୍ରଥମେ ମା’ ଭଗବତୀ ଓ ଚରଣ ଚକାଦେବ ପଞ୍ଚୁ୍ଦୋଳ ଯାତ୍ରାର ମେଳଣ ପଡିଆରେ ପ୍ରବେଶ କରି ଆସନ ଗ୍ରହଣ କରିବାପରେ l ଅନ୍ୟାନ୍ୟ ଦେବାଦେବୀ ମାନେ ସୁସଜିତ ଦୋଳ ବିମାନରେ ପାଟ ପଟୁଆର ରେ ଆସି ମେଳଣ ପଡିଆରେ ଥିବା ନିଜ ନିଜର ଅସ୍ଥାନରେ ବିଜେ କରିଥିଲେ । ସକାଳ 6ଟା ସମୟରୁ ପଲଟନ ପଡିଆର ଛାୟା ମଣ୍ଡପ ଠାରେ ସଂକୀର୍ତ୍ତନ ପ୍ରତିଯୋଗିତା ଆରମ୍ଭ ହୋଇଥିବା ବେଳେ l ପ୍ରାୟ ଦିନ 3ଟା ସମୟରେ ପ୍ରତିଯୋଗିତା ଶେଷ ହୋଇଥିଲା l ଏହାସହିତ ଅନ୍ୟାନ୍ୟ ସାଂସ୍କୃତିକ କାର୍ଯ୍ୟକ୍ରମର ଆସର ଜମିଥିଲା।

ସୋମବାର ମେଳଣ ପର୍ବରେ ପଞ୍ଚୁଦୋଳ କମିଟି ତରଫରୁ ଶୋଭାଯାତ୍ରା ନିମନ୍ତେ ଶ୍ରୀ ଶ୍ରୀ ଭେଟିନାଥ ଦେବ ଭେଟେଶ୍ୱର .ପ୍ରଥମ ସ୍ଥାନ ଅଧିକାର କରିଥିବା ବେଳେ l ଗାଲୁଆ ଗ୍ରାମର ଶ୍ରୀ ଶ୍ରୀ ବାବା .ଗୁପ୍ତେଶ୍ଵର ମହାଦେବ ଦ୍ୱିତୀୟ ସ୍ଥାନ ଗ୍ରହଣ କରିଥିବା ବେଳେ l ତୃତୀୟ ସ୍ଥାନରେ ମା, ଭଗବତୀ ଦେବୀ ବାଣପୁର ଦକ୍ଷେଶ୍ୱର ସାହି ଙ୍କୁ ଚୟନ କରାଯାଇ ଥିଲା l ଏଥିରେ ଜିଲ୍ଲାପାଳ ଅମ୍ରିତା ଋତୁରାଜ, ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ,ଜିଲ୍ଲା ଆରକ୍ଷୀ ଅଧିକାରୀ ବିବେକାନନ୍ଦ ଶର୍ମା , ପଞ୍ଚୁ୍ଦୋଳ କମିଟିର ଉପସଭାପତି ଅମର କାଣ୍ଡି, ସମ୍ପାଦକ ମାଧବ ଚନ୍ଦ୍ର ବାରିକି, ଜିଲ୍ଲାପରିଷଦ ଉପାଧ୍ୟକ୍ଷ ଗୋପୀନାଥ ମହାରଣା, ପ୍ରଭୃତି ପୁରସ୍କାର ବିତରଣ କରିଥିଲେ।

ଗତକାଲି ସନ୍ଧ୍ୟାରୁ ଆଜି ଦିନ ତମାମ ହଜାର ହଜାର ସଂଖ୍ୟାର ଲୋକମାନେ ମେଳଣ ପଡିଆକୁ ଯାତାୟାତ କରୁଥିବା ବେଳେ । ଶ୍ରଦ୍ଧାଳୁମାନେ ପଞ୍ଚୁଦୋଳ ପଡିଆରେ ପହଞ୍ଚି ଦେବାଦେବୀଙ୍କ ଆଶୀର୍ବାଦ ଲାଭ କରିବା ସହ ଆନନ୍ଦ ଅନୁଭବ କରିଥିଲେ l
ଏହି ପଞ୍ଚୁ୍ଦୋଳ ଯାତ୍ରାରେ ବିଭିନ୍ନ ପ୍ରକାରର ଦୋକାନ ବଜାର ମାନ ଖୋଲା ଯାଇଥିବା ବେଳେ l ମହିଳା ଓ ପୁରୁଷ ମାନେ ଘର ସରଞ୍ଜାମ ନିମନ୍ତେ ଖଟ ପଲଙ୍କ, ଲୁହା ସାମଗ୍ରୀ ସମେତ ପିଲା ମାନଙ୍କ ନିମନ୍ତେ ଖେଳନା ସାମଗ୍ରୀ କିଣାବା ସହ..ସୁସ୍ୱାଦୁ ଖାଦ୍ୟର ମଜା ନେଇଥିଲେ। ଚଳିତ ବର୍ଷ ପଞ୍ଚୁ୍ଦୋଳ ଯାତ୍ରାରେ ଲକ୍ଷାଧିକ ଲୋକଙ୍କ ସମାଗମ ହୋଇଥିଲା। ଏଥିସହିତ ଛୋଟ ବଡ଼ ପିଲାମାନେ ବିଭିନ୍ନ ପ୍ରକାର ଦୋଳିରେ ବସି ମଜା ନେଉଥିଲେ l

ଅପରାହ୍ନର ଗୋଧୂଳି ସମୟରେ ସବୁ ଦେବଦେବୀ ଯଂଜ୍ଞ ମଣ୍ଡପ ଠାରେ ରୁଣ୍ଡହୋଇ l ମେଳନ ନିମନ୍ତେ ଯଜ୍ଞ ମଣ୍ଡପର ଚତୁଃପାର୍ଶ୍ଵରେ ପରିକ୍ରମା କରିଥିଲେ l ଏହି ମେଳନ ସମୟରେ ମା,ଭଗବତୀ ଓ ଚନ୍ଦ୍ରଶେଖରଙ୍କର ମିଳନ ହୋଇଥିଲା। ପରେ ପରେ ସମସ୍ତ ଦେବାଦେବୀ ମେଳଣ ପର୍ବରେ ସାମିଲ ହୋଇ ଯଂଜ୍ଞ ମଣ୍ଡପକୁ ସାତଥର ପରିକ୍ରମା କରିଥିଲେ l ମା’ ଭଗବତୀ ପ୍ରଥମେ ମେଳଣ ପଡିଆରୁ ପ୍ରତ୍ୟାବର୍ତନ କଲାପରେ ଅନ୍ୟ ଠାକୁର ମାନେ ମେଳଣ ପଡିଆରୁ ନିଜ ନିଜ ମନ୍ଦିର ଅଭିମୁଖେ ପ୍ରତ୍ୟାବର୍ତନ କରିଥିଲେ l

ପଞ୍ଚୁ୍ଦୋଳ ଯାତ୍ରାନିମନ୍ତେ l ବିଭିନ୍ନ ଅନୁଷ୍ଠାନ ପକ୍ଷରୁ ଲୋକମାନଙ୍କ ପାଇଁ ପାନୀୟ ଜଳ ବିତରଣ କେନ୍ଦ୍ର ଖୋଲାଯାଇ ଜଳ ପ୍ରଦାନ କରାଯାଇଥିଲା l ବହୁ ସଂଖ୍ୟକ ଲୋକଙ୍କ ସମାଗମକୁ ଦେଖି ପୋଲିସ ପ୍ରଶାସନ ତରଫରୁ ବାଲୁଗାଁ ଏସ୍ଡ଼ିପିଓ ସଞ୍ଜୟ କୁମାର ପଟ୍ଟନାୟକ, ବାଣପୁର ଆଇଆଇସି ରମେଶ କୁମାର ଦେବତା, ବାଲୁଗାଁ ଆଇଆଇସି ଜୟପ୍ରକାଶ ପରିଡ଼ା, ନାଚୁଣୀ ଆଇଆଇସି ଚନ୍ଦ୍ରଶେଖର ଜେନା ପ୍ରମୁଖ ପୋଲିସ ଅଧିକାରୀମାନେ ଉପସ୍ଥିତ ରହି ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରିଥିଲେ। ପଞ୍ଚୁଦୋଳ କମିଟିମାନଙ୍କ ଦ୍ୱାରା ଦୀର୍ଘଦିନ ଧରି ଅକ୍ଲାନ୍ତ ପରିଶ୍ରମ ଫଳରେ ଚଳିତ ବର୍ଷ ସୁଚାରୁ ରୂପେ ମେଳଣ ପର୍ବ ସମାପନ ହୋଇଛି।