ଜଗତସିଂହପୁର: ଅଧାରୁ ଅଟକି ଯାଇଛି ଜଗତସିଂହପୁର ଅଧିଷ୍ଠାତ୍ରୀ ଦେବୀ ମାଆ ଶାରଳାଙ୍କ ମନ୍ଦିରର ସୌନ୍ଦର୍ଯ୍ୟକରଣ କାମ । ଯାହାକୁ ନେଇ ସେବାୟତ, ମନ୍ଦିର ପ୍ରଶାସନ ଓ ଭକ୍ତଙ୍କ ମଧ୍ୟରେ ପ୍ରବଳ ଅସନ୍ତୋଷ ଦେଖାଦେବାକୁ ଲାଗିଛି । ଶାରଳା ମନ୍ଦିରର ରୂପାନ୍ତରିତ କାର୍ଯ୍ୟ ଜୁଲାଇ ମାସରେ ଶେଷ ହେବାର ଥିଲା । ଚନ୍ଦନ ପୋଖରୀଠାରୁ ଆରମ୍ଭ କରି ଶୌଚାଳୟ, ଯାନବାହନ ରହଣୀ ସ୍ଥଳ, ରୋଷଘର, ଭୋଗ ଦୋକାନ ଆଦିର କାମ ଚାଲିଥିଲା । ନିର୍ବାଚନ ପରେ କାମ ଧିମେଇ ଯାଇଥିବା ଲୋକେ ଅଭିଯୋଗ କରିଛନ୍ତି ।
୨୦୨୨ ଏପ୍ରିଲ ୨୬ ତାରିଖରେ ବିଭାଗୀୟ ଅଧିକାରୀଙ୍କ ଗସ୍ତ ପରେ ମନ୍ଦିରର ରୂପାନ୍ତରିତ କାର୍ଯ୍ୟ ଆରମ୍ଭ ହୋଇଥିଲା । ଚନ୍ଦନ ପୋଖରୀରୁ ଆରମ୍ଭ କରି ଶୌଚାଳୟ, ଯାନବାହନ ରହଣୀ ସ୍ଥଳ, ରୋଷଘର, ଭୋଗ ଦୋକାନ, ଯାତ୍ରୀ ନିବାସ ସହ ଚତୁପାର୍ଶ୍ବ ସୌନ୍ଦର୍ଯ୍ୟକରଣ କାମ ଚାଲିଥିଲା । ଏବେ କାମ ଅଧାରେ ଅଟିକି ଯାଇଥିବାରୁ ବିଭିନ୍ନ ମହଲରେ ଅସନ୍ତୋଷ ବଢ଼ିବାରେ ଲାଗିଛି ।
ଶାରଳା ମନ୍ଦିରର ରୂପାନ୍ତରିତ କାର୍ଯ୍ୟ ଜୁଲାଇ ମାସରେ ଶେଷ ହେବାର ଥିଲା । କିନ୍ତୁ କାମ ଅଧାରେ ଅଟକି ଯାଇଛି । ଏଥିପ୍ରତି ରାଜ୍ୟ ସରକାର ଦୃଷ୍ଟି ଦେଇ ତୁରନ୍ତ ପଦକ୍ଷେପ ନେବାକୁ ଭକ୍ତ, ସେବାୟତ ଏବଂ ମନ୍ଦିର ପ୍ରଶାସନ ପକ୍ଷରୁ ଅନୁରୋଧ କରାଯାଇଛି । ଶାରଳା ମନ୍ଦିରର ଚତୁପାର୍ଶ୍ବ ସୌନ୍ଦର୍ଯ୍ଯକରଣ ହେଲେ ଭକ୍ତ ସୁରୁଖୁରରେ ଦର୍ଶନ କରିପାରିବେ ବୋଲି ସ୍ଥାନୀୟ ଲୋକେ କହିଛନ୍ତି ।
