ଭୁବନେଶ୍ବର: ରାଜଧାନୀ ଭୁବନେଶ୍ବରରେ ଗୁଣି ଗାରେଡି । ଭଡ଼ା ଘରେ ଚାଲିଥିଲା ଗୁଣି ଗାରେଡି ଓ ତନ୍ତ୍ରମନ୍ତ୍ର ସାଧନା । ବନ୍ଦ ଘରୁ ମିଳିଲା ହାଡ଼ କଙ୍କାଳ । କବାଟ କିଳି ଚାଲିଥିଲା ପୂଜାର୍ଚ୍ଚନା । ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ରବି ଟକିଜ ଟଙ୍କପାଣି ରୋଡ଼ ନିକଟରେ । ଖବର ପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ଆରମ୍ଭ କରିଛି ଛାନଭିନ ।
ପ୍ରବୀର କୁମାର ପାତ୍ର ଓ ରଶ୍ମି ରଞ୍ଜନ ନାୟକଙ୍କ ଘରକୁ ଚର୍ଚ୍ଚିଲ କାନୁନଗୋ ନାମକ ଜଣେ ବ୍ୟକ୍ତିଙ୍କ କିଛି ଦିନ ଅଫିସ୍ କରିବା ପାଇଁ ଭଡ଼ାରେ ନେଇଥିଲେ । ଦୀର୍ଘ ୩ ବର୍ଷରୁ ଅଧିକ ସମୟ ଘରେ ରହିବା ପରେ ଘର ଛାଡିବାକୁ ଚର୍ଚ୍ଚିଲକୁ କହିଥିଲେ ଘର ମାଲିକ । କିନ୍ତୁ ଘର ନ ଛାଡ଼ିବାରୁ ଘର ମାଲିକଙ୍କ ମନରେ ସନ୍ଦେହ ସୃଷ୍ଟି ହୋଇଥିଲା । ପ୍ରବୀର ସେହି ଘରକୁ ଯାଇ ଦେଖିଲେ ଘର ଭିତରେ ୪ ଫୁଟର ଗାତ ଖୋଳା ହୋଇଛି । ତନ୍ତ୍ର ସାଧନାର ସମସ୍ତ ସାମଗ୍ରୀ ରହିଛି । ଘରେ ଲାଲ କପଡା, ମାଟି ହାଣ୍ଡି, ହୋମ କାଠ, ସାବଳ, କୋଡ଼ି, ଲୁହା ତ୍ରୀସୁଳ, କିଛି ହାଡ଼ କଙ୍କାଳ ଦେଖି ଭୟଭୀତ ହୋଇ ବରଗଡ଼ ଥାନାରେ ଲିଖିତ ଅଭିଯୋଗ କରିଛନ୍ତି ।
ଚର୍ଚ୍ଚିଲ ଏଠାରେ ଗୁଣି ଗାରେଡି ସହ ନରବଳି ଦେବାକୁ ଯୋଜନା କରୁଥିଲା ବୋଲି ଅଭିଯୋଗ ହୋଇଛି ।
