ଗଞ୍ଜାମ: ଚିକିଟି ମଦମୃତ୍ୟୁ ଘଟଣାରେ ମୃତ୍ୟୁ ସଂଖ୍ୟା ୪ରେ ପହଞ୍ଚିଛି । ଆଜି ଆଉ ଜଣେ ଗୁରୁତରଙ୍କ ମୃତ୍ୟୁ ଘଟିଛି । ମୃତକ ହେଲା କରବାଲୁଆ ଗାଁର ବାୟା ସେଠୀ । ମଦ ପିଇ ଗୁରୁତର ହେବା ପରଠାରୁ ଏମକେସିଜିରେ ଆଇସିୟୁରେ ଚାଲିଥିଲା ଚିକିତ୍ସା ।
ବାୟାଙ୍କ ପୂବର୍ରୁ ଏହି ଘଟଣାରେ ୩ ଜଣଙ୍କ ମୃତ୍ୟୁ ଘଟିଥିଲା । ଜେନାପୁରର ଜୁର ବେହେରା ଏବଂ ଲୋକନାଥ ବେହେରାଙ୍କ ମୃତ ଘଟିଥିଲା । ଏହାପରେ ଚିକିତ୍ସାଧୀନ ଅବସ୍ଥାରେ ଲକ୍ଷ୍ମଣ ବେହେରାଙ୍କ ମୃତ୍ୟୁ ଘଟିଥିଲା । ଏବେ ବାୟା ସେଠୀଙ୍କ ମୃତ୍ୟୁ ଘଟିଛି ।
ଏବେ ବି ଏହି ଘଟଣାରେ ଏମକେସିଜିର ଆଇସିୟୁରେ ଆହୁରି ୩ ଜଣଙ୍କ ଚିକିତ୍ସା ଚାଲିଛି ।
ସୋର: ପୋଖରୀରେ ବୁଡ଼ି ଚାଲିଗଲା ବାଳକର ଜୀବନ । ଶବ ବ୍ୟବଚ୍ଛେଦ ବେଳେ ପିଲାର ବାପାକୁ ନେଇ ଉଠିଲା ବିବାଦ । କାରଣ ମୃତ ବାଳକର ମାଆ ଜଣେ ବ୍ୟକ୍ତି ବାପା ବୋଲି ପରିଚୟ ଦେଇଥିବା ବେଳେ ଆଉ ଜଣେ ବ୍ୟକ୍ତି ପହଞ୍ଚି ମୃତ ବାଳକ ତାଙ୍କ ପୁଅ ବୋଲି ଦାବି କରିଛନ୍ତି । ପିଲାର ଦୁଇ ବାପାଙ୍କୁ ନେଇ ବିବାଦ ଦେଖା ଦେଇଥିବା ବେଳେ ପୋଲିସ ଘଟଣାକୁ ଗୁରୁତର ସହ ନେଇ ତଦନ୍ତ ଆରମ୍ଭ କରିଛି । ବାଲେଶ୍ବର ଜିଲ୍ଲା ଧାମରା ଅଞ୍ଚଳରେ ଏଭଳି ଘଟଣା ଘଟିଛି ।
ଖବର ଅନୁସାରେ, ଧାମରା ଅଂଚଳର ସଞ୍ଜୀବ କୁମାର ବିଶ୍ୱାଳଙ୍କ ପୁଅ ସୌମ୍ୟରଞ୍ଜନ ବିଶ୍ୱାଳ ଟିଉସନରୁ ଫେରି ଗାଧୋଇବାକୁ ପୋଖରୀକୁ ଯାଇଥିଲେ। ଏହି ସମୟରେ ସେ ପୋଖରୀରେ ବୁଡି ଯାଇଥିଲେ । ସ୍ଥାନୀୟ ଲୋକେ ସୋର ଅଗ୍ନିଶମ ବିଭାଗକୁ ଖବର ଦେବା ସହିତ ପୋଖରୀରୁ ଉଦ୍ଧାର କରି ପିଲାଟିକୁ ସୋର ଡାକ୍ତରଖାନାକୁ ନେଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଖବର ପାଇ ସୋର ପୋଲିସ ଡାକ୍ତରଖନାରେ ପହଞ୍ଚି ଶବ ବ୍ୟବଛେଦ ପାଇଁ ରଖିବା ସହିତ ମାମଲା ରୁଜୁ କରିଥିଲା । ଏହି ସମୟରେ ପୋଲିସ ମୃତ ପୁଅର ମାଆଠାରୁ ବାପାର ନାଁ ସଞ୍ଜୀବ ବିଶ୍ୱାଳ ଲେଖିଥିଲେ । ମାତ୍ର ସନ୍ଧ୍ୟାରେ ଧାମରା ଅଞ୍ଚଳର ବିନ୍ଦୁସାଗର ଦାସ ନାମର ଜଣେ ବ୍ୟକ୍ତି ହଠାତ ଥାନାରେ ପହଁଚି ମୃତ ପୁଅ ତାଙ୍କର ବୋଲି ଦାବି କରିଥିଲେ । ସେ କହିଥିଲେ ତାଙ୍କ ସ୍ତ୍ରୀ ୪ ବର୍ଷ ତଳେ ପରକୀୟ ପ୍ରୀତିରେ ଧାମରା ଅଞ୍ଚଳର ଜଣେ ଯୁବକଙ୍କୁ ପ୍ରେମ ବିବାହ କରି ପଳାଇ ଯାଇଥିଲେ । ଯିବା ବେଳେ ସାଙ୍ଗରେ ପୁଅକୁ ମଧ୍ୟ ନେଇ ଯାଇଥିଲେ । ଯିବା ପରେ ସମସ୍ତଙ୍କର ନାଁ ବଦଳାଇ ଦେଇଥିଲେ ।
ପୋଲିସ ଅଭିଯୋଗକୁ ଆଧାର କରି ତଦନ୍ତ ଆରମ୍ଭ କରିଥିଲା । ପରେ ଆଇନ ଗତ କାଗଜପତ୍ର ଯାଞ୍ଚ କରି ପ୍ରକୃତ ବାପା ବିନ୍ଦୁସାଗର ଦାସଙ୍କୁ ପୁଅର ମୃତଦେହଙ୍କୁ ହସ୍ତାନ୍ତର କରିଛି l
କଟକ: ସିଲଭର ସିଟି କଟକରେ ପ୍ରତିବର୍ଷ ପରି ଚଳିତବର୍ଷ ମଧ୍ୟ ଜମିବ ଦୁର୍ଗାପୂଜା । ସୁନା ଓ ରୂପାର ତାରକସି କାମରେ ଝଲସିବ ମାଆଙ୍କ ମେଢ଼ । ଭସାଣ ଉତ୍ସବ ବି ଜମିବ । ହେଲେ ଏଥର ଭସାଣରେ ବାଜିବ ନାହିଁ ଡିଜେ । କେବଳ କମ ଶବ୍ଦରେ ସାଉଣ୍ଡ ବକ୍ସକୁ ମିଳିବ ଅନୁମତି । ରାତି ୧୨ ପର୍ଯ୍ଯନ୍ତ ସାଂସ୍କୃତିକ କାର୍ଯ୍ଯକ୍ରମ ଆଯୋଜନ ହୋଇପାରିବ । ପୂର୍ବାଞ୍ଚଳ ମହାନଗର ଶାନ୍ତି କମିଟିର ବୈଠକରେ ଯୋଗଦେଇ ଏହି ସୂଚନା ଦେଇଛନ୍ତି ପୋଲିସ କମିଶନର ସଞ୍ଜୀବ ପଣ୍ଡା ।
ଏଥର ପୂର୍ବାଞ୍ଚଳରେ ୬୦ରୁ ଅଧିକ ମେଢ ପୂଜା ପାଇବ । ପୂଜାକୁ ଶାନ୍ତିଶୃଙ୍ଖଳାର ସହ କରିବାକୁ ବସିଥିବା ପ୍ରସ୍ତୁତି ବୈଠକରେ କଟକ ମହାନଗର ପୂଜା କମିଟିର ସଂପାଦକ ପ୍ରଭାତ ତ୍ରିପାଠୀ, ବିଧାୟକ ସୌଭିକ ବିଶ୍ବାଳ, ବିଧାୟିକା ସୋଫିଆ ଫିର୍ଦୋଷ, ପୋଲିସ କମିଶନର ସଂଜୀବ ପଣ୍ଡା ଅତିଥି ଭାବେ ଯୋଗ ଦେଇଥିଲେ ।
ଭୁବନେଶ୍ବର: ଅସଲି ପୋଲିସ ହାତରେ ନକଲି ପୋଲିସ । ଭୁବନେଶ୍ବର ଖଣ୍ଡଗିରି ପୋଲିସ ଜଣେ ନକଲି ପୋଲିସକୁ ଗିରଫ କରିଛି । ଅଭିଯୁକ୍ତର ନାଁ ସୁବାସ ଚନ୍ଦ୍ର କହଁର । ଠକ ବ୍ୟକ୍ତି ଜଣଙ୍କ ଘର ଭଦ୍ରକରେ । ସେ ତାଙ୍କ ପରିଚୟ ମନୋଜ କୁମାର ମିଶ୍ର ଭାବେ ଦେବା ସହ ନିଜକୁ ଇନ୍ସପେକ୍ଟର କହୁଥିଲେ । ଫେସବୁକରେ ନିଜକୁ ରାଉରକେଲାରେ ପୋଲିସ ଇନ୍ସପେକ୍ଟର ଭାବେ କାମ କରୁଥିବା ପରିଚୟ ଦେଇ ଜଣେ ଯୁବତୀଙ୍କୁ ପ୍ରେମ ନିବେଦନ କରିଥିଲେ । ଏପରିକି ଯୁବତୀ ଜଣଙ୍କ ତାଙ୍କୁ ବିଶ୍ବାସ କରି ବିବାହ ବି କରିଥିଲେ ।
ତେବେ ଯେମିତି କୌଣସି ସନ୍ଦେହ ନହେବ ସେଥିପାଇଁ ପୋଲିସ ଡ୍ରେସରେ ଫଟୋ ଏଡିଟ କରି ତାଙ୍କ ପାଖୁ ପଠାଉଥିଲେ । ବିବାହ ପରେ ତାଙ୍କ ସହ ଶାରୀରିକ ସମ୍ପର୍କ ରଖିଥିଲେ । କିନ୍ତୁ ତାଙ୍କ ସତ ଧରାପଡିଯିବା ଭୟରେ ଘରକୁ ନନେଇ ଖଣ୍ଡଗିରି ସରକନ୍ତରା ସ୍ଥିତ ଏକ ଭଡାଘର ରଖିଥିଲେ ।
ସ୍ବାମୀଙ୍କ ଉପରେ ମହିଳାଙ୍କର ସନ୍ଦେହ ହେବାରୁ ସେ ସୁବାସ ଚଢୁଥିବା ଏକ ସୁଇଫ୍ଟ ଡିଜାୟାର କାରର ରେଜିଷ୍ଟ୍ରେସନ ନମ୍ବର ଜରିଆରେ ପ୍ରକୃତ ସତ ଜାଣିବାକୁ ପାଇଥିଲେ । ଏ ନେଇ ମହିଳା ଜଣଙ୍କ ଥାନାରେ ଏତଲା ଦେବା ପରେ ଅଭିଯୁକ୍ତ ଜଣଙ୍କୁ ପୋଲିସ ଗିରଫ କରିଛି ।
ଗିରଫ ପରେ ପୋଲିସ ହାତରେ ଲାଗିଛି ରୋଚକ ତଥ୍ୟ । ଏହି ବିବାହ ପୂର୍ବରୁ ସେ ଅନ୍ୟ ଦୁଇ ଜଣଙ୍କୁ ମଧ୍ୟ ବିବାହ କରିଛନ୍ତି । ନକଲି ପୋଲିସ ଜଣଙ୍କର ପ୍ରକୃତ ବୟସ ୫୫ ହୋଇଥିବା ବେଳେ ତାଙ୍କର ୨୫ ବର୍ଷର ପୁଅ ମଧ୍ୟ ଅଛି । କିନ୍ତୁ ପ୍ରାପ୍ତ ବୟସରେ ଯୁବତୀଙ୍କ ସହ ଶାରୀରିକ ସମ୍ପର୍କ ଓ ଟଙ୍କା ଠକେଇ ପାଇଁ ସେ ନିଜକୁ ପୋଲିସ କହୁଥିବା କହିଛନ୍ତି ଏସିପି ।
ସମ୍ବଲପୁର: ଯୁବତୀଙ୍କୁ ଦୁଷ୍କର୍ମ ପରେ ହତ୍ଯା ଅଭିଯୋଗ । ସମ୍ବଲପୁର ଜିଲ୍ଲା ନାକଟିଦେଉଳ ଥାନା ଅଞ୍ଚଳରେ ଘଟିଛି ଏଭଳି ଏକ ଲଜ୍ଜାଜନକ ଘଟଣା । ଆଜି ସକାଳୁ ଯୁବତୀଙ୍କ ମୃତଦେହ ଉଦ୍ଧାର ହୋଇଛି । ଉଦ୍ଧାର ଯୁବତୀ ସ୍ଥାନୀୟ ଅଞ୍ଚଳର ବୋଲି ଜଣାପଡିଛି । ୩ ଦିନ ତଳେ ଯୁବତୀ ଜଣକ ନିଖୋଜ ହୋଇଯାଇଥିଲେ । ଆଜି ତାଙ୍କ ଗଳିତ ମୃତଦେହ ଉଦ୍ଧାର କରାଯାଇଛି । ମହିଳାଙ୍କୁ ଦୁଷ୍କର୍ମ ପରେ ହତ୍ୟା କରି ଜଙ୍ଗଲ ଭିତରେ ପକାଇ ଦିଆଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି ।
ଯୁବତୀ ଜଣକ ଗତ ଶୁକ୍ରବାର ଦିନ ଘର ନିକଟ ଏକ ନାଳକୁ ଗାଧୋଇବାକୁ ଯାଇଥିଲେ । ଏହାପରେ ସେ ଆଉ ଫେରି ନଥିଲେ । ପରିବାର ଲୋକେ ଖୋଜାଖୋଜି କରିବାକୁ ନାଳ ନିକଟରେ ଯୁବତୀଙ୍କ ଚପଲ, କପଡା ଓ ମୋବାଇଲ ପଡ଼ିଥିବା ଦେଖିବାକୁ ପାଇଥିଲେ । ଏହାକୁ ନେଇ ଯୁବତୀଙ୍କ ପରିବାର ଲୋକେ ନାକଟିଦେଉଳ ଥାନାରେ ଅଭିଯୋଗ କରିଥିଲେ । ନିଖୋଜର ୩ ଦିନ ପରେ କିଛି ମହିଳା ବିଲକୁ ଯାଉଥିବାବେଳେ ଦୁର୍ଗନ୍ଧ ବାରି ପାଖକୁ ଯିବାରୁ ଯୁବତୀଙ୍କ ମୃତଦେହ ପଡ଼ିଥିବା ଦେଖି ଗ୍ରାମବାସୀଙ୍କୁ ଖବର କରିଥିଲେ । ପୋଲିସ ସୂଚନା ପାଇବା ପରେ ଘଟଣାସ୍ଥଳରେ ଆସି ଛାନବିନ ଆରମ୍ଭ କରିଛି । ମାମଲାରେ ହରିହର ବେହେରା ନାମକ ଜଣେ ବ୍ଯକ୍ତିଙ୍କୁ ଅଟକ ରଖିଛି ପୋଲିସ ।
ଯୁବତୀଙ୍କ ମୃତଦେହ ମିଳିବା ପରେ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି । ଅଭିଯୁକ୍ତ ହରିହରକୁ ଗିରଫ ଦାବିରେ ସ୍ଥାନୀୟ ଲୋକେ ନାକଟିଦେଉଳରୁ ଅନୁଗୁଳ ରାସ୍ତା ଅବରୋଧ କରିଛନ୍ତି । ଫଳରେ ପୋଲିସ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ପାରିନାହିଁ । ଏବେ ବି ଘଟଣା ସ୍ଥଳରେ ଯୁବତୀଙ୍କ ମୃତଦେହ ପଡ଼ି ରହିଛି । ରାସ୍ତାରୋକ କାରଣରୁ ଉଭୟ ପାର୍ଶ୍ବରେ ଶତାଧିକ ଗାଡି ଅଟକି ରହିଛି ।
ନନ୍ଦିଘୋଷ ବ୍ୟୁରୋ: ମହାରାଷ୍ଟ୍ରରେ ତେଜିଲା ଛତ୍ରପତି ଶିବାଜୀ ମହାରାଜଙ୍କ ପ୍ରତିମୂର୍ତ୍ତି ଭାଂଗିଯିବା ଘଟଣା। ମହାରାଷ୍ଟ୍ର ବିକାଶ ଅଘାଡି MVAର ଆନ୍ଦୋଳନ ଆହୁରୀ ତୀବ୍ର ହୋଇଛି। ସରକାରଙ୍କ ବିରୋଧରେ ଜୋତା ମାରୋ ଆନ୍ଦୋଳର ନାରା ଦେଇଛି ମହାରାଷ୍ଟ୍ର ବିକାଶ ଅଘାଡ଼ି। ଏଥିରେ ମେଣ୍ଟର ପ୍ରମୁଖ ନେତା ଶରଦ ପାୱାର, ଉଦ୍ଧବ ଠାକରେ ଏବଂ ନାନା ପଟୋଲେ ସାମିଲ ହୋଇଛନ୍ତି। ଛତ୍ରପତି ଶିବାଜୀ ମହାରାଜଙ୍କ ପ୍ରତିମୂର୍ତ୍ତି ଭାଙ୍ଗିଯିବା ଘଟଣାର ପ୍ରତିବାଦ କରି ଆନ୍ଦୋଳନ କରୁଛନ୍ତି ଏମଭିଏ ମେଣ୍ଟ। କଂଗ୍ରେସ ସାଂସଦ ବର୍ଷା ଗାୟକୱାଡ୍ ସରକାରଙ୍କ ଉପରେ ତୀବ୍ର ଭାବେ ବର୍ଷିଥିଲେ। ସରକାର ଏହି ଘଟଣାକୁ ନେଇ ଇସ୍ତଫା ଦେବା ଦରକାର ବୋଲି କହିଥିଲେ ବର୍ଷା ଗାୟକୱାଡ। ଘଟଣାର ପ୍ରତିବାଦ କରି ଦକ୍ଷିଣ ମୁମ୍ବାଇର ହୁତାତ୍ମା ଛକରୁ ଗେଟୱେ ଅଫ୍ ଇଣ୍ଡିଆ ପର୍ଯ୍ୟନ୍ତ ଶୋଭାଯାତ୍ରା କରିଥିଲେ। ଛତ୍ରପତି ଶିବାଜୀଙ୍କ ଏହି ପ୍ରତିମା ୧୭ଶହ ଖ୍ରୀଷ୍ଟାବ୍ଦ ସମୟର। ମହାରାଷ୍ଟ୍ର ସିନ୍ଦୁଦୁର୍ଗ ଜିଲ୍ଲା ମାଲବନ ତହସିଲର ରାଜକୋଟ କିଲ୍ଲାରେ ଏହି ପ୍ରତିମୂର୍ତ୍ତି ସ୍ଥାପିତ ଥିଲା। ଏହି ପ୍ରତିମା ଗତ ଅଗଷ୍ଟ ୨୬ ତାରିଖରେ ଭାଗିଯାଇଥିଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ପ୍ରତିମୂର୍ତ୍ତିକୁ ଗତ ୪ ଡିସେମ୍ବର ୨୦୨୩ରେ ନୌସେନା ଦିବସ ଅବସରରେ ଅନାବରଣ କରିଥିଲେ।
ନନ୍ଦିଘୋଷ ବ୍ୟୁରୋ: ସଚିନ ତେନ୍ଦୁଲକର। କ୍ରିକେଟର ଭଗବାନ ଜଣାଶୁଣା ସଚିନଙ୍କ ପ୍ରେମ କାହାଣୀ ପ୍ରାୟ ସମସ୍ତଙ୍କୁ ଜଣାନଥିବ । ତେବେ ସଚିନଙ୍କ ଶାଶୁ ଆନ୍ନାବେଲା ମେହେଟ୍ଟା ନିଜ ପୁସ୍ତକ ମାଇଁ ’ପେସେଞ୍ଜ ଟୁ ଇଣ୍ଡିଆ’ରେ ବର୍ଣ୍ଣନା କରିଛନ୍ତି । ଯେଉଁଥିରେ ସେ ସଚିନଙ୍କ ପ୍ରେମ ଆରମ୍ଭରୁ ବିବାହ ପର୍ଯ୍ୟନ୍ତ ଉଲ୍ଲେଖ କରିଛନ୍ତି । ସେ ଲେଖିଛନ୍ତି କି, ସଚିନ ଏବଂ ଅଞ୍ଜଳିଙ୍କ ପ୍ରଥମ ଦେଖା ଏୟାରପୋର୍ଟରେ ହୋଇଥିଲା । ସଚିନଙ୍କଠାରୁ ବୟସରେ ବଡ଼ ହୋଇଥିବା ଅଞ୍ଜଳି କିନ୍ତୁ ପ୍ରଥମ ଦେଖାରେ ପ୍ରେମରେ ପଡ଼ି ଯାଇଥିଲେ । ସିନ ମଧ୍ୟ ଅଞ୍ଜଳିଙ୍କୁ ଭଲ ପାଇ ବସିଥିଲେ । ତେବେ ଅଞ୍ଜଳି ସଚିନଙ୍କ ଜାଣି ନଥିଲେ । ତାଙ୍କ ସାଙ୍ଗ ସାହାର୍ଯ୍ୟ ନମ୍ବର ମଧ୍ୟ ନେଇଥିଲେ ।
ପରେ ସଚିନ ଅଞ୍ଜଳିଙ୍କ ଘର ନମ୍ବରକୁ ଫୋନ କରିଥିଲେ । ମାତ୍ର ଫୋନ ଅଞ୍ଜଳିଙ୍କ ମା ଉଠାଇଥିଲେ । ଏବଂ ସେ କହିଥିଲେ କି ଅଞ୍ଜଳି ନାହିଁ । ଆସିବା ପରେ ଯେତେବେଳେ ଅଞ୍ଜଳିଙ୍କୁ କହିଥିଲେ ସେ ନଜାଣିବା ପରି ହୋଇଥିଲେ । ମାତ୍ର ସେମାନେ ଡେଟ କରୁଥିଲେ । ଆଉ ବିବାହ କରିବା ପାଇଁ ସ୍ଥିର କରିଥିଲେ । ମାତ୍ର ସଚିନ ସେତେବେଳେ ମାତ୍ର ୧୯ ବର୍ଷରୀ ହୋଇଥିଲେ । ଆଇନ ଅନୁସାରେ ୨୧ ବର୍ଷରେ ବିବାହ କରିବା ପାଇଁ କୁହାଯାଇଥିଲା । ଆଉ ଉଭୟ ପରିବାର ଏସମ୍ପର୍କରେ ଆଲୋଚନା କରିଥିଲୁ । ଆଉ ୨ ବର୍ଷ ଉଭୟ ଉଭୟଙ୍କ କାମରେ ବିବାହ କରିଥିଲେ । ଆଉ ପରେ ଅଞ୍ଜଳିଙ୍କ ଘରେ ବିବାହ ଅନୁଷ୍ଠିତ ହୋଇଥିଲା । ସେମାନେ ତାଜ ହୋଟେଲରେ ବିବାହ କରାଇବା ପାଇଁ ଯୋଜନା କରିଥିଲେ । ମାତ୍ର ସେହି ଡେଟରେ କୌଣସି ଫାଙ୍କା ନଥିଲା ଫଳରେ ବିବାହ ଅନୁଷ୍ଠିତ ହୋଇନଥିଲା ।
ଆଉ ଏକ ରୋମାଞ୍ଚକ କଥା ବର୍ଣ୍ଣନା କରିଛନ୍ତି କି, ଯେତେବେଳେ ସେମାନଙ୍କ ବିବାହ ହୋଇଥିଲା ଗଣମାଧ୍ୟମ ଏସମ୍ପର୍କରେ ଜାଣିନଥିଲା । ଆଉ ଯେତେବେଳେ ଜାଣିବାକୁ ପାଇଲେ ସେମାନେ ଅଞ୍ଜଳି କିଏ ବୋଲି ଖୋଜିବାକୁ ଲାଗିଲେ । ମାତ୍ର ଫଟୋ ପାଇନଥିଲେ । ସେମାନେ ଏକ ପାସଫଟୋକୁ ଲଗାଇ ଖବର ପରିବେଶଣ କରିଥିଲେ । ଯାହାକି ତାଙ୍କ କଲେଜରେ ପାଠ ପଢ଼ିବା ସମୟର ଥିଲା । ଏମିତିକି ସେମାନଙ୍କ ବିବାହ ଉତ୍ସବରେ ବହୁ କମ ଲୋକ ଯୋଗ ଦେଇଥିଲେ ।
ନନ୍ଦିଘୋଷ ବ୍ୟୁରୋ: ବିମାନରେ ବୋମା ଗୁଜବରୁ ଜରୁରୀକାଳୀନ ଅବତରଣ। ନାଗପୁର ଏୟାରପୋର୍ଟରେ ଏମର୍ଜେନ୍ସି ଲ୍ଯାଣ୍ଡିଂ କଲା ଇଣ୍ଡିଗୋ ବିମାନ। ମଧ୍ୟପ୍ରଦେଶ ଜବଲପୁରରୁ ହାଇଦ୍ରାବାଦ ଯାଉଥିଲା ଏହି ବିମାନ। ବିମାନର ଟଏଲେଟରେ ଏକ କାଗଜ ଟୁକୁଡା ମିଳିଥିଲା। ଏଥିରେ ବିମାନରେ ବୋମା ଥିବା ନେଇ ଥିଲା ଲେଖା। ଯେଉଥିଲେ ଲେଖାଯାଇଥିଲା ବ୍ଲାଷ୍ଟ। ଏହାପରେ ବିମାନରେ ବୋମା ଗୁଜବ ସୃଷ୍ଟି ହୋଇଥିଲା। ଯାତ୍ରୀଙ୍କ ମଧ୍ୟରେ ବୋମାନ ଗୁଜବ ପରେ ବିମାନକୁ ନାଗପୁର ଏୟାରପୋର୍ଟରେ ଜରୁରୀକାଳୀନ ଅବତରଣ କରାଯାଇଥିଲା। ବିମାନରେ ଥିଲେ ମୋଟ ୬୯ ଯାତ୍ରୀ। ସମସ୍ତ ଯାତ୍ରୀ ସୁରକ୍ଷିତ ଥିବା ଜଣାପଜିଛି। ବିମାନର ଥିବା ଯାତ୍ରୀଙ୍କ ସମସ୍ତ ଆସବାବପତ୍ର ଯାଞ୍ଚ କରାଯାଉଛି। ସମସ୍ତ ଯାତ୍ରୀଙ୍କୁ ବିମାନରୁ ଓହ୍ଲାଇ ଯାଞ୍ଚ କରାଯାଉଛି। ବିମାନ ନିକଟରେ ଫାୟାର ଗାଡ଼ି, ଆମ୍ବୁଲାନ୍ସ , ସିଆଇଏସଏଫ ସୁରକ୍ଷଆକର୍ମୀ ସହ ଅନ୍ୟ ସହାୟତ ଦଳ ଉପସ୍ଥିତ ଅଛନ୍ତି। ବିମାନର ଯାଞ୍ଚ କରାଯାଉଛି।
ନନ୍ଦିଘୋଷ ବ୍ୟୁରୋ: କଟକ ରେଭେନ୍ସା ୟୁନିଭରସିଟିର ନାଁ ପରିବର୍ତ୍ତନ ପ୍ରସ୍ତାବକୁ କଡ଼ା ସମାଲୋଚନା କରିଛି ବିଜେଡି । ଲେଖାଶ୍ରୀ ସାମନ୍ତସିଂହାର କହିଛନ୍ତି ରେଭେନ୍ସା ବ୍ରାଣ୍ଡ ତିଆରି ପାଇଁ ବହୁ କଷ୍ଟ କରିବାକୁ ପଡ଼ିଛି। ଏହାକୁ ସରକାର ନଷ୍ଟ କରନ୍ତୁ ନାହିଁ। ରେଭେନସା ହେଉଛି ଉଚ୍ଚ ଶିକ୍ଷାର ଏକ ବଡ଼ ଅନୁଷ୍ଠାନ। ନାଁ ବଦଳାଇବା ପ୍ରସ୍ତାବ ଦେଇ ମନ୍ତ୍ରୀ ନିଜର ହୀନ ମାନସିକତା ଦେଖାଇଥିବା କହିଛନ୍ତି ଲେଖାଶ୍ରୀ । ସେପଟେ ଦଳର ମୁଖପାତ୍ର ଲେନିନ ମହାନ୍ତି କହିଛନ୍ତି, ରେଭେନସା ହେଉଛି ଓଡ଼ିଶାର ଗର୍ବ ଓ ଗୌରବ। ଓଡ଼ିଶା ଅସ୍ମିତାର ଆଳ ଦେଖାଇ କେନ୍ଦ୍ରମନ୍ତ୍ରୀ ନାଁ ପରିବର୍ତ୍ତନ କଥା କହିଛନ୍ତି। ଏହା ସମସ୍ତଙ୍କୁ ଚିନ୍ତିତ କରିଛି। ସେ ସମୟରେ ରେଭେନ୍ସା ପାଇଁ ଶିକ୍ଷାର ପ୍ରସାର ପ୍ରସାର ହୋଇଥିଲା। ଧର୍ମେନ୍ଦ୍ର ବାବୁ ମଝିରେ ମଝିରେ ବିଳି ବିଳେଇ ହେଉଛନ୍ତି। ଦେଶର ଶିକ୍ଷାମନ୍ତ୍ରୀ ଭାବେ ସେ ଶିକ୍ଷକ ଓ ଛାତ୍ରଙ୍କ ଉନ୍ନତି କଥା ଚିନ୍ତା କରିବା ଉଚିତ। ଲେନିନ ଚେତାଇ ଦେଇଛନ୍ତି, ରେଭେନ୍ସାକୁ ଧର୍ମେନ୍ଦ୍ର ପ୍ରଧାନ ରାଜନୀତିରେ ପୁରାନ୍ତୁ ନାହିଁ। ଓଡ଼ିଶାବାସୀଙ୍କୁ କ୍ଷମା ମାଗନ୍ତୁ ଶିକ୍ଷା ମନ୍ତ୍ରୀ।
ନନ୍ଦିଘୋଷ ବ୍ୟୁରୋ: ବାଂଲାଦେଶରେ କମୁନି ହିନ୍ଦୁଙ୍କ ଉପରେ ନିର୍ଯାତନା । ଶେଖ ହସିନା ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇ ଦେଶ ଛାଡ଼ିବା ପରଠାରୁ ବଢ଼ିବାରେ ଲାଗିଛି ହିନ୍ଦୁ ବିରୋଧୀ କାର୍ଯ୍ୟ । ବିଭିନ୍ନ ଶିକ୍ଷାନୁଷ୍ଠାନରେ କାର୍ଯ୍ୟରତ ଶିକ୍ଷକ ଏବଂ ଶିକ୍ଷୟିତ୍ରୀଙ୍କୁ ଇସ୍ତଫା ଦେବା ଲାଗି ବାଧ୍ୟ କରାଯାଉଛି । ଏପରିକି ବିକ୍ଷୋଭ କରିବା ସହ ଚାପ ମଧ୍ୟ ପକାଯାଉଛି । ଯେଉଁ କାରଣରୁ ସେମାନେ ବାଧ୍ୟ ହୋଇ ଚାକିରୀ ଛାଡ଼ୁଛନ୍ତି । ପାଖାପାଖି ୫୦ ଜଣ ଶିକ୍ଷକ-ଶିକ୍ଷୟିତ୍ରୀ ନିଜର ପଦରୁ ଇସ୍ତଫା ଦେଇଥିବା ଏକ ଜାତୀୟ ଗଣମାଧ୍ୟମରେ ପ୍ରକାଶ ପାଇଛି ।
ଏକ ବାଂଲାଦେଶ ଖବର ମୁତାବକ, ଗତ ୧୮ ତାରିଖରେ ଆଜିମପୁର ସରକାରୀ ବାଳିକା ବିଦ୍ୟାଳୟରେ କାର୍ଯ୍ୟରତ ଜଣେ ହିନ୍ଦି ଶିକ୍ଷୟିତ୍ରୀ ଗୀତାଞ୍ଜଳି ବାରୁଆଙ୍କ ବିରୋଧରେ ନାରାବାଜି ଲଗାଇଥିଲେ ଛାତ୍ରୀ । ବିଦ୍ୟାଳୟର କିଛି ଶିକ୍ଷକ ଜାଣିଶୁଣି ଏଭଳି କରିଥିଲେ । ପ୍ରଥମେ ତାଙ୍କୁ ଅପମାନିତ କରିବା ସହ ପରେ ଅଫିସ ଘେରାଉ କରିଥିଲେ । ଶେଷରେ ବାଧ୍ୟ ହୋଇ ସେ ନିଜର ଚାକିରୀ ହରାଇଥିଲେ । ଏଭଳି ଅନେକ ପ୍ରଫେସର ମଧ୍ୟ ଅଛନ୍ତି ଯେଉଁମାନେ କି, ସିଧାସଳଖ ଏଭଳି ଅଭିଯୋଗ ଆଣିଛନ୍ତି । ସେମାନଙ୍କୁ ଚାକିରୀ ଛାଡ଼ିବାକୁ ବାଧ୍ୟ କରାଯାଇଛି । ଏପରିକି ଚାକିରୀ ନଛାଡ଼ିଲେ ମାରି ଦେବାକୁ ଧମକ ମଧ୍ୟ ଦେଇଛନ୍ତି ।
