ନନ୍ଦିଘୋଷ ବ୍ୟୁରୋ: ପୁରୀ ଶଙ୍କରାନନ୍ଦ ମଠରେ ଛୁରାମାଡ଼ । ଛୁରାମାଡ଼ରେ ଶଙ୍କରାନନ୍ଦ ମଠ ଟ୍ରଷ୍ଟ ବୋର୍ଡର ସଭାପତି ଦୁର୍ଗାପ୍ରସାଦ ମିଶ୍ର ଆହତ ହୋଇଛନ୍ତି । ଦୁର୍ଗା ପ୍ରସାଦ ମିଶ୍ରଙ୍କ ମୁଣ୍ଡରେ ଲାଗିଛି ଆଘାତ । ଶଙ୍କରାନନ୍ଦ ମଠରେ ଜବରଦଖଲ କରି ରହିଥିବା ଡେକୋରେଟର ଏହି ଛୁରାମାଡ଼ କରିଥିବା ଜଣାପଡିଛି। ଦୁର୍ଗା ପ୍ରସାଦଙ୍କୁ ଆହତ ଅବସ୍ଥାରେ ପୁରୀ ମେଡିକାଲରେ ଭ ଚିକିର୍ସିତ ହେଉଛନ୍ତି ଦୁର୍ଗାପ୍ରସାଦ ମିଶ୍ର ।
ଅନୁସୂଚିତ ଜାତି ଓ ଜନଜାତିଙ୍କ ସହ ସବୁବେଳେ ରହିଛି ବିଜେଡି
ନନ୍ଦିଘୋଷ ବ୍ୟୁରୋ: ଅନୁସୂଚିତ ଜାତି ଓ ଜନଜାତିଙ୍କ ସହ ସବୁବେଳେ ରହିଛି ବିଜେଡି । ରାଜ୍ଯରେ ଏସସିଏସଟିଙ୍କ ବିକାଶ ପାଇଁ ବିଜେଡି ସରକାର ଅନେକ କାମ କରିଛି । ୯ ଜିଲ୍ଲାରେ ଗଠନ ହୋଇଥିବା ଏସଡିସିକୁ ୨୩ଜିଲ୍ଲାକୁ ସଂପ୍ରସାରିତ କରିଥିଲେ ପୂର୍ବତନ ମୁଖ୍ଯମନ୍ତ୍ରୀ ନବୀନ ପଟ୍ଟନାୟକ । ସାମ୍ବାଦିକ ସମ୍ମିଳନୀରେ ବିଜେଡି ମୁଖପାତ୍ର ପ୍ରିୟବ୍ରତ ମାଝୀ କହିଛନ୍ତି, ପଣ୍ଡିତ ରଘୁନାଥ ମୂର୍ମ, ସହିଦ ଲକ୍ଷ୍ମଣ ନାୟକ, ରେଣ୍ଡୋ ମାଝୀଙ୍କ ନାଁରେ ୩ଟି ମେଡିକାଲ କଲେଜର ନାମକରଣ କରାଯାଇଛି । ସେହିପରି ବିର୍ସାମୁଣ୍ଡାଙ୍କ ନାମରେ ରାଉରକେଲାରେ ବିଶ୍ବର ସର୍ବବୃହତ ହକି ଷ୍ଟାଡିୟମ ନିର୍ମିତ ହୋଇଛି । ୫ଟି ବର୍ଗ କୁଇ, ମୁଣ୍ଡାରୀ, ଭୂମୀ, ସଉରାଙ୍କୁ ଜନଜାତିରେ ସାମିଲ କରିବାକୁ ବିଜେଡି ସବୁବେଳେ କାର୍ଯ୍ଯ କରିଆସିଛି । ୧୩୫ଟି ଉପବର୍ଗକୁ ଏସଟି ବର୍ଗରେ ସାମିଲ ପାଇଁ ବିଜେଡି କାର୍ଯ୍ଯ କରିଆସୁଛି। ଏବେ ସାରା ଦେଶରେ ଏସସିଏସଟି ଆନ୍ଦୋଳନ କରୁଛନ୍ତି । ଏସସିଏସଟିଙ୍କ ମଧ୍ଯରେ ବିଭାଜନକୁ ନେଇ ଅସନ୍ତୋଷ ଦେଖାଦେଇଛି । ମାତ୍ର କେନ୍ଦ୍ରର ବିଜେପି ସରକାର କୌଣସି ପ୍ରତିକ୍ରିୟା ନରଖି ନିରବ ରହିଛନ୍ତି । ୨୦୧୪ରୁ କେନ୍ଦ୍ରରେ ବିଜେପି ସରକାର ଥିବାବେଳେ ଆଦିବାସୀଙ୍କ ପାଇଁ କୌଣସି କାମ କରିନଥିବା ବିଜେଡି ଅଭିଯୋଗ କରିଛି ।
ଚାଷୀଙ୍କ ଅଜାଣତରେ ଆକାଉଣ୍ଟରେ କୋଟି କୋଟି ଟଙ୍କା ଟ୍ରାଞ୍ଜାକ୍ସନ
ନନ୍ଦିଘୋଷ ବ୍ୟୁରୋ: ନବରଙ୍ଗପୁର ଝରିଗାଁରେ ଉତ୍କର୍ଷ ବ୍ଯାଙ୍କ ଟଙ୍କା ଦେଣନେଣରେ ମହାଘୋଟାଲା । ଚାଷୀଙ୍କ ଆକାଉଣ୍ଟରେ କୋଟି କୋଟି ଟଙ୍କାର ଟ୍ରାଞ୍ଜାକ୍ସନ । ଚାଷୀଙ୍କ ଅଜାଣତରେ ହୋଇଛି ଟଙ୍କା କାରବାର । ମାତ୍ର ୩ ମାସ ମଧ୍ଯରେ କୋଟି କୋଟି ଟଙ୍କା ଦେଣନେଣ ହୋଇଛି । ଏଠି ପ୍ରଶ୍ନ ଉଠୁଛି- ଚାଷୀଙ୍କ ଆକାଉଣ୍ଟରେ କିଏ କରିଛି କୋଟିକୋଟି ଟଙ୍କା ଟ୍ରାଞ୍ଜାକ୍ସନ ? ୧୨ ଜଣ ଚାଷୀଙ୍କ ଅଜାଣତରେ ଏଭଳି ବଡ଼ଧରଣର ଟଙ୍କା କାରବାର ହୋଇଥିବା ଅଭିଯୋଗ ହୋଇଛି ।
ଉତ୍କର୍ଷ ବ୍ଯାଙ୍କ ଟଙ୍କା ଦେଣନେଣରେ ମହାଘୋଟାଲା । ଚାଷୀଙ୍କ ଆକାଉଣ୍ଟରେ କୋଟି କୋଟି ଟଙ୍କା ଟ୍ରାଞ୍ଜାକ୍ସନ । ଅଜାଣତରେ ହୋଇଛି ଟଙ୍କା କାରବାର । ଏଭଳି ଆଶ୍ଚର୍ଯ୍ଯଜନକ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଝରିଗାଁ ଉତ୍କର୍ଷ ସ୍ମଲ ଫାଇନାନ୍ସ ବ୍ଯାଙ୍କ ଶାଖାରେ । ଋଣ ପାଇବା ଆଶାରେ ଚାଷୀ ଆକାଉଣ୍ଟ ଖୋଲିଥିବାବେଳେ ସେଥିରେ ମାତ୍ର ୩ ମାସରେ କୋଟି କୋଟି ଟଙ୍କା ଦେଣନେଣ ହୋଇଛି । ୧୨ ଜଣ ଚାଷୀଙ୍କ ଅଜାଣତରେ ଏଭଳି ବଡ଼ଧରଣର ଟଙ୍କା କାରବାର ହୋଇଥିବା ଅଭିଯୋଗ ହୋଇଛି । ଏଠି ପ୍ରଶ୍ନ ଉଠୁଛି- ଚାଷୀଙ୍କ ଆକାଉଣ୍ଟରେ କିଏ କରିଛି କୋଟିକୋଟି ଟଙ୍କା ଟ୍ରାଞ୍ଜାକ୍ସନ? ଟଙ୍କାକାରବାର ସମ୍ପର୍କରେ ବ୍ଯାଙ୍କ କର୍ତ୍ତୃପକ୍ଷ ଜାଣିପାରିଲେନି କେମିତି ?
ଇଏ ଝରିଗାଁ ବ୍ଲକ କୁଟୁରିଛାପର ଗାଁର ଜଳନ୍ଧର ହରିଜନ । ଉକ୍ତ ବ୍ୟାଙ୍କରେ ୩ ମାସ ତଳେ ସେ ୧୦ହଜାର ଟଙ୍କା ଡିପୋଜିଟ କରି ସେଭିଂ ଆକାଉଣ୍ଟ ଖୋଲିଥିଲେ । ପ୍ରାୟ ତିନି ମାସ ବିତିଯାଇଥିଲେ ତାଙ୍କୁ କୌଣସି ପାସବୁକ ମିଳିନଥିଲା । ପରବର୍ତ୍ତୀ ସମୟରେ ନିଜ ଆକାଉଣ୍ଟ ସମ୍ପର୍କରେ ଯାଞ୍ଚ ବେଳେ ତାଙ୍କ ନାଁରେ ବଡ଼ଧରଣର ଟ୍ରାଞ୍ଜାକ୍ସନ ହୋଇଥିବା ଜାଣିବାକୁ ପାଇଥିଲେ । ଜଳନ୍ଧରଙ୍କ ଅଜାଣତରେ ତିନି ମାସରେ ପ୍ରାୟ ୧୧ ଲକ୍ଷ ଟଙ୍କା କାରବାର ହୋଇଥିଲା । ଏନେଇ ବ୍ଯାଙ୍କ ମ୍ଯାନେଜର ମଧ୍ଯ କୌଣସି ଠୋସ କାରଣ ଦେଇପାରିନଥିବା ଅଭିଯୋଗ ହୋଇଛି । କେବଳ ଜଳନ୍ଧର ନୁହଁନ୍ତି, ତାଙ୍କ ଭଳି ୧୨ ଜଣଙ୍କ ଚାଷୀଙ୍କ ଆକାଉଣ୍ଟରେ କୋଟି କୋଟି ଟଙ୍କା ଟ୍ରାଞ୍ଜକ୍ସନ ହୋଇଥିବା ଜଣାପଡ଼ିଛି । ଏନେଇ ୮ ଜଣ ଝରିଗାଁ ଥାନାରେ ଅଭିଯୋଗ କରିଛନ୍ତି ।
ବ୍ଯାଙ୍କର ଦୁଇ କର୍ମଚାରୀଙ୍କ ସମେତ ଅନ୍ଯ ତିନି ଜଣଙ୍କ ବିରୋଧରେ ମାମଲା ରୁଜୁ କରିଛି ପୋଲିସ । କିଏ ଓ କାହିଁକି ଚାଷୀଙ୍କ ଆକାଉଣ୍ଟରେ ଟଙ୍କା ଟ୍ରାଞ୍ଜାକ୍ସନ କରିଛି ଏବଂ ବ୍ଯାଙ୍କ କର୍ତ୍ତୃପକ୍ଷଙ୍କର କଣ ଭୂମିକା ରହିଛି ସେନେଇ ଖୋଳତାଡ଼ ଜାରି ରହିଛି ।
ମଦ ପାଇଁ ପଇସା ନ ଦେବାରୁ ମା’କୁ ହତ୍ୟା କଲା ପୁଅ
ନନ୍ଦିଘୋଷ ବ୍ୟୁରୋ: ମଦ ପାଇଁ ପଇସା ନ ଦେବାରୁ ମା’କୁ ହତ୍ୟା କଲା ପୁଅ । ଢେଙ୍କାନାଳ ଜିଲ୍ଲା ଗଁଦିଆ ଥାନା ରାଇତଳା ଗାଁରେ ଘଟିଛି ଏଭଳି ଘଟଣା। ଗତକାଲି ଅପରାହ୍ନ ସାଢେ ୪ଟାରେ ଟିକିଲି ନାୟକ ନାମକ ଜଣେ ମହିଳାଙ୍କୁ ତାଙ୍କ ପୁଅ ଗଣେଶ ନାୟକ ଓରଫ୍ ଗିରି ଫାର୍ସାରେ ହାଣି ହତ୍ୟା କରିଛନ୍ତି । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ଗଣେଶଙ୍କୁ ଗିରଫ କରିବା ସହ ହତ୍ୟାରେ ବ୍ୟବହୃତ ଫାର୍ସାକୁ ଜବତ କରିଛି । ଘଟଣାରୁ ଜଣାପଡିଛି ଯେ, ରାଇତଳା ଗ୍ରାମର ଟିକିଲି ନାୟକ ନିଜ ଘରେ ଥିବା ବେଳେ, ତାଙ୍କ ପୁଅ ଗଣେଶ ଘରେ ପହଞ୍ଚି ମଦ ପିଇବା ପାଇଁ ମା’କୁ ପଇସା ମାଗିଥିଲା । ଟିକିଲି ପଇସା ନଦେବାରୁ ଉଭୟ ମା ଓ ପୁଅଙ୍କ ମଧ୍ୟରେ କିଛି ସମୟ ଧରି ବଚସା ହୋଇଥିଲା । ପରେ ଉତକ୍ଷୀପ୍ତ ହୋଇ ଗଣେଶ ଏକ ଫାର୍ସାରେ ମା ଟିକିଲିକୁ ହତ୍ୟା କରିଥିଲା । ଗଁଦିଆ ପୋଲିସ ଘଟଣଶର ତଦ କରୁଛି।
ଏନଏସି ଅଧ୍ୟକ୍ଷାଙ୍କ ବିରୋଧରେ ଅନାସ୍ଥା କାଟ୍ ପରେ ରୋଚକ ମୋଡରେ ନିମାପଡ଼ା ରାଜନୀତି
ନନ୍ଦିଘୋଷ ବ୍ୟୁରୋ: ନିମାପଡା ଏନଏସି ଅଧ୍ୟକ୍ଷାଙ୍କ ବିରୋଧରେ ଆସିଥିବା ଅନାସ୍ଥା ପ୍ରସ୍ତାବ କାଟ ଖାଇବା ପରେ ନିମାପଡା ଏନଏସିର ରାଜନୀତି ଏକ ରୋଚକ ମୋଡରେ ଠିଆ ହୋଇଛି । ଅସଲରେ କିଏ ସେହି କାଉନସିଲର ଯିଏ ନିଜ ଭୋଟକୁ ନାକଚ କରିଛି ତାକୁ ନେଇ ବିଜେପି ଶିବିରରେ ତନାଘନା ଚାଲିଛି । ଅନାସ୍ଥା କାଟ ଖାଇଯିବା ପରେ ବିଜେଡିରୁ ଯାଇ ବିଜେପିରେ ଯୋଗ ଦେଇଥିବା ପୂର୍ବତନ ବିଧାୟକ ତଥା ପୂର୍ବତନ ମନ୍ତ୍ରୀ ସମୀର ଦାଶ ମଧ୍ୟ ବାଉଳା ଚାଉଳା ହେଉଛନ୍ତି । ତେବେ ଯେଉଁ କାଉନସିଲରଙ୍କ ଭୋଟ ନାକଚ ହୋଇଛି ତାହା ଅନ୍ୟ ସହଯୋଗୀ କାଉନସିଲରମାନେ ଜାଣିସାରିଲେଣି । କିନ୍ତୁ ଗୁପ୍ତ ଭୋଟିଂ ଯୋଗୁଁ କେହି ନାଁ ପ୍ରଘଟ କରୁନାହାଁନ୍ତି ।
ନିମାପଡା ଏନଏସି ଆସ୍ଥା ଭୋଟ ହାରିବା ପରେ ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡା ଓ ପୂର୍ବତନ ମନ୍ତ୍ରୀ ସମୀର ଦାସଙ୍କ ପାଇଁ ଲଜ୍ଜ୍ୟାଜନକ ପରିସ୍ଥିତି ସୃଷ୍ଟି ହୋଇଛି । ବିଜେପି ସମର୍ଥିତ ଯେଉଁ ୮ଜଣ କାଉନସିଲର ଭୋଟ ଦେବାକୁ ଯାଇଥିଲେ ସେ ସମସ୍ତଙ୍କୁ ଗୋପ ବ୍ଲକର ବାଙ୍କେଶ୍ବର ମହାଦେବ ମନ୍ଦିରକୁ ଡାକି ସମୀର ଦାଶଙ୍କ ଲୋକମାନେ ପଚରା ଉଚରା କରିବାରେ ଲାଗିଛନ୍ତି । ଠାକୁରଙ୍କ ପ୍ରମାଣ ନିୟମ କରାଇ କିଏ ନାକଚ କରିଛି ଭୋଟ ବୋଲି ପଚାରୁଛନ୍ତି । ସେପଟେ ଯେଉଁ କାଉନସିଲରଙ୍କ ଭୋଟ ନାକଚ ହୋଇଛି ତାହା ଜଣାପଡିଯାଇଥିଲେ ବି ସିକ୍ରେଟ ବ୍ୟାଲଟ ଭୋଟିଂ ହୋଇଥିବାରୁ କେହି ନାଁ ନେଉନାହାଁନ୍ତି ।
ବିଜେଡିରେ ସମୀର ଦାଶ ଥିବା ବେଳେ ଯେଉଁ କାଉନସିଲରମାନେ ଜିତିଥିଲେ ସେମାନଙ୍କ ମଧ୍ୟରୁ ୬ଜଣ କାଉନସିଲର ବିଜେଡି ଛାଡି ବିଜେପିକୁ ଯାଇଥିଲେ। ଆଉ ବିଜେପିରେ ଥିବା ୩ ଜଣ କାଉନସିଲରଙ୍କ ମଧ୍ୟରୁ ଜଣେ ବିଜେଡି ସହ ମିଶିଥିଲେ ଯାହାଦ୍ଵାରା ବିଜେପିର କାଉନସିଲରଙ୍କ ସଂଖ୍ୟା ୮ରେ ପହଞ୍ଚିଥିଲା । ହେଲେ ଜଣେ କାଉନସିଲରଙ୍କ ଭୋଟ ନାକଚ ହେବାରୁ ବାଉଳି ହେଉଛନ୍ତି ପୂର୍ବତନ ବିଧାୟକ ସମୀର ଦାଶ ଓ ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ାଙ୍କ ସମର୍ଥକ। ଅନାସ୍ଥା ପୂର୍ବରୁ ଏହି ୮ କାଉସିଲରମାନଙ୍କୁ ୪ଦିନ ଧରି ଅନ୍ୟତ୍ର ନେଇ ରଖାଯାଇଥିଲା । କିଛି ଜଣଙ୍କୁ ଅନାସ୍ଥା ସପକ୍ଷରେ ଭୋଟ ଦେବା ପାଇଁ ଧମକ ଚମକ ମଧ୍ୟ ଦିଆଯାଉଥିଲା । କିନ୍ତୁ ସବୁ ଫସର ଫାଟିଯାଇଛି ।
ଚମ୍ପାଇ ସୋରେନଙ୍କ ବଡ଼ ଘୋଷଣା, ରାଜନୀତିରୁ ନେବିନି ସନ୍ୟାସ
ନନ୍ଦିଘୋଷ ବ୍ୟୁରୋ: ଝାଡ଼ଖଣ୍ଡ ରାଜନୀତି ପୁଣିଥରେ ଉଷ୍ମ ହୋଇଛି । ବିଜେପିରେ ଯୋଗ ଦେବେ ବୋଲି କୁହାଯାଉଥିଲା । କିନ୍ତୁ ଏହା ସଫଳ ହୋଇନାହିଁ । ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଚମ୍ପାଇ ସୋରେନ ନିଜେ ଏକ ଦଳ ଗଠନ କରିବେ । ବୁଧବାର ସେ ଟ୍ବିଟ୍ ମାଧ୍ୟମରେ ଏଭଳି ଘୋଷଣା କରିଛନ୍ତି । ବିଜେପିରେ ଯୋଗ ଦେବା ପାଇଁ ଦିଲ୍ଲୀରେ ଡେରା ପକାଇଥିଲେ । ମାତ୍ର ଏହାସଫଳ ନହେବା ପରେ ସେ ନୂଆ ନିଷ୍ପତ୍ତି ନେଇଛନ୍ତି । ନୂଆ ଦଳ ଗଠନ କରି ନିର୍ବାଚନରେ ପ୍ରତିଦ୍ବନ୍ଦିତା କରିବେ । ଆମେ ନୂଆ ସାଥୀ ଖୋଜୁଛୁ, ସେମାନଙ୍କ ସହ ଆଗକୁ ବଢ଼ିବୁ ବୋଲି ମଧ୍ୟ କହିଛନ୍ତି ଚମ୍ପାଇ । ଦିଲ୍ଲୀରୁ ଫେରିବା ପରେ ନିଜର ସମର୍ଥକଙ୍କୁ ଭେଟିବା ପରେ ଏଭଳି ନିଷ୍ପତ୍ତି ନେଇଛି ବୋଲି ଚମ୍ପାଇ କହିଛନ୍ତି । ତେବେ ତିନୋଟି ବିକଳ୍ପ ରଖିଥିବା କଥା ପୂର୍ବରୁ କହିଥିଲେ ଚମ୍ପାଇ । ଅନ୍ୟ ଦଳରେ ନମିଶିଲେ ରାଜନୀତିରୁ ସନ୍ୟାସ ନେବା କଥା ମଧ୍ୟ କିନ୍ତୁ ସେ ସନ୍ୟାସ ବଦଳରେ ନୂଆ ଦଳ ଗଠନ କରି ନିର୍ବାଚନ ଲଢ଼ିବେ ବୋଲି ସ୍ପଷ୍ଠ କରିଛନ୍ତି । ବୁଧବାର ସକାଳେ ତାଙ୍କ ବାସଭବନକୁ ବହୁ ସମର୍ଥକ ଯାଇ ତାଙ୍କ ସହ ଭେଟିଥିଲେ । ତେବେ ୭ଦିନ ମଧ୍ୟ ସମସ୍ତ କଥା ସ୍ପଷ୍ଠ ହେବ ବୋଲି ଜଣାଇଛନ୍ତି । ଏନଡିଏ ସଂଗଠନ ସହ ଚମ୍ପାଇ ଯୋଡ଼ି ହୋଇ ରହିବେ । କାରଣ ଜିତନରାମ ଏକ ଟ୍ବିଟ କରି ଚମ୍ପାଇଙ୍କୁ ଟ୍ୟାଗ କରିଥିଲେ । ସେ ମଧ୍ୟ ଏହାର ଉତ୍ତର ରଖିଛନ୍ତି ।
କୋଲକାତା ଦୁଷ୍କର୍ମ ଓ ହତ୍ୟା ମାମଲା : ଜାଣନ୍ତୁ କଣ ହୋଇଥିଲା ଅନ୍ତିମ ସଂସ୍କାର ଦିନ
ନନ୍ଦିଘୋଷ ବ୍ୟୁରୋ: କୋଲକାତାରେ ମହିଳା ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣା ସାରା ଦେଶରେ ଆଲୋଡନ ସୃଷ୍ଟି କରିଛି । ଏହି ଘଟଣା ଉପରେ ସୁପ୍ରିମକୋର୍ଟ ଶୁଣାଣି କରିଥିବାବେଳେ ଏଯାବତ ଉତ୍ତେଜନା ପରିସ୍ଥିତି ଶାନ୍ତ ହୋଇନାହିଁ । ତେବେ ଏହି ଘଟଣା ଦିନ କଣ ଘଟିଥିଲା । ଏବଂ କାହିଁକି ଶୀଘ୍ର ଶୀଘ୍ର ଡାକ୍ତରଙ୍କ ମୃତଦେହକୁ ଦାହ କରାଯାଇଥିଲା । ତେବେ କାହିଁକି ତରବରିଆ ଭାବେ ଦାହ କରାଯାଇଥିଲା । ଏହାକୁ ନେଇ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇଛି । ପାନିଘାଟ ଶ୍ମଶାନରେ ମହିଳା ଡାକ୍ତରଙ୍କ ଅନ୍ତିମ ସଂସ୍କାର କରାଯାଇଛି । ତେବେ ସେହିଦିନ କଣ ହୋଇଥିଲା? ଏହାକୁ ନେଇ ନିଜର ପ୍ରତିକ୍ରିୟା ରଖିଛନ୍ତି ଶ୍ମଶାନଘାଟ ଇନଚାର୍ଜ ମ୍ୟାନେଜର ।
ମୃତକଙ୍କ ମା ସେହିଦିନ ଘଟଣାରେ କୌଣସି ହସ୍ତକ୍ଷେପ କରିନଥିଲେ । ଏହାସହ ସେ କହିଛନ୍ତି କି, ଅନ୍ୟଦିନ ଅପେକ୍ଷା ସେହିଦିନ ଅଧିକ ଶବ ଦାହ ପାଇଁ ପାନିଘାଟକୁ ଆସିଥିଲା । ଆମେ ଟିଭି ଦେଖି ଜାଣିଥିଲୁ କି, ମହିଳା ଡାକ୍ତରଙ୍କ ଶବ ମଧ୍ୟ ଏଠାକୁ ଆସିବ । ଏହା ପୂର୍ବରୁ ଭିଡ଼ ହେବ ଭାବି ଆମେ ମଧ୍ୟ ପ୍ରସ୍ତୁତ ରହିଥିଲୁ । କିନ୍ତୁ ମୃତଦେହ ପହଞ୍ଚିବା ପୂର୍ବରୁ ଶ୍ମଶାନ ଆଗରେ ଲୋକଙ୍କ ଭିଡ଼ ଜମିଥିଲା । ସ୍ଥାନୀୟ ବିଧାୟକଙ୍କ ସହ ପୋଲିସ ଫୋର୍ସ ମଧ୍ୟ ଉପସ୍ଥିତ ରହିଥିଲେ । ପୋଲିସ ଉପସ୍ଥିତିରେ ଅନ୍ୟ ଶବକୁ ରଖାଯାଇ ପ୍ରଥମେ ଡାକ୍ତରଙ୍କ ମୃତଦେହକୁ ଦାହ କରାଯାଇଥିଲା । ପୂର୍ବରୁ ୨ଟି ଶବ ରହିଥିଲା । ମାତ୍ର ସେମାନଙ୍କୁ ଅପେକ୍ଷା କରିବା ପାଇଁ ଅନୁରୋଧ କରାଯାଇଥିଲା । ଏବଂ ଡାକ୍ତରଙ୍କ ଶବକୁ ପ୍ରଥମେ ଦାହ କରାଯାଇଥିଲା ।
ବିଷାକ୍ତ ମଦ ଘଟଣା: ଚିକିଟି ଯିବ ବିଜେଡିର ଫ୍ୟାକ୍ଟ ଫାଇଣ୍ଡିଂ ଟିମ୍
ନନ୍ଦିଘୋଷ ବ୍ୟୁରୋ: ଚିକିଟିରେ ବିଷାକ୍ତ ମଦ ପିଇ ୨ ଜଣଙ୍କ ମୃତ୍ୟୁ ଘଟଣା । ମେଡିକାଲରେ ଏବେ ମଧ୍ୟ ୧୪ ଜଣ ଚିକିତ୍ସିତ ହେଉଛନ୍ତି । ଏହି ଘଟଣାକୁ ଗୁରୁତର ନେଇ ବିଜେଡି । ବିଜେଡିର ଏକ ଫ୍ୟାକ୍ଟ ଫାଇଣ୍ଡିଂ ଟିମ ଗଠନ କରାଯାଇଛି । ଏହି ଟିମରେ ଚିକିଟିର ପୂର୍ବତନ ବିଧାୟିକା ଉଷା ଦେବୀ, ରମେଶଚନ୍ଦ୍ର ଚ୍ୟାଉ ପଟ୍ଟନାୟକ ପ୍ରମୁଖ ରହିଛନ୍ତି । ଘଟଣାର ଅନୁଧ୍ୟାନ କରିବା ପରେ ବିଜେଡି ସୁପ୍ରିମୋଙ୍କୁ ରିପୋର୍ଟ ଦେବେ । ବୁଧବାର ଶଙ୍ଖ ଭବନରେ ବିଜେଡି ପକ୍ଷରୁ ଆୟୋଜିତ ଏକ ସାମ୍ବାଦିକ ସମ୍ମଳନୀରେ ପ୍ରତାପ ଦେବ ଏଭଳି ସୂଚନା ଦେଇଛନ୍ତି ।
ଚିକିଟି ବିଷାକ୍ତ ମଦ : ଆଉ ଜଣେ ମୃତ
ନନ୍ଦିଘୋଷ ବ୍ୟୁରୋ: ଚିକିଟି ମଦ ବିଷାକ୍ତ ମଦ ପିଇ ମେଡିକାଲରେ ଭର୍ତ୍ତି ହୋଇଥିବା ଘଟଣା । ମୃତ୍ୟୁ ସଂଖ୍ୟା ୨କୁ ବୃଦ୍ଧି । ଏହାକୁ ନେଇ ଏବେ ରାଜନୈତିକ ବୟାନବାଜି ଆରମ୍ଭ ହୋଇଛି । ସେପଟେ ଏବେ ଆହୁରି ୧୪ ଜଣ ମେଡିକାଲରେ ଚିକତ୍ସିତ ହେଉଛନ୍ତି । ଚିକିତ୍ସାଧିନ ଅବସ୍ଥାରେ ଏବେ ୨ ଜଣଙ୍କ ମୃତ୍ୟୁ ହୋଇଛି ।
ଅଲଟାଇମ ଓ୍ବାଲ୍ଡ ପ୍ଲେଇଙ୍ଗ ୧୧ ଟିମ ବାଛିଲେ ଗମ୍ଭୀର, ଜଣେ ବି ନାହାନ୍ତି ଭାରତୀୟ ଖେଳାଳି
ନନ୍ଦିଘୋଷ ବ୍ୟୁରୋ: ଅଲଟାଇମ ଓ୍ବାଲ୍ଡ ପ୍ଲେଇଙ୍ଗ ୧୧ ଟିମ ବାଛିଲେ ଭାରତୀୟ ଦଳର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର । ଏହି ୧୧ ଜଣିଆ ଟିମରେ ୩ ଜଣ ପାକିସ୍ତାନୀ ଖେଳାଳିଙ୍କୁ ସ୍ଥାନ ଦେଇଥିବାବେଳେ ଜଣେ ହେଲେ ଭାରତୀୟ ଖେଳାଳିଙ୍କ ନାଁ ନାହିଁ । ଯାହାକୁ ନେଇ ଗମ୍ଭୀରଙ୍କୁ ମଧ୍ୟ ଟ୍ରୋଲ କରୁଛନ୍ତି ୟୁଜର୍ସ । ଗମ୍ଭୀରଙ୍କ ଟିମରେ ରହିଛନ୍ତି ଆଦାମ ଗିଲଖ୍ରୀଷ୍ଟ (ଅଷ୍ଟ୍ରେଲିଆ), ମାଥ୍ୟୁ ହେଡେନ (ଅଷ୍ଟ୍ରେଲିଆ), ଏବି ଡି ଭିଲିୟର୍ସ (ଦକ୍ଷିଣ ଆଫ୍ରିକା), ବ୍ରାଏନ ଲାରା (ୱେଷ୍ଟଇଣ୍ଡିଜ), ଆଣ୍ଡ୍ରିୟୁ ସାଇମଣ୍ଡସ୍ (ଅଷ୍ଟ୍ରେଲିଆ), ଇନଜାମାମ ଉଲ ହକ (ପାକିସ୍ଥାନ), ଅବଦୁଲ ରଜାକ (ପାକିସ୍ଥାନ), ମୁଥିଆ ମୁରଲୀଥରଣ (ଶ୍ରୀ) ଲଙ୍କା), ଶୋଏବ ଅଖତର (ପାକିସ୍ଥାନ), ମୋର୍ନେ ମର୍କେଲ (ଦକ୍ଷିଣ ଆଫ୍ରିକା), ଆଣ୍ଡ୍ରିୟୁ ଫ୍ଲିଣ୍ଟଫ (ଇଂଲଣ୍ଡ) ।