ଢେଙ୍କାନାଳ: ଢେଙ୍କାନାଳ ଗଣଦୁଷ୍କର୍ମ ଘଟଣା । ଜାତୀୟ ମାନବାଧିକାର ଆୟୋଗଙ୍କ ନିକଟରେ ପହଞ୍ଚିଲା ଢେଙ୍କାନାଳ ଗଣଦୁଷ୍କର୍ମ ଘଟଣା। ଏନେଇ ଆୟୋଗଙ୍କ ନିକଟରେ ଅଭିଯୋଗ କରିଛନ୍ତି ମାନବାଧିକାର କର୍ମୀ ଜୟନ୍ତ କୁମାର ଦାସ। ରାଜ୍ଯ ସରକାର, ପୋଲିସ ଓ ଜିଲ୍ଲା ଆଇନ ସେବା କର୍ତ୍ତୃପକ୍ଷଙ୍କ ଅବହେଳାକୁ ସେ ଦାୟୀ କରିଛନ୍ତି। ଜଣେ ଗରିବ ଓ ବାସହୀନ ଯୁବତୀଙ୍କୁ ଭାପୁର ଫାଣ୍ଡି ଅଞ୍ଚଳରେ ଯେପରି ଗଣଦୁଷ୍କର୍ମ କରାଯାଇଛି ତାହା ଦୁର୍ଭାଗ୍ଯଜନକ ବୋଲି ସେ କହିଛନ୍ତି।

ଯୁବତୀଙ୍କ ବାପା ମାନସିକ ଅସୁସ୍ଥ ଥିବାବେଳେ ସେମାନେ ଏକ ପରିତ୍ଯକ୍ତ ଅଙ୍ଗନବାଡି କେନ୍ଦ୍ରରେ ରହୁଥିଲେ। ସେମାନଙ୍କ ଦୁରବସ୍ଥାର ସୁଯୋଗ ନେଇ ଅସାମାଜିକ ବ୍ଯକ୍ତିମାନେ ଏପରି କାଣ୍ଡ ଘଟାଇଥିବା ସେ କହିଛନ୍ତି। ଏହି ଘଟଣାରେ ପୋଲିସ ନିଜ ଆଡୁ କିପରି କାର୍ଯ୍ଯାନୁଷ୍ଠାନ ନେଇନାହିଁ ସେ ନେଇ ପ୍ରଶ୍ନ କରାଯାଇଛି। ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ, ପୀଡିତାଙ୍କୁ ୧୦ ଲକ୍ଷ ଟଙ୍କାର କ୍ଷତିପୂରଣ, ପୋଲିସ ଓ ଜିଲ୍ଲା ଆଇନ ସେବା କର୍ତ୍ତୃପକ୍ଷଙ୍କ ବିରୋଧରେ କାର୍ଯ୍ୟାନୁଷ୍ଠାନ ଲାଗି ସେ ନିବେଦନ କରିଛନ୍ତି।

ଢେଙ୍କାନାଳ: ଢେଙ୍କାନାଳ ସଦର ଥାନା ଅଞ୍ଚଳରେ ଅସହାୟ ଯୁବତୀଙ୍କୁ ଗଣଦୁଷ୍କର୍ମ ଘଟଣା। ଘଟଣାରେ ଆଉ ଜଣଙ୍କୁ ଅଟକ ରଖିଛି ପୋଲିସ। ଘଟଣାରେ ରବିବାର ୪ ଜଣଙ୍କୁ ଗିରଫ କରିଥିଲା ପୋଲିସ । ଆଜି ୪ ଜଣଙ୍କର ହେବ ଡାକ୍ତରୀ ମାଇନା। ପୀଡ଼ିତାଙ୍କର ମଧ୍ୟ ଆଜି କୋର୍ଟରେ ହେବ ବୟାନ ରେକର୍ଡ। ଏହି ଘଟଣାକୁ ନେଇ ସବୁଠି ନିନ୍ଦା କରାଯାଇଛି।

ସୂଚନାଯୋଗ୍ୟ, ୨୨ ବର୍ଷୟୀ ଯୁବତୀଙ୍କୁ ଅଙ୍ଗନବାଡ଼ି ଛାତ ଉପରକୁ ଟେକି ନେଇ ୭ ଜଣ ବ୍ଯକ୍ତି ବାରମ୍ବାର ଗଣଦୁଷ୍କର୍ମ କରିଥିବା ଅଭିଯୋଗ ହୋଇଥିଲା । ବାପା ଆଗରେ ଝିଅକୁ ଟେକି ନେଇ ଦୁଷ୍କର୍ମ କରିଥିବା  ନେଇ ଅଭିଯୋଗ ହୋଇଥିଲା। ବାପା ମାନସିକ ରୋଗୀ ହୋଇଥିବା ସୂଚନା ମିଳିଛି। ଯୁବତୀଜଣକ ୭ ମାସର ଗର୍ଭବତୀ ଥିବା ଜଣାପଡ଼ିଛି। କିଛିଦିନ ହେବ ପ୍ରତ୍ୟେକ ଦିନ ଯୁବତୀଙ୍କୁ ରାତିରେ ଗଣଦୁଷ୍କର୍ମ କରାଯାଉଥିବା ବୋଲି ଅଭିଯୋଗ ହୋଇଥିଲା।। ଯୁବତୀଙ୍କୁ ପୋଲିସ ଉଦ୍ଧାର କରି ସଖୀ କେନ୍ଦ୍ରରେ ରଖିଛି। ଢେଙ୍କାନାଳ ସଦର ଥାନା ଅନ୍ତର୍ଗତ ଭାପୁର ଫାଣ୍ଡି ଅଞ୍ଚଳରେ ଏହି ଘଟଣା ଘଟିଛି।