ନନ୍ଦିଘୋଷ ବ୍ୟୁରୋ: ଅସାମାଜିକ ଯୁବକଙ୍କ ଦୌରାତ୍ମ। ସାମାନ୍ୟ ବଚସାରୁ ଗାଁରେ ବୁଲିଲା ଖଣ୍ଡl। ପାଟକୁରା ଥାନା ଅନ୍ତର୍ଗତ ସମସରା ପାଟଣା ଗାଁର ଘଟଣା। ଖଣ୍ଡl ବୁଲାଇ ଆତଙ୍କ ସୃଷ୍ଟି କରୁଥିବା ମୁଖ୍ୟ ଅଭିଯୁକ୍ତକୁ ଗିରଫ କରିଛି ପାଟକୁରା ଥାନା ପୋଲିସ। ପ୍ରଦୀପ୍ତ କୁମାର ନାୟକ ଓରଫ ବାପି ଗିରଫ ହୋଇଥିବାବେଳେ ଅନ୍ୟ ଅଭିଯୁକ୍ତ ଫେରାର ଅଛନ୍ତି। ଗାଁରେ ଖଣ୍ଡା ବୁଲାଇ ଅସଭ୍ୟ ଭାଷାରେ ଗାଳିଗୁଲଜ କରି ଗ୍ରାମବାସୀଙ୍କୁ ଭୟଭୀତ କରୁଥିଲେ। ସାମାନ୍ୟ ବଚସାରୁ ଗାଁର ଅଜୟ କୁମାର ଦାସ ଓ ତାଙ୍କ ପତ୍ନୀ ସ୍ୱର୍ଣ୍ଣଲତାଙ୍କୁ ମାଡ଼ ମାରିବା ସହିତ ଏକ ଖଣ୍ଡା ଧରି ହାଣିବାକୁ ଗୋଡାଇଥିଲେ । ଏନେଇ ସ୍ୱର୍ଣ୍ଣଲତା ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୁକ୍ତ ମାନଙ୍କ ଦୌରାତ୍ମରେ ଅତିଷ୍ଟ ହୋଇ ଗ୍ରାମର ଶତାଧିକ ପୁରୁଷ, ମହିଳା ପାଟକୁରା ଥାନାରେ ପହଞ୍ଚି ଅଭିଯୁକ୍ତ କୁ ଗିରଫ ପାଇଁ ଦାବି କରିଥିଲେ। ପାଟକୁରା ଥାନା ଅଧିକାରୀଙ୍କ ନିର୍ଦ୍ଦେଶ କ୍ରମେ ASI ଦିପ୍ତିମୟି ରାଉତ୍ ବିଭିନ୍ନ ଜାଗାରେ ଚଢାଉ କରିଥିଲେ। ମୁଖ୍ୟ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରାଯାଇଥିବାବେଳେ ଅନ୍ୟମାନଙ୍କୁ ଖୋଜୁଛି ପୋଲିସ।
ରତ୍ନ ଭଣ୍ଡାର ଭିତରକୁ ଗଲେ ଏଏସଆଇ ଟିମ୍
ନନ୍ଦିଘୋଷ ବ୍ୟୁରୋ: ରତ୍ନଭଣ୍ଡାର ଅନୁଧ୍ୟାନ ପାଇଁ ଶ୍ରୀମନ୍ଦିରରେ ପ୍ରବେଶ କରିଛନ୍ତି ୨୬ ଜଣିଆ ଟିମ୍। ଏହି ଟିମରେ ଅଛନ୍ତି ନ୍ୟାସନାଲ ଜିଓଲଜିକାଲ ରିସର୍ଚ୍ଚ ଇନଷ୍ଟିଚ୍ୟୁଟ, ଏଏସଆଇ, ବୈଷୟିକ ଟିମ୍ର ସଦସ୍ୟ। ରତ୍ନଭଣ୍ଡାରରେ କିଛି ସୁଡ଼ଙ୍ଗ ଅଛି କି, ଏହି ରତ୍ନଭଣ୍ଡାର ଭିତରେ ଆହୁରି ରତ୍ନଭଣ୍ଡାର ଅଛି କି ତାହା ଅନୁଧ୍ଯାନ କରିବେ। ତା ସହିତ ଭିତର ରତ୍ନଭଣ୍ଡାରର ସ୍ଥିତି, କାନ୍ଥର ସ୍ଥିତି ଅନୁଧାନ କରିବେ। ତା ପରେ ମରାମତି ନିଷ୍ପତ୍ତି ନିଆଯିବ। ଏଏସଆଇର ପ୍ରତ୍ୟକ୍ଷ ତତ୍ତ୍ଵାବଧାନରେ ଏହି କାମ ହେବ ବୋଲି ଜଷ୍ଟିସ ରଥ କହିଛନ୍ତି। ସେ କହିଛନ୍ତି ଆଜି ପ୍ରାଥମିକ ଅନୁସନ୍ଧାନ ହେବ। ରତ୍ନଭଣ୍ଡାର ମରାମତି ପାଇଁ କଣ ଯନ୍ତ୍ରପାତି ଦରକାର, କେତେ ଲୋକ ଦରକାର, କେଉଁ କ୍ଷେତ୍ରର ବିଶେଷଜ୍ଞ ଦରକାର ସେସବୁ ଅନୁଧ୍ଯାନ କରାଯିବ। ଜଷ୍ଟିସ ରଥ କହିଛନ୍ତି, ୭ରୁ ୧୦ ଦିନ ଭିତରେ ପରୀକ୍ଷା ନିରୀକ୍ଷା କରାଯିବ। ତା ପରେ ମରାମତି ନେଇ ହେବ ଅନୁଧ୍ଯାନ। ଏହା ଆଗରୁ ଆଜି ଶ୍ରୀମନ୍ଦିର କାର୍ଯ୍ୟାଳୟରେ ଏକ ଗୁରୁତ୍ଵପୂର୍ଣ୍ଣ ବୈଠକ ହୋଇଥିଲା। ଏଥିରେ ASI ର ଉପମହାନିର୍ଦେଶକ, ରତ୍ନଭଣ୍ଡାର ତଦାରଖ କମିଟିର ଅଦ୍ଧକ୍ଷ ଜଷ୍ଟିସ ବିଶ୍ୱନାଥ ରଥ, ଶ୍ରୀ ମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢ଼ୀଙ୍କ ସମେତ ASI ର କର୍ମକର୍ତ୍ତା, ରତ୍ନ ଭଣ୍ଡାର କମିଟିର ସଦସ୍ୟ ଓ ଶ୍ରୀମନ୍ଦିର ପ୍ରଶାସନ ର କର୍ମକର୍ତ୍ତା ପ୍ରମୁଖ ଉପସ୍ଥିତ ଥିଲେ। …
ଟ୍ରିପଲ ଏଲ’ ଟ୍ରାପରେ ଝାଡ଼ଖଣ୍ଡ, ସାମ୍ନାକୁ ଆସିଲା ଲେବର ଜିହାଦ!
ନନ୍ଦିଘୋଷ ବ୍ୟୁରୋ: ଲଭ୍, ଲ୍ୟାଣ୍ଡ ଏବଂ ଏବେ ଲେବର ଜିହାଦ୍ । ଝାଡ଼ଖଣ୍ଡରୁ ଆସିଛି ଏଭଳି ସଙ୍ଗୀନ ଅଭିଯୋଗ । ବିଶେଷ କରି ନିରିହ ଆଦିବାସୀମାନେ ଏହାର ଶିକାର ହେଉଛନ୍ତି । ପରିସ୍ଥିତି ଏଭଳି ହୋଇଛି କି, ସରକାରୀ ସ୍ତରରେ ଏହାର କୌଣସି ପଦକ୍ଷେପ କିମ୍ବା କାର୍ଯ୍ୟାନୁଷ୍ଠାନ ନିଆଯାଉନାହିଁ । ପ୍ରଶାସନ ପକ୍ଷରୁ ଏଦିଗରେ ମଧ୍ୟ କୌଣସି ଦୃଷ୍ଟି ଦିଆଯାଉନଥିବା ଅଭିଯୋଗ ହୋଇଛି । ଏଠାକାର ବହୁ ଶ୍ରମିକ ବାହାର ରାଜ୍ୟକୁ ଦାଦନ ଖଟିବାକୁ ଯାଆନ୍ତି । କିନ୍ତୁ ଅନେକଙ୍କ ଘରକୁ ଟଙ୍କା ଆସେନି କିମ୍ବା ଲୋକ ମଧ୍ୟ ଫେରନ୍ତି ନାହିଁ । ଏମାନେ ଲେବର ଜିହାଦର ଶିକାର ହେଉଛନ୍ତି ।
ଝାଡ଼ଖଣ୍ଡର ଡୁମ୍ମା ଜିଲ୍ଲାରୁ ଏଭଳି ୩ଟି କେସ ସାମାନକୁ ଆସିବା ପରେ ତତ୍ପରତା ପ୍ରକାଶ ପାଇଛି । ଜମ୍ମୁ-କାଶ୍ମୀର ଏବଂ ଲଦାଖ-ଲେହକୁ ଏଭଳି ଶ୍ରମିକଙ୍କୁ ନେଇ କାମରେ ନିୟୋଜିତ କରାଯାଇଛି । ଶ୍ରମିକମାନେ କୌଣସି ପାରିଶ୍ରମିକ ପାଉନଥିବା ଅଭିଯୋଗ ହୋଇଛି । କିନ୍ତୁ ଠିକାଦାରମାନେ ମାଲାମାଲ ହେଉଥିବା କୁହାଯାଉଛି ।
ଜଙ୍ଗଲା ଗାଁର ଜଣେ ବୃଦ୍ଧା ନିଜର ପୁଅ ବୋହୂଙ୍କୁ ଦୀର୍ଘଦିନ ଧରି ଅପେକ୍ଷା କରି ବସିଛନ୍ତି । ମାତ୍ର ସେମାନେ ଘରକୁ ଫେରୁନାହାନ୍ତି । ତାଙ୍କ ଯତ୍ନ ନେବାକୁ କେହି ମଧ୍ୟ ନାହାନ୍ତି । କିନ୍ତୁ ଠିକାଦାର ସେମାନଙ୍କୁ ଛାଡ଼ୁନଥିବା ସେ କହିଛନ୍ତି । ଏଭଳି ବାକି ଦୁଇଟି ଘଟଣା ମଧ୍ୟ ସାମାନାକୁ ଆସିବା ପରେ ଆରମ୍ଭ ହୋଇଛି ତଦନ୍ତ । ସେମାନେ ଶ୍ରମିକଙ୍କ ଆଧାର କାର୍ଡ ଏବଂ ବ୍ୟାଙ୍କ ପାସବୁକ ରଖି ଦେଇଛନ୍ତି । ସେମାନଙ୍କ ନିର୍ଯ୍ୟାତନା ଦେବା ସହ ଟଙ୍କା ଦେଉନାହାନ୍ତି ।
ତାତିଲେ ଅବସରପ୍ରାପ୍ତ ସେନା କର୍ମଚାରୀ, ଭୁବନେଶ୍ବର ପୋଲିସ ସେବା ଭବନ ସମ୍ମୁଖରେ ବିକ୍ଷୋଭ
ନନ୍ଦିଘୋଷ ବ୍ୟୁରୋ: ଭୁବନେଶ୍ଵରରେ ସେନା ଅଧିକାରୀ ଓ ତାଙ୍କ ବାନ୍ଧବୀଙ୍କୁ ଦୁର୍ବ୍ୟବହାର ଘଟଣା। ତାତିଲେ ଅବସରପ୍ରାପ୍ତ ସେନା କର୍ମଚାରୀ। ଭୁବନେଶ୍ବର ପୋଲିସ ସେବା ଭବନ ସମ୍ମୁଖରେ ସେମାନେ କରିଛନ୍ତି ବିକ୍ଷୋଭ। କଡ଼ା କାର୍ଯ୍ୟାନୁଷ୍ଠାନ ସହ ଘଟଣାର ବିଚାର ବିଭାଗୀୟ ତଦନ୍ତ ଦାବି କରିଛି ଅବସରପ୍ରାପ୍ତ ସେନା କର୍ମଚାରୀ ସଂଘ।
କହି ରଖୁଛୁ କି, ଭରତପୁର ଥାନାରେ ଏଭଳି ଘଟଣା ଘଟିଥିବାବେଳେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଭରତପୁର ଥାନା ଅଧିକାରୀଙ୍କ ସମେତ ୫ ଜଣ ସସପେଣ୍ଡ। ସେମାନେ ହେଲେ ଆଇଆଇସି ଦୀନକୃଷ୍ଣ ମିଶ୍ର, ଏସଆଇ ବୈଶାଳିନୀ ପଣ୍ଡା, ଏଏସଆଇ ସଲିଳମୟୀ ସାହୁ, ଏଏସଆଇ ସାଗରିକା ରଥ ଓ କନଷ୍ଟେବଳ ବଳରାମ ହାଁସଦା ସସପେଣ୍ଡ I ଗତକାଲି ଭାରତପୁର ଥାନାରୁ ତଦନ୍ତ ସାରିବା ପରେ, ରିପୋର୍ଟ ପ୍ରଦାନ କରିଥିଲେ ଡ଼ିଏସପି ନରେନ୍ଦ୍ର ବେହେରା। ଓଡିଶା ଅବସରପ୍ରାପ୍ତ ସେନା ସଂଘର ଅଭିଯୋଗ ଅନୁସାରେ ଶନିବାର ବିଳମ୍ବିତ ରାତି ୧୨ଟା ୩୦ରେ ଦୁର୍ବୃତ୍ତଙ୍କ ଆକ୍ରମଣର ଶିକାର ହୋଇଥିଲେ ମେଜର ଗୁରବନ୍ତ ସିଂ ଓ ତାଙ୍କ ବାନ୍ଧବୀ । ମେଜର ଗୁରୁବନ୍ତ ଓ ତାଙ୍କ ବାନ୍ଧବୀ ଅଙ୍କିତା ପଟିଆର ଏକ ରେସ୍ତେରାଁରୁ ଆସୁଥିବା ବେଳେ ରାସ୍ତାରେ ଏକ କାରକୁ ଓଭରଟେକ କରିବାପରେ ପଛରୁ ଆସୁଥିବା ଗାଡ଼ିରୁ କିଛି ଯୁବକ ସେମାନଙ୍କୁ ଅଟକାଇ ଧକ୍କା ମାରିବା ସହ ଧମକ ଦେଇଥିଲେ । ଏନେଇ ମେଜର ଓ ତାଙ୍କ ବାନ୍ଧବୀ ଭରତପୁର ଥାନାକୁ ଅଭିଯୋଗ କରିବାକୁ ଯାଇଥିଲେ । ଜଣେ ମହିଳା ଅଫିସର ବିନା ୟୁନିଫର୍ମରେ ତାଙ୍କ ନିକଟକୁ ଆସିଥିଲେ । ଅଭିଯୋଗ ରଖିବାକୁ ତାଙ୍କୁ କହିବାପରେ ସେ ଶୁଣିନଥିଲେ । ଏନେଇ ଉଭୟଙ୍କ ମଧ୍ଯରେ ଯୁକ୍ତିତର୍କ ହେବା ପରେ ଗୁରୁବନ୍ତଙ୍କୁ ପ୍ଯାଣ୍ଟ ସାର୍ଟ ଖୋଲି ଥାନାରେ ବସାଇଦେଇଥିଲେ ।
ଗଣେଷ ପୂଜା ଭସାଣ ବେଳେ ଡିଜେ ବାଜିବାକୁ ନେଇ ଗଣ୍ଡଗୋଳ, ପୋଡ଼ିଦେଲେ ବାଇକ୍
ନନ୍ଦିଘୋଷ ବ୍ୟୁରୋ: ଗଣେଷ ପୂଜା ଭସାଣ ବେଳେ ଡିଜେ ବାଜିବାକୁ ନେଇ ଗଣ୍ଡଗୋଳ। ଗଣ୍ଡଗୋଳ ପରେ ବାଇକ୍ ପୋଡ଼ି। ଗାଁ ରେ ଉତ୍ତେଜନା। ଜଟଣୀ ଥାନା ଅନ୍ତର୍ଗତ କନ୍ତିଆ ଗ୍ରାମରେ ଗତ ରାତିରେ ଏଭଳି ଘଟଣା ଦେଖିବାକୁ ମିଳିଛି । ଗଣେଶ ଭସାଣ ବେଳେ ଦୁଇ ସାହି ବଡ଼ଜେନା ସାହି ଓ ଦାଣ୍ଡି ସାହି ଯୁବକ ମାନଙ୍କ ଭିତରେ ଡିଜେ ବଜାଇବାକୁ କେନ୍ଦ୍ର କରି ଗଣ୍ଡଗୋଳ ହୋଇଥିବା ଦେଖିବାକୁ ମିଳିଛି। ଗଣ୍ଡଗୋଳ ପରେ ପୋଲିସ ଖବର ପାଇ ଘଟଣା ସ୍ଥଳକୁ ଆସି ଡିଜେ ଜବତ କରି ଥାନାକୁ ନେଇଯାଇଥିଲା। ପରେ ଗାଁର ପ୍ରଶାନ୍ତ ପାଇକେରାଙ୍କ ବାଇ କେହି ପୋଡି ଦେଇଥିବା ଦେଖିବାକୁ ମିଳିଛି। ଜଟଣୀ ଥାନା ପୋଲିସ ଘଟଣାସ୍ଥଳରେ ଘଟଣାର ତଦନ୍ତ କରୁଛି। ପୋଲିସ ଏହି ଘଟଣାରେ ଦୁଇଜଣ ଙ୍କୁ ଅଟକ ରଖି ପଚରାଉଚୁରା କରୁଛି। ଗାଁରେ ଚାପା ଉତ୍ତେଜନା ଲାଗି ରହିଛି। ଶାନ୍ତି ଶୃଙ୍ଖଳା ବଜାୟ ରଖିବା ପାଇଁ ପୋଲିସ ମୁତୟନ କରାଯାଇଛି।
ସରକାରୀ କ୍ବାଟର ଛାଡ଼ିବେ କେଜ୍ରିଓ୍ବାଲ
ନନ୍ଦିଘୋଷ ବ୍ୟୁରୋ: ଦିଲ୍ଲୀ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପରେ ଏବେ କ୍ବାଟର ଛାଡ଼ିବାକୁ ଯାଉଛନ୍ତି ଅରବିନ୍ଦ କେଜ୍ରିଓ୍ବାଲ । ମୁଖ୍ୟମନ୍ତ୍ରୀ ଥିବାବେଳେ ତାଙ୍କୁ ଯେଉଁ ସରକାରୀ ସୁବିଧା ମିଳୁଥିଲା ଏବେ ସବୁକୁ ଛାଡ଼ିବାକୁ ଯାଉଛନ୍ତି । କ୍ବାଟର ଛାଡ଼ିବା ପରେ କେଉଁଠି ରହିବେ କେଜ୍ରିଓ୍ବାଲ । ଏହାକୁ ନେଇ ପ୍ରଶ୍ନବାଚୀ ସୃଷ୍ଟି ସୃଷ୍ଟି ହୋଇଥିବାବେଳେ ଆପ ନେତା ସଞ୍ଜୟ ସିଂ କହିଛନ୍ତି କି, ତାଙ୍କୁ ସୁରକ୍ଷା ଦିଆଯାଉ । ତାଙ୍କ ଜୀବନ ପ୍ରତି ବିପଦ ରହିଛି । ଅନ୍ୟପଟେ କେଜ୍ରିଓ୍ବାଲ କହିଛନ୍ତି ମୋତେ କେବଳ ଭଗବାନ ରକ୍ଷା କରିବେ । ଏତେଦିନ ଜେଲରେ ରହିଲି । ବହୁ ଗୁଣ୍ଡା ଶ୍ରେଣୀର ଲୋକଙ୍କ ସହ ରହିଛି ଏଣୁ ମୋର କାହାକୁ ଭୟ କରିବାର ନାହିଁ । ମୋତେ କେବଳ ଭଗବାନ ରକ୍ଷା କରିବେ ।
ବିଜେପି ଲଗାତାର ଭାବେ କେଜ୍ରିଓ୍ବାଲଙ୍କୁ ବଦନାମ କରିବା ପାଇଁ ବିଭିନ୍ନ ଯୋଜନାମାନ କରୁଥିବାବେଳେ ତାଙ୍କୁ ଜେଲରେ ଭର୍ତ୍ତି କରିଥିଲା । ଯାହାକୁ ନେଇ ଆପ ନେତାମାନେ ନିନ୍ଦା କରିଛନ୍ତି । ଅନ୍ୟପଟେ କେଜ୍ରିଓ୍ବାଲ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବାପରେ ଦିଲ୍ଲୀବାସୀ ବେଶ ଦୁଃଖ ପ୍ରକାଶ କରିଛନ୍ତି । ଯିଏ ସେମାନଙ୍କ ପାଇଁ ଏତେ କାମ କଲେ ଆଉ ଶେଷରେ ଜେଲ ମଧ୍ୟ ଗଲେ ଏମିତିକି ମୁଖ୍ୟମନ୍ତ୍ରୀ ପଦ ମଧ୍ୟ ଛାଡ଼ିବାକୁ ପଡ଼ିଲା । ମାଗଣା ଶିକ୍ଷା, ବିଜୁଳି ପ୍ରଦାନ କରୁଥିବା ମୁଖ୍ୟମନ୍ତ୍ରୀଙ୍କ ସହ ଏଭଳି ଆକ୍ରମଣାତ୍ମକ ରାଜନୀତି କରୁଥିବା ବିଜେପିକୁ ନିନ୍ଦା କରୁଛନ୍ତି ଜନତା । ଏଭଳି କହିଛନ୍ତି ଆପ ନେତା ।
କୋହଲି-ଗମ୍ଭୀର ସାକ୍ଷାତକାର, ଭାଇରାଲ ହେଉଛି ଟ୍ରେଲର
ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆର ମୁଖ୍ୟ ପ୍ରଶିକ୍ଷକ ଏବଂ ନିର୍ଭରଯୋଗ୍ୟ ବ୍ୟାଟ୍ସମ୍ୟାନ ବିରାଟ କୋହଲି ଅନେକ ଥର ପଡ଼ିଆରେ ମୁହାଁମୁହିଁ ହୋଇଛନ୍ତି । ଉଭୟଙ୍କ ଝଗଡ଼ାକୁ ନେଇ ବହୁ ଚର୍ଚ୍ଚା ମଧ୍ୟ ହୋଇଥାଏ । ଦିଲ୍ଲୀର ଏହି ଦୁଇ ଖେଳାଳି ଅନେକଥର ଖବରର ଶିରୋନାମା ପାଲଟିଛନ୍ତି । ଏବେ ଗମ୍ଭୀର ଗୁରୁ ଦାୟିତ୍ବ ରହିଥିବାବେଳେ ବିସିସିଆଇ ଉଭୟଙ୍କ କଳିରେ ପୂର୍ଣ୍ଣଚ୍ଛେଦ ପକାଇଛି । ଉଭୟଙ୍କ ମଧ୍ୟରେ ଏକ ସାକ୍ଷାତକାର ଭିଡିଓ ବିସିସିଆଇ ପକ୍ଷରୁ ପୋଷ୍ଟ କରାଯାଇଛି । ଏହାର ଟ୍ରେଲର କେବଳ ପୋଷ୍ଟ କରାଯାଇଛି । ତେବେ ଏହି ଭିଡିଓକୁ ୟୁଜର୍ସମାନେ ବେଶ ପସନ୍ଦ କରୁଥିବାବେଳେ ସେୟାର ମଧ୍ୟ କରୁଛନ୍ତି । ସେପଟେ ଉଭୟଙ୍କ ମଧ୍ୟରେ ପ୍ରଶ୍ନ ଉତ୍ତର ଶୁଣିଲେ ଆପଣ ମଧ୍ୟ ଆଶ୍ଚର୍ଯ ହେବେ ।
https://twitter.com/PathakRidhima/status/1836248010516234371?ref_src=twsrc%5Etfw%7Ctwcamp%5Etweetembed%7Ctwterm%5E1836248010516234371%7Ctwgr%5E0171311dbda80a6b03c0b5eef8fd6d0228663b7b%7Ctwcon%5Es1_&ref_url=https%3A%2F%2Fwww.tv9hindi.com%2Fsports%2Fcricket-news%2Fvirat-kohli-gautam-gambhir-interview-question-on-fight-between-them-in-bcci-share-video-kohli-gambhir-chat-2836710.html
କେନାଲରେ ଭାସିଗଲେ ମହିଳା
ନନ୍ଦିଘୋଷ ବ୍ୟୁରୋ: ଗାଧୋଇବା ବେଳେ କେନାଲରେ ଭାସିଗଲେ ମହିଳା । ଅନୁଗୋଳ ଜିଲ୍ଲା ବଅଁରପାଳ ବ୍ଲକ ବୁଢ଼ାପଙ୍କ ଗ୍ରାମ ପଞ୍ଚାୟତର କେନାଲରେ ଗାଧୋଇଲା ବେଳେ ଭାସିଗଲେ ମହିଳା। ମହିଳା ଜଣକ ହେଲେ ବୁଢ଼ାପଙ୍କ ଗ୍ରାମର ଗଡ଼ସାହି ବାସିନ୍ଦା ଅଶୋକ ସାମଲଙ୍କ ୨୨ ବର୍ଷୀୟ ସ୍ତ୍ରୀ ପୂର୍ଣ୍ଣିମା ସାମଲ। ପରିବାରର ୫ ଜଣ ସଦସ୍ୟ ସକାଳେ ଗାଧୋଇବା ବେଳେ ସେ ଭାରସାମ୍ଯ ହରାଇ ପାଣି ସ୍ରୋତରେ ଭାସି ଯାଇଥିଲେ। ସମ୍ପର୍କୀୟମାନେ ଲୁଗା ପକାଇ ଉଦ୍ଧାର ପାଇଁ ଚେଷ୍ଟା କରିବା ବେଳେ ସଫଳ ହୋଇ ପାରିନଥିଲେ । ଗ୍ରାମବାସୀ ଦମକଳବାହିନୀକୁ ଖବର ଦେବା ପରେ ଦମକଳବାହିନୀ ଆସି ଉଦ୍ଧାର କାର୍ଯ୍ୟ ଜାରି ରଖିଥିବାବେଳେ ବଅଁରପାଳ ପୋଲିସ, ତହସିଲଦାର, ଆର ଆଇ, ଓ ଜିଲ୍ଲା ଦମକଳବାହିନୀ ଅଧିକାରୀ ପହଞ୍ଚିଛନ୍ତି।
ଦିନେଶ କାର୍ତ୍ତିକ କହିଲେ କାହିଁକି ରାଗନ୍ତି ଗମ୍ଭୀର
ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀରଙ୍କ ରାଗ ମୁଡ ଆପଣ ପୂର୍ବରୁ ଅନେକଥର ଦେଖିଥିବେ ନିଶ୍ଚୟ । ସେ ପାକିସ୍ତାନ ବିପକ୍ଷ ମ୍ୟାଚ ହେଉ ବା ବିରାଟଙ୍କ ସହ ଯୁକ୍ତି । ତେବେ ଗମ୍ଭୀର ନିଜର ଆଙ୍ଗ୍ରି ମୁଡ ପାଇଁ ଅନେକଥର ସୋସିଆଲ ମିଡିଆରେ ଟ୍ରୋଲ ମଧ୍ୟ ହୋଇଛନ୍ତି । ତେବେ ସେ ଏମିତି କାହିଁକି ହୁଅନ୍ତି । ଏହାର କାରଣ କହିଛନ୍ତି ପୂର୍ବତନ ଓ୍ବିକେଟ କିପର ବ୍ୟାଟ୍ସମ୍ୟାନ ଦୀନେଶ କାର୍ତ୍ତିକ । ଲିଜେଣ୍ଡସ ଲିଗ କ୍ରିକେଟର ଏକ କାର୍ଯ୍ୟକ୍ରମରେ ଯୋଗ ଦେଇ କାର୍ତ୍ତକ କହିଛନ୍ତି କି, ବିନା କିଛି କାରଣରେ ଗମ୍ଭୀର କେବେ ମଧ୍ୟ ରାଗନ୍ତି ନାହିଁ । ସେ ରାଗିବା ପଛରେ କିଛି କାରଣ ରହିଥାଏ ।
ତେବେ ଗମ୍ଭୀର ଟିମ ଇଣ୍ଡିଆର ମୁଖ୍ୟ ପ୍ରଶିକ୍ଷକ ହୋଇଥିବାବେଳେ ସେ ରାଗ ମୁଡରେ ନଜର ଆସିନାହାନ୍ତି । ଶ୍ରୀଲଙ୍କା ବିପକ୍ଷ ସିରିଜରେ ନିଜର ପ୍ରଥମ କୋଚିଂ କ୍ୟାରିୟର ଆରମ୍ଭ କରିଛନ୍ତି । ଟି-୨୦ରେ ଦଳ ବିଜୟୀ ହୋଇଥିବାବେଳେ ଦିନିକିଆରେ ପରାଜୟ ବରଣ କରିଥିଲା । ଆଉ ଏବେ ବାଂଲାଦେଶ ବିପକ୍ଷରେ ନିଜର ପ୍ରଥମ ଟେଷ୍ଟ ସିରିଜ ଆରମ୍ଭ କରିବେ ।
ସ୍କୁଲ ନିକଟରୁ ଉଦ୍ଧାର ହେଲା ନାବାଳିକାର ମୃତଦେହ, ଦୁଷ୍କର୍ମ ପରେ ହତ୍ୟା ଅଭିଯୋଗ
ନନ୍ଦିଘୋଷ ବ୍ୟୁରୋ: ନବରଂଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ କଣ୍ଟାଗାଁ ସଦର ପଂଚାୟତ ସରକାରୀ ଉଚ୍ଚବିଦ୍ୟାଳୟ ନିକଟସ୍ଥ ଏକ ଟାୱାର ପାଚେରି ପାର୍ଶ୍ୱରୁ ୧୦ ବର୍ଷୀୟା ନାବାଳିକାର ମୃତଦେହ ଉଦ୍ଧାର। ନାବାଳିକା ଜଣଙ୍କ ଗତକାଲି ଦିନ ପ୍ରାୟ ଗୋଟାଏ ସମୟରେ ଶୌଚ ପାଇଁ ଯାଉଛି କହି ଘରୁ ବାହାରିଥିଲେ । ବହୁ ସମୟ ଧରି ଝିଅ ଘରକୁ ଫେରିନଥିବାରୁ ଘର ଲୋକ ଚିନ୍ତାରେ ପଡ଼ିଥିଲେ । ପରିବାର ଲୋକେ ବିଭିନ୍ନ ସ୍ଥାନରେ ଖୋଜାଖୋଜି କରିଥିଲେ ବି ଝିଅର ସନ୍ଧାନ ପାଇ ନଥିଲେ। ପରେ ରାତିରେ ଗ୍ରାମର ଟାୱାର ପାଚେରି ପାର୍ଶ୍ୱରୁ ଝିଅର ମୃତ ଶରୀର ପଡିଥିବା ଦେଖିବାକୁ ପାଇଥିଲେ । ପାରିପାର୍ଶ୍ଵିକ ସ୍ଥିତିରୁ ଏହା ଦୁଷ୍କର୍ମ ପରେ ହତ୍ୟା କରାଯାଇଥିବା ସନ୍ଦେହ କରାଯାଉଛି । ତେନ୍ତୁଳିଖୁଣ୍ଟି ଥାନା ପୋଲିସ ଘଟଣାସ୍ଥଳରେ ପହଞ୍ଚି ପ୍ରାଥମିକ ତଦନ୍ତ ଆରମ୍ଭ କରିଛି । ସାଇଣ୍ଟିଫିକ ଟିମ ଏବଂ ଡ଼ଗ ସ୍କ୍ୱାଡକୁ ନେଇ ଅଧିକ ତଦନ୍ତ ଆରମ୍ଭ ହୋଇଛି । ଦୋଷୀକୁ କଠୋର ଦଣ୍ଡ ଦେବା ପାଇଁ ଗ୍ରାମବାସୀ ଦାବି କରିଛନ୍ତି । ଏହାକୁ ନେଇ ଗ୍ରାମବାସୀ ରାସ୍ତାରୋକ କରିଛନ୍ତି।