ନନ୍ଦିଘୋଷ ବ୍ୟୁରୋ: କୋଲକାତା RG କର ମେଡିକାଲରେ ଡାକ୍ତରଙ୍କୁ ଦୁଷ୍କର୍ମ ଓ ହତ୍ଯା ଘଟଣା। ଏହାର ପ୍ରତିବାଦ କରି କୋଲକାତାରେ ପଶ୍ଚିମବଂଗ ଛାତ୍ର ସଂଗଠନର ଆଜି ନବାନ୍ନ ଅଭିଯାନ। ପୀଡ଼ିତାଙ୍କୁ ନ୍ୟାୟ ଦେବାକୁ ଆଜି ମହାବିକ୍ଷୋଭ କରିବେ ଛାତ୍ର ସଂଗଠନ। ଟିଏମସି ସରକାର ବିରୋଧରେ ସବୁଠୁ ବଡ଼ ଆନ୍ଦୋଳନର ଡାକରା ଦେଇଛି ପଶ୍ଚିଂବମଗ ଛାତ୍ର ସଙ୍ଗଠନ। କୋଲକାତାରେ ବିଶାଳ ଜନ ସମାବେଶର ଡାକରା ଦେଇଛି ଛାତ୍ର ସମାଜ।
ଏଥି ସହ ବିଜେପି ମଧ୍ୟ ଏହି ବିରୋଧକୁ ସମର୍ଥନ କରିଛି। ଏହି ପ୍ରଦର୍ଶନକୁ ଦୃଷ୍ଟିରେ ରଖି କୋଲକାତାରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ଟିଏମସି ଏହି ପ୍ରଦର୍ଶନକୁ ବିଜେପିର ଷଡଯନ୍ତ୍ର ବୋଲି କହିଛି। ସୂଚନାନୁସାରେ, ‘ନବାନ୍ନ ଅଭିଯାନ’ କୁ ଦୃଷ୍ଟିରେ ରଖି କୋଲକତା ସହରରେ ୬୦୦୦ରୁ ଅଧିକ ପୋଲିସ ମୁତୟନ କରାଯାଇଛି। ନବାନ୍ନ ଭବନ ବାହାରେ କୋଲକାତା ପୋଲିସ ଏବଂ ହାୱାର ସିଟି ପୋଲିସର ୩ ସ୍ତରୀୟ ସୁରକ୍ଷା ବ୍ୟବସ୍ଥା କରାଯାଇଛି ।
ନବାନ୍ନ ଅଭିଯାନ କ’ଣ ?
ସୂଚନାନୁଯାୟୀ ପୂର୍ବରୁ ବଙ୍ଗଳାର ସଚିବାଳୟ ରଏଟର୍ସ ବିଲଡିଂରେ ଥିଲା। କିନ୍ତୁ ଯେତେବେଳେ ମମତା ବାନାର୍ଜୀ ୨୦୧୧ରେ କ୍ଷମତାକୁ ଆସିଲେ, ସେତେବେଳେ ସେ ହାଓ୍ବାଡାର ହୁଗୁଳି ନଦୀ କୂଳରେ ଏହି କୋଠା ନିର୍ମାଣ କରି ଏହାର ନାମ ରଖିଥିଲେ ନବାନ୍ନ । ନବାନ୍ନର ଅର୍ଥ ହେଉଛି ନୂଆ | ମମତା ବାନାର୍ଜୀଙ୍କ ଇସ୍ତଫା ଦାବିରେ ଛାତ୍ରଛାତ୍ରୀମାନେ ଏହି ଆନ୍ଦୋଳନ ଡାକରା ଦେଇଛନ୍ତି। ଆଜି ମଧ୍ୟାହ୍ନରେ ଛାତ୍ର ସଙ୍ଗଠନ ରାସ୍ତାକୁ ଓହ୍ଲାଇବ। ଏହି ରାଲିକୁ ନବନ୍ନା ଅଭିଯାନ କୁହାଯାଉଛି। ବିନା କୌଣସି ରାଜନୈତିକ ବ୍ୟାନରରେ ଏହି ବିକ୍ଷୋଭ ଡାକରା ଦିଆଯାଇଛି।
ନବାନ୍ନ ଏକ କୋଠା, ଯାହା ହାୱାଡାରେ ଅବସ୍ଥିତ | ଏହା ୨୦୧୩ ମସିହାରେ ଆରମ୍ଭ ହୋଇଥିଲା ଏବଂ ଏହା ଏକ ୧୪ମହଲା ବିଶିଷ୍ଟ କୋଠା ଅଟେ | ଏଠାରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ଉପର ମହଲାରେ ରହିଛି ଏବଂ ମୁଖ୍ୟ ଓ ଗୃହ ସଚିବଙ୍କ କାର୍ଯ୍ୟାଳୟ ୧୩ତମ ମହଲାରେ ଅଛି ଓ ଚତୁର୍ଥ ଏବଂ ପଞ୍ଚମ ମହଲାରେ ଅନେକ ବିଭାଗ ଅଛି ।
ନବାନ୍ନ ଅଭିଯାନକୁ କାହିଁକି ଡରୁଛନ୍ତି ମମତା ?
ଆର.ଜି କର ମେଡିକାଲ କଲେଜର ଜଣେ ଛାତ୍ରୀଙ୍କୁ ବଳାତ୍କାର ଓ ହତ୍ୟା କରାଯାଇଥିଲା। ଛାତ୍ରୀଙ୍କ ପରିବାର ସଦସ୍ୟ ଅଭିଯୋଗ କରିଛନ୍ତି ଯେ ହସ୍ପିଟାଲର ପ୍ରିନ୍ସିପାଲ୍ ଏବଂ ଅନ୍ୟ ପ୍ରଶାସନିକ ଅଧିକାରୀମାନେ ସେମାନଙ୍କୁ ଫୋନ୍ ମାଧ୍ୟମରେ କହିଥିଲେ ଯେ ‘ସେମାନଙ୍କ ଝିଅ ଆତ୍ମହତ୍ୟା କରିଛି’। ଏହି ଘଟଣା ସାମ୍ନାକୁ ଆସିବା ପରେ ମମତା ସରକାର ନିରନ୍ତର ପ୍ରଶ୍ନବାଚୀ ସୃଷ୍ଟି କରିଛନ୍ତି। ବର୍ତ୍ତମାନ ଛାତ୍ରଛାତ୍ରୀମାନେ ନବାନ୍ନ ପଦଯାତ୍ରାକୁ ଆହ୍ବାନ କରି ତାଙ୍କ ସମସ୍ୟା ବଢାଇଛନ୍ତି ।
