ନନ୍ଦିଘୋଷ ବ୍ୟୁରୋ: ଆପଣ ଅଧିକ ସମୟ ବସିରହୁଛନ୍ତି କି ? ହେଇଯାଆନ୍ତୁ ସାବଧାନ ନହେଲେ ଭୋଗିବେ ଏସବୁ ସମସ୍ୟା । ଗୋଟିଏ ଜାଗାରେ ବସି କାମ କରିବା ଅତି ସହଜ ମନେ ହେଉଥିଲେବି ଏହି ଅଭ୍ୟାସ ଲୋକମାନଙ୍କୁ ଭୟଙ୍କର ସମସ୍ୟା ଆଡକୁ ଠେଲିଦେଇଥାଏ । ଗୋଟିଏ ଜାଗାରେ ବସି କାମ କରିବା ଦ୍ବାରା ପେଟ ବଢିବା ସହ ଚର୍ବି ବଢିବା ଏବଂ ଅନ୍ୟାନ୍ୟ ସ୍ୱାସ୍ଥ୍ୟ ସମସ୍ୟା ସୃଷ୍ଟି ହୋଇଥାଏ । ଯଦି ଆପଣ ଗୋଟିଏ ସ୍ଥାନରେ ବସି କାମ କରୁଛନ୍ତି ତାହେଲେ ଗ୍ଲୁଟିୟସ୍ ମିଡିଅସ୍ ଟେଣ୍ଡିନୋସିସ୍ ବା ‘Dead Butt Syndrome’ ସମସ୍ୟା ହେବାର ସବୁଠାରୁ ଅଧିକ ଆଶଙ୍କା ରହିଥାଏ । ଦୀର୍ଘ ସମୟ ବସିବା ଦ୍ୱାରା ଏଭଳି ସମସ୍ୟା ସୃଷ୍ଟି ହୋଇଥାଏ । ଅଧିକ ସମୟ ବସିବା ଯୋଗୁଁ ଗ୍ଲୁଟେଲ ମାଂସପେଶୀ ଦୁର୍ବଳ କିମ୍ବା ନିଷ୍କ୍ରିୟ ହୋଇଯିବା ସମସ୍ୟାକୁ Dead Butt Syndrome କୁହାଯାଏ । ଅଧିକ ସମୟ ବସିବା ଦ୍ୱାରା ଅଣ୍ଟା ବିନ୍ଧା କିମ୍ବା ଅନ୍ୟାନ୍ୟ ରୋଗ ମଧ୍ୟ ସୃଷ୍ଟି କରିପାରେ । ଯେତେବେଳେ ଏହି ମାଂସପେଶୀଗୁଡ଼ିକ ନିଷ୍କ୍ରିୟ କିମ୍ବା ଦୁର୍ବଳ ହୋଇଯାଆନ୍ତି,ଏହା ଶରୀରରେ ଅସନ୍ତୁଳନ ସୃଷ୍ଟି କରିପାରେ, ଯାହା ଲୋୟର ବ୍ୟାକ୍ ଏବଂ ନିତମ୍ବ ଭଳି ଅନ୍ୟାନ୍ୟ ସ୍ଥାନରେ ସମସ୍ୟା ସୃଷ୍ଟି କରିଥାଏ । ଏହାଦ୍ୱାରା ବିଭିନ୍ନ ସମସ୍ୟା ଦେଖା ଦେଇଥାଏ ।
ମାଂସପେଶୀ ଦୁର୍ବଳ : ଦୀର୍ଘ ସମୟ ଧରି ବସିବା ସମୟରେ ଗ୍ଲୁଟେଲ୍ ମାଂସପେଶୀ ସକ୍ରିୟ ହୋଇ ରହିନଥାନ୍ତି । ଯାହା ମାଂସପେଶୀକୁ ଦୁର୍ବଳ କରାଇଥାଏ । ଏହି କାରଣରୁ ପିଠିରେ ଯନ୍ତ୍ରଣା, ଏବଂ ଶାରୀରିକ କାର୍ୟ୍ୟକଳାପ କରିବାର କ୍ଷମତାକୁ ମଧ୍ୟ ପ୍ରଭାବିତ କରିଥାଏ ।
କୁଜା ହେଇଯିବା : ଅଧିକ ସମୟ ବସିବା ମଣିଷକୁ କୁଜା କରିଦେଇଥାଏ । ଏହା ପିଠି ଏବଂ ବେକରେ ଯନ୍ତ୍ରଣା ଦେଇଥାଏ । ସମୟ ସହିତ, ଖରାପ ସ୍ଥିତି ମାଂସପେଶୀ-ଜନିତ ସମସ୍ୟା ସୃଷ୍ଟି କରିପାରେ ଏବଂ କ୍ରୋନିକ ଯନ୍ତ୍ରଣା ହୁଏ ।
ଇମ୍ୟୁନିଟି ସିଷ୍ଟମ: ବେଳେ ବେଳେ ଅଧିକ କାମ ଚାପରେ ଆମେ ବ୍ରେକ୍ ନେବା ପାଇଁ ଭୁଲି ଯାଇଥାଉ । ତେଣୁ ଦୀର୍ଘ ସମୟଧରି ଗୋଟିଏ ସ୍ଥାନରେ ବସିବା ଯୋଗୁଁ ଶରୀରର କୋଷ ଗୁଡ଼ିକ ଦୁର୍ବଳ ହେବା ସହ ଇମ୍ୟୁନ୍ ସିଷ୍ଟମକୁ ପ୍ରଭାବିତ କରିଥାଏ ।
ମେଦବହୁଳତା: ସାଧାରଣତଃ ଦୀର୍ଘ ସମୟ ପର୍ଯ୍ୟନ୍ତ ଗୋଟିଏ ସ୍ଥାନରେ ବସିବା ଦ୍ୱାରା ମେଦବହୁଳତା ବୃଦ୍ଧି ପାଇଥାଏ । ଶରୀରରେ ଅତ୍ୟାଧିକ କ୍ୟାଲୋରୀ ବର୍ଣ୍ଣ ହୋଇନଥାଏ ଏବଂ ବ୍ୟକ୍ତି ବିଭିନ୍ନ ରୋଗରେ ଆକ୍ରାନ୍ତ ହୋଇଥାଏ ।
ଦୀର୍ଘ ସମୟ ଧରି ବସିବା ଦ୍ୱାରା ରକ୍ତ ପ୍ରବାହରେ ବାଧା ସୃଷ୍ଟି ହୋଇପାରେ । ଡିପ୍ ଭେନ୍ ଥ୍ରମ୍ବୋସିସ୍ (DVT) ପରି ଅବସ୍ଥା ହେବାର ଆଶଙ୍କା ବୃଦ୍ଧି ପାଇଥାଏ । ଖରାପ ରକ୍ତ ସଞ୍ଚାଳନ ଏକ ବସିବା ଜୀବନଶୈଳୀର ବ୍ୟାପକ ସ୍ୱାସ୍ଥ୍ୟ ସମସ୍ୟା, ମେଦ ବହୁଳତା ଏବଂ ହୃଦରୋଗ ମଧ୍ୟ ସହାୟକ ହୋଇପାରେ ।
