ନନ୍ଦିଘୋଷ ବ୍ୟୁରୋ : ଆଜି ଭାରତ-ବାଂଲାଦେଶ ଶେଷ ଟି-ଟ୍ବେଣ୍ଟି । ହାଇଦ୍ରାବାଦରେ ସନ୍ଧ୍ଯା ୭ଟାରୁ ଆରମ୍ଭ ହେବ ଖେଳ । ୩ଟିକିଆ ସିରିଜର ପ୍ରଥମ ଦୁଇଟି ମ୍ଯାଚ ଜିତି ଭାରତ ସିରିଜ ଜିତି ସାରିଛି । ଆଜିର ମ୍ଯାଚକୁ ଜିତି ସିରିଜ କ୍ଲିନ ସୁଇପ ଲକ୍ଷ୍ଯରେ ରହିଛି ଟିମ୍ ଇଣ୍ଡିଆ । ପ୍ରଥମ ମ୍ଯାଚକୁ ଦଳ ୭ ୱିକେଟରେ ଜିତିଥିବାବେଳେ ଦ୍ବିତୀୟ ଟି-ଟ୍ବେଣ୍ଟିରେ ୮୬ ରନରେ ଜିତିଥିଲା ଭାରତ । ଦଳର ସମସ୍ତ ଖେଳାଳି ଭଲ ଫର୍ମରେ ଥିବାରୁ ଏହି ମ୍ଯାଚକୁ ମଧ୍ଯ ଭାରତ ଜିତିବା ଆଶା ରଖିଛି । ଅନ୍ଯପଟେ ଲଗାତାର ଟେଷ୍ଟ ସହ ଟି-ଟ୍ବେଣ୍ଟି ସିରିଜ ହାରିଥିବା ବାଂଲାଦେଶ ସମ୍ମାନ ରଖିବାକୁ ଉଦ୍ଯମ କରିବ । ଆଜି ମ୍ଯାଚ ଜିତି ସମ୍ମାନ ବଞ୍ଚାଇବାକୁ ରଣନୀତି କରିଛି ଭ୍ରମଣକାରୀ ଦଳ ।
ଦକ୍ଷିଣ ଲେବାନନରେ ଇସ୍ରାଏଲର ହମଲା, ଏକାଧିକ ଟନେଲ ନଷ୍ଟ କରିଥିବା ଇସ୍ରାଏଲର ଦାବି
ନନ୍ଦିଘୋଷ ବ୍ୟୁରୋ : ଦକ୍ଷିଣ ଲେବାନନ ଉପରେ ଇସ୍ରାଏଲର ଜୋରଦାର ହମଲା। ଆତଙ୍କୀ ସଂଗଠନ ହିଜବୁଲ୍ଲାର ଠିକଣା ଗୁଡିକୁ ଖୋଜି ଖୋଜି ଧ୍ଵସ କରୁଛି ଇସ୍ରାଏଲ। ଇସ୍ରାଏଲକୁ ଟାର୍ଗେଟ କରି ରଖାଯାଇଥିବା ମିସାଇଲ ଏବଂ ଅସ୍ତ୍ରଶସ୍ତ୍ର ଭଣ୍ଡାରକୁ ନଷ୍ଟ କଲା ଆଇଡିଏଫ। ହିଜବୁଲ୍ଲାର ଅନେକ ଟନେଲକୁ ଖୋଜି ଧ୍ଵସ କରିଛନ୍ତି ଇସ୍ରାଏଲ ସେନା। ଇସ୍ରାଏଲ ସୀମାନ୍ତ ଅଂଚଳରେ ଏଭଳି ଅନେକ ଟନେଲ ଠାବ । ଏଭଳି ଅନେକ ନଷ୍ଟ କରାଯାଇଥିବା ଟନେଲକୁ ନଷ୍ଟ କରିଛି ଇସ୍ରାଏଲ। ରକେଟ ଓ ମିସାଇଲ ମାଡ଼ କରିଛି ଇସ୍ରାଏଲ। ଅନ୍ୟପଟେ ଇସ୍ରାଏଲ ଟାର୍ଗେଟର ଶିକାର ହୋଇଛନ୍ତି ଦକ୍ଷିଣ ଲେବାନନରେ ମୁତୟନ ଜାତିସଂଘର ଶାନ୍ତି ସେନା। ଶାନ୍ତିସେନା ଉପରେ ଇସ୍ରାଏଲର ଆକ୍ରମଣକୁ ନେଇ ଚିନ୍ତା ପ୍ରକଟ କରିଛି ଭାରତ। ଦକ୍ଷିଣ ଲେବାନରେ ହିଜବୁଲ୍ଲାକୁ ଟାର୍ଗେଟ କରି ଇସ୍ରାଏଲ କରୁଥିବା ଆକ୍ରମଣ ଦ୍ୱାରା ଶାନ୍ତିସେନା ପ୍ରଭାବିତ ହୋଇଛି ବୋଲି କହିଛି ଭାରତ। ଜାତିସଂଘର ଲେବାନନରେ ଶାନ୍ତି ସ୍ଥାପନ ପାଇଁ ଚାଲିଥିବା ମିଶନରେ ୬୦୦ ଭାରତୀୟ ସୈନ୍ୟ ରହିଛନ୍ତି। ସେମାନେ ଇସ୍ରାଏଲ-ଲେବାନନ ସୀମାକୁ ଲାଗି ଥିବା ୧୨୦ କିଲୋମିଟର ବ୍ଲୁ ଲାଇନରେ ମୁତୟନ ହୋଇଛନ୍ତି। ଏବେ ଇସ୍ରାଏଲ ସେଠାରେ ଆକ୍ରମଣ କରୁଥିବାରୁ ଭାରତୀୟ ସୈନ୍ୟଙ୍କ ଜୀବନ ପ୍ରତି ବିପଦ ସୃଷ୍ଟି ହୋଇଛି।
ଦୁଇ ଦିନ ମଧ୍ଯରେ ଓଡିଶାରୁ ଫେରିଯିବ ଦକ୍ଷିଣ ପଶ୍ଚିମ ମୌସୁମୀ ବାୟୁ
ଭୁବନେଶ୍ବର : ଓଡ଼ିଶାରୁ ମୌସୁମୀ ଫେରିବାର ସମୟ ଉପନୀତ । ଆଉ ଦୁଇ ଦିନ ମଧ୍ଯରେ ଓଡିଶାରୁ ଫେରିଯିବ ଦକ୍ଷିଣ ପଶ୍ଚିମ ମୌସୁମୀ ବାୟୁ । ଏଥିପାଇଁ ପାଗ ଅନୁକୂଳ ଥିବା କହିଛି ପାଣିପାଗ କେନ୍ଦ୍ର । ଗୁଜରାଟ, ମଧ୍ୟପ୍ରଦେଶ, ଝାଡ଼ଖଣ୍ଡ, ବିହାରରୁ ସଂପୂର୍ଣ୍ଣ ଫେରିଯିବ ମୌସୁମୀ । ମହାରାଷ୍ଟ୍ର, ଛତିଶଗଡ଼ର କିଛି ଅଞ୍ଚଳ ସମେତ ଓଡିଶା, ପଶ୍ଚିମବଙ୍ଗ ଏବଂ ସିକ୍କିମର କିଛି ଅଞ୍ଚଳରୁ ମୌସୁମୀ ପ୍ରତ୍ୟାବର୍ତ୍ତନ କରିବ ବୋଲି କହିଛି ପାଣିପାଗ୍ କେନ୍ଦ୍ର । ଚଳିତ ବର୍ଷ ସ୍ବାଭାବିକ ସମୟର ୪ ଦିନ ପୂର୍ବରୁ ଓଡିଶା ଛୁଇଁଥିଲା ମୌସୁମୀ । କେରଳ ଛୁଇଁବାର ୮ ଦିନ ପରେ ଓଡିଶାରେ ପ୍ରବେଶ କରିଥିଲା ଦକ୍ଷିଣ ପଶ୍ଚିମ ମୌସୁମୀ ବାୟୁ । ଓଡିଶାରେ ଏଥର ସ୍ବାଭାବିକ ବର୍ଷା ରେକର୍ଡ ହୋଇଛି । ଆଗାମୀ ୭ ଦିନ ପର୍ଯ୍ୟନ୍ତ ବଡ ବର୍ଷା ନଥିବାରୁ ମୌସୁମୀ ଫେରିଯିବା ନେଇ ବାଟ ଫିଟିଛି ।
ମାଲବାହୀ ଟ୍ରେନକୁ ଧକ୍କା ଦେଲା ଏକ୍ସପ୍ରେସ ଟ୍ରେନ, ୨ଟି ବଗିରେ ଲାଗିଲା ନିଆଁ
ଚେନ୍ନାଇ : ଚେନ୍ନାଇରେ ରେଳ ଦୁର୍ଘଟଣା । ମାଲବାହୀ ଟ୍ରେନକୁ ଧକ୍କା ଦେଲା ଏକ୍ସପ୍ରେସ ଟ୍ରେନ । ଥିରୁଭାଲୁର ଜିଲ୍ଲା କବରପେଟ୍ଟାଇ ଷ୍ଟେସନ ନିକଟରେ ମହୀଶୁର-ଦରଭଙ୍ଗା ବାଗମତି ଏକ୍ସପ୍ରେସ ଦୁର୍ଘଟଣାର ଶିକାର ହୋଇଛି । ଦୁର୍ଘଟଣାରେ ଟ୍ରେନର ୬ଟି ବଗି ଲାଇନଚ୍ଯୁତ ହୋଇଯାଇଥିବାବେଳେ ୨ଟି ବଗିରେ ନିଆଁ ଲାଗିଯାଇଛି । ଅନେକ ଯାତ୍ରୀ ଆହତ ହୋଇଥିବାବେଳେ କେହି ମୃତାହତ ହୋଇନଥିବା ସୂଚନା ମିଳିଛି । ଆହତ ଯାତ୍ରୀଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରାଯାଇଛି । ଗତକାଲି ଟ୍ରେନଟି ମହୀଶୁରରୁ ବିହାର ଦରଭଙ୍ଗାକୁ ଯାତ୍ରା କରୁଥିଲା । ରାତି ସାଢେ ୮ଟାରେ କବରପେଟ୍ଟାଇ ଷ୍ଟେସନ ଠିଆ ହୋଇଥିବା ଏକ ମାଲବାହୀ ଟ୍ରେନକୁ ପଛରୁ ଧକ୍କା ଦେଇଥିଲା । ଫଳରେ ୬ଟି ବଗି ଲାଇନଚ୍ଯୁତ ହେବା ସହ ୨ଟି ବଗିରେ ନିଆଁ ଲାଗିଯାଇଥିଲା । ଦୁର୍ଘଟଣାରେ କିଛିଲୋକ ଆହତ ହୋଇଥିବାବେଳେ ସୌଭାଗ୍ଯବଶତଃ କେହି ମୃତାହତ ହୋଇନାହାନ୍ତି । ଅଗ୍ନିଶମ ବାହିନୀ ଓ ରେସ୍କ୍ଯୁ ଟିମ୍ ଉଦ୍ଧାର କାର୍ଯ୍ଯ କରୁଛନ୍ତି । ତେବେ ପ୍ରଶ୍ନ ଉଠୁଛି, ଲାଇନରେ ମାଲବାହୀ ଟ୍ରେନ ଥାଇ କିପରି ସେହି ଲାଇନରେ ପାସେଞ୍ଜର ଟ୍ରେନକୁ ଅନୁମତି ମିଳିଲା ? ଏହା ଯାନ୍ତ୍ରିକ ନା ମାନବିକ ତୃଟି ? କେଉଁ କାରଣରୁ ଏପରି ଅଘଟଣ ଘଟିଲା ସେନେଇ କୌଣସି ସ୍ପଷ୍ଟ ସୂଚନା ମିଳିପାରିନି । ତଦନ୍ତ ପରେ ଦୁର୍ଘଟଣାର କାରଣ ଜଣାପଡ଼ିବ ବୋଲି ବରିଷ୍ଠ ଅଧିକାରୀ କହିଛନ୍ତି ।
ଆଜି ମହାନବମୀ , ବିଭିନ୍ନ ମଣ୍ଡପରେ ମା’ ଦୁର୍ଗାଙ୍କ ନବମୀ ପୂଜା
ଭୁବନେଶ୍ବର : ଆଜି ମହାମାୟାଙ୍କ ମହାନବମୀ । ରାଜ୍ୟର ବିଭିନ୍ନ ମଣ୍ଡପରେ ମା’ ଦୁର୍ଗାଙ୍କ ନବମୀ ପୂଜା ଅନୁଷ୍ଠିତ ହେଉଛି । ନବମୀରେ କୁମାରୀ ପୂଜା କରିବାର ବିଧି ରହିଛି । ତେଣୁ କିଛି ମଣ୍ଡପରେ କୁମାରୀ ପୂଜା, ଗୋ-ପୂଜନ କରାଯିବ । ସେହିଭଳି ବଙ୍ଗୀୟ ପରମ୍ପରା ଅନୁସାରେ କେତେକ ମଣ୍ଡପରେ ସିନ୍ଦୂର ଖେଳ ମଧ୍ୟ ହେବାର କାର୍ଯ୍ୟକ୍ରମ ରହିଛି । ମା’ଙ୍କୁ ଝିଅ ଭାବେ ପୂଜା କରିବା ସହ ବଙ୍ଗୀୟ ଢାଞ୍ଚାରେ ସିନ୍ଦୂର ଖେଳ କରାଯାଇଥାଏ । କେତେକ ମଣ୍ଡପରେ ମାଆଙ୍କ ପାଖରେ ଲାଗିହେବ ମାଛ ଭୋଗ । ସଧବା ମହିଳା ବେଶରେ ମାତା ଦୁର୍ଗାକୁ ଝିଅ ରୂପେ ପାଇଲା ପରେ ଆଜି ଘରୁ ବିଦା କରାଯିବାର ପରମ୍ପରା ରହିଛି । ସେପଟେ ପୀଠରେ ଚାଲିଛି ଦଶମୀ ପୂଜା । ଆଜି ମହୀଷାମର୍ଦ୍ଦିନୀ ବେଶରେ ଦର୍ଶନ ଦେବେ ମା’ କଟକ ଚଣ୍ଡୀ ।
ମାଲବାହୀ ଟ୍ରେନକୁ ଧକ୍କା ଦେଲା ଏକ୍ସପ୍ରେସ୍ ଟ୍ରେନ, ଦୁର୍ଘଟଣା ପରେ ଲାଗିଲା ନିଆଁ
ଚେନ୍ନାଇ: ଚେନ୍ନାଇରେ ରେଳ ଦୁର୍ଘଟଣା । ମାଲବାହୀ ଟ୍ରେନକୁ ଧକ୍କା ଦେଲା ଏକ୍ସପ୍ରେସ୍ ଟ୍ରେନ । ଥିରୁଭାଲୁର ଜିଲ୍ଲା କବରପେଟ୍ଟାଇ ଷ୍ଟେସନ ନିକଟରେ ମହୀଶୁର-ଦରଭଙ୍ଗା ବାଗମତି ଏକ୍ସପ୍ରେସ ଦୁର୍ଘଟଣାର ଶିକାର ହୋଇଛି ।
ଟ୍ରେନର ୫ରୁ ୬ଟି ବଗି ଲାଇନଚ୍ଯୁତ ହୋଇଯାଇଛି । ଦୁର୍ଘଟଣା ପରେ ଟ୍ରେନରେ ନିଆଁ ଲାଗିଯିବା ସହ ପ୍ରବଳ ଧୂଆଁ ବାହାରୁଛି । ଅନେକ ଯାତ୍ରୀ ଆହତ ହୋଇଥିବାବେଳେ କେହି ମୃତାହତ ହୋଇ ନଥିବା ସୂଚନା ମିଳିଛି । ଆହତ ଯାତ୍ରୀଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରାଯାଉଛି । ଅଗ୍ନିଶମ ବାହିନୀ ଓ ରେସ୍କ୍ଯୁ ଟିମ୍ ପହଞ୍ଚି ଟ୍ରେନ ନିଆଁକୁ ଲିଭାଇବା ସହ ଉଦ୍ଧାର କାର୍ଯ୍ଯ କରୁଛନ୍ତି ।
ଟ୍ରେନଟି ମହୀଶୁରରୁ ବିହାର ଦରଭଙ୍ଗାକୁ ଯାତ୍ରା କରୁଥିଲା । ରାତି ସାଢେ ୮ଟାରେ କବରପେଟ୍ଟାଇ ଷ୍ଟେସନ ଠିଆ ହୋଇଥିବା ଏକ ମାଲବାହୀ ଟ୍ରେନକୁ ପଛରୁ ଧକ୍କା ଦେଇଥିଲା ।
ପ୍ରଶ୍ନ ଉଠୁଛି, ଲାଇନରେ ମାଲବାହୀ ଟ୍ରେନ ଥାଇ କିପରି ସେହି ଲାଇନରେ ପାସେଞ୍ଜର ଟ୍ରେନକୁ ଅନୁମତି ମିଳିଲା ? ଏହା ଯାନ୍ତ୍ରିକ ନା ମାନବିକ ତ୍ରୁଟି ? କେଉଁ କାରଣରୁ ଏପରି ଅଘଟଣ ଘଟିଲା ସେନେଇ କୌଣସି ସ୍ପଷ୍ଟ ସୂଚନା ମିଳିପାରିନି । ତଦନ୍ତ ପରେ ଦୁର୍ଘଟଣାର କାରଣ ଜଣାପଡ଼ିବ ବୋଲି ବରିଷ୍ଠ ଅଧିକାରୀ କହିଛନ୍ତି ।
ମହାନଦୀକୁ ଗାଧୋଇବାକୁ ଯାଇ ଦୁଇ ଛାତ୍ର ନିଖୋଜ
ସମ୍ବଲପୁର: ସମ୍ବଲପୁର ଜିଲ୍ଲା ସଡ଼କ ଘାଟରେ ଅଘଟଣ । ମହାନଦୀରେ ଗାଧୋଇବା ବେଳେ ବୁଡ଼ି ଯାଇ ଦୁଇ ଛାତ୍ର ନିଖୋଜ । ଦୁଇଜଣ ଛାତ୍ର ସମ୍ବଲପୁର ତିୱାରୀ ଗଳିର । ସେମାନଙ୍କ ନାଁ ଏସ କନିସ୍କ ଓ ହିମାଂଶୁ ।
ଆଜି ଅପରାହ୍ଣରେ ମହାନଦୀକୁ ଗାଧୋଇବାକୁ ଆସିଥିବା ବେଳେ ପ୍ରଥମେ ଜଣେ ଛାତ୍ର ପାଣିରେ ଭାସି ଯାଇଥିଲେ । ତାଙ୍କୁ ଉଦ୍ଧାର କରିବାକୁ ଆଉ ଜଣେ ଛାତ୍ର ପାଣି ଭିତରକୁ ଯାଇଥିଲେ । ତେବେ ପହଁରା ଜାଣି ନଥିବାରୁ ଉଭୟେ ଭାସି ଯାଇଥିଲେ ।
ଖବର ପାଇ ଅଗ୍ନିଶମ ବାହିନୀର ଦୁଇଟି ଟିମ୍ ପହଞ୍ଚି ଦୁଇଜଣଙ୍କୁ ଖୋଜାଖୋଜି ଜାରି ରଖିଛନ୍ତି । ତେବେ ଅନ୍ଧାର ହୋଇଥିବାରୁ ସର୍ଚ୍ଚ ଅପରେସନ ବାଧାପ୍ରାପ୍ତ ହୋଇଛି ।
ରାଉରକେଲା ଦୁର୍ଗାପୂଜା: ଛିଡ଼ିଲା ରାମଦୋଳି, ୩ ଆହତ
ରାଉରକେଲା: ପୂଜାରେ ଅଘଟଣ । ରାଉରକେଲାରେ ଛିଡ଼ିଲା ରାମ ଦୋଳି । ଟେଲିଫୋନ ଭବନ ଦୁର୍ଗାପୂଜା ମଣ୍ଡପ ନିକଟରେ ଦୋଳିରୁ ଖସିପଡି ତିନି ଜଣ ଆହତ ହୋଇଛନ୍ତି । ଆହତ ୩ ଜଣଙ୍କୁ ରାଉରକେଲା ଇସ୍ପାତ ଜେନେରାଲ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ଦୋଳିକୁ ବନ୍ଦ କରି ଦିଆଯାଇଛି । କେଉଁ ପରିସ୍ଥିତିରେ ଦୋଳି ଛିଡ଼ିଲା ତାହାର ତନାଘନା ଆରମ୍ଭ କରିଛି ସେକ୍ଟର-୭ ଥାନା ପୋଲିସ ।
ବଢୁଛି ନବୀନଙ୍କ କ୍ରେଜ୍: ନିର୍ବାଚନର ୪ ମାସ ପରେ ଲୋକେ ବିଜେଡି ମୁହାଁ
ଭୁବନେଶ୍ବର: ନିର୍ବାଚନର ୪ ମାସ ପରେ ଲୋକେ ବିଜେଡି ମୁହାଁ । ନବୀନଙ୍କ କ୍ରେଜ ରାଜ୍ୟରେ ବଢୁଥିବାବେଳେ ଏହାର ପ୍ରଭାବ ପଡ଼ୁଛି ବିଜେଡିର ସଦସ୍ଯ ସଂଗ୍ରହ ଅଭିଯାନରେ । ବିଜେଡିର ସଦସ୍ଯ ହେବାକୁ ଲୋକଙ୍କ ମଧ୍ଯରେ ଆଗ୍ରହ ବଢିବାରେ ଲାଗିଛି । ମହିଳା ଓ ଯୁବପିଢିମାନେ ବିଜେଡି ପ୍ରତି ଅଧିକ ଆକର୍ଷିତ ହେଉଛନ୍ତି । ଜନତାଙ୍କଠାରୁ ଆରମ୍ଭ କରି ନେତାମାନଙ୍କ ପର୍ଯ୍ଯନ୍ତ ସମସ୍ତଙ୍କ ଗୋଟିଏ ଲକ୍ଷ୍ୟ ବିଜେଡିକୁ ପୁଣି କ୍ଷମତାକୁ ଫେରାଇ ଆଣିବା । ୨୦୨୭ରେ ହେବାକୁ ଥିବା ପଞ୍ଚାୟତ ଓ ପୌର ନିର୍ବାଚନରୁ ଏହି ଅଭିଯାନ ଆରମ୍ଭ ହେବାକୁ ଲକ୍ଷ୍ଯ ରଖିଛନ୍ତି ଦଳୀୟ ନେତା ଓ କର୍ମୀ ।
ସଫଳ ହେଉଛି ବିଜେଡିର ସଦସ୍ୟ ସଂଗ୍ରହ ଅଭିଯାନ । ନବୀନଙ୍କ କ୍ରେଜ ହେଉଛି ସହାୟକ । ସହଜ ହେବ ୧ କୋଟି ସଦସ୍ୟ ଲକ୍ଷ୍ୟ । ୨୦୨୪ ନିର୍ବାଚନର ୪ ମାସ ପରେ ବଦଳିଯାଇଛି ଓଡ଼ିଶାବାସୀଙ୍କ ମୁଡ୍ । ବିଜେଡି ଓ ନବୀନଙ୍କ ପ୍ରତି ବଢୁଛି ବିଶ୍ବାସ ଓ ଭରସା । ରାଜ୍ଯରେ ବିଜେଡି ଏକ ନମ୍ବର ଦଳ ହେବା ସହ ପ୍ରଥମ କରି ସଶକ୍ତ ବିରୋଧୀ ଦଳ ଭାବେ ଜନସେବା ଜାରି ରଖିଛି । ଏହାଛଡ଼ା ସାଂଗଠନିକ କାର୍ଯ୍ଯକ୍ରମକୁ ପୂରା ଦମରେ ଆୟୋଜିତ କରୁଛି । ଏଥର ଏକ କୋଟି ସଦସ୍ଯ ଟାର୍ଗେଟରେ ଆରମ୍ଭ ହୋଇଥିବା ସଦସ୍ଯ ସଂଗ୍ରହ ଅଭିଯାନକୁ ନେଇ ସବୁଠି ଉତ୍ସାହ ଦେଖାଦେଇଛି । ବିଜେଡି ସଦସ୍ୟ ହେବାକୁ ଲୋକଙ୍କ ଭିତରେ କ୍ରେଜ ବଢିବାରେ ଲାଗିଛି । ଆଗାମୀ ପଞ୍ଚାୟତ ନିର୍ବାଚନରେ ନେତା ଓ କର୍ମୀ ଏକାଠି ହୋଇ ଦଳକୁ ପୁଣି ବଡ଼ ସଫଳତା ଦେବେ ବୋଲି ବିଜେଡି ନେତା ପ୍ରଣବ ପ୍ରକାଶ ଦାସ କହିଛନ୍ତି ।
୨୦୨୪ ନିର୍ବାଚନରେ ବିଜେଡି ପାଇଥିଲା ୧ କୋଟି ୧ ଲକ୍ଷ ୨ ହଜାର ୪୪୫ ଖଣ୍ଡ ଭୋଟ । ଭୋଟ ହାର ଥିଲା ୪୦.୨୨ ପ୍ରତିଶତ । ସେହିପରି ଶାସକ ବିଜେପି ୪୦.୭ ପ୍ରତିଶତ ଅର୍ଥାତ ୧ କୋଟି ୬୪ ହଜାର ୮୨୭ଟି ଭୋଟ ପାଇଥିଲା । ତେବେ ଶାସନ ମଙ୍ଗ ଧରିବା ପରଠୁ ବିଜେପି ଲୋକଙ୍କ ଆସ୍ଥା ଓ ବିଶ୍ବାସ ହରାଇଛି । ଭତ୍ତାଠୁ ଆରମ୍ଭ କରି ସୁଭଦ୍ରା ପର୍ଯ୍ଯନ୍ତ ସବୁ ପ୍ରତିଶ୍ରୁତି ପ୍ରତାରଣାରେ ପରିଣତ ହୋଇଛି । ୩୦୦ ୟୁନିଟ ମାଗଣା ବିଜୁଳି ଧୂଆଁବାଣ ପାଲଟିଛି । ତେବେ ଏହାରି ଭିତରେ ନବୀନଙ୍କ ଲୋକପ୍ରିୟତା ଆଗ ଅପେକ୍ଷା ଆହୁରି ବଢିଯାଇଛି । ସମସ୍ତଙ୍କ ହୃଦୟରେ ଆଜି ବି ନବୀନଙ୍କ ପାଇଁ ସ୍ବତନ୍ତ୍ର ସ୍ଥାନ ରହିଛି ।
ବିଜେଡିର ଟାର୍ଗେଟକୁ ଦେଖି ଶାସକ ବିଜେପି ମଧ୍ୟ ୧ କୋଟି ସଦସ୍ୟ ସଂଗ୍ରହ କରିବାକୁ ଲକ୍ଷ୍ୟ ରଖିଛି । ନାଁ ନନେଇ ବିଜେପିର ମିସଡ କଲ ଅଭିଯାନକୁ ନବୀନ ମଧ୍ଯ ସମାଲୋଚନା କରିଥିଲେ । ଏବେ ବିଜେଡିର ସଦସ୍ଯତା ସଫଳତା ଦେଖି ଉଭୟ ବିଜେପି ଓ କଂଗ୍ରେସ ଚିନ୍ତାରେ ପଡ଼ିଥିବା ରାଜନୈତିକ ମହଲରେ ଆଲୋଚନା ହେଉଛି ।
ସୁରକ୍ଷିତ ଲ୍ୟାଣ୍ଡ କଲା ଏୟାର ଇଣ୍ଡିଆ ବିମାନ, ସମସ୍ତ ଯାତ୍ରୀ ସୁରକ୍ଷିତ
ତ୍ରିଚି: ସୁରକ୍ଷିତ ଲ୍ୟାଣ୍ଡ କଲା ଏୟାର ଇଣ୍ଡିଆ ବିମାନ । ତ୍ରିଚି ବିମାନ ବନ୍ଦରରେ ବିମାନଟି ସୁକ୍ରକ୍ଷିତ ଲ୍ୟାଣ୍ଡ କରିଛି । ବିମାନରେ ଥିବା ସମସ୍ତ ଯାତ୍ରୀ ଓ କ୍ରୁ ମେମ୍ବର ସୁରକ୍ଷିତ ଅଛନ୍ତି ।
ସୂଚନାଯୋଗ୍ୟ, କେରଳ ତ୍ରିଚିରୁ ଶାରଜାହ ଅଭିମୁଖେ ଉଡାଣ କରିଥିଲା ଏୟାର ଇଣ୍ଡିଆ ଏକ୍ସପ୍ରେସର AXB 613 ନମ୍ବର ବିମାନ । ବିମାନରେ ୧୪୦ରୁ ଅଧିକ ଯାତ୍ରୀ ଥିଲେ । ବିମାନ ଉଡାଣ କରିବା ପରେ ସେଥିରେ ବୈଷୟିକ ତ୍ରୁଟି ଦେଖାଦେଇଥିଲା । ବିମାନର ହାଇଡ୍ରୋଲିକ୍ ସିଷ୍ଟମରେ ତ୍ରୁଟି ଥିବା ଜାଣିବାକୁ ପାଇଥିଲେ ପାଇଲଟ । ଏହାପରେ ବିମାନକୁ ନେଇ ଆକାଶରେ ଚକ୍କର କାଟିଥିଲେ ପାଇଲଟ । ସନ୍ଧ୍ୟା ୫ଟା ୪୦ ମିନିଟରେ ବିମାନ ଉଡାଣ ଭରିଥିବାବେଳେ ଦୀର୍ଘ ୨ ଘଣ୍ଟାରୁ ଅଧିକ ସମୟ ଧରି ତ୍ରିଚି ବିମାନ ବନ୍ଦର ଉପରେ ଚକ୍କର କାଟିଥିଲା । ଏହାପରେ ବିମାନକୁ ସୁରକ୍ଷିତ ଅବତରଣ କରାଇଥିଲେ ପାଇଲଟ । ରାତି ୮ଟା ୨୦ ମିନିଟରେ ବିମାନକୁ ସୁରକ୍ଷିତ ଲ୍ଯାଣ୍ଡିଂ କରାଇଥିଲେ ପାଇଲଟ । ବିମାନର ସମସ୍ତ ଯାତ୍ରୀ ସୁରକ୍ଷିତ ଥିବା ଜଣାପଡିଛି। ବିମାନକୁ ବେଲି ଲ୍ଯାଣ୍ଡିଂ କରାଇବାକୁ ଯୋଜନା କରିଥିଲେ କର୍ତ୍ତୃପକ୍ଷ । ତେବେ ଲ୍ଯାଣ୍ଡିଂ ଗିଅର କାମ କରିବାରୁ ବିମାନର ଅବତରଣ ସୁରକ୍ଷିତ ହୋଇଥିଲା ।