ଭୁବନେଶ୍ବର: ରାଜଧାନୀ ଭୁବନେଶ୍ବରରେ ଆଜି ୧୦ଟି ସ୍ଥାନରେ ହେବ ରାବଣ ପୋଡ଼ି । ୧୦ଟି ପୂଜା ମଣ୍ଡପକୁ ରାବଣ ପୋଡି ପାଇଁ ଅନୁମତି ମିଳିଛି । ଝାରପଡା, ବରମୁଣ୍ଡା, ନହରକଣ୍ଟା, କୋରଡ଼କଣ୍ଟା, ବାଙ୍କୁଆଳ, ଗୋପାଳପୁର, କିଟ ରୋଡ଼, ଚନ୍ଦକା, ସିମୁଳିଆ ପାଟଣା ଦୋଳ ଯାତ୍ରା ପଡ଼ିଆରେ ହେବ ରାବଣ ପୋଡି ।
ସେହିପରି କପିଳ ପ୍ରସାଦ ଫୁଟବଲ ଗ୍ରାଉଣ୍ଡରେ ମଧ୍ୟ କରାଯିବ ରାବଣ ପୋଡି । ଏହି ସମୟରେ ସମସ୍ତ ନିୟମ ମାନିବାକୁ ପୂଜା କମିଟିକୁ ନିର୍ଦ୍ଦେଶ ଦିଆଯାଇଛି । ସମସ୍ତ ସ୍ଥାନରେ ଆଲର୍ଟରେ ରହିବ ଅଗ୍ନିଶମ ବାହିନୀ । ଏନେଇ ସୂଚନା ଦେଇଛନ୍ତି ଭୁବନେଶ୍ୱର ଡିସିପି ପିନାକ ମିଶ୍ର ।
ମୁମ୍ୱାଇ : ଦଶହରାରେ ଗୋଟିଏ ପଟେ ଜନସାଧାରଣ ବଡ଼ ଧୁମଧାମରେ ଉତ୍ସବ ମନାଉଥିବା ବେଳେ ଏହି ସମୟରେ ମହାରାଷ୍ଟ୍ରରେ ଘଟିଯାଇଛି ଏକ ବଡ଼ ଅଘଟଣ । ପୂର୍ବତନ ମନ୍ତ୍ରୀ ତଥା ରାଷ୍ଟ୍ରବାଦୀ କଂଗ୍ରେସ ପାର୍ଟି (ଏନସିପି) ନେତା ବାବା ସିଦ୍ଦିକୀଙ୍କ ଉପରେ ଗୁଳିମାଡ଼ କରାଯାଇଛି । ଏହି ଗୁଳିମାଡ଼ରେ ସିଦ୍ଦିକୀଙ୍କ ପେଟରେ ୨-୩ଟି ଗୁଳି ଲାଗିଥିବା ବେଳେ ଏଥିରେ ତାଙ୍କର ମୃତ୍ୟୁ ଘଟିଥିବା ଜଣାପଡ଼ିଛି । ପବିତ୍ର ପୂଜା ଅବସରରେ ପୂର୍ବତନ ମନ୍ତ୍ରୀ ସିଦ୍ଦିକୀଙ୍କୁ ଗୁଳିକରି ହତ୍ୟା କରିବା ଖବର ମହାରାଷ୍ଟ୍ର ରାଜନୀତିକୁ ଚଳଚଞ୍ଚଳ କରିଦେଇଛି ।
ବାବା ସିଦ୍ଦିକୀଙ୍କ ପରିବାର କହିଲେ, ତାଙ୍କ ପତ୍ନୀ ଶହଜୀନ, ପୁଅ ଜୀଶାନ ଏବଂ ଝିଅ ଅର୍ଶିଆଙ୍କୁ ବୁଝାଏ । ସୂଚନା ମୁତାବକ ସିଦ୍ଦିକୀଙ୍କୁ ତାଙ୍କ ପୁଅ ଜୀଶାନଙ୍କ ବାନ୍ଦ୍ରା ସ୍ଥିତ ଅଫିସ ବାହାରରେ ଗୁଳିମାଡ଼ କରାଯାଇଥିଲା । ଏହା ପରେ ତାଙ୍କୁ ଲୀଳାବାତୀ ହସ୍ପିଟାଲ ନିଆଯାଇଥିଲା, କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।
କୁହାଯାଏ କି ୬୬ ବର୍ଷ ପରେ ବାବା ସିଦ୍ଦିକୀ ମହାରାଷ୍ଟ୍ରରେ ଏକ ପ୍ରମୁଖ ମୁସଲିମ୍ ରାଜନେତା ଥିଲେ ଯେ, ଖାଦ୍ୟ ଏବଂ ନାଗରିକ ଯୋଗାଣ , ଶ୍ରମ ଏବଂ ଏଫଡିଏ ମନ୍ତ୍ରୀ ଭାବେ ସେ କାର୍ଯ୍ୟଭାର ତୁଲାଇଥିଲେ । ସେ ରାଜନୀତି ଠାରୁ ଅଧିକ ନିଜ ସମାଜବାଦୀ ଭାବମୂର୍ତ୍ତି ଏବଂ ପ୍ରତିବର୍ଷ ଗ୍ରାଣ୍ଡ ଇଫତାର ପାର୍ଟି ଆୟୋଜନ ପାଇଁ ଜଣାଶୁଣା ଥିଲେ ।
ବାବା ସିଦ୍ଦିକୀଙ୍କ ପୁଅ ଜୀଶାନଙ୍କ ମଧ୍ୟ ରାଜନୀତିରେ ଦବଦବା ରହିଛି । ବର୍ତ୍ତମାନ ସେ ମହାରାଷ୍ଟ୍ର ବିଧାନସଭା ସଦସ୍ୟ ତଥା ମୁମ୍ୱାଇ ଯୁବ କଂଗ୍ରେସର ପୂର୍ବତ୍ତନ ଅଧ୍ୟକ୍ଷ । ୨୦୧୯ର ମହାରାଷ୍ଟ୍ର ବିଧାନସଭା ନିର୍ବାଚନରେ ଜୀଶାନ ଶିବସେନାର ବିଶ୍ୱନାଥ ମହାଦେବେଶ୍ୱରଙ୍କୁ ୫୭୯୦ ଭୋଟରେ ହରାଇ ବାନ୍ଦ୍ରା ସ୍ଥିତ ବିଧାନସଭା କ୍ଷେତ୍ରରେ ବିଜୟ ହାସଲ କରି ଏମଏଲଏ ହୋଇଥିଲେ । ତାଙ୍କ ପିତା ସିଦ୍ଦିକୀ ଅଜୀତ୍ ପାବାରଙ୍କ ନେତୃତ୍ୱରେ ରାଷ୍ଟ୍ରବାଦୀ କଂଗ୍ରେସ ପାର୍ଟି( ଏନସିପି)ରେ ସାମିଲ ହେବା ପରେ ଚଳିତ ବର୍ଷ ଫେବୃୟାରୀରେ ଜୀଶାନଙ୍କୁ ମୁମ୍ୱାଇ ଯୁବ କଂଗ୍ରେସର ଅଧ୍ୟକ୍ଷ ପଦରୁ ହଟାଇ ଦିଆଗଲା । ଅଗଷ୍ଟରେ ରାଜ୍ୟ କଂଗ୍ରେସର ବିଧାୟକ ଜୀତେଶ ଅନ୍ତାପୁରକରଙ୍କ ସହ ଜିଶାନଙ୍କୁ ବହିଷ୍କାର କରିବାକୁ ଘୋଷଣା କରିଥିଲେ ।
ଅନ୍ୟପଟେ କୁହାଯାଉଛି ଯେ, ସିଦ୍ଦିକୀଙ୍କ ଝିଅ ଅର୍ଶିଆ ମଧ୍ୟ ନିଜ ପାଠପଢା ଶେଷ ପରେ କିଛି ସମୟ ପାଇଁ ରାଜନୀତିରେ ସାମିଲ ହୋଇଥିଲେ । କିନ୍ତୁ ପରେ ସେ ଡାକ୍ତରୀ ପଢାପଢି କରିଥିଲେ । ଏବେ ସେ ଜଣେ ଡାକ୍ତର ଏବଂ ଉଦ୍ୟୋଗୀ ଅଛନ୍ତି । ଅର୍ଶିଆ ଯକ୍ତରାଷ୍ଟ୍ର ଆମେରିକାରେ ସ୍କ୍ରାଇଟ୍ ଲ୍ୟାବ୍ ପରି ଅନେକ କମ୍ପାନୀ ସହ-ପ୍ରତିଷ୍ଠା କରିଛନ୍ତି ଏବଂ ଏକ ଟାବେଲଟ୍ କମ୍ପାନୀ ଜିୟର୍ସ ଇମ୍ପେକ୍ସ ମଧ୍ୟ ପ୍ରତିଷ୍ଠା କରିଛନ୍ତି । ସେ ଶାପିଜ୍ ଟେକସପ୍ଟ ପ୍ରାଇଭେଟ୍ ଲିମିଟେଡରେ ସିଆଇଓ ଭାବେ ମଧ୍ୟ ରହିଛନ୍ତି । ୨୦୨୧ରେ ସେ ବାନ୍ଦ୍ରାରେ କୁନାଫା ଓ୍ୱାଲ୍ଡ କାଫେ ମଧ୍ୟ ଲଞ୍ଚ କରିଥିଲେ ।
ମୁମ୍ବାଇ: ଏନସିପି ଅଜିତ ପାୱାର ଗୋଷ୍ଠୀ ନେତା ବାବା ସିଦ୍ଦିକୀଙ୍କ ହତ୍ୟାକୁ ନେଇ ସାରା ଦେଶରେ ଚର୍ଚ୍ଚା ଲାଗି ରହିଛି । ଗତକାଲି ସିଦ୍ଦିକୀଙ୍କୁ ବରନ୍ଦ୍ରା ଇଷ୍ଟ ଅଞ୍ଚଳରେ ତିନି ଜଣ ଦୁର୍ବୃତ୍ତ ଗୁଳି ମାରି ତାଙ୍କୁ ହତ୍ୟା କରିଛନ୍ତି । ଘଟଣାରେ ସମ୍ପୃକ୍ତ ଥିବା ଦୁଇ ଅଭିଯୁକ୍ତ ଗିରଫ ହୋଇଥିବା ବେଳେ ତୃତୀୟ ଜଣଙ୍କ ଫେରାର ଅଞ୍ଚି । ହତ୍ୟାର କାରଣ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇ ନଥିବା ବେଳେ ଗିରଫ ଦୁଇ ଅଭିଯୁକ୍ତ ଲରେନ୍ସ ବିଷ୍ଣୋଇ ଗ୍ୟାଙ୍ଗ ସହ ସମ୍ପୃକ୍ତ ଥିବା ଜଣାପଡ଼ିଛି ।
ଏବେ ପ୍ରଶ୍ନ ଉଠୁଛି ବି ଟାଉନର ସୁରପଷ୍ଟାର ମଲମନ ଖାନଙ୍କ ନିକଟତର ହେବା କ’ଣ ସିଦ୍ଦିକୀଙ୍କୁ ଭାରି ପଡ଼ିଲା । କିଛି ବର୍ଷ ହେବ ଲରେନ୍ସ ବିଷ୍ଣୋଇ ଗ୍ୟାଙ୍ଗ ସଲମାନଙ୍କ ପଛରେ ପଡ଼ିଛି ।
ସୂଚନାଯୋଗ୍ୟ, ବିଷ୍ଣୋଇ ଗ୍ୟାଙ୍ଗର ସୁଟର ଦୁଇ ଥର ସଲମାନଙ୍କ ରେକି କରିଥିଲେ । ପ୍ରଥମ ରେକି ରେଡ୍ଡି ଫିଲ୍ମର ସୁଟିଂ ବେଳେ କରାଯାଇଥିଲା । ସେହିପରି ଦ୍ବିତୀୟ ରେକି ପନଓ୍ବଲ ଫାର୍ମ ହାଉସର କରାଯାଇଥିଲା ।
କୋଣାର୍କ: ସୂର୍ଯ୍ୟ ମନ୍ଦିରର ସୁରକ୍ଷା ପାଇଁ ସଚେତନତା ବାର୍ତ୍ତା । ନାଟକ ମାଧ୍ୟମରେ ସଚେତନତା ବାର୍ତ୍ତା ଦେଇଛନ୍ତି ଯୁଧିଷ୍ଠିର ଥିଏଟରର କଳାକାର । ପିପିଲିର ପୂର୍ବତନ ବିଧାୟକ ତଥା ବିଶିଷ୍ଟ ସମାଜସେବୀ ଯୁଧିଷ୍ଠିର ସାମନ୍ତରାୟଙ୍କ ନାମରେ ଗଠିତ ହୋଇଛି ଯୁଧିଷ୍ଠିର ଥିଏଟର ।
ଭୁବନେଶ୍ବର ରବୀନ୍ଦ୍ର ମଣ୍ଡପରେ ନୂଆ ନାଟ୍ୟ ଅନୁଷ୍ଠାନର ଲୋଗୋ ଲୋକାର୍ପଣ ହୋଇଛି । ପ୍ରଥମ ନାଟ୍ୟୋତ୍ସବରେ ନାଟକ ‘ଲୁହ ଲହୁର କଥା’ ପରିବେଷଣ କରାଯାଇଛି । ଆମ ଐତିହ୍ୟ, ସଂସ୍କୃତି ତଥା ଗୌରବର କୀର୍ତ୍ତି କୋଣାର୍କର ସୂର୍ଯ୍ୟ ମନ୍ଦିରର ସୁରକ୍ଷା ଅଭିଯାନକୁ ନେଇ ନାଟକ ଲୁହ ଲହୁର କଥା । ନାଟକ ଦେଖି ଭାବ ବିହ୍ଵଳ ହେଲେ ଦର୍ଶକ । ଏହାକୁ ରଚନା କରିଛନ୍ତି ଗଙ୍ଗାଧର ଜେନା ଏବଂ ପରିକଳ୍ପନା ଓ ନିର୍ଦ୍ଦେଶନା ଦେଇଛନ୍ତି ଦେବାନନ୍ଦ ନାୟକ ସୋନୀ I ଏହି ଅବସରରେ ସଂସ୍ଥା ତରଫରୁ ଓଡିଆ ନାଟକର ଦୁଇ ବୟୋଜ୍ୟେଷ୍ଠ ବ୍ୟକ୍ତିତ୍ୱ ପଞ୍ଚାନନ ଦାସ ଏବଂ ପ୍ରଦୀପ ମିଶ୍ରଙ୍କୁ ଯୁଧିଷ୍ଠିର ସମ୍ମାନ ପ୍ରଦାନ କରାଯାଇଥିଲା ।
ମୁମ୍ବାଇ: ମହାରାଷ୍ଟ୍ରର ପୂର୍ବତନ ମନ୍ତ୍ରୀ ତଥା ଏନସିପି ଅଜିତ ପାୱାର ଗୋଷ୍ଠୀ ନେତା ବାବା ସିଦ୍ଦିକୀଙ୍କୁ ଗୁଳିକରି ହତ୍ୟା । ମୁମ୍ବାଇରେ କିଛି ଦୁର୍ବୃତ୍ତ ତାଙ୍କୁ ଗୁଳି କରି ହତ୍ୟା କରିଛନ୍ତି । ଗୁଳିମାଡ଼ ପରେ ତାଙ୍କୁ ଲିଲାବତୀ ହସ୍ପିଟାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି ।
ବାବା ସିଦ୍ଦିକୀଙ୍କ ଦେହରେ ୩ଟି ଗୁଳି ବାଜିଥିଲା । ଘଟଣାରେ ପୋଲିସ ୩ ଜଣଙ୍କୁ ଅଟକ ରଖି ତନାଘନା ଆରମ୍ଭ କରିଛି । ବାନ୍ଦ୍ରା ଖେରୱାଡି ସିଗନାଲ ନିକଟରେ ହୋଇଥିଲା ଗୁଳିମାଡ଼ । କାରରେ ବସିଥିବା ବେଳେ ତାଙ୍କ ଉପରକୁ ଗୁଳିମାଡ଼ ହୋଇଥିଲା । ଆକ୍ରମଣକାରୀମାନେ ତାଙ୍କ ଉପରକୁ କାର ଭିତରେ ଏକାଧିକ ରାଉଣ୍ଡ ଗୁଳି କରିଥିଲେ । ରକ୍ତାକ୍ତ ଅବସ୍ଥାରେ ତାଙ୍କୁ ହସ୍ପିଟାଲ ନିଆ ଯାଇଥିଲା। ଡାକ୍ତରଙ୍କ ସବୁ ପ୍ରକାରର ଚେଷ୍ଟା ସତ୍ତ୍ୱେ ସେ ହସ୍ପିଟାଲରେ ପ୍ରାଣ ହରାଇଥିଲେ ।
ପୁରୀ: ଆଜି ଶ୍ରୀମନ୍ଦିରରେ ଅନୁଷ୍ଠିତ ହେବ ପବିତ୍ର ଦଶହରା ବା ବିଜୟାଦଶମୀ । ଅବସରରେ ସୁନାବେଶ ବା ରାଜରାଜଶ୍ୱେର ବେଶରେ ଶ୍ରଦ୍ଧାଳୁଙ୍କୁ ଦର୍ଶନ ଦେବେ ମହାପ୍ରଭୁ ।
ଶ୍ରୀମନ୍ଦିରରେ ମହାପ୍ରଭୁଙ୍କ ଅବକାଶ ନୀତି, ଚନ୍ଦନ, ନୂଆଲୁଗା, ୩୨ ମୂର୍ତ୍ତି ସ୍ୱର୍ଣ୍ଣ ଅଳଙ୍କାର ପରେ ସୁନାବେଶ ଅନୁଷ୍ଠିତ ହେବ । ପବିତ୍ର ଦଶହରା ଅବସରରେ ଶ୍ରୀମନ୍ଦିରରେ ଆୟୁଧ ପୂଜାନୀତି ସମ୍ପର୍ଣ୍ଣ କରାଯିବ । ସକାଳ ଧୂପ ସରିବା ପରେ ଆୟୁଧମାନଙ୍କୁ ମହାସ୍ନାନ ପୂର୍ବକ ବରୁଣ ପୂଜା କରାଯିବ ।
ମେକାପ ତିନୋଟି ରୁପା ଥାଳିରେ ଆୟୁଧ ରଖି ତଳୁଛ ଓ ପ୍ରଧାନୀ ସେବାୟତଙ୍କ ସହ ତିନିଥର ବଡ଼ଦେଉଳକୁ ପରିକ୍ରମା କରିବା ପରେ ପୁଷ୍ପାଳକ ବଳଭଦ୍ରଙ୍କ ବାଡ଼ରେ ହଳମୂଷଳ, ସୁଭଦ୍ରାଙ୍କ ବାଡ଼ରେ ସୁବର୍ଣ୍ଣ ତଡ଼କୀ ଓ ପ୍ରଭୁ ଶ୍ରୀଜଗନ୍ନାଥଙ୍କ ବାଡ଼ରେ ଶଙ୍ଖଚକ୍ର ଆୟୁଧ ଲାଗି କରିବେ ।
ସେପଟେ ମହାପ୍ରଭୁଙ୍କ ଚଳନ୍ତି ପ୍ରତିମା ମଦନମୋହନ, ରାମକୃଷ୍ଣ ବୀରବେଶ ଧାରଣ କରି ଶ୍ରୀଜଗନ୍ନାଥ ବଲ୍ଲଭ ମଠ ସ୍ଥିତ ମହାଖଳା ବା ଦଶହରା ପଦାକୁ ବିଜେ କରିବାର ପରମ୍ପରା ରହିଛି । ମହାପ୍ରଭୁଙ୍କ ଏହି ଦୁର୍ଲଭ ବେଶକୁ ଦର୍ଶନ କରିବା ପାଇଁ ପୁରୀରେ ପ୍ରବଳ ଭକ୍ତଙ୍କ ସମାଗମ ହେବ ।
ଭୁବନେଶ୍ବର: ଅଧର୍ମ ଉପରେ ଧର୍ମର ଜୟ । ଅସତ୍ୟ ଉପରେ ସତ୍ୟର ବିଜୟ । ଦୁର୍ଗତୀନାଶିନୀ ମାଆ ଦୁର୍ଗାଙ୍କ ଆଜି ଦଶହରା ବା ବିଜୟା ଦଶମୀ । ଗାଁଠୁ ସହର, ସବୁଠି ଦଶଭୂଜାଙ୍କ ଆରାଧନା । ପବିତ୍ର ବିଜୟା ଦଶମୀରେ ମଣ୍ଡପରେ ମାଆଙ୍କ ହେଉଛି ମହାପୂଜା ।
ମହିଷାମର୍ଦ୍ଦିନୀ ବେଶରେ ଭକ୍ତଙ୍କୁ ଦର୍ଶନ ଦେଉଛନ୍ତି ମହାମାୟା । ଉପଚାର ପୂଜା ସହ ଅନୁଷ୍ଠିତ ହେଉଛି ନୀତିକାନ୍ତି । ଅପରାଜିତା ପୂଜା ଶେଷ ପରେ ମଣ୍ଡପରେ ଘଟ ବିସର୍ଜନ ହୋମଯଜ୍ଞ ପାଳିତ ହେବ । ଅପରାଜିତା ପୂଜା, ଅନ୍ନପୂର୍ଣ୍ଣା ଭିକ୍ଷା ଓ ଶେଷରେ ମଣ୍ଡପରେ ଘଟ ବିସର୍ଜନ ବିଧି ପାଳିତ ହେବ । ମାଆଙ୍କ ଦର୍ଶନ କରି ସୌଭାଗ୍ୟ ଲାଭ କରୁଛନ୍ତି ହଜାର ହଜାର ଭକ୍ତ । ବିଜୟା ଦଶମୀରେ ବଙ୍ଗୀୟ ପରମ୍ପରା ଅନୁଯାୟୀ ବିଭିନ୍ନ ପୂଜା ମଣ୍ଡପରେ ସିନ୍ଦୂରଖେଳ ଅନୁଷ୍ଠିତ ହେବ । ମହିଳାମାନେ ମାଆ ଦୁର୍ଗାଙ୍କୁ ସିନ୍ଦୂର ଲଗାଇ ପରସ୍ପର ମଧ୍ୟରେ ସିନ୍ଦୂର ଖେଳିବେ ।
ଭୁବନେଶ୍ବର : କେବେ କମିବ ପିଆଜ ଭାଉ ? ଦର ନିୟନ୍ତ୍ରଣରେ ସରକାରଙ୍କ ନାହିଁ ଲଗାମ। ବର୍ଷା ଯୋଗୁଁ ଅମଳ କମିଥିବାରୁ ଦର ବଢୁଛି ବୋଲି ବିଭାଗୀୟ ମନ୍ତ୍ରୀଙ୍କ ଶସ୍ତା ମନ୍ତବ୍ୟ । ମନ୍ତ୍ରୀଙ୍କ ମନ୍ତବ୍ୟକୁ ବ୍ୟବସାୟୀ ମହାସଂଘର ସମାଲୋଚନା। ଦରବୃଦ୍ଧି ସମୟରେ ନାଫେଡ଼ ନିଜ ପାଖରେ ରଖିଥିବା ୨ଲକ୍ଷ ଟନ୍ ପିଆଜ କେଉଁ କାମରେ ଲାଗୁଛି ବୋଲି ସଂଘ ପ୍ରଶ୍ନ କରିଛି। ପ୍ରତିବର୍ଷ ବର୍ଷା ହେଲେ ଅମଳ କମିଥାଏ। ଏହା ଏକ ସ୍ବାଭାବିକ ପ୍ରକ୍ରିୟା। ଏହି ସମୟରେ ସରକାର ଆଗକୁ ଆସି ନାଫେଡ଼ ଜରିଆରେ ପିଆଜ ରାଜ୍ୟକୁ ଆଣିବା ପାଇଁ ବ୍ୟବସ୍ଥା କରିବା କଥା। ବ୍ୟବସାୟୀ ମହାସଂଘ ସହ ସରକାର ମଧ୍ୟ କଥା ହେଉନାହାନ୍ତି। ବାରମ୍ବାର ଅନୁରୋଧ ପରେ ବି ସରକାର କିଛି ପଦକ୍ଷେପ ନେଉନାହାନ୍ତି। ସରକାର କେବଳ ଭାଷଣ ମାରିବାରେ ବ୍ୟସ୍ତ। ବାକ୍ୟବୀର ନ ହୋଇ କର୍ମବୀର ହେଲେ ଲୋକଙ୍କ ମଙ୍ଗଳ ହୁଅନ୍ତା ବୋଲି ବ୍ୟବସାୟୀ ମହାସଂଘ କହିଛି । ପିଆଜ ଦର କମାଇବାରେ ସରକାରଙ୍କ ଗୁରୁତ୍ବପୂର୍ଣ୍ଣ ଭୂମିକା ରହିଛି ଏବଂ ଏହାକୁ ସଠିକ ଭାବେ ତୁଲାଇବାକୁ ସଂଘ ଦାବି କରିଛି ।
ଡାଲିରେ ଆଉ ପଡୁନି ପିଆଜ । କିଲୋ ବଦଳରେ ଅଢେଇ ଶହରେ କିଣିବାକୁ ବାଧ୍ୟ ହେଉଛନ୍ତି ଗ୍ରାହକ । ପିଆଜର ପାଇକାରୀ ଦର କିଲୋ ପିଛା ୪୦ରୁ ୪୫ ଥିବା ବେଳେ ଖୁଚୁରା ଦୋକାନରେ ଏହା ୬୦ରୁ ୬୫ ଟଙ୍କାରେ ବିକ୍ରି ହେଉଛି । ଏ କ୍ଷେତ୍ରରେ ମାର୍କେଟ ଇଣ୍ଟେଲିଜେନ୍ସ ବି ଫେଲ୍ ମାରିଥିବା ସ୍ପଷ୍ଟ ହୋଇଛି । ଲଗାତାର ବର୍ଷା ଯୋଗୁଁ ଅମଳ କମିଥିବାରୁ ପିଆଜ ଯୋଗାଣ କମିଛି। କିଛି ଦିନ ମଧ୍ୟରେ ପିଆଜ ସମସ୍ୟାର ସମାଧାନ ହେବ ବୋଲି ଖାଦ୍ୟ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର କହିଛନ୍ତି ।
କେବଳ ପିଆଜ ନୁହେଁ, ପୂଜା ପାର୍ବଣ ସମୟରେ ବଜାର ଦର ସାଧାରଣ ଲୋକଙ୍କୁ ଅସୁବିଧାରେ ପକାଇଛି। ଆଳୁ, ପିଆଜ, ଅଦା, ରସୁଣ ସହ ପରିବା ଦର ବୃଦ୍ଧିରେ ବି ସରକାରଙ୍କ କିଛି ନିୟନ୍ତ୍ରଣ ଥିବା ଭଳି ଲାଗୁନାହିଁ ।
ବ୍ୟୁରୋ ରିପୋର୍ଟ : ବିଜେପି ଆତଙ୍କବାଦୀଙ୍କ ପାର୍ଟି। ଲୋକଙ୍କୁ ସେମାନେ ପିଟି ପିଟି ମାରିଦିଅନ୍ତି। ଦଳିତଙ୍କ ଉପରେ ପରିସ୍ରା କରନ୍ତି । ଆଦିବାସୀଙ୍କ ଉପରେ ଅତ୍ୟାଚାର କରନ୍ତି, ଦୁଷ୍କର୍ମ କରନ୍ତି। ଏପରି କାମ କରୁଥିବା ଲୋକଙ୍କୁ ବି ସମର୍ଥନ କରନ୍ତି । କିନ୍ତୁ ଅନ୍ୟମାନଙ୍କୁ ଦାୟୀ କରି ନିନ୍ଦା କରନ୍ତି । ଏପରି କିଛି କହି ବିଜେପି ଉପରେ ବର୍ଷିଛନ୍ତି ଏଆଇସିସି ଅଧ୍ଯକ୍ଷ ମଲ୍ଲିକାର୍ଜୁନ ଖଡଗେ। ସେ କହିଛନ୍ତି- ଯେଉଁଠି ବିଜେପି ସରକାର ଅଛି, ଆଦିବାସୀ ଓ ଦଳିତଙ୍କ ଉପରେ ଅତ୍ୟାଚାର କରାଯାଉଛି । ବାଂଲାଦେଶରେ ଯାହାସବୁ ଘଟୁଛି ସେଥିରେ ଭାରତର ହିନ୍ଦୁମାନଙ୍କ ଲାଗି ଶିଖିବାର ଆବଶ୍ଯକତା ରହିଛି ବୋଲି ଆରଏସଏସ ସଙ୍ଘ ଚାଳକ ମୋହନ ଭାଗବତ ଯେଉଁ ମନ୍ତବ୍ଯ ଦେଇଥିଲେ ତାହାକୁ ବି ସମାଲୋଚନା କରିଛନ୍ତି ଖଡଗେ।
ମଧ୍ଯପ୍ରଦେଶରେ ମୋହନ ଯାଦବ ସରକାରଙ୍କ ବିରୋଧରେ ୩ ପୂର୍ବତନ ମନ୍ତ୍ରୀ ଓ ୩ ବିଧାୟକଙ୍କ ବିଦ୍ରୋହ ଦଳ ଲାଗି ଚିନ୍ତାର କାରଣ ସାଜିଛି । ସର୍ପାଘାତଜନିତ ମୃତ୍ଯୁ ମାମଲାରେ ଏକ ଏଫଆଇଆରକୁ ପୋଲିସ ନ ରଖିବା ପ୍ରତିବାଦରେ ଇସ୍ତଫା ଦେଇଥିଲେ ଦେଓରି ବିଧାୟକ ବ୍ରିଜ ବିହାରୀ ପାଟେରିଆ। ମଦ ମାଫିଆଙ୍କୁ ପୋଲିସ ଓ ପ୍ରଶାସନ ସୁରକ୍ଷା ଦେଉଥିବା ଅଭିଯୋଗରେ ଇସ୍ତଫା ଦେଇଛନ୍ତି ମାଉଗଞ୍ଜ ବିଧାୟକ ପ୍ରଦୀପ ପଟେଲ। ପ୍ରଦୀପଙ୍କୁ ସମର୍ଥନ କରି ସରକାରଙ୍କ ଉପରେ ବର୍ଷିଥିଲେ ପୂର୍ବତନ ମନ୍ତ୍ରୀ ତଥା ପାଟନ ଏମଏଲଏ ଅଜୟ ବିଷ୍ଣୋଇ । ବିଧାୟକ ତଥା ପୂର୍ବତନ ମନ୍ତ୍ରୀ ସଞ୍ଜୟ ପାଠକ ବି କହିଛନ୍ତି ତାଙ୍କ ନିରାପତ୍ତା ବିପନ୍ନ ଏବଂ ତାଙ୍କର ଆଧାର କାର୍ଡକୁ ଜାଲିଆତି କରାଯାଇଛି । ଏହା ପଛରେ ଏକ ବଡ଼ ଷଡ଼ଯନ୍ତ୍ର ରହିଛି । ଗଢ଼ାକୋଟା ବିଧାୟକ ତଥା ପୂର୍ବତନ ମନ୍ତ୍ରୀ ଗୋପାଳ ଭାର୍ଗବ ବି କହିଛନ୍ତି- ବର୍ତ୍ତମାନ ଦୁଷ୍କର୍ମ ସଂଖ୍ଯା ବଢିଛି । ଲୋକମାନେ ରାବଣ ପୋଡି କରିବାର ଯଥାର୍ଥତା କେତେ ବୋଲି ସେ ପ୍ରଶ୍ନ କରିଛନ୍ତି ।
ଭୁବନେଶ୍ବର : ରସୁଲଗଡ଼ ପୂଜା ମଣ୍ଡପର ମୀନା ବଜାରରେ ରେଡ । ଫାଷ୍ଟଫୁଡ ଓ ଚଟପଟା ଖାଦ୍ଯ ଆଳରେ ଲୋକଙ୍କୁ ଧୋକା । ବାସି ଖାଦ୍ଯ ବିକ୍ରି ନେଇ ଯାଞ୍ଚ କଲା ଫୁଡ ସେଫ୍ଟି ଓ ସାଇନ ଟିମ । ବିପୁଳ ପରିମାଣର ବାସି ଖାଦ୍ଯ ଜବତ କଲା ଟିମ । ବାସି ଖାଦ୍ଯ ବିକ୍ରି ନ କରିବାକୁ ମେୟରଙ୍କ ଅପିଲ୍ । ଦଶହରାରେ ବଜାରରେ ଲୋକଙ୍କ ଭିଡ଼କୁ ଦେଖି ବ୍ଯବସାୟୀ ବାସିଖାଦ୍ଯ ବିକ୍ରି କରୁଥିବା ଅଭିଯୋଗ ପରେ ହୋଇଛି ରେଡ । ରସୁଲଗଡ, ନୟାପଲ୍ଲୀ ଓ ବରମୁଣ୍ଡା ସମେତ ଏକାଧିକ ପୂଜା ମଣ୍ଡପରେ ଖାଦ୍ଯର ମାନ ଯାଞ୍ଚ କରିଛି ବିଏମସିର ଫୁଡ ସେଫ୍ଟି ଓ ସାଇନ ଟିମ । ରସୁଲଗଡରେ ଯାଞ୍ଚ ବେଳେ ଏକାଧିକ ଫାଷ୍ଟଫୁଡ଼ ଷ୍ଟଲରୁ ଅଣ୍ଡା ଚପ, ରୋଲ, ଚିକେନ୍ କିମା, ପଟୋଟା ଷ୍ଟିକ ଖାଦ୍ୟକୁ ନଷ୍ଟ କରିଛି ଟିମ । ଏହା ସହ ବିପୁଳ ପରିମାଣର ପଲିଥିନ ଜବତ ହୋଇଛି । ନିମ୍ନ ମାନର ଖାଦ୍ୟର ଓ ବାସି ଖାଦ୍ୟ ବିକ୍ରିକଲେ କାର୍ଯ୍ଯାନୁଷ୍ଠାନ ନେଇ ଚେତାବନୀ ଦିଆଯାଇଛି ।
ମହାନବମୀରେ ଭୁବନେଶ୍ୱରର ବିଭିନ୍ନ ପୂଜା ମଣ୍ଡପ ଓ ମନ୍ଦିର ବୁଲି ମା ଦୁର୍ଗାଙ୍କୁ ଦର୍ଶନ କରିଛନ୍ତି ଭୁବନେଶ୍ୱର ମେୟର ସୁଲୋଚନା ଦାସ। ଭୁବନେଶ୍ୱର ବାସିନ୍ଦାଙ୍କ ପାଇଁ ଶୁଭ ମନାସିବା ସହିତ ରାଜଧାନୀକୁ ସ୍ୱଚ୍ଛ ଓ ସ୍ଵବୁଜ କରିବା ଲାଗି ସହଯୋଗ ଲୋଡିଛନ୍ତି । ବିଏମସିର ଗାଇଡ଼ ଲାଇନ ଅନୁସାରେ ପ୍ଲାଷ୍ଟିକମୁକ୍ତ ପୂଜା କରିବାକୁ କମିଟି ମାନଙ୍କ ସହ ଆଲୋଚନା କରିଛନ୍ତି । ଏହା ସହ ପୂଜ ମଣ୍ଡପ ଗୁଡିକ ପରିମଳ ଉପରେ ଧ୍ୟାନ ଦେବାକୁ କହିଛନ୍ତି । ବାସି ଖାଦ୍ୟ ବିକ୍ରି ନ କାରିବାକୁ ବ୍ୟବସାୟୀ ଚେତାବନୀ ଦେଇଛନ୍ତି । କାଲି ଓ ଭସାଣୀ ଦିନ ଶୃଙ୍ଖଳିତ ହୋଇ ପୂଜା ପାଳିବା ବୋଲି ମେୟର କହିଛନ୍ତି ।
