ଭୁବନେଶ୍ଵର : ଖଣ୍ଡଗିରି ସ୍ଥିତ ଶ୍ରୀବୈକୁଣ୍ଠ ଧାମ ଆଶ୍ରମରେ ମାନବକୁ ଭଗବାନ ରୁପେ ପୂଜା ପ୍ରସଙ୍ଗ। ଶ୍ରୀବୈକୁଣ୍ଠ ଧାମ ଆଶ୍ରମରେ କାଦୁଅ ମାଡ଼। ତାତିଲେ ମହିଳା ସଂଗଠନ। ଜଣେ ଯୁବତୀ ଆଶ୍ରମର ଆତ୍ମଘୋଷିତ ଭଗବାନଙ୍କ ବିରୋଧରେ ସାଂଘାତିକ ଅଭିଯୋଗ ଆଣିବା ପରେ ବିରୋଧ ଜୋର ଧରିଛି। ଶତାଧିକ ସଂଖ୍ଯାରେ ମହିଳା ବିରୋଧ ପ୍ରଦର୍ଶନ କରିଛନ୍ତି। ଆତ୍ମ ଘୋଷିତ ଭଗବାନଙ୍କ ନାମରେ ଜଣେ ଯୁବତୀ ସାଂଘାତିକ ଅଭିଯୋଗ କରିଛନ୍ତି। ବାବାଙ୍କୁ ଆରାଧନା କଲେ ପୁତ୍ର ସନ୍ତାନ ଜାତ ହେବାର ପ୍ରତିଶ୍ରୁତି ଦେଉଛନ୍ତି। ଭଗବାନ ରୂପେ ପୂଜା ପାଉଥିବା ନାବାଳକ ଦାମୀ ଗାଡ଼ିରେ ଯୁବତୀଙ୍କୁ ଧରି ବୁଲନ୍ତି। ଲକ୍ଷେ ଟଙ୍କା ଦେଲେ ଅପୁତ୍ରକ ନାରୀଙ୍କୁ ସନ୍ତାନ ପ୍ରାପ୍ତି ହୁଏ ବୋଲି କହିଥାନ୍ତି ବୋଲି ଅଭିଯୋଗ କରିଛନ୍ତି। ସ୍ଥାନୀୟ ଜଣେ ଯୁବତୀ ଏଭଳି ସଂଘାତିକ ଅଭିଯୋଗ ଆଣିଛନ୍ତି।
ଏହାସହ ଆଶ୍ରମ ସରକାରୀ ଜମିରେ ଛିଡ଼ା ହୋଇଥିବା ଅଭିଯୋଗ ହୋଇଛି। ଏହାକୁ ନେଇ ଆରମ୍ଭ ହୋଇଛି ମାପଚୁପ। ଆଶ୍ରମ ସରକାରୀ ଜମିରେ ଗଢି ଉଠିଛି ନା ନାହିଁ ଏହାର ଯାଞ୍ଚ କରୁଛନ୍ତି ସରକାରୀ ଅଧିକାରୀ। ବିଡ଼ିଏ, ଜିଏ ଓ ତହସିଲ ବିଭାଗରୁ ୮ ଜଣିଆ ଷ୍ଟାଫ ପହିଁଞ୍ଚି ମାପଚୁପ କରିଛନ୍ତି। ଖୋର୍ଦ୍ଧା ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଆରମ୍ଭ ହୋଇଛି ମାପଚୁପ। ସେପଟେ ବୈକୁଣ୍ଠ ଧାମ ଆଶ୍ରମର ଆଉ ଏକ ଘର ଠାବ ହୋଇଛି। ଏହି ଘରେ ବିଦେଶୀ ଭକ୍ତ ରହୁଥିବା ଖବର ମିଳିଛି। ଆଖ ପାଖ ଅଂଚଳରେ ରହୁଥିବା ଲୋକଙ୍କୁ ଆଶ୍ରମ ଭିତରକୁ ପ୍ରବେଶ ମନା ଥିଲା। କିନ୍ତୁ ବାହାରୁ ଆସୁଥିବା ବିଦେଶୀ ଭକ୍ତଙ୍କ ରହିବା ପାଇଁ ଏହି ଘରେ କରାଯାଇଥିଲା ସ୍ଵତନ୍ତ୍ର ବ୍ୟବସ୍ଥା। ନାବାଳକକୁ ଜଗନ୍ନାଥ କହି କଲକୀ ଅବତାର ରୂପ ଦେଇ ନିରୀହ ଲୋକଙ୍କ ଭାବନା ସହିତ ଖେଳା ଯାଉଥିଲା ଖେଳ। ସେପଟେ ଆତ୍ମ ଘୋଷିତ ଭଗବାନ କୁଆଡେ ଗାୟବ ହୋଇଯାଇଥିବା ଜଣାପଡ଼ିଛି।
