spot_img
Home Blog Page 1407

କର୍ତ୍ତବ୍ୟ ପଥରେ ଦମ୍ ଦେଖାଇଲା ଭାରତ: ରଙ୍ଗାରଙ୍ଗ ଉତ୍ସବରେ ପାଳିତ ହେଲା ୭୬ତମ ସାଧାରଣତନ୍ତ୍ର ଦିବସ

ନୂଆଦିଲ୍ଲୀ: ଦିଲ୍ଲୀ କର୍ତ୍ତବ୍ୟ ପଥରେ ଦମ୍ ଦେଖାଇଲା ଭାରତ। ରଙ୍ଗାରଙ୍ଗ ଉତ୍ସବରେ ପାଳିତ ହୋଇଛି ୭୬ତମ ସାଧାରଣତନ୍ତ୍ର ଦିବସ। ପ୍ରଦର୍ଶିତ ହୋଇଛି ଦେଶର ସାମରିକ ଶକ୍ତିର ଉତ୍କର୍ଷ। ଏହା ସହ ଦେଶର ସାଂସ୍କୃତିକ ବୈଭବ୍ୟ ପ୍ରତିଫଳିତ ହୋଇଛି ପରେଡରେ। ସମ୍ବିଧାନ ପ୍ରଣୟନର ପ୍ଲାଟିନମ ଜୁବିଲିରେ ମୁଖ୍ୟ ଅତିଥି ଭାବେ ସାମିଲ ହୋଇଥିଲେ ଇଣ୍ଡୋନେସିଆ ରାଷ୍ଟ୍ରପତି ପ୍ରବୋବୋ ସୁବିଅନ୍ତୋ । ପରେଡରେ ଇଣ୍ଡୋନେସିଆର ୩୫୨ ସଦଦ୍ୟ ବିଶିଷ୍ଟ ମାର୍ଚ୍ଚିଂ ଓ ବ୍ୟାଣ୍ଡ କଣ୍ଟିଜେଣ୍ଟ ଭାଗ ନେଇଥିଲେ। ପରେଡ ପୂର୍ବରୁ ଇଣ୍ଡିଆ ଗେଟ ନିକଟସ୍ଥ ଜାତୀୟ ଯୁଦ୍ଧ ସ୍ମାରକୀରେ ସହିଦ ଯବାନଙ୍କୁ ସ୍ମୃତି ଅର୍ଘ୍ୟ ଅର୍ପଣ କରାଯାଇଥିଲା। ଉତ୍ସବରେ ପ୍ରାୟ ୧୦ ହଜାର ସ୍ବତନ୍ତ୍ର ଅତିଥି ଉପସ୍ଥିତ ଥିବାବେଳେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ସାଲ୍ୟୁଟ ଗ୍ରହଣ କରିଥିଲେ। ପରେଡରେ ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ୧୬ଟି ପ୍ରଜ୍ଞାପନ ମେଢ ଏବଂ ବିଭିନ୍ନ କେନ୍ଦ୍ର ମନ୍ତ୍ରାଳୟ ଓ ସଂଗଠନର ୧୫ଟି ପ୍ରଜ୍ଞାପନ ମେଢ ପ୍ରଦର୍ଶିତ ହୋଇଥିଲା।

ଚଳିତ ବର୍ଷର ଥିମ ରହିଥିଲା- ସ୍ବର୍ଣ୍ଣିମ ଭାରତ-ବିରାସତ ଔର ବିକାଶ। ପରେଡରେ ବ୍ରହ୍ମୋସ ମିସାଇଲ, ପିନାକ ରକେଟ ସିଷ୍ଟମ, ଆକାଶ ଏୟାର ଡିଫେନ୍ସ ସିଷ୍ଟମ ଆଦି ପ୍ରଦର୍ଶିତ ହୋଇଥିଲା। ଏହା ସହ ଆର୍ମିର ବ୍ୟାଟଲ ସର୍ଭେଲାନ୍ସ ସିଷ୍ଟମ ସଞ୍ଜୟ, ଡିଆରଡିଓର ପ୍ରଳୟ ଟାକ୍ଟିକାଲ ମିସାଇଲ, ଟି-୯୦ ଭୀଷ୍ମ ଟ୍ୟାଙ୍କ, ନାଗ ମିସାଇଲ ସିଷ୍ଟମ ବି ପ୍ରଦର୍ଶିତ ହୋଇଥିଲା। ଦେଶର ସଶସ୍ତ୍ର ବାହିନୀର ଗୌରବର କୀର୍ତ୍ତି ବହନ କରୁଥିବା ତିନି ବାହିନୀ ପକ୍ଷରୁ ଏକ ମିଳିତ ଟାବଲ୍ୟୁ ବି ପରେଡରେ ଭାଗ ନେଇଥିଲା। ଡିଆରଡିଓର ଟାବଲ୍ୟୁର ଥିମ୍ ରହିଥିଲା ରକ୍ଷା କବଚ। ବାୟୁ ସେନାର ସି-୧୩୦ଜେ ସୁପର ହରକ୍ୟୁଲ୍ସ, ସି-୧୭ ଗ୍ଲୋବମାଷ୍ଟର, ଏସୟୁ-୩୦ ଫାଇଟର ଜେଟ, ତଟରକ୍ଷୀ ବାହିନୀର ୩ଟି ଡୋର୍ନିୟର ଏୟାରକ୍ରାଫ୍ଟ ବି ନିଜ ଉତ୍କର୍ଷତା ପ୍ରଦର୍ଶନ କରିଥିଲେ। ସେହିପରି କର୍ପସ ଅଫ ସିଗନାଲ୍ସର ଏକ ମୋଟର ସାଇକେଲ ଟିମ ପ୍ରଦର୍ଶିତ କରିଥିଲେ ଡେୟାରଡେଭିଲ ସୋ। କର୍ତ୍ତବ୍ଯ ପଥରେ ରଙ୍ଗାରଙ୍ଗ ସାଂସ୍କୃତିକ ପ୍ରଦର୍ଶନ କରିଥିଲେ ପ୍ରାୟ ୫ ହଜାର କଳାକାର। ସାରେ ଜାହାଁ ସେ ଆଚ୍ଛା ଗୀତରେ ଦର୍ଶକଙ୍କୁ ବିମୋହିତ କରିଥିଲେ ୩ ଶହ ଶିଳ୍ପୀ। ସାଧାରଣତନ୍ତ୍ର ଦିବସକୁ ଦୃଷ୍ଟିରେ ରଖି ସାରା ଦିଲ୍ଲୀରେ ମୁତୟନ ହୋଇଥିଲେ ୭୦ କମ୍ପାନୀ ଅର୍ଦ୍ଧସାମରିକ ବାହିନୀ ଏବଂ ୭୦ ହଜାର ପୋଲିସ। ସାରା ସହର ରହିଥିଲା ୨ ହଜାର ୫୦୦ ସିସିଟିଭି ନଜର ବଳୟରେ ।

ନନ୍ଦିଘୋଷ ଟିଭି ଓ ଦୈନିକ ସକାଳ କାର୍ଯ୍ୟାଳୟରେ ୭୬ତମ ସାଧାରଣତନ୍ତ୍ର ଦିବସ ପାଳିତ

ଭୁବନେଶ୍ବର: ନନ୍ଦିଘୋଷ ଟିଭି ଓ ଦୈନିକ ସକାଳ କାର୍ଯ୍ୟାଳୟରେ ୭୬ତମ ସାଧାରଣତନ୍ତ୍ର ଦିବସ ପାଳିତ ହୋଇଛି। ସକାଳର ସିଇଓ ସୁବ୍ରତ ଦାସ, ପ୍ରକାଶକ ଅମିତ ମଲ୍ଲିକ, ବାର୍ତ୍ତା ସମ୍ପାଦକ ମହେଶ୍ବର ସାହୁ, ସକାଳ ଡିଜିଟାଲର ମୁଖ୍ୟ ସୁଦାମବନ୍ଧୁ ଭଟ୍ଟମିଶ୍ର, ନନ୍ଦିଘୋଷ ଟିଭିର ସିଓଓ ଜବର ସିଂ ପନଓ୍ବାର ଏବଂ ମୁଖ୍ୟ ସମ୍ପାଦକ ଶିଶିର ଭଟ୍ଟମିଶ୍ର, ସେଲ୍ସ, ମାର୍କେଟିଂ ବିଭାଗର ମୁଖ୍ୟ ପବିତ୍ର ବେହେରା, ନନ୍ଦିଘୋଷ ଡିଜିଟାଲର ଭବାନୀ ଦାସ ଏବଂ ମାନବ ସମ୍ବଳ ବିଭାଗର ଡିଜିଏମ ଜିଷ୍ଣୁ ମହାନ୍ତି ପ୍ରମୁଖ ଉପସ୍ଥିତ ରହି ପତାକା ଉତ୍ତୋଳନ କରିଥିଲେ। ସାଧାରଣତନ୍ତ୍ର ଦିବସରେ ସମ୍ବିଧାନର ଗୁରୁତ୍ବ, ମୌଳିକ ଅଧିକାର ଓ କର୍ତ୍ତବ୍ୟ ଉପରେ ଅତିଥିମାନେ ଆଲୋକପାତ କରିଥିଲେ। ଉଭୟ କାର୍ଯ୍ୟାଳୟ କର୍ମଚାରୀ ଓ କର୍ମକର୍ତ୍ତାମାନେ ଉପସ୍ଥିତ ରହି ଜାତୀୟ ସଙ୍ଗୀତ ଗାନ କରିଥିଲେ।

ନେତାଙ୍କୁ ବି ଛାଡିଲେନି ଲୁଟେରା: ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଘରୁ ଲୁଟି ନେଇଗଲେ ୫୦ ଲକ୍ଷ ଟଙ୍କାର ସୁନା ଗହଣା

ଭୁବନେଶ୍ବର: କଂଗ୍ରେସ ନେତାଙ୍କୁ ଛାଡିଲେନି ଲୁଟେରା। ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଘରୁ ଲୁଟପାଟ କରିଛନ୍ତି ଲୁଟେରା। ଲୁଟେରା ଲୁଟି ନେଇଛନ୍ତି ୫୦ ଲକ୍ଷ ଟଙ୍କାର ସୁନା ଗହଣା । ଘରେ ପଶି ଲୁଟିଛନ୍ତି ମୁଖା ପିନ୍ଧା ଲୁଟେରା । ନୟାପଲ୍ଲୀ ସ୍ଥିତ ଘରୁ ବ୍ୟାପକ ଲୁଟ୍ ନେଇ ଥାନାରେ ଏତଲା ହୋଇଛି। ବ୍ୟାପକ ସୁରକ୍ଷା ଓ ସିସିଟିଭି ସତ୍ତ୍ୱେ ଘରୁ ଲୁଟ୍ ହୋଇଛି। ଚୋରିର ଭିଜୁଆଲ ସିସିଟିଭିରେ କଏଦ ହୋଇଛି। ରାଜଧାନୀରେ ଜଣେ ବରିଷ୍ଠ ନେତାଙ୍କ ଘରୁ ଚୋରି ପରେ ପଦାରେ ପଡିଛି କମିଶନରେଟ ପୋଲିସର ପାରିବାପଣିଆ । ସାଧାରଣତନ୍ତ୍ର ଦିବସ ପାଇଁ ପୂରା ସହର ସୁରକ୍ଷା ବ୍ୟବସ୍ଥାରେ ଛାଉଣୀ ଥିବା ବେଳେ ନୟାପଲ୍ଲୀ ଅଞ୍ଚଳରୁ ଲୁଟ୍‌ କରି ପୋଲିସକୁ ଖୋଲା ଚ୍ୟାଲେଞ୍ଜ ଦେଇଛନ୍ତି ଲୁଟେରା ।

ତ୍ରିରଙ୍ଗା ଉଡ଼ାଇଲେ ନବୀନ: ସବୁବେଳେ ଓଡ଼ିଶାର ସେବା ଜାରି ରଖିବାକୁ ପରାମର୍ଶ ଦେଲେ ବିରୋଧୀ ଦଳ ନେତା

ଭୁବେନଶ୍ବର: ଶଙ୍ଖଭବନରେ ୭୬ ତମ ଗଣତନ୍ତ୍ର ଦିବସ ପାଳନ କରାଯାଇଛି। ମୁଖ୍ୟ ଅତିଥି ଭାବରେ ଦଳର ସଭାପତି ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ ପତାକା ଉତ୍ତୋଳନ କରିଥିଲେ। ଏହି ଅବସରରେ ଗଣତନ୍ତ୍ର ଦିବସର ଶୁଭେଚ୍ଛା ଜଣାଇଥିଲେ ନବୀନ। ଅଭିଭାଷଣ ରେ କର୍ମୀମାନଙ୍କୁ ନବୀନ କହିଛନ୍ତି ଭାରତ ଏକ ମହାନ ଦେଶ। ମହାତ୍ମା ଗାନ୍ଧୀଙ୍କ ନେତୃତ୍ୱରେ ସ୍ୱାଧୀନତା ସଂଗ୍ରାମ ବିଶ୍ୱରେ ଶାନ୍ତି ଓ ଅହିଂସାର ବାର୍ତ୍ତା ଦେଇଛି। ବହୁଭାଷା ଓ ଜାତିକୁ ନେଇ ଗଠିତ ଏକ ସୂତ୍ରରେ ବାନ୍ଧି ରଖିବାରେ ସମ୍ବିଧାନ ସଫଳ ହେଉଛି। ସୋସିଆଲ ଜଷ୍ଟିସ ଦିଗରେ ଆଉ ଅନେକ କରିବାର ଅଛି। ଏକ ଦଶନ୍ଧିରେ ରାଜ୍ୟର ବହୁ ଉନ୍ନତି ହୋଇଛି। 2000 ରୁ 2024 ମଧ୍ୟରେ ଅନେକ ବିକାଶ ହୋଇଛି। ଏବେ ଭାରତ ସରକାରଙ୍କ ନୀତି ଆୟୋଗ ମଧ୍ୟ ଆମ କାମକୁ ପ୍ରଶଂସା କରିଛି। ଫାଇନାନ୍ସ ହେଲଥ ଇଣ୍ଡେକ୍ସ ଓଡ଼ିଶା ଏକ ନମ୍ବର। ବିକାଶ ସବୁବେଳେ ଆମ ଫୋକସ ରହିବ। ଆପଣ ମାନେ ସବୁବେଳେ ଓଡ଼ିଶାର ସେବା ଜାରି ରଖନ୍ତୁ।

ରାଷ୍ଟ୍ରପତି ଭବନରେ ଗୁଞ୍ଜରିତ ହେଲା ’କୁଛ କୁଛ ହୋତା ହୈ…’: ହୃଦୟ ଜିତିନେଲା ଇଣ୍ଡୋନେସିଆର ପ୍ରତିନିଧି ମଣ୍ଡଳୀଙ୍କ ମନଛୁଆଁ ଗୀତ

ନୂଆଦିଲ୍ଲୀ: ୭୬ତମ ସାଧାରଣତନ୍ତ୍ର ଦିବସ ପାଳନ ପୂର୍ବରୁ ଶନିବାର ଦିନ ରାଷ୍ଟ୍ରପତି ଭବନରେ ଆୟୋଜିତ ହୋଇଥିବା ରାତ୍ରିଭୋଜନରେ ଇଣ୍ଡୋନେସିଆର ପ୍ରତିନିଧି ମଣ୍ଡଳୀମାନେ ସମସ୍ତଙ୍କ ହୃଦୟ ଜିତି ନେଇଥିଲେ । ଏହି ଅବସରର ରାଷ୍ଟ୍ରପତି ଭବନରେ ଗୁଞ୍ଜରିତ ହୋଇଥିଲା ସୁପରାଷ୍ଟାର ଶାହରୁଖ ଖାନଙ୍କ ଅଭିନୀତ ’କୁଛ କୁଛ ହୋତା ହୈ…’ ଗୀତ । ଇଣ୍ଡୋନେସିଆର ପ୍ରତିନିଧି ମଣ୍ଡଳୀମାନେ ଏହି ବଲିଉଡ ଫିଲ୍ମର ଗୀତ ଗାଇ ସଭିଙ୍କ ମନକୁ ଛୁଇଁ ପାରିଥିଲେ । ବିଶିଷ୍ଟ ପ୍ରଚ୍ଛଦପଟ୍ଟ ଗାୟକ ଉଦିତ ନାରାୟଣ ଓ ଗାୟିକା ଆଲକା ୟାଗ୍ନିକଙ୍କ ଏହି ସୁମଧୁର ଗୀତ ଆଜି ବି ଲୋକଙ୍କ ମନରେ ଜୀବିତ ହୋଇ ରହିଥିବା ବେଳେ ବିଦେଶୀଙ୍କ କଣ୍ଠରେ ଏହି ଗୀତ ପୁଣି ଥରେ ତା’ର ଅତୀତର ସ୍ମୃତିକୁ ପୁନର୍ଜୀବିତ କରିପାରିଛି ।

୭୬ତମ ସାଧାରଣତନ୍ତ୍ର ଦିବସ ସାରା ଦେଶରେ ଉତ୍ସାହର ସହିତ ପାଳନ କରାଯାଉଛି । ଏହି ଖାସ୍ ଅବସରରେ ଇଣ୍ଡୋନେସିଆର ରାଷ୍ଟ୍ରପତି ପ୍ରବୋବୋ ସୁବିଅନ୍ତୋଙ୍କୁ ମୁଖ୍ୟ ଅତିଥି ଭାବେ ନିମନ୍ତ୍ରଣ କରାଯାଇଥିଲା । ରାଷ୍ଟ୍ରପତି ସୁବିଅନ୍ତୋ ଗୁରୁବାର ରାତିରେ ଦିଲ୍ଲୀ ବିମାନବନ୍ଦରରେ ପହଞ୍ଚିବା ପରେ ତାଙ୍କୁ ସ୍ବାଗତ କରାଯାଇଥିଲା । ଶନିବାର ଦିନ ରାଷ୍ଟ୍ରପତି ଭବନରେ ଇଣ୍ଡୋନେସିଆର ପ୍ରତିନିଧି ମଣ୍ଡଳୀ ବଲିଉଡ ସୁପରଷ୍ଟାର ଶାହରୁଖ ଖାନଙ୍କ ଫିଲ୍ମ ’କୁଛ କୁଛ ହୋତା ହୈ’ର ଗୀତ ଗାଇ ସଭିଙ୍କ ଦିଲ ଜିତି ନେଇଥିଲେ ।  ଇଣ୍ଡୋନେସିଆର ମନ୍ତ୍ରୀ ପାରମ୍ପରିକ ’ସୋଙ୍ଗକୋକ’ ଟୋପି ଓ ସୁଟ ପିନ୍ଧି ଏହି ଗୀତକୁ ଗାଇଥିଲେ । ଏହି ଭିଡିଓ ଏବେ ସୋସିଆଲ ମିଡ଼ିଆରେ ଭାଇରା ହେବାରେ ଲାଗିଛି ।

ଭୁବନେଶ୍ବରରେ ପତାକା ଉତ୍ତୋଳନ କଲେ ରାଜ୍ୟପାଳ: କଟକରେ ପତାକା ଉତ୍ତୋଳନ କଲେ ମୁଖ୍ୟମନ୍ତ୍ରୀ

ଭୁବନେଶ୍ବର: ଭୁବନେଶ୍ବରର ଗାନ୍ଧିମାର୍ଗରେ ପତାକା ଉତ୍ତୋଳନ କରିଛନ୍ତି ରାଜ୍ୟପାଳ ହରିବାବୁ କମ୍ଭବପତି । ସେହିପରି କଟକରେ ପତାକା ଉତ୍ତୋଳନ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଗାନ୍ଧିମାର୍ଗରେ ଏନସିସି ଛାତ୍ରଛାତ୍ରୀଙ୍କ ପରେଡ ପ୍ରଦର୍ଶିତ ହେବା ସହ ୪୯ ମାର୍ଚ୍ଚିଂ କଣ୍ଟିନଜେଣ୍ଟ ଦ୍ବାରା ପରେଡ୍ ଅନୁଷ୍ଠିତ ହୋଇଛି । ଏହି ଅବସରରେ  ତ୍ରିରଙ୍ଗା ରଙ୍ଗରେ ରଙ୍ଗାୟିତ ହୋଇଛି ରାଜ୍ୟର ସମସ୍ତ ପୁରପଲ୍ଲୀ । ଭୁବନେଶ୍ବର ଗାନ୍ଧୀ ମାର୍ଗରେ ରାଜ୍ୟସ୍ତରୀୟ ପରେଡରେ ଭାଗ ନେଇଛନ୍ତି ୪୩ କଣ୍ଟିଜେଣ୍ଟ । ଡେୟାର ଡେଭିଲ, ସ୍କେଟିଂରେ ଦର୍ଶକ ଦେଖିଥିଲେ ଶିବ ତାଣ୍ଡବ । ଚଳିତ ଥର ପରେଡରେ ନେତୃତ୍ୱ ନେଇଛନ୍ତି ଯୁବ IPS ଭୋଷଲେ ଶୁଭମ ସଞ୍ଜୟ । ଝାଡଖଣ୍ଡ ପୋଲିସ ମଧ୍ୟ ପରେଡରେ ସାମିଲ ହୋଇଥିଲା ।

ଏଥିସହିତ ୧୨୦ ବାଟାଲିୟନ, ବିଏସଏଫ, ଆଇଟିବିପି, ସିଆରପିଏଫ, ସିଆରପିଏଫ ବ୍ୟାଣ୍ଡ, ଭୁବନେଶ୍ୱର ଏସଏସବିଏନ, ଏସଓଜି ଚନ୍ଦକା, ଝାଡ଼ଖଣ୍ଡ ପୋଲିସ, ଓଆଇଏସଫ, ଆମର୍ଡ ପୋଲିସ, କମିଶନରେଟ ଟ୍ରାଫିକ ପୋଲିସ, କଟକ ଓଏସଏଫ , ଓଡ୍ରାଫ, ଓଆଇଏସଫ, ଫାୟାର, ହୋମଗାର୍ଡ, ଛାତ୍ରଛାତ୍ରୀ ବି ପରେଡରେ ସାମିଲ ହୋଇଥିଲେ । ମହର୍ଷି ଡେୟାର ଡେଭିଲସ ଦୁଃସାହିସିକ ବାଇକ ସୋ ଜଲୱା ଦେଖାଇଥିଲେ । ଏହାସହ ଓଡିଶା ସ୍ ସେକ୍ଟିଂ ଏକାଡେମୀର ଛାତ୍ରଛାତ୍ରୀ ଦେଶାତ୍ମକ ସଙ୍ଗୀତରେ ନୃତ୍ୟ ପରିବେଷଣ କରିଥିଲେ । ରାୟଗଡାର ଢେମସା, କେନ୍ଦୁଝରର ଆଦିବାସୀ ନୃତ୍ୟ, ଘୋଡ଼ନାଚ ସହ ଆରିୟନ ରୋୟାଲ ସ୍କେଟିଂ ସ୍ପୋର୍ଟସ ଏକାଡେ଼ମୀ ଛାତ୍ରଛାତ୍ରୀ ପରିବେଷଣ କରିଥିଲେ ଶିବ ତାଣ୍ଡବ ଓ ଅଘୋରୀ ନୃତ୍ୟ । ତା’ ପରେ ପ୍ରଜ୍ଞାପନ ମେଢ଼ ନିଜ କଳା କୌଶଳ ପ୍ରଦର୍ଶନ କରିଥିଲେ । ପତାକା ଉତ୍ତୋଳନ ଅବସରରେ ରାଜ୍ୟପାଳ ଅଭିଭାଷଣ ପ୍ରଦାନ କରିଥିଲେ ।

୪ ଓଡ଼ିଆଙ୍କୁ ପଦ୍ମଶ୍ରୀ: ପଦ୍ମ ପୁରସ୍କାର-୨୦୨୫ ଘୋଷଣା କଲେ କେନ୍ଦ୍ର ସରକାର

ଭୁବନେଶ୍ବର: ଚଳିତ ବର୍ଷର ପଦ୍ମପୁରସ୍କାର ଘୋଷଣା। ପଦ୍ମ ପୁରସ୍କାର-୨୦୨୫ ଘୋଷଣା କରିଛନ୍ତି କେନ୍ଦ୍ର ସରକାର। ଗୃହ ମନ୍ତ୍ରାଳୟ ପକ୍ଷରୁ ଘୋଷଣା ତାଲିକାରେ ମୋଟ ମୋଟ ୧୩୯ ଜଣଙ୍କୁ ନାମ ଘୋଷଣା କରାଯାଇଛି। ସେଥି ମଧ୍ୟରେ ୭ ଜଣଙ୍କୁ ପଦ୍ମ ବିଭୂଷଣ, ୧୯ ଜଣଙ୍କୁ ପଦ୍ମ ଭୂଷଣ ଏବଂ ୧୧୩ ଜଣ ପାଇବେ ପଦ୍ମଶ୍ରୀ ପୁରସ୍କାର। ସୁଜୁକୀ ମୋଟରର ପୂର୍ବତନ ସିଇଓ ଓସାମୁ ସୁଜୁକି, ସୁପ୍ରିମକୋର୍ଟ ପୂର୍ବତନ ଜଷ୍ଟିସ ଜେଏସ ଖେହର, ମାଲାୟଲାମ ସାହିତ୍ୟରେ ଏମଟି ବାସୁଦେବନ ନାୟର, ପ୍ରଖ୍ୟାତ ଗାୟିତା ଶାରଦା ସିହ୍ନା ପଦ୍ମ ବିଭୂଷଣ ପୁରସ୍କାର ପାଇବାକୁ ଘୋଷଣା କରାଯାଇଛି। ପଦ୍ମଶ୍ରୀ ପୁରସ୍କାର ପାଇଥିବା ୧୧୩ ଜଣଙ୍କ ମଧ୍ୟରେ ଅଛନ୍ତି ୪ ଓଡ଼ିଆ। ବିଶିଷ୍ଟ ଡାକ୍ତର ଅଶୋକ କୁମାର ମହାପାତ୍ରଙ୍କ ନାଁ ଘୋଷଣା କରାଯାଇଛି। ସେହିପରି ଭାସ୍କର୍ଯ୍ୟ କଳା ଲାଗି ଶିଳ୍ପୀ ଅଦ୍ଵୈତ ଚରଣ ଗଡନାୟକଙ୍କ ନା ଘୋଷଣା କରାଯାଇଛି। କଳାକ୍ଷେତ୍ରରେ ଓଡ଼ିଶୀ ନୃତ୍ୟୁଗୁରୁ ଦୁର୍ଗାଚରଣ ରଣବୀର ଏବଂ ସାହିତ୍ୟ ଓ ଶିକ୍ଷା କ୍ଷେତ୍ରରେ ପ୍ରତିଭା ଶତପଥୀଙ୍କ ନାଁ ଘୋଷଣା କରାଯାଇଛି ।

ସାରା ଦେଶ ପାଳୁଛି ୭୬ତମ ସାଧାରଣତନ୍ତ୍ର ଦିବସ: ଗାଁଠାରୁ ସହର ଉତ୍ସବମୁଖର

ନୂଆଦିଲ୍ଲୀ: ଆଜି ସାଧାରଣତନ୍ତ୍ର ଦିବସ। ସାରା ଦେଶ ପାଳୁଛି ୭୬ତମ ସାଧାରଣତନ୍ତ୍ର ଦିବସ। ଏଥିଲାଗି ଚଳଚଞ୍ଚଳ ସାରା ଦେଶ। ଗାଁଠାରୁ ସହର ଉତ୍ସବମୁଖର। ତ୍ରିରଙ୍ଗା ପତାକା ଲହରାଇ ସାଧାରଣତନ୍ତ୍ର ଦିବସ ପାଳନ କରୁଛି ଦେଶ। ଏହି ଅବସରରେ ରଂଗାରଂଗ ପରେଡର ଆୟୋଜନ ହେବ। କର୍ତ୍ତବ୍ୟପଥରେ ସମ୍ମିଳିତ ପରେଡ ଅନୁଷ୍ଠିତ ହେବ। ସେନା, ସିଆରପିଏଫ, ବିଏସଏଫ୍‌, ବାୟୁସେନା, ନୌସେନା ସମେତ ବିଭିନ୍ନ କଣ୍ଟିଜେଣ୍ଟ ପରେଡ ପ୍ରଦର୍ଶନ କରିବେ। ୭୬ତମ ସାଧାରଣତନ୍ତ୍ର ଦିବସରେ ମୁଖ୍ୟ ଅତିଥି ଭାବେ ଯୋଗ ଦେବେ ଇଣ୍ଡୋନେସିଆ ରାଷ୍ଟ୍ରପତି ପ୍ରୋବୋବୋ ସୁବିଅନ୍ତୋ। ଏହି ପରେଡରେ ଇଣ୍ଡୋନେସିଆର ୩୫୨ ସଦସ୍ୟ ବିଶିଷ୍ଟ ମାର୍ଚ୍ଚିଂ ଓ ବ୍ୟାଣ୍ଡ କଣ୍ଟିଜେଣ୍ଟ ଭାଗ ନେବେ। ଭାରତ ଇତିହାସରେ ପ୍ରଥମ ଥର ଲାଗି ସାଧାରଣତନ୍ତ୍ର ଦିବସ ପରେଡରେ ଇଣ୍ଡୋନେସିଆ କଣ୍ଟିଜେଣ୍ଟ ଭାଗ ନେବ। ପରେଡ ସହ ରଂଗାରଂଗ ପ୍ରଜ୍ଞାପନ ମେଢ ପ୍ରଦର୍ଶିତ ହେବ। ବିଭିନ୍ନ ରାଜ୍ୟର ପ୍ରଜ୍ଞାପନ ମେଢ ପ୍ରଦର୍ଶିତ ହେବ। ଏଥିଲାଗି ଦିଲ୍ଲୀରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।

ଆଜି ଓଡ଼ିଶା ପାଳିବ ସାଧାରଣତନ୍ତ୍ର ଦିବସ

ଭୁବେନଶ୍ବର: ଆଜି ଓଡ଼ିଶା ପାଳିବ ସାଧାରଣତନ୍ତ୍ର ଦିବସ । ତ୍ରିରଙ୍ଗା ରଙ୍ଗରେ ରଙ୍ଗାୟିତ ହେବ ପୁରପଲ୍ଲୀ । ଭୁବନେଶ୍ବର ଗାନ୍ଧୀ ମାର୍ଗରେ ରାଜ୍ୟସ୍ତରୀୟ ପରେଡରେ ଭାଗ ନେବେ ୪୩ କଣ୍ଟିଜେଣ୍ଟ । ଡେୟାର ଡେଭିଲ, ସ୍କେଟିଂରେ ଦର୍ଶକ ଦେଖିବେ ଶିବ ତାଣ୍ଡବ । ଚଳିତ ଥର ପରେଡରେ ନେତୃତ୍ୱ ନେଇଛନ୍ତି ଯୁବ IPS ଭୋଷଲେ ଶୁଭମ ସଞ୍ଜୟ । ଝାଡଖଣ୍ଡ ପୋଲିସ ମଧ୍ୟ ପରେଡରେ ସାମିଲ ହୋଇଛି । ୧୨୦ ବାଟାଲିୟନ, ବିଏସଏଫ, ଆଇଟିବିପି, ସିଆରପିଏଫ, ସିଆରପିଏଫ ବ୍ୟାଣ୍ଡ, ଭୁବନେଶ୍ୱର ଏସଏସବିଏନ, ଏସଓଜି ଚନ୍ଦକା, ଝାଡ଼ଖଣ୍ଡ ପୋଲିସ, ଓଆଇଏସଫ, ଆମର୍ଡ ପୋଲିସ, କମିଶନରେଟ ଟ୍ରାଫିକ ପୋଲିସ, କଟକ ଓଏସଏଫ , ଓଡ୍ରାଫ, ଓଆଇଏସଫ, ଫାୟାର, ହୋମଗାର୍ଡ, ଛାତ୍ରଛାତ୍ରୀ ବି ଦେଖାଇବେ ପରେଡ୍ । ମହର୍ଷି ଡେୟାର ଡେଭିଲସ ଦୁଃସାହିସିକ ବାଇକ ସୋ ଜଲୱା ଦେଖାଇବେ । ଏହାସହ ଓଡିଶା ସ୍ ସେକ୍ଟିଂ ଏକାଡେମୀର ଛାତ୍ରଛାତ୍ରୀ ଦେଶାତ୍ମକ ସଙ୍ଗୀତରେ ନୃତ୍ୟ ପରିବେଷଣ କରିବେ । ରାୟଗଡାର ଢେମସା, କେନ୍ଦୁଝରର ଆଦିବାସୀ ନୃତ୍ୟ, ଘୋଡ଼ନାଚ ସହ ଆରିୟନ ରୋୟାଲ ସ୍କେଟିଂ ସ୍ପୋର୍ଟସ ଏକାଡେ଼ମୀ ଛାତ୍ରଛାତ୍ରୀଙ୍କ ପରିବେଷଣ କରିବେ ଶିବ ତାଣ୍ଡବ ଓ ଅଘୋରୀ ନୃତ୍ୟ । ପରେ ପ୍ରଜ୍ଞାପନ ମେଢ଼ ନିଜ କଳା କୌଶଳ ପ୍ରଦର୍ଶନ କରିବେ ।

ଦ୍ବିତୀୟ ଟି-୨୦ ଜିତିଲା ଭାରତ

ନନ୍ଦିଘୋଷ ବ୍ୟୁରୋ: ତିଲକ ବର୍ମାଙ୍କ ଦମଦାର ବ୍ୟାଟିଂ । ଦ୍ବିତୀୟ ଟି-୨୦ ଜିତିଲା ଭାରତ । ଏହି ବିଜୟ ସହ ଭାରତ ସିରିଜରେ ୨-୦ରେ ଅଗ୍ରଣୀ ହୋଇଯାଇଛି। ଇଂଲଣ୍ଡ ଦ୍ବାରା ରଖାଯାଇଥିବା ୧୬୬ ରନର ଲକ୍ଷ୍ୟକୁ ଭାରତ ୧୯.୨ ଓଭରରେ ୮ ୱିକେଟ୍‌ ହରାଇ ହାସଲ କରିନେଇଥିଲା। ଭାରତ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲେ ବି ତିଳକ ବର୍ମାଙ୍କ ମ୍ୟାଚ ବିଜୟୀ ୭୨ ରନ ବଳରେ ଭାରତ ବିଜୟ ହାସଲ କରିଥିଲା। ଓ୍ବାସିଂଟନ ସୁନ୍ଦର ୨୬ ରନ କରିଥିଲେ।