spot_img
Home Blog Page 1406

ଛାତରୁ ଠେଲିଦେଲା ମାଙ୍କଡ, ଚାଲିଗଲା ଦଶମ ଶ୍ରେଣୀ ଛାତ୍ରୀର ଜୀବନ

ନନ୍ଦିଘୋଷ ବ୍ୟୁରୋ: ଛାତରୁ ଠେଲିଦେଲା ମାଙ୍କଡ। ଚାଲିଗଲା ଦଶମ ଶ୍ରେଣୀ ଛାତ୍ରୀର ଜୀବନ। ଏଭଳି ଏକ ଦୁଃଖଦ ଘଟଣା ଘଟିଛି ବିହାର ସିଓ୍ବାନ ଜିଲ୍ଲାରେ। ଶନିବାର ଅପରାହ୍ନରେ ଭଗବାନପୁର ଥାନ ଅଧୀନ ମାଗର ଗ୍ରାମରେ ଏହି ଅଘଟଣ ଘଟିଛି। ମୃତ ଛାତ୍ରୀଙ୍କ ନାମ ପ୍ରିୟା । ପ୍ରିୟା ଛାତ ଉପରେ ପଢୁଥିବା ବେଳେ ଏଭଳି ଅଘଟଣ ଘଟିଛି। ଛାତ ଉପରେ ଏକ ମାଙ୍କଡ ଦଳ ଆସି ତାଙ୍କୁ ହଇରାଣ କରିବାକୁ ଲାଗିଲେ। ଯେତବେଳେ ଗ୍ରାମବାସୀମାନେ ହୋହଲା କରିଥିଲେ ସେତବେଳେ ପ୍ରିୟା ପାହାଚ ଆଡକୁ ଦୌଡିଥିଲେ। ଏହାରି ଭିତରେ ଏକ ମାଙ୍କଡ ପ୍ରିୟାଙ୍କ ଉପରକୁ ଡିଆଁ ମାରି ତାଙ୍କୁ ଧକ୍କା ଦେଇଥିଲା। ଯାହାଦ୍ବାରା କି ପ୍ରିୟା ଛାତରୁ ତଳକୁ ଖସିପଡିଥିଲେ। ତାଙ୍କ ମୁଣ୍ଡ ଓ ଶରୀରର ଅନ୍ୟାନ୍ୟ ଅଂଶରେ ଗୁରୁତର ଆଘାତ ଲାଗିବ ସହ ସେ ଗୁରୁତର ହୋଇପଡିଥିଲେ। ସଙ୍ଗେସଙ୍ଗେ ତାଙ୍କ ପରିବାର ପ୍ରିୟାଙ୍କୁ ସିଓ୍ବାନ ସଦର ହସ୍ପିଟାଲରେ ଭର୍ତ୍ତି କରିଥିଲେ। ହେଲେ ଡାକ୍ତରଖାନାରେ ଡାକ୍ତର ମୃତ ଘୋଷଣା କରିଥିଲେ। ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।

ଆସନ୍ତା ଦୁଇ ଦିନ ପର୍ଯ୍ୟନ୍ତ ଆକ୍ତାମାକ୍ତା କରିବ କୁହୁଡି

ନନ୍ଦିଘୋଷ ବ୍ୟୁରୋ: ଘନ କୁହୁଡିରୁ ଏବେ ମିଳିବନି ନିସ୍ତାର । ଆସନ୍ତା ଦୁଇ ଦିନ ପର୍ଯ୍ୟନ୍ତ ପୁଣି ଆକ୍ତାମାକ୍ତା କରିବ କୁହୁଡି । ଉପକୂଳ ଓଡ଼ିଶା ସମେତ ଆଭ୍ୟନ୍ତରୀଣ ଓଡ଼ିଶାରେ ଏଭଳି ସ୍ଥିତି ଜାରି ରହିବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଆସନ୍ତା ୨୪ ଘଣ୍ଟା ପାଇଁ ୧୪ ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ସୁନ୍ଦରଗଡ, ଯାଜପୁର, କେନ୍ଦ୍ରାପଡା, ଜଗତସିଂହପୁର, କଟକ, ପୁରୀ, ଖୋର୍ଦ୍ଧା, ନୟାଗଡ, ଗଞ୍ଜାମ, ଗଜପତି, ନବରଙ୍ଗପୁର, କେରାପୁଟ କନ୍ଧମାଳ ଏବଂ କଳାହାଣ୍ଡି ଜିଲ୍ଲାକୁ ସତର୍କତା ଜାରି କରାଯାଇଛି । ୨୮ ତାରିଖରେ ବି ଘନ କୁହୁଡି ନେଇ କେନ୍ଦ୍ରାପଡା, ଯାଜପୁର, କଟକ, ଖୋର୍ଦ୍ଧା, ନୟାଗଡ, ଅନୁଗୁଳ, ଢେଙ୍କାନାଳ, ନବରଙ୍ଗପୁର, କୋରାପୁଟ,  କଳାହାଣ୍ଡି ଏବଂ କନ୍ଧମାଳ ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ଏହି ସବୁ ଜିଲ୍ଲାରେ ୫୦ ମିଟରରୁ କମ୍ ରହିବ ଭିଜିବିଲିଟି । କିଛି ଅଞ୍ଚଳରେ ଜିରୋ ଭିଜିବିଲିଟି ହେବାର ସମ୍ଭାବନା ରହିଛି । ଘନ କୁହୁଡି ସମୟରେ ସଂପୃକ୍ତ ଜିଲ୍ଲାର ଘାଟି ରାସ୍ତା ଏବଂ ଦୁର୍ଘଟଣା ପ୍ରବଣ ଅଞ୍ଚଳରେ ଗାଡି ଚଳାଚଳ ବନ୍ଦ ରଖିବା ପାଇଁ ପରାମର୍ଶ ଦିଆଯାଇଛି । ବର୍ତ୍ତମାନ ରାଜ୍ୟକୁ ପ୍ରଚୁର ପରିମାଣର ଜଳୀୟବାଷ୍ପ ପୂର୍ଣ୍ଣ ବାୟୁ ପ୍ରବେଶ କରୁଥିବାରୁ କୁହୁଡି ମାତ୍ରା ବୃଦ୍ଧି ପାଉଛି । ସେପଟେ ଆସନ୍ତା ୭ ଦିନ ପର୍ଯ୍ୟନ୍ତ ରାଜ୍ୟରେ ପାଗ ମୁଖ୍ୟତଃ ଶୁଖିଲା ରହିବ । କିନ୍ତୁ ତାପମାତ୍ରାରେ କୌଣସି ପରିବର୍ତ୍ତନ ହେବ ନାହିଁ । କିଛି ଜିଲ୍ଲାରେ ଦିନର ତାପମାତ୍ରା ସାମାନ୍ୟ ବୃଦ୍ଧି ହେବା ନେଇ ଆକଳନ କରାଯାଇଛି । ଗତ ୨୪ ଘଣ୍ଟାରେ ବାଲେଶ୍ବର, କଟକ, ପରାଦୀପ, ଗୋପାଳପୁର, ଅନୁଗୁଳ, କେନ୍ଦୁଝର, ଛତ୍ରପୁର, ଢେଙ୍କାନାଳ ଏବଂ ଖୋର୍ଦ୍ଧାରେ ଘନ କୁହୁଡି ଦୃଶ୍ୟମାନ ହୋଇଛି । ଏହି ସବୁ ଜିଲ୍ଲାରେ ୫୦ ମିଟରରୁ କମ୍ ଭିଜିବିଲିଟି ରହିଥିଲା । ସେହିପରି ଜି ଉଦୟଗିରିରେ ସର୍ବନିମ୍ନ ୮.୪ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି ।

ଆଉ ମାତ୍ର ୩୨୯ ରନ, କୋହଲି ବନେଇବେ ବିରାଟ ରେକର୍ଡ

ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆର ଅଭିଜ୍ଞ ଖେଳାଳି ବିରାଟ କୋହଲି ଅନେକ ରେକର୍ଡର ଅଧିକାରୀ । ତେବେ ଆଉ ଏକ ରେକର୍ଡ ବିରାଟ ନାମରେ ଯୋଡ଼ି ହେବାକୁ ଯାଉଛି । ମାତ୍ର ୩୨୯ ରନ ପଛରେ ରହିଥିବା ବିରାଟ ସାଙ୍ଗାକାରଙ୍କ ରେକର୍ଡକୁ ଅତିକ୍ରମ କରିବେ । ଦିନିକିଆରେ ସର୍ବାଧିକ ସ୍କୋର କରିବାର ଦ୍ବିତୀୟ ସ୍ଥାନରେ ରହିବେ ବିରାଟ । ଏକ ନମ୍ବରରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ରହିଛନ୍ତି । କୁମାର ସାଙ୍ଗାକାରା ୧୪,୨୩୪ ରନ କରିଥିବାବେଳେ ବିରାଟ ଏବେ ୧୩,୯୦୬ ରନ କରିଛନ୍ତି । ମାତ୍ର ୩୨୯ ରନ କଲେ ଦ୍ବିତୀୟ ସ୍ଥାନରେ ରହିବେ । ସବୁଠାରୁ ଗୁରୁତ୍ବୂପର୍ଣ୍ଣ କଥା ହେଉଛି କି, କୋହଲି ଏବେ ଫର୍ମରେ ନାହାନ୍ତି । ନିକଟରେ ଅଷ୍ଟ୍ରେଲିଆରେ ଖେଳାଯାଇଥିବା ଟେଷ୍ଟରେ ନୈରାଶ୍ୟଜନକ ପ୍ରଦର୍ଶନ କରିଥିଲେ । ତେବେ ଆଗାମି ଦିନରେ ଦମଦାର ପ୍ରଦର୍ଶନ କରିବେ ବୋଲି ଆଶା ରଖାଯାଇଛି ।

ଚାମ୍ପିୟନ୍ସ ଟ୍ରଫିରେ କୋହଲିଙ୍କ ଭୂମିକା ବେଶ ଗୁରୁତ୍ବ ବହନ କରେ । ସିନିୟର ଖେଳାଳି ଭାବେ ସେ ଭଲ ପ୍ରଦର୍ଶନ କରିବେ ବୋଲି କୁହାଯାଉଛି । ମାତ୍ର ଏବେ ୧୩ ବର୍ଷ ପରେ ରଣଜୀ ଖେଳିବା ପାଇଁ ମଇଦାନକୁ ଓହ୍ଲାଇବେ କୋହଲି । ଏଣୁ ସେ ନିଜର ଫର୍ମ ଫେରି ପାଇବେ ବୋଲି ଆଶା ରଖିଛନ୍ତି କ୍ରିକେଟପ୍ରେମୀ ।

ଲୋକଙ୍କୁ ସୁରକ୍ଷା ଦେବାକୁ ଡବଲ ଇଂଜିନ ସରକାର ବିଫଳ : ବିଜେଡି

ନନ୍ଦିଘୋଷ ବ୍ୟୁରୋ: ୭୬ତମ ସାଧାରଣତନ୍ତ୍ର ପାଳନ ହେଉଥିବାବେଳେ ଖୋଦ୍ ରାଜଧାନୀରେ ଭିଆଇପି ଅଞ୍ଚଳରେ ଲୁଟପାଟ। ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ବସଭବନରେ ଡକାୟତି ଘଟଣାକୁ ନେଇ ରାଜ୍ଯ ସରକାରଙ୍କ ଉପରେ ବର୍ଷିଲା ବିଜେଡି। ରାଜଧାନୀ ସୁରକ୍ଷା ବଳୟରେ ଥିବାବେଳେ ଚୋରି କେମିତି ହେଲା ବୋଲି କହିଛି ବିଜେଡି। ରାଜ୍ଯରେ ଆଇନଶୃଙ୍ଖଳା ଭୁଶୁଡିଛି। VIP ଘରୁ ଚୋରି ହେଲେ ସାଧାରଣ ଲୋକ କେମିତି ସୁରକ୍ଷିତ ରହିବେ?  ସୁଭଦ୍ରା ପାଇଁ ମୋଦି ଆସିଥିଲେ। ହେଲେ ଭରତପୁର ଘଟଣା ଘଟିଲା। ପ୍ରବାସୀ ଭାରତୀୟ ଦିବସ ପାଳନ ବେଳେ ପ୍ରଧାନମନ୍ତ୍ରୀ ଆସିବା ପୂର୍ବରୁ ପୋଲିସ ମିତ୍ର ସହଦେଵ ନାୟକଙ୍କୁ ହତ୍ୟା କରାଗଲା। ସାଧାରଣ ଲୋକଙ୍କୁ ସୁରକ୍ଷା ଦେବାକୁ ଡବଲ ଇଂଜିନ ସରକାର ବିଫଳ ହୋଇଛନ୍ତି। ନବୀନ ପଟ୍ଟନାୟକଙ୍କ ସମୟରେ ରାଜ୍ଯରେ ସୁବର୍ଣ୍ଣ ଯୁଗ ଥିଲା।  ଏବେ ଚୋର ବଲାତ୍କାରୀଙ୍କ ସୁବର୍ଣ୍ଣ ଯୁଗ ଚାଲିଛି ବୋଲି ବିଜେଡି କହିଛି।

IIT ବାବାଙ୍କ ଆଖିରେ ଲୁହ, ଜାଣନ୍ତୁ କାହିଁକି କାନ୍ଦିଲେ ?

ନନ୍ଦିଘୋଷ ବ୍ୟୁରୋ: କୁମ୍ଭମେଳାଙ୍କୁ ଆସିଥିବା IIT ବାବା ବେଶ ଭାଇରାଲ ହୋଇଛନ୍ତି । ତାଙ୍କୁ ନେଇ ଗଣମାଧ୍ୟମରେ ବହୁ ଖବରମାନ ପ୍ରକାଶ କରାଯାଉଥିବାବେଳେ ଏବେ ସେ କାନ୍ଦୁଥିବାର ଏକ ଭିଡିଓ ସାମନାକୁ ଆସିଛି । ତେବେ ସେ କହିଛନ୍ତି କି ମୁଁ IIT ବାବା ବୋଲି ସମ୍ବୋଧନକୁ ପସନ୍ଦ କରୁନି । ମୋତେ ଏହି ନାମରେ ଦୟାକରି ସମ୍ବୋଧନ କରନ୍ତୁ ନାହିଁ । ମୁଁ ପୂର୍ବରୁ ଯେଭଳି ଥିଲି ସେମିତି ରହିବା ପାଇଁ ଚାହୁଁଛି । ମୋତେ କେହି ଚିହ୍ନି ନଥିଲେ ମୁଁ ସେମିତି ରହିବା ପାଇଁ ଚାହୁଁଛି । କିନ୍ତୁ IIT ବାବାର ଟ୍ୟାଗ ଲଗାଇବା ପରେ ଲୋକେ ମୋତେ ସେହି ନାମରେ ସମ୍ବୋଧନ କରୁଛନ୍ତି । ଯାହାକି ମୋତେ ଜମା ଭଲ ଲାଗୁନି । ଏପରିକି ତାଙ୍କ ବାପାଙ୍କ ଦୁଃଖ କଥା ଶୁଣିବା ପରେ ମଧ୍ୟ କଷ୍ଟ ଅନୁଭବ କରିଛନ୍ତି । ଏହାସହ ସେ କହିଛନ୍ତି କି, ମୁଁ ପୂର୍ବରୁ ମଧ୍ୟ ଦୁଃଖରେ ରହୁଥିଲି ଏବଂ କାନ୍ଦୁଥିଲି କିନ୍ତୁ କେହି ଜାଣି ପାରୁନଥିଲେ । ଏବେ ଭାଇରାଲ ହେବା ପରେ ସବୁ ଅସୁବିଧା ହେଉଛି ।

ପିକଅପ୍ ଭ୍ୟାନ ଓଲଟି ଚାଲିଗଲା ଜଣେ ଛାତ୍ରଙ୍କ ଜୀବନ: ୨୩ ଛାତ୍ରଛାତ୍ରୀ ଗୁରୁତର

ଆଠଗଡ଼: ଦେଶ ପାଳୁଛି ୭୬ତମ ଗଣତନ୍ତ୍ର ଦିବସ। ଗାଁଠୁ ସହର ସବୁଠି ଉତ୍ସବ ମୁଖର ଥିବା ବେଳେ, କାନ୍ଦ ବୋବାଳିରେ ଫାଟି ପଡୁଛି ଆଠଗଡ଼ ମେଡିକାଲ ପରିସର। ପ୍ୟାରେଡରେ ଯୋଗ ଦେବାପାଇଁ ଗଲା ବେଳେ ପିକଅପ୍ ଭ୍ୟାନ ଓଲଟି ଚାଲିଗଲା ଜଣେ ଛାତ୍ରଙ୍କ ଜୀବନ। ସେହିପରି ଗୁରୁତର ହୋଇଛନ୍ତି ୨୩ ଜଣ ଛାତ୍ରଛାତ୍ରୀ। ସୂଚନା ଅନୁସାରେ, ଆଜି ସକାଳୁ ବାଙ୍କୀ ଥାନା ସରଣ୍ଡା ପଡିଆରେ ହେଉଥିବା ପରେଡ ଗ୍ରାଉଣ୍ଡରେ ଯୋଗ ଦେବା ପାଇଁ ମାଳବିହାରିପୁର ହାଇସ୍କୁଲରୁ ଯାଉଥିଲେ ଛାତ୍ରଛାତ୍ରୀ। କିନ୍ତୁ ଯିବା ସମୟରେ ଓଲଟି ପଡ଼ିଥିଲା ପିକଅପ୍ ଭ୍ୟାନ୍। ଦୁର୍ଘଟଣାରେ ୨୪ ଜଣ ଛାତ୍ରଛାତ୍ରୀ ଆହତ ହୋଇଥିଲେ। ସ୍ଥାନୀୟ ଲୋକଙ୍କ ସହାୟତାରେ ଆହତ ଛାତ୍ରଛାତ୍ରୀଙ୍କୁ ଆଠଗଡ଼ ମେଡିକାଲରେ ଭର୍ତ୍ତି କାଯାଇଥିଲା। ସେମାନଙ୍କ ମଧ୍ୟରୁ ୫ରୁ ଅଧିକ ଛାତ୍ରଛାତ୍ରୀଙ୍କୁ ଗୁରୁତର ଅବସ୍ଥାରେ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଛି।

ବାଟରେ ଯାଉଥିବା ସମୟରେ ସେହି ସ୍କୁଲର ଦଶମ ଶ୍ରେଣୀର ଛାତ୍ର ସୌମ୍ୟ ରଞ୍ଜନ ବେହେରାଙ୍କ ମୃତ୍ୟୁ ହୋଇଛି। ଯାହାକୁ ନେଇ ସ୍ଥାନୀୟ ଅଞ୍ଚଳରେ ଶୋକାକୂଳ ପରିବେଶ ସୃଷ୍ଟି ହୋଇଛି। ଖବର ପାଇ ଆଠଗଡ଼ ମେଡିକାଲ ପରିସରରେ ଉପ ଜିଲ୍ଲାପାଳ, ବିଧାୟକ ରଣେନ୍ଦ୍ର ପ୍ରତାପ ସ୍ଵାଇଁ, ଅତିରିକ୍ତ ଏସପି ପହଞ୍ଚି ସ୍ଥିତି ଅନୁଧ୍ୟାନ କରିବା ସହ ଆହତ ଛାତ୍ରଛାତ୍ରୀଙ୍କୁ କିଭଳି ଉତ୍ତମ ସ୍ୱାସ୍ଥ୍ୟ ସେବା ଯୋଗାଇ ଦିଆଯିବ ସେନେଇ ମେଡିକାଲ କର୍ତ୍ତୃପକ୍ଷଙ୍କ ସହ ଆଲୋଚନା କରିଥିଲେ। ଛାତ୍ରଛାତ୍ରୀଙ୍କୁ ଏକ ପରିବା ବୁହା ଗାଡ଼ିରେ କିଭଳି ପଠାଗଲା ଯେଉଁଥି ପାଇଁ ଏଭଳି ଅଘଟଣ ଘଟିଲା ବୋଲି ସ୍କୁଲ କର୍ତ୍ତୃପକ୍ଷଙ୍କୁ ଦାୟୀ କରିଛନ୍ତି ଅଭିଭାବକ ।

ଆସନ୍ତାକାଲି ଠାରୁ ଭିତରକନିକା ଜାତୀୟ ଉଦ୍ୟାନରେ ଆରମ୍ଭ ହେବ ଡଲଫିନ ଗଣନା

ରାଜନଗର: ଗହୀରମଥା ସାମୁଦ୍ରିକ ଅଭୟାରଣ୍ୟ ଓ ଭିତରକନିକା ଜାତୀୟ ଉଦ୍ୟାନରେ ଆସନ୍ତାକାଲି ଠାରୁ ଆରମ୍ଭ ହେବ ଡଲଫିନ ଗଣନା । ୩ ଦିନ ଧରି ଅର୍ଥାତ ୨୭, ୨୮, ୨୯ ତାରିଖ ପର୍ଯ୍ୟନ୍ତ ଚାଲିବ ଡଲଫିନ ଗଣନା । ଧାମରା ମୁହାଣ ଠାରୁ ଦେବୀ ମୁହାଣ ଯାଏଁ ଏବଂ ଭିତରକନିକା ମଧ୍ୟରେ ଥିବା ନଦୀ ନାଳ ମାନଙ୍କରେ ଡଲଫିନ ଗଣନା କରାଯିବ । ଗଣନା ସମୟରେ ବାଇନାକୁଲାର , ଜିପିଏସ , କ୍ୟାମେରା, ହ୍ୟାଣ୍ଡିକ୍ୟାମ ପ୍ରଭୃତି ସାମଗ୍ରୀ ବ୍ୟବହାର କରାଯିବ । ଏହି ଗଣନା ସକାଳ ୬ଟାରୁ ଆରମ୍ଭ ହୋଇ ପାଖାପାଖି ଦିନ ୧୨ଟା ପର୍ଯ୍ୟନ୍ତ ଚାଲିବ ବୋଲି ସୂଚନା ମିଳିଛି । ସୂଚନା ଅନୁସାରେ ରାଜ୍ୟ ସରକାରଙ୍କ ଜଙ୍ଗଲ ଓ ପରିବେଶ ବିଭାଗ ନିଷ୍ପତ୍ତି କ୍ରମେ ୨୦୧୫ ରୁ ଗହୀରମଥା ଓ ଭିତରକନିକା ଅଞ୍ଚଳରେ ଡଲଫିନ ଗଣନା କରାଯାଉଛି । ଚଳିତବର୍ଷ ପାଗ ଅନୁକୂଳ ଥିବାରୁ ଅଧିକ ଡଲଫିନ ଗଣନା କରାଯିବା ନେଇ ରାଜନଗର ବନଖଣ୍ଡ ଅଧିକାରୀ ସୂଚନା ଦେଇଛନ୍ତି ।

ସାଧାରଣତନ୍ତ୍ର ଦିବସରେ ମୁଖ୍ୟ ଅତିଥି ଇଣ୍ଡୋନେସିଆରୁ ୫ ଥର: ୭୫ ବର୍ଷ ମଧ୍ୟରେ କେତେ ମଜବୁତ ହୋଇଛି ଦୁଇ ଦେଶର ବନ୍ଧୁତା

ନୂଆଦିଲ୍ଲୀ: ଚଳିତ ଥର ସାଧାରଣତନ୍ତ୍ର ଦିବସରେ ଇଣ୍ଡୋନେସିଆର ରାଷ୍ଟ୍ରପତି ପ୍ରୋବୋବୋ ସୁବିଆନ୍ତୋ ମୁଖ୍ୟ ଅତିଥି ଭାବେ ସାମିଲ ହୋଇଛନ୍ତି । ୫ମ ଥର ପାଇଁ ଇଣ୍ଡୋନେସିଆର ନେତାଙ୍କୁ ଭାରତ ସାଧାରଣତନ୍ତ୍ର ଦିବସ ଅବସରରେ ମୁଖ୍ୟ ଅତିଥି ଭାବେ ନିମନ୍ତ୍ରଣ କରିଛି । ୧୯୫୦ରେ ଭାରତ ପ୍ରଥମ ଥର ସାଧାରଣତନ୍ତ୍ର ଦିବସ ପାଳନ କରିଥିବା ବେଳେ ସେତେବେଳେ ଇଣ୍ଡୋନେସିଆର ରାଷ୍ଟ୍ରପତି ସୁକର୍ଣ୍ଣୋ ମୁଖ୍ୟ ଅତିଥି ଥିଲେ । ତେଣୁ ଭାରତ-ଇଣ୍ଡୋନେସିଆ ମଧ୍ୟରେ ଥିବା ଐତିହାସିକ ସମ୍ପର୍କ ଯେ ହଜାର ହଜାର ବର୍ଷ ଧରି ମଜବୁତ ରହି ଆସିଛି, ଏଥିରେ ତିଳେ ମାତ୍ର ସନ୍ଦେହ ନାହିଁ । ତେବେ ସ୍ବାଧୀନତାର ୭୫ ବର୍ଷ ପରେ ଦ୍ବିପାକ୍ଷିକ ସମ୍ପର୍କ କେତେ ମଜବୁତ ହେଇ ପାରିଛି, ସାଧାରଣତନ୍ତ୍ର ଦିବସରେ ଇଣ୍ଡୋନେସିଆର ନେତାଙ୍କୁ ମୁଖ୍ୟ ଅତିଥି ଭାବେ ନିମନ୍ତ୍ରଣ କରିବା ପଛର ଉଦ୍ଦେଶ୍ୟ କ’ଣ, ତାହା ଜାଣିବା ନିହାତି ଆବଶ୍ୟକ ।

୧୯୫୦ରେ ସାଧାରଣତନ୍ତ୍ର ଦିବସର ପ୍ରଥମ କାର୍ଯ୍ୟକ୍ରମରେ ଇଣ୍ଡୋନେସିଆର ରାଷ୍ଟ୍ରପତି ସୁକର୍ଣ୍ଣୋ ମୁଖ୍ୟ ଅତିଥି ଭାବେ ସାମିଲ ହୋଇଥିଲେ । ଏହାପରେ ବର୍ଷ ୧୯୮୪ରେ ଭୂଟାନ ଓ ଇଣ୍ଡୋନେସିଆର ପ୍ରତିନିଧି ଭାରତରେ ପହଞ୍ଚିଥିଲେ । ଭୂଟାନର ରାଜା ଜିଗମେ ସିଙ୍ଗୟେ ଓ୍ବାଙ୍ଗଚୁକ ଓ ଇଣ୍ଡୋନେସିଆର ସେନାମୁଖ୍ୟ ଅଫ ଷ୍ଟାଫ ଜେନେରାଲ ରୁଦିନୀ ସାମିଲ ହୋଇଥିଲେ । ଏହାପରେ ୨୦୧୧ରେ ଇଣ୍ଡୋନେସିଆର ରାଷ୍ଟ୍ରପତି ସୁସୀଲୋ ବାମ୍ବାହ ୟୁଦ୍ଦୋୟୋନୋ ମୁଖ୍ୟ ଅତିଥି ହୋଇଥିଲେ । ୨୦୧୮ରେ ଭାରତ ଏସିଆନ ରାଷ୍ଟ୍ରମାନଙ୍କର ପ୍ରମୁଖମାନଙ୍କୁ ନିମନ୍ତ୍ରଣ ପଠାଇଥିଲା । ସେଥିରେ ଇଣ୍ଡୋନେସିଆ ସାମିଲ ଥିଲା । ଏଥର ୫ମ ଥର ପାଇଁ ୨୦୨୫ରେ ଇଣ୍ଡୋନେସିଆର ରାଷ୍ଟ୍ରପତି ପ୍ରୋବୋବୋ ସୁବିଆନ୍ତୋ ଭାରତ ପହଞ୍ଚି ସାଧାରଣତନ୍ତ୍ର ଦିବସରେ ସାମିଲ ହୋଇଛନ୍ତି ।

୧୯୫୦ ବର୍ଷ ଉଭୟ ଦେଶ ପାଇଁ ଅନେକ ଗୁରୁତ୍ବ ବହନ କରିଥିଲା । ଦୁଇ ଦେଶ ମଧ୍ୟରେ ସେ ସମୟରେ ସମ୍ପର୍କ ଅତ୍ୟନ୍ତ ନିବିଡ଼ ରହିଥିଲା । ଭାରତର ପ୍ରଥମ ସାଧାରଣତନ୍ତ୍ର ଦିବସ ଅବସରରେ ଇଣ୍ଡୋନେସିଆର ରାଷ୍ଟ୍ରପତି ମୁଖ୍ୟ ଅତିଥି ହୋଇଥିଲେ । ତୃତୀୟ ବିଶ୍ବଯୁଦ୍ଧ ପରେ ଉପନିବେଶବାଦର ଅନ୍ତ ଘଟିବା ସହ ନୂଆ ରାଷ୍ଟ୍ରର ଉଦୟ ହେଉଥିଲା । ଭାରତ ୧୯୪୭ରେ ବ୍ରିଟିଶ ଠାରୁ ଓ ଇଣ୍ଡୋନେସିଆ ୧୯୪୯ରେ ନେଦରଲାଣ୍ଡସ ଠାରୁ ସ୍ବାଧିନତା ହାସଲ କରିଥିଲା । ସୁକର୍ଣ୍ଣୋଙ୍କ ଭାରତ ଗସ୍ତ ଉଭୟ ଦେଶର ଏକଜୁଟ ଓ ସହଯୋଗ ବୃଦ୍ଧି ପାଇଁ ଏକ ବଡ଼ ପଦକ୍ଷେପ ବୋଲି ଗ୍ରହଣ କରାଯାଉଥିଲା । ୧୯୫୦ ପରେ ଭାରତ ଓ ଇଣ୍ଡୋନେସିଆ ମଧ୍ୟରେ ସମ୍ପର୍କ କ୍ରମାଗତ ଭାବେ ମଜବୁତ ହୋଇଆସିଛି । ବୈଶ୍ବିକ ମଞ୍ଚରେ ଦୁଇ ରାଷ୍ଟ୍ର ପରସ୍ପରକୁ ସର୍ବଦା ସମର୍ଥନ ଦେଇ ଆସିଛନ୍ତି ।

ସମୟ ବଦଳିବା ସହିତ ଦୁଇ ଦେଶ ମଧ୍ୟରେ ଦ୍ବିପାକ୍ଷିକ ସମ୍ବନ୍ଧ ବୃଦ୍ଧି ହୋଇଥିବା ଦେଖିବାକୁ ମିଳିଛି । ଖାସ କରି ୧୯୯୦ ଦଶକରେ ଭାରତ ନିଜର ବିଦେଶୀ ନୀତିରେ ଆର୍ଥିକ ସୁଧାର ଲାଗୁ କରିଥିବା ବେଳେ ତା’ପରେ ଦୁଇ ରାଷ୍ଟ୍ର ମଧ୍ୟରେ ବ୍ୟବସାୟ, ପ୍ରତିରକ୍ଷା ଓ ସାଂସ୍କୃତିକ ଭାବ ବିନିମୟରେ ବିଶେଷ  ପ୍ରଗତି ହୋଇଥିଲା । ଏକବିଂଶ ଶତାବ୍ଦୀର ଆରମ୍ଭରେ ଦୁଇ ଦେଶ ନିଜ ନିଜର ପ୍ରତିରକ୍ଷା ସହଯୋଗ ବୃଦ୍ଧି ପାଇଁ ଗୁରୁତ୍ବପୂର୍ଣ୍ଣ ପଦେକ୍ଷପ ଗ୍ରହଣ କରିଛନ୍ତି । ୨୦୧୮ରେ ଭାରତ ଓ ଇଣ୍ଡୋନେସିଆ ସାମୁଦ୍ରିକ ସୁରକ୍ଷା, ଆତଙ୍କବାଦ, ଅନ୍ୟ ବିଶ୍ବ ସୁରକ୍ଷା ପ୍ରସଙ୍ଗରେ ସହଯୋଗ ବୃଦ୍ଧି ପାଇଁ ବୁଝାମଣା ସ୍ବାକ୍ଷର କରିଥିଲେ । ଭାରତର ଅନ୍ୟତମ ଶତ୍ରୁ ଚୀନକୁ ଜବାବ ଦେବା ପାଇଁ ଇଣ୍ଡୋନେସିଆ ସହ ସମ୍ପର୍କ ବେଶ ଗୁରୁତ୍ବପୂର୍ଣ୍ଣ । ଇଣ୍ଡୋନେସିଆ ହିନ୍ଦ ମହାସାଗରରର ଏକ ମହତ୍ତ୍ବପୂର୍ଣ୍ଣ ସ୍ଥାନରେ ରହିଥିବା ବେଳେ ଦୁଇ ଦେଶର ନୗସେନା ମଧ୍ୟରେ ସହଯୋଗ ମଜବୁତ ହୋଇଛି ।

ଖୁବଶୀଘ୍ର ହେବ ବିଜେଡିର ନବ କଳେବର: ସଭାପତି ନବୀନ ପଟ୍ଟନାୟକଙ୍କ ନିର୍ଦ୍ଦେଶରେ ସମସ୍ତ କମିଟି ଭଙ୍ଗ

ଭୁବନେଶ୍ବର: ଖୁବଶୀଘ୍ର ହେବ ବିଜେଡିର ନବ କଳେବର । ଭାଙ୍ଗିଲା ଦଳର ସମସ୍ତ ଛାମୁଆ ସଂଗଠନ । ସଭାପତି ନବୀନ ପଟ୍ଟନାୟକଙ୍କ ନିର୍ଦ୍ଦେଶରେ ସମସ୍ତ କମିଟି ଭଙ୍ଗ କରାଯାଇଛି । ଆଗାମୀ ସାଙ୍ଗଠନିକ ନିର୍ବାଚନ ପାଇଁ ଭଙ୍ଗ ହେଲା ସମସ୍ତ କମିଟି । ବିଜେଡିର ସାଙ୍ଗଠନିକ ନିର୍ବାଚନକୁ ନେଇ ସୂଚନା ଦେଇଛନ୍ତି ବରିଷ୍ଠ ନେତା ତଥା ଦଳର ସମନ୍ବୟ କମିଟି ଅଧ୍ୟକ୍ଷ ଦେବୀ ପ୍ରସାଦ ମିଶ୍ର । ସାଙ୍ଗଠନିକ କାର୍ଯ୍ୟକ୍ରମ ଗୋଟିଏ ଦଳର ଗୁରୁତ୍ବପୂର୍ଣ୍ଣ ଅଙ୍ଗ । ନିର୍ଦ୍ଧାରିତ ସମୟରେ ବିଜେଡିର ନିର୍ବାଚନ ହୋଇଥାଏ । କୋଭିଡ-୯ କାରଣରୁ ଦଳର ସାଙ୍ଗଠନିକ ନିର୍ବାଚନ ହୋଇପାରିନଥିଲା । ଗତ ୨୦୨୪ ସାଧାରଣ ନିର୍ବାଚନ କାରଣରୁ ନିର୍ବାଚନ କମିଶନଙ୍କୁ ଦଳ ତରଫରୁ ୨୦୨୪ ଶେଷ ଆଡ଼କୁ ନିର୍ବାଚନ ପ୍ରକ୍ରିୟା ଶେଷ କରିବା ନେଇ କୁହାଯାଇଥିଲା । ସେହି ଅନୁସାରେ ପ୍ରକ୍ରିୟାକୁ ଆଗକୁ ନିଆଯାଇଛି । ଆଗାମୀ ୧୦-୧୨ ସପ୍ତାହ ମଧ୍ୟରେ ଏହି ପ୍ରକ୍ରିୟା ସମାପ୍ତ ହେବା ନେଇ ଆଶା କରାଯାଉଛି ବୋଲି ଶ୍ରୀ ମିଶ୍ର କହିଛନ୍ତି ।

ବଜେଟ ପୂର୍ବରୁ ମୋଦୀ ସରକାରଙ୍କ ବଡ଼ ନିଷ୍ପତ୍ତି: ଏପ୍ରିଲ ପହିଲାରୁ ଲାଗୁ ହେବ UPS

ନୂଆଦିଲ୍ଲୀ: ଖୁବଶୀଘ୍ର ସଂସଦରେ ଦେଶର ସାଧାରଣ ବଜେଟ ଆଗତ ହେବ । ଫେବୃଆରୀ ୧ ତାରିଖରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ବଜେଟ ଆଗତ କରିବ । ଏହା ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ବାଧୀନ ସରକାର ଏକ ବଡ଼ ପଦକ୍ଷେପ ଗ୍ରହଣ କରିଛନ୍ତି । କେନ୍ଦ୍ର କର୍ମଚାରୀଙ୍କ ପାଇଁ ଅଫିସିଆଲ ଭାବେ ୟୁନିଫାଏଡ ପେନସନ ସ୍କିମ ବା UPSକୁ ନେଇ ନୋଟିଫିକେସନ ଜାରି କରାଯାଇଛି । ଏଥିସହିତ ଏଥର ନୂଆ ପେନସନ ସ୍କିମକୁ କେଉଁ ତାରିଖରେ ଲାଗୁ କରାଯିବ ତାହା ମଧ୍ୟ ଘୋଷଣା କରାଯାଇଛି । ଏପ୍ରିଲ ୧ରେ UPS ଲାଗୁ ହେବ ବୋଲି କୁହାଯାଇଛି ।

UPSକୁ ନେଇ ସରକାରଙ୍କ ତରଫରୁ ଗେଜେଟ ନୋଟିଫିକେସନ ଜାରି କରାଯାଇଛି । ପୁରୁଣା ପେନସନ ସ୍କିମ (OPS) ଓ ଜାତୀୟ ପେନସନ ସ୍କିମ ((NPS) ମଧ୍ୟରେ ସନ୍ତୁଳନ ରକ୍ଷା କରିବା ପାଇଁ କେନ୍ଦ୍ର ସରକାର ଗତବର୍ଷ ଅଗଷ୍ଟରେ UPSକୁ ଲଞ୍ଚ କରିଥିଲେ । ସରକାରୀ କମର୍ଚାରୀଙ୍କୁ ଅବସର ପରେ ଗ୍ୟାରେଣ୍ଟେଡ ପେନସନ ପ୍ରଦାନ କରିଥାଏ UPS । ଏହା କର୍ମଚାରୀଙ୍କୁ ଆର୍ଥିକ ସୁରକ୍ଷା ସୁନିଶ୍ଚିତ କରିବାରେ ସହାୟକ ହୋଇଥାଏ । ପିଟିଆଇ ମୁତାବକ, NPS ଅଧୀନରେ କଭର ହେବାକୁ ଥିବା କେନ୍ଦ୍ର କର୍ମଚାରୀଙ୍କ ପାଇଁ ଏହି UPSକୁ ଚଳିତ ବର୍ଷ ଜାନୁଆରୀ ୨୫ରେ ନୋଟିଫାଏ କରାଯାଇଛି ।

ଯେଉଁ କର୍ମଚାରୀମାନେ NPS ଅଧୀନରେ ଆସିଥାନ୍ତି ଓ ଏହା ଅଧୀନରେ UPSର ଅପ୍ସନକୁ ବାଛିଥାନ୍ତି, ସେହି ସମସ୍ତ କର୍ମଚାରୀଙ୍କ ପାଇଁ କେନ୍ଦ୍ର ସରକାରଙ୍କ ତରଫରୁ UPS ଲାଗୁ ହୋଇଥାଏ । ଗେଜେଟ ନୋଟିଫିକେସନ ମୁତାବକ, କେନ୍ଦ୍ର କର୍ମଚାରୀ NPS ଅଧୀନରେ UPS ବିକଳ୍ପ ନେବାକୁ ବାଛି ପାରନ୍ତି ବା UPS ବିକଳ୍ପ ବିନା NPS ଜାରି ରଖିପାରନ୍ତି । UPS ଚୟନ କରୁଥିବା ଲୋକମାନେ ଅନ୍ୟ ପଲିସୀ ରିହାତି, ପଲିସୀ ଚେଞ୍ଜ, ଫାଇନାନ୍ସିଆଲ ବେନିଫିଟର ହକଦାର ହେବେ ନାହିଁ ବୋଲି ସରକାରୀ ନୋଟିଫିକେସନରେ ସ୍ପଷ୍ଟ କରାଯାଇଛି ।