ନନ୍ଦିଘୋଷ ବ୍ୟୁରୋ: ଧାନ ପାଚିବାର ସମୟ। ଆଉ କିଛି ଦିନ ପରେ ଅମଳ ହେବ ଧାନ । କ୍ଷେତରେ ଲହଡ଼ି ମାରୁଥୁବା ଫସଲକୁ ଦେଖି ଖୁସି ହେଉଥିବା ଚାଷୀଙ୍କ ଉପରେ ଚଡ଼କ ପକାଇଛି ଚକଡା଼ ପୋକ l ସନ୍ଧ୍ୟା ପର୍ଯ୍ୟନ୍ତ ସବୁ ଠିକଠାକ୍ ଥିବା ସତେଜ ଧାନ କ୍ଷେତ ସକାଳ ପାଇଲା ବେଳକୁ ଚକଡା଼ ଚକଡା଼ ନଷ୍ଟ ହୋଇଯାଇଥିବା ଦେଖିବାକୁ ମିଳୁଛି। ଚକଡା଼ ପୋକ ମାଡି ଯାଉଛନ୍ତି । ରାତି ଭିତରେ ଏକର ଏକର ଚାଷ ଜମି ନଷ୍ଟ କରିଦେଉଛନ୍ତି l କାମ କରୁନି କୀଟ ନାଶକ ମେଡିସିନ ଚିନ୍ତାରେ କୋରାପୁଟ ଜିଲ୍ଲା ପଟାଙ୍ଗି ଅଞ୍ଚଳ ର ଚାଷୀ l ପ୍ରଭାବିତ କ୍ଷେତ୍ର ପରିଦର୍ଶନ କଳା ରାଜସ୍ବ ଓ କୃଷି ବିଭାଗ l
ଅମଳ ହେବାକୁ ଥିବା ଧନ କ୍ଷେତରେ ମାଡ଼ିଯାଉଛନ୍ତି ଚକଡ଼ା ହୋକ । ଆଉ କିଛି ଦିନ ପରେ ହୋଇଥାନ୍ତା ଧନ ଅମଳ । ଭଲ ଫସଲ ହୋଇଥିବା ଦେଖି ଖୁସୀଥିବା କୋରାପୁଟ ଜିଲ୍ଲାର ପଟାଙ୍ଗି ବ୍ଲକର ଚାଷୀଙ୍କ ମୁଣ୍ଡରେ ଚଡ଼କ ପଡ଼ିଛି । ଧାନ ଫସଲରେ ମାଡ଼ି ଚାଲିଛନ୍ତି ଚକଡ଼ା ପୋକ । ଏକର ଏକର ଚାଷ ଜମି ନଷ୍ଟ କରିଦେଉଛନ୍ତି । ଲହ ଲହକ ଫସଲ ଦେଖି ବର୍ଷକ ପାଇଁ ଯୋଜନା ପ୍ରସ୍ତୁତ କରି ଖୁସି ମାନାଉ ଥିବା ଚାଷୀଙ୍କମନ ଭାଙ୍ଗି ପଡ଼ିଛି। ଚକଡା ପୋକକୁ ଦମନ କରିବାକୁ ଯେତେ ମେଡ଼ିସିନ ପ୍ରୟୋଗ କଲେ ମଧ୍ୟ କିଛି କାମରେ ଆସୁନାହିଁ । ଆଉ ମାତ୍ର ଦିନ କେଇଟାରେ ଫସଲ ଅମଳ ହୋଇଥାନ୍ତା । ତା ପୂର୍ବରୁ ଚକଡ଼ା ପୋକ ସବୁ ନଷ୍ଟ କରିଦେବାକୁ ବସିଛନ୍ତି । ପୋକ ମୁହଁରେ ଯିବାକୁ ବସିଥିବା ଧାନ ଫସଲ ଦେଖି ଚିନ୍ତାରେ ଚାଷୀ ।
କୋରାପୁଟ ଜିଲ୍ଲାର ପଟାଙ୍ଗି ବ୍ଲକର ନୂଆ ଗାଁ ପଞ୍ଚାୟତ, ଗଲିଗବଦର ଅଞ୍ଚଳରେ ଚାଷ ଜମିରେ ବ୍ୟାପକ ଭାବେ ଚକଡା଼ ପୋକ ଲାଗିଥିବା ଦେଖିବାକୁ ମିଳିଛି । ଏହା ଚାଷୀଙ୍କ ନିଦ ହଜାଇ ଦେଇଛି l ସେପଟେ କୃଷି ଅଧିକାରୀ କ୍ଷେତ୍ର ପରିଦର୍ଶନ କରିଛି । ପ୍ରତିକାର ସକାଶେ ପ୍ରତିଷେଧକ ବ୍ୟବସ୍ଥା ଗ୍ରହଣ କରିବା ପରିବର୍ତ୍ତେ କୃଷି ବିଭାଗ ଦାୟିତ୍ଵହୀନତା ହୋଇ ହାଲୁକା ଭାବରେ ନେଉଛି। ପୋକ ଲାଗି ୨ରୁ ଅଢେଇ ହେକ୍ଟର ନଷ୍ଟ ହୋଇଥିବା କହିଛି l
ଚକଡା଼ ପୋକକୁ ଦମନ ସକାଶେ ତ୍ୱରିତ ପଦକ୍ଷେପ ଗ୍ରହଣ କରିବା ଆବଶ୍ୟକତା ରହିଛି । ନହେଲେ କିଛି ଦିନ ମଧ୍ୟରେ ଶହ ଶହ ଏକରରେ ଚକଡ଼ା ପୋକ ମାଡି ଫସଲ ନଷ୍ଟ କରିଦେବା ଆଶଙ୍କାରେ ପଟାଙ୍ଗୀ ଅଞ୍ଚଳର ଚାଷୀ କୁଳ ।
