ସମ୍ବଲପୁର : ଧାନକିଣା ଆରମ୍ଭରୁ ଅବ୍ଯବସ୍ଥା । ମାନ ନିର୍ଦ୍ଧାରଣକୁ ନେଇ ଅସନ୍ତୋଷ ଚାଷୀ । କଟନୀ ଛଟନୀ ଭୟରେ ମିଲକୁ ଧାନ ନେବାକୁ ଚାଷୀ ନାରାଜ । ପ୍ରତିବାଦରେ ଜିଲ୍ଲାପାଳଙ୍କ କାର୍ଯ୍ଯଳୟ ଆଗରେ ଧାରଣା । ସମ୍ବଲପୁରରେ ମଣ୍ଡିରୁ ଉଠିପାରୁନି ଧାନ । ଜିଲ୍ଲାରେ ଧାନ କିଣା ଆରମ୍ଭ ହୋଇଥିଲେ ସୁଦ୍ଧା ଚାଉଁରପୁର ମଣ୍ଡିରୁ ଉଠିପାରୁନି ଧାନ । ହେଲେ ମିଲକୁ ଧାନ ନେବା ପାଇଁ ପରୋକ୍ଷରେ ଯୋଗାଣ ବିଭାଗ ଓ ସମବାୟ ବିଭାଗ କହୁଥିବାବେଳେ ଚାଷୀ ନିଜ ଜିଦରେ ଅଟଳ । ନିୟମ ହିସାବରେ ୧୭ ପ୍ରତିଶତ ତଳକୁ ମର୍ସଚାଇଜ୍ ଧାନ ଏଫଏକକ୍ଯୁ ଧାନ । ଚାଷୀ ଆଣିଥିବା ଧାନରେ ୧୨ ପ୍ରତିଶତ ମର୍ସରାଇଜ ରହିଛି । ହେଲେ ସମାନ ଧାନ ସିଧା ମିଲକୁ ଗଲେ ଏଫଏକ୍ଯୁ ନାହିଁ କହି ମିଲର୍ସ କଟନୀ ଛଟନୀ କରିବ । ଫଳରେ ମଣ୍ଡିରୁ ଯୋଗାଣ ବିଭାଗ ହିସାବ ନିକାଶ କରି ନିଜେ ମିଲ ପଠାଉ ବୋଲି ଅଡି ବସିଛି ଚାଷୀ ।
ସବୁଠାରୁ ବଡ଼କଥା ହେଲା ଚଳିତ ବର୍ଷ କଟଣୀ କରାଯିବ ନାହିଁ ବୋଲି କହିଥିଲେ ସରକାର । କିନ୍ତୁ ଆରମ୍ଭରୁ କଟନୀ ଆରମ୍ଭ ହୋଇଛି । ପୂର୍ବରୁ ଶହେ କିଲୋ ପିଛା କିଛି ମାତ୍ରାରେ କଟା ଯାଉଥିଲା । କିନ୍ତୁ ଏବେ ତାହା ବସ୍ତା ପ୍ରତି କଟୁ ଥିବାରୁ ଚିନ୍ତାରେ ଜିଲ୍ଲାର ଚାଷୀ । ତେଣୁ ପ୍ରତିବାଦରେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଲେଣି ବିଭିନ୍ନ କୃଷକ ସଂଗଠନ l ଆଗକୁ ଚାଷୀଙ୍କ ସମସ୍ୟାର ସମାଧାନ ନହେଲେ ରାଜ ରାସ୍ତାକୁ ଚାଷୀ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି l ଯଦି ମିଲକୁ ଧାନ ସିଧାସଳଖ ନିଆଯିବ ତାହେଲେ ବହୁ ପରିମାଣରେ କଟନୀ ଛଟନୀ କରାଯିବ । ସେହି ଭୟରେ ଶୀତ କାକରରେ ରାତି ତମାମ ନିଜର ଫସଲ ଜଗିଛନ୍ତି ଚାଷୀ ।
