spot_img
Home Blog Page 1298

ଟନେଲରେ ଫସିଥିବା ଶ୍ରମିକଙ୍କୁ ଉଦ୍ଧାର ପାଇଁ ଚାଲିଛି ଜୋରଦାର ପ୍ରୟାସ

ନନ୍ଦିଘୋଷ ବ୍ୟୁରୋ: ତେଲଙ୍ଗାନାର ଟନେଲ ଭିତରେ ଫସିଥିବା ଶ୍ରମିକଙ୍କୁ ଉଦ୍ଧାର ଲାଗି ଚାଲିଛି ପ୍ରାଣମୂର୍ଛା ଉଦ୍ଯମ। ଟନେଲ ଭିତରେ ଫସିଛନ୍ତି ୮ରୁ ଅଧିକ ଶ୍ରମିକ। ଶ୍ରୀସାଇଲମ୍ ବାମ କେନାଲ ଟନେଲରେ ଏହି ଅଘଟଣ ଘଟିଛି। ନିର୍ମାଣାଧୀନ ଟନେଲ ଛାତରୁ କଂକ୍ରିଟ ଖଣ୍ଡ ଖସିବାରୁ ଫସି ରହିଛନ୍ତି ସେମାନେ  ନଗର କୁର୍ଣ୍ଣୁଲ ଜିଲ୍ଲାରେ ଏହି ଅଘଟଣ ଘଟିଛି। ରେସ୍କ୍ୟେୁ ଅପରେସନରେ ସାମିଲ ହୋିଛନ୍ତି ଏନଡିଆରଏଫ୍ ଓ ଏସଡିଆରଏଫ୍। ଶ୍ରୀସାଇଲମ୍ ର ବାମ କେନାଲରେ ଟନେଲ ଛାତରୁ ପାଣି ଲିକ୍ ହେଉଥିଲା। ତାକୁ ବନ୍ଦ କରିବାକୁ କଂକ୍ରିଟ କରାଯାଇଥିଲା ଟନେଲ ଭିତରକୁ କାମ କରିବା ଲାଗି ୫୦ ଶ୍ରମିକ ଯାଇଥିଲେ। ସେମାନେ ୨୦୦ ମିଟର ଦୀର୍ଘ ଟନେଲ ବୋରିଂ ମେସିନ ବି ସାଥୀରେ ନେଇଥିଲେ। ପ୍ରାୟ ସାଢେ ୧୩ କିଲୋମିଟର ଦୂର ଯାଏ ସେମାନେ ଟନେଲ ଭିତରକୁ ଯାଇଥିଲେ। ଟନେଲ ଭିତରେ ସମୁଦାୟ ୮ ଜଣ ଫସିଥିବା ସୂଚନା ମିଳିଛି। ୪୨ ଜଣ ପଦାକୁ ବାହାରିବାକୁ ସକ୍ଷମ ହୋଇଥିଲେ। ଫସିଥିବା ୮ ଜଣଙ୍କ ମଧ୍ଯରୁ ୨ ଇଞ୍ଜିନିୟର ଓ ୪ ଶ୍ରମିକ ହେଉଛନ୍ତି ଜୟପ୍ରକାଶ ଆସୋସିଏଟ୍ସର। ଅବଶିଷ୍ଟ ୨ ଜଣ ହେଉଛନ୍ତି ଏକ ଆମେରିକୀୟ କମ୍ପାନୀର। ଶ୍ରୀସାଇଲାମ ପ୍ରକଳ୍ପରୁ ପାଣିଆଣିବା ଲାଗି ବିଶ୍ବର ସବୁଠାରୁ ଦୀର୍ଘ ୪୪ କିଲୋମିଟର ଟନେଲ ଖୋଳାଯାଉଛି। ନାଲଗୋଣ୍ଡା ଜିଲ୍ଲାର ପ୍ରାୟ ୪ ଲକ୍ଷ ଏକର ଜମିକୁ ଜଳଯୋଗାଣ ଲାଗି ଏହି ଟନେଲ ଖୋଳାଯାଉଛି। ତେବେ ୪୪ କିଲୋମିଟରରୁ ମାତ୍ର ୯ ଦଶମିକ ୫ କିଲୋମିଟର ଟନେଲ ବାକି ଥିବା ସୂଚନା ମିଳିଛି।

ପ୍ରଥମେ ବ୍ୟାଟିଂ କରିବ ପାକିସ୍ତାନ

ନନ୍ଦିଘୋଷ ବ୍ୟୁରୋ: ଭାରତ-ପାକିସ୍ତାନ ମୁକାବିଲା । ଚାମ୍ପିୟନ୍ସ ଟ୍ରଫିର ଗୁରୁତ୍ବପୂର୍ଣ୍ଣ ମ୍ୟାଚରେ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛି ପାକିସ୍ତାନ । ସେପଟେ ଭାରତ ପ୍ରଥମେ ବୋଲିଂ କରୁଥିବାବେଳେ ଦଳର ପ୍ରଦର୍ଶନ ଉପରେ ରହିଛି ସମସ୍ତଙ୍କ ନଜର ।

ଭାରତ

ରୋହିତ ଶର୍ମା, ଶୁବମନ ଗିଲ, ବିରାଟ କୋହଲି, ଶ୍ରେୟସ ଅୟର, ଅକ୍ଷର ପଟେଲ,
କେଏଲ ରାହୁଲ, ହାର୍ଦ୍ଦିକ ପାଣ୍ଡ୍ୟା, ରବୀନ୍ଦ୍ର ଜାଡେଜା, ହର୍ଷିତ ରାଣା କିମ୍ବା ଅର୍ଶଦୀପ ସିଂହ, ମହମ୍ମଦ ଶମି, କୁଲଦୀପ ଯାଦବ କିମ୍ବା ବରୁଣ ଚକ୍ରବର୍ତ୍ତୀ

ପାକିସ୍ତାନ

ଇମାମ ଉଲ ହକ, ବାବର ଆଜମ, ମହମ୍ମଦ ରିଜୱାନ, ଉସମାନ ଖାନ, ସଲମାନ ଆଗା, ତୈୟବ ତାହିର, ଖୁଶଦିଲ ଶାହ, ଶାହୀନ ଆଫ୍ରିଦି, ନଶୀମ ଶାହ, ହାରିସ ରଉଫ, ଅବରାର ଅହମ୍ମଦ

ମହାରାଷ୍ଟ୍ର ଓ କର୍ଣ୍ଣାଟକ ମଧ୍ୟରେ ବଢ଼ିଲା ବସ୍ ବିବାଦ

ନନ୍ଦିଘୋଷ ବ୍ୟୁରୋ: ମହାରାଷ୍ଟ୍ର ଓ କର୍ଣ୍ଣାଟକ ମଧ୍ୟରେ ବଢ଼ିଲା ବସ୍ ବିବାଦ। ମହାରାଷ୍ଟ୍ର ରାଜ୍ଯ ପରିବହନ ନିଗମ ବା ଏମଏସଆରଟିସିର ଏକ ବସ ଉପରେ କର୍ଣ୍ଣାଟକ ଚିତ୍ରଦୁର୍ଗରେ ନବନିର୍ମାଣ ସେନା ପକ୍ଷରୁ ଆକ୍ରମଣ ହେବା ପରେ କର୍ଣ୍ଣାଟକକୁ ସମସ୍ତ ସରକାରୀ ବସ୍ ଚଳାଚଳ ବନ୍ଦ କରାଯାଇଛି। ଏ ନେଇ ସୂଚନା ଦେଇଛନ୍ତି ରାଜ୍ଯ ପରିବହନ ମନ୍ତ୍ରୀ ପ୍ରତାପ ସରନାଏକ। ଆକ୍ରମଣର ସମ୍ମୁଖୀନ ହୋଇଥିବା ବସଟି ବେଙ୍ଗାଳୁରୁରୁ ମୁମ୍ବାଇ ଆସୁଥିବାବେଳେ କନ୍ନଡ ସପକ୍ଷବାଦୀ କର୍ମୀମାନେ ଆକ୍ରମଣ କରିଥିଲେ। ବସର ଡ୍ରାଇଭରଙ୍କ ମୁହଁରେ ବି କର୍ମୀମାନେ କଳା ବୋଳିଦେଇଥିଲେ। ଏହି ଘଟଣାରେ କର୍ଣ୍ଣାଟକରେ ଆକ୍ରମଣକାରୀଙ୍କ ବିରୋଧରେ ମାମଲା ରୁଜୁ ହୋଇଛି। ସେପଟେ କର୍ଣ୍ଣାଟକ ବେଲଗାଭିରେ କର୍ଣ୍ଣାଟକ ସଡ଼କ ପରିବହନ ନିଗମର ଏକ ବସର କଣ୍ଡକ୍ଟର ଜଣେ ଯୁବତୀଙ୍କୁ ମରାଠୀ ଭାଷାରେ ଉତ୍ତର ନଦେବାରୁ ତାଙ୍କ ଉପରେ ଆକ୍ରମଣ ହୋଇଥିଲା। ସେହି କଣ୍ଡକ୍ଟରଙ୍କ ବିରୋଧରେ ଏପରିକି ପୋକ୍ସୋ ମାମଲା ବି ରୁଜୁ ହୋଇଥିଲା। କଣ୍ଡକ୍ଟରଙ୍କ ଅଭିଯୋଗ ଥିଲା- ସେ ଯୁବତୀଙ୍କୁ କନ୍ନଡରେ କହିବା ଲାଗି ଅନୁରୋଧ କରିଥିଲେ। ମାତ୍ର ଯୁବତୀ ଜଣକ ମରାଠୀରେ କହିବା ସହ ଉତକ୍ଷିପ୍ତ ହୋଇଥିଲେ। ଏହାକୁ ନେଇ ବିବାଦ ହୋଇଥିଲା ଏବଂ କଣ୍ଡକ୍ଟରଙ୍କୁ ଗିରଫ କରାଯାଇଥିଲା। କର୍ଣ୍ଣାଟକର ବେଲଗାଭି ରହିଛି ମହାରାଷ୍ଟ୍ର ସୀମା ନିକଟରେ ଏବଂ ସେଠାରେ ବହୁଳ ଭାବେ ମରାଠୀ ବାସ କରନ୍ତି। ଏହି ଜିଲ୍ଲାକୁ ମହାରାଷ୍ଟ୍ର ସହ ମିଶାଇବା ଲାଗି ଦାବି ଜୋର ଧରିଛି। ମରାଠୀ ସମ୍ପ୍ରଦାୟଙ୍କ ଦାବିକୁ କନ୍ନଡ ଭାଷାଭାଷୀ ବିରୋଧ କରୁଛନ୍ତି।

 

 

ଚଳନ୍ତା ଗାଡ଼ିରେ ଡ୍ରାଇଭରଙ୍କୁ ହେଲା ହୃଦଘାତ,ଭଲ ହେଲା ପରେ କହିଲେ ୪ ଜଣ ଯମଦୂତ ଗାଡ଼ିକୁ କଲେ ସାଇଡ୍ !

ନନ୍ଦିଘୋଷ ବ୍ୟୁରୋ: ବିନା ଡ୍ରାଇଭରରେ ୫୦୦ ମିଟର ଚାଲିଲା ବସ ! ରାସ୍ତାକଡ଼କୁ ଯାଇ ଆପ ଆପ ସାଇଡ୍ ହେଲା ଗାଡ଼ି । ବଞ୍ଚିଗଲା ୬୦ ଯାତ୍ରୀଙ୍କ ଜୀବନ । ଆଉ ପରେ ଡ୍ରାଇଭର ଯାହା କହିଲେ ଶୁଣିଲେ ଆପଣଙ୍କ ଲୋମ ଟାଙ୍କୁରି ଉଠିବ । ଝାଡ଼ଖଡ଼ରେ ଏବେ ଏମିତି ଏକ ଘଟଣାକୁ ବେଶ ଚର୍ଚ୍ଚା ହେଉଛି । ତେବେ ଚଳନ୍ତା ଗାଡ଼ିରେ ଡ୍ରାଇଭରଙ୍କୁ ହେଲା ହୃଦଘାତ,ଭଲ ହେଲା ପରେ କହିଲେ ୪ ଜଣ ଯମଦୂତ ଗାଡ଼ିକୁ କଲେ ସାଇଡ୍ ! ଯାହାକୁ ଅନେକ ଆଶ୍ଚର୍ଯ୍ୟଜନକ ଘଟଣା ବୋଲି କହୁଥିବାବେଳେ କିଛି ଲୋକ କହିଛନ୍ତି କି ଭଗବାନ ବଞ୍ଚାଇ ଦେଇଛନ୍ତି ।

କହି ରଖୁଛୁ କି, ଘଟଣାଟି ଘଟିଛି ଶୁକ୍ରବାର ପାଖାପାଖି ଦିନ ୯ଟା୩୦ ସମୟରେ । ବସ ଚଳାଉଥିବା ଡ୍ରାଇଭରଙ୍କୁ ହଠାତ ହାର୍ଟ ଆଟାକ ହୋଇଥିଲା । ଗାଡ଼ି ଚାଲିଥିବାବେଳେ ତାଙ୍କ ହାର୍ଟ ଆଟାକ ହୋଇଥିବାବେଳେ କଣ ହୋଇଛି ସେ ଜାଣିନଥିବା କହିଥିଲେ । ବସରେ ୬୦ରୁ ଅଧିକ ଯାତ୍ରୀ ରହିଥିବାବେଳେ ବସଟି ସାଇଡରେ ଯାଇ ରହିଥିଲା । ଯାତ୍ରୀମାନେ ଡ୍ରାଇଭରଙ୍କୁ CPR ଦେବା ପରେ ସୁସ୍ଥ ହୋଇଥିଲେ । ଆଉ ପଚାରିବା ପରେ କହିଥିଲେ କି, ଯମଦୂତ ମାନେ ଗାଡ଼ିକୁ ସାଇଡ୍ କରିଥିଲେ । ଏହା ଆଶ୍ଚର୍ଯ୍ୟ ଲାଗୁଥିଲେ ସୁଦ୍ଧା ମୋ ସହ ଯାହା ଘଟିଛି ମୁଁ ସତ କହୁଛି ବୋଲି ଡ୍ରାଇଭର ଭାଇଜଣକ କହିଥିଲେ । ଯାହାକୁ ଅନେକ ଲୋକ ବିଶ୍ବାସ କରୁଥିବାବେଳେ ଆଉ କିଛି ଲୋକ ସୋସିଆଲ ମିଡିଆରେ ଏହାକୁ ନେଇ ଟ୍ରୋଲ ମଧ୍ୟ କରୁଛନ୍ତି । ତେବେ ଯାତ୍ରୀମାନେ ମାନବିକତାର ପରିଚୟ ଦେଇଥିବାବେଳେ ସେମାନେ ସିପିଆର ଦେଇଥିଲେ । ହେଲଫର ଏବଂ କଣ୍ଡକ୍ଟର ସାଙ୍ଗେ ସାଙ୍ଗେ ଗାଡ଼ିର ଷ୍ଟାର୍ଟ ବନ୍ଦ କରିଥିବାବେଳେ ପାଟିରେ ଫୁଙ୍କିଥିଲେ । ତେବେ ଡ୍ରାଇଭର କହିଛନ୍ତି କି, ହଠାତ ମୋ ଆଗରେ ୪ ଜଣ ବର୍ଛା ଧରି ଯିବା ଭଳି ମନେ ହେଲା ଏହାପରେ ମୋର ହୋସ୍ ଚାଲିଗଲା ।

ରାଜସ୍ଥାନ ବିଧାନସଭାରେ ଥମୁନି ଇନ୍ଦିରା ଝଡ: ଗୃହ ଛାଡିବାକୁ ନାରାଜ କଂଗ୍ରେସ ବିଧାୟକ

ନନ୍ଦିଘୋଷ ବ୍ୟୁରୋ: ରାଜସ୍ଥାନ ବିଧାନସଭାରେ ଥମୁନି ଇନ୍ଦିରା ଝଡ। ଗୃହ ଛାଡିବାକୁ ନାରାଜ କଂଗ୍ରେସ ବିଧାୟକ। ରଘୁପତି ରାଘବ ରାଜାରାମ ଗୀତ ବୋଲି ବିଧାୟକଙ୍କ ପ୍ରତିବାଦ। ଦାଦି ଶବ୍ଦର ପ୍ରତ୍ଯାହାର ଦାବି କରି ଅଟଳ ରହିଛନ୍ତି ବିଧାୟକ। ଇନ୍ଦିରାଙ୍କୁ ନେଇ ବିଜେପି ମନ୍ତ୍ରୀ ଦେଇଥିବା ମନ୍ତବ୍ଯ ପ୍ରତ୍ଯାହାର ଦାବିରେ ଅଟଳ ଅଛନ୍ତି ବିଧାୟକ। ଗତ ୨୧ ତାରିଖଠାରୁ ଗୃହ ଭିତରେ ରହି ନାରାବାଜି ଚଳାଇଛନ୍ତି ବିଧାୟକ। ବଜେଟ ଅଧିବେଶନର ଅବଶିଷ୍ଟ ସମୟକାଳରୁ ସେମାନଙ୍କୁ ବହିଷ୍କାର ପ୍ରତିବାଦରେ କରିଛନ୍ତି ଅଭିନବ ପ୍ରତିବାଦ। ରାଜସ୍ଥାନ ପିସିସି ସଭାପତି ଗୋବିନ୍ଦ ସିଂ ଦୋତସାରା, ବିରୋଧୀ ଦଳ ନେତା ରାମକେଶ ମୀନା, ଅମିନ କାଗଜି, ଜାକିର ହୁସେନ ଗେସାୱତ, ହାକିମ ଅଲ୍ଲୀ ଖାନ ଓ ସଞ୍ଜୟ କୁମାର ଜାଟବ ଗୃହରେ ଶୋଇ ଜଣାଇଥିଲେ ପ୍ରତିବାଦ। ଗତ ଶୁକ୍ରବାର କଂଗ୍ରେସକୁ କଟାକ୍ଷ କରି ଗୃହରେ ସାମାଜିକ କଲ୍ଯାଣ ଓ ସଶକ୍ତିକରଣ ମନ୍ତ୍ରୀ ଅବିନାଶ ଗେହଲତ କହିଥିଲେ- ୨୦୨୩-୨୪ ବଜେଟରେ କର୍ମଜୀବୀ ମହିଳାଙ୍କ ଲାଗି ଉଦ୍ଦିଷ୍ଟ ହଷ୍ଟେଲକୁ କଂଗ୍ରେସ ସରକାର ଦାଦି ଇନ୍ଦିରା ଗାନ୍ଧୀଙ୍କ ନାମରେ ନାମିତ କରିଥିଲା । ମନ୍ତ୍ରୀଙ୍କ ଏହି ବୟାନକୁ ନେଇ ଗୃହ ହୁଲସ୍ତୁଲ ହୋଇଥିଲା। ଏହାକୁ ବିରୋଧୀ ଦଳ ନେତା ତିକାରାମ ଜୁଲ୍ଲୀ ତୀବ୍ର ବିରୋଧ କରିଥିଲେ। ପରେ ସେମାନେ ଗୃହରେ ରାତି କଟାଇ ଏହି ବୟାନର ପ୍ରତିବାଦ ଜଣାଇଥିଲେ। ତେବେ ଦାଦି ଶବ୍ଦ କୌଣସି ଅଣସଂସଦୀୟ ଶବ୍ଦ ନୁହେଁ ବୋଲି କହିଥିଲେ ସଂସଦୀୟ ବ୍ଯାପାର ମନ୍ତ୍ରୀ ଯୋଗଗାମ ପଟେଲ। ମନ୍ତ୍ରୀ ନିଜ ମନ୍ତବ୍ଯ ଫେରାଇ ନନେବା ଯାଏ ଆନ୍ଦୋଳନ ଜାରି ରହିବ ବୋଲି କହିଛନ୍ତି ବିଧାୟକ ତିକାରାମ ।

ଭାରତ-ପାକିସ୍ତାନ ମ୍ୟାଚର କ୍ରେଜ୍ : ଏହି ବିଭାଗକୁ ବଦଳାଇବାକୁ ପଡ଼ିଲା ନିଷ୍ପତ୍ତି  

ନନ୍ଦିଘୋଷ ବ୍ୟୁରୋ: ରବିବାର ଚାମ୍ପିୟନ୍ସ ଟ୍ରଫିର ସବୁଠାରୁ ବଡ଼ ଲିଗ ମ୍ୟାଚ ଭାରତ-ପାକିସ୍ତାନ ମୁକାବିଲା ଖେଳାଯିବ । ଏହି ମ୍ୟାଚକୁ ଦେଖିବା ପାଇଁ ସବୁଠି ରହିଛି କ୍ରେଜ୍ । ସାରା ବିଶ୍ବ ଦୁଇ ପାରମ୍ପରିକ ପ୍ରତିଦ୍ବନ୍ଦୀ ଦେଙଶର ମ୍ୟାଚକୁ ଦେଖିବା ପାଇଁ ଚାହିଁ ବସିଛି । ତେବେ ବିହାରରୁ ଏକ ଖବର ଆସିଛି କି, ମ୍ୟାଚର କ୍ରେଜ୍ ପାଇଁ ଇଲେକ୍ଟ୍ରି ଡିପାର୍ଟମେଣ୍ଟକୁ ନିଜର ନିଷ୍ପତ୍ତି ବଦଳାଇବାକୁ ପଡ଼ିଛି । ବିହାରର ନଓ୍ବାଡା ଜିଲ୍ଲାରୁ ସାମ୍ନାକୁ ଆସିଛି ଏଭଳି ଖବର ।

କୁହାଯାଉଛି କି, ଏହି ଜିଲ୍ଲାର କିଛି ଅଞ୍ଚଳରେ ଆଜି ବିଜୁଳି ସରବରାହ ବନ୍ଦ ରହିବା ନେଇ ପୂର୍ବରୁ କୁହାଯାଇଥିଲା । କାରଣ କିଛି ଟ୍ରାନ୍ସଫର୍ମର ବଦଳ ଭଳି କାମ ରହିଥିଲା । ଯେଉଁ କାରଣୁ ୧୧ କେଭି ତାର ସଂଯୋଗ ହୋଇଥିବା ଅଞ୍ଚଳରେ ମଧ୍ୟ କାମ ହେବାର ଥିଲା । ଯେଉଁ କାରଣରୁ ଏଠାରେ ବିଜୁଳି କାଟିବା ପାଇଁ ପୂର୍ବରୁ କୁହାଯାଇଥିଲା । ମାତ୍ର ଭାରତ-ପାକିସ୍ତାନ ମ୍ୟାଚ ଦେଖିବା ପାଇଁ ଲୋକେ ଅଭିଯୋଗ ଜଣାଇଥିଲେ । ଆଉ ଶେଷରେ ଏତେ ଲୋକ କହିବା ପରେ ବିଜୁଳି ବିଭାଗ ନିଜର ନିଷ୍ପତ୍ତିରେ ପରିବର୍ତ୍ତନ କରିଛି । ଏହି କାମକୁ ଆଜି ପାଇଁ ବନ୍ଦ କରି ପରେ କାମ କରିବା ପାଇଁ କହିଛି ।

ପିତୃତ୍ବ ବିବାଦରେ ଛନ୍ଦି ହେଲେ ଟେସଲା ମାଲିକ ଏଲନ ମସ୍କ

ନନ୍ଦିଘୋଷ ବ୍ୟୁରୋ: ପିତୃତ୍ବ ବିବାଦରେ ଛନ୍ଦି ହେଲେ ଟେସଲା ମାଲିକ ତଥା ସ୍ପେସ ଏକ୍ସ ସିଇଓ ଏଲନ ମସ୍କ । ତାଙ୍କ ବିରୋଧରେ ପିତୃତ୍ବ ନେଇ ଏକ ମାମଲା ରୁଜୁ କରିଛନ୍ତି ଇନଫ୍ଲୁଏନ୍ସର ଆସଲେ କ୍ଲେୟାର । ଏହା ସହ ୫ମାସର ପୁତ୍ରର ସମ୍ପୂର୍ଣ୍ଣ ଅଧିକାର ଦାବି କରିଛନ୍ତି କ୍ଲେୟାର । ଏହି ଶିଶୁକୁ ବର୍ତ୍ତମାନ ସୁଦ୍ଧା ମସ୍କ ସନ୍ତାନର ମାନ୍ୟତା ଦେଇ ନଥିବା ଅଭିଯୋଗ କରିଛନ୍ତି କ୍ଲେୟାର । ଏହି ଶିଶୁକୁ ମସ୍କ ତିନି ଥର ଭେଟିଥିଲେ କିନ୍ତୁ ଜନ୍ମ ସମୟରେ ସେ ଉପସ୍ଥିତ ନଥିଲେ ବୋଲି ଅଭିଯୋଗରେ ଦର୍ଶାଯାଇଛି । ଏନେଇ ମେନହଟ୍ଟନ ସୁପ୍ରିମକୋର୍ଟରେ କ୍ଲେୟାର ମାମଲା ଦାୟର କରିଛନ୍ତି । ମାମଲାରେ କ୍ଲେୟାର ଦର୍ଶାଇଛନ୍ତି ଏହି ଶିଶୁର ପୁତ୍ର ମସ୍କ ବୋଲି କୋର୍ଟ ଅନୁମତି ଦିଅନ୍ତୁ । ଏପରିକି ଶିଶୁର ପିତା ବୋଲି ମସ୍କ ନିଜର ଜେନେଟିକ ଟେଷ୍ଟ ଦେବା ଲାଗି କୋର୍ଟ ନିର୍ଦ୍ଦେଶ ଦିଅନ୍ତୁ ବୋଲି ଦର୍ଶାଇଛନ୍ତି କ୍ଲେୟାର । ଗତ ୨୦୨୪ ଜାନୁଆରୀରେ ଏହି ଶିଶୁ ଗର୍ଭଧାରଣ ବୋଲି ସେ କହିଛନ୍ତି । ଏହି ଶିଶୁକୁ ମସ୍କ ମେନହଟ୍ଟନରେ ଦୁଇଥର ଓ ଟେକ୍ସାସରେ ଥରେ ସାକ୍ଷାତ କରିଥିଲେ । କୋର୍ଟରେ ମାମଲା ଦାୟର କରାଯାଇଥିବା ବିଭିନ୍ନ ନଥି ସହ ଶିଶୁ ସହ କ୍ଲେୟାରଙ୍କ ଫଟୋ ବି ସ୍ଥାନୀତ ରହିଛି । ପୁତ୍ରର ଜନ୍ମଗତ ପ୍ରମାଣପତ୍ରରେ ବାପାଙ୍କ ନାମକୁ ବି କ୍ଲେୟାର ଖାଲି ରଖିଛନ୍ତି । ସେପଟେ ଆମେରିକା ସରକାରୀ କାର୍ଯ୍ୟଦକ୍ଷତା ବିଭାଗ ବା ଡୋଗର ମୁଖ୍ୟ ଥିବା ମସ୍କଙ୍କୁ ନେଇ ଛାନିଆ ସରକାରୀ କର୍ମଚାରୀ । ସପ୍ତାହରେ କଣ କଣ କରାଯାଉଛି ତାହାର ସବିଶେଷ ରିପୋର୍ଟ ଦାଖଲ ଲାଗି ନିର୍ଦ୍ଦେଶ ଦେଇଛନ୍ତି ମସ୍କ । ଯିଏ ଏହି ରିପୋର୍ଟ ଦାଖଲ କରିବାରେ ବିଫଳ ହେବେ ତାଙ୍କୁ ତୁରନ୍ତ ବାହାର କରିଦିଆଯିବ ବୋଲି ସେ ଘୋଷଣା କରିଛନ୍ତି । ଆମେରିକାରେ ସରକାରୀ କାର୍ଯ୍ୟଦକ୍ଷତା ବଢାଇବା ଲାଗି ରାଷ୍ଟ୍ରପତି ଡୋନାଲଡ ଟ୍ରମ୍ପ ଡିପାର୍ଟମେଣ୍ଟ ଅଫ ଗଭର୍ଣ୍ଣମେଣ୍ଟ ଏଫିସିଏନସି ବା ଡୋଗ୍ ଗଠନ କରିଥିଲେ ।

ଭାରତ-ପାକିସ୍ତାନ ମ୍ୟାଚକୁ ନେଇ ଭବିଷ୍ୟବାଣୀ କରି ଟ୍ରୋଲ ହେଉଛନ୍ତି IIT ବାବା

ନନ୍ଦିଘୋଷ ବ୍ୟୁରୋ: ସୋସିଆଲ ମିଡିଆରେ ଟ୍ରୋଲ ହେଉଛନ୍ତି IIT ବାବା । ଭାରତ-ପାକିସ୍ତାନ ମ୍ୟାଚକୁ ନେଇ ଭବିଷ୍ୟବାଣୀ କରିଥିଲେ ବାବା । ଯେଉଁଥିରେ ସେ ସାମ୍ବାଦିକ ପ୍ରଶ୍ନର ଉତ୍ତରରେ ପାକିସ୍ତାନ ଜିତିବ ବୋଲି କହିଛନ୍ତି । ବିରାଟ-ଜାଡେଜା ଯେତେ ଚେଷ୍ଟା କଲେ ମଧ୍ୟ ଭାରତ ଜିତିବ ନାହିଁ ବୋଲି କହିଛନ୍ତି ବାବା । ଯାହାର ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହୋଇଥିବାବେଳେ ବାବାଙ୍କୂ ଟ୍ରୋଲ କରାଯାଉଛି । ୟୁଜର୍ସମାନେ ତାଙ୍କୁ ନେଇ ବିଭିନ୍ନ ଫଟୋ ଏବଂ ଭିଡିଓ ଏଡିଟ୍ କରି ଟ୍ରୋଲ କରାଯାଉଛି ।

କହି ରଖୁଛୁ କି, ଏକ ଗଣମାଧ୍ୟମର ପ୍ରତିନିଧି ଭାରତ-ପାକିସ୍ତାନ ମ୍ୟାଚ ପୂର୍ବରୁ କିଏ ଜିତିବ ଆପଣଙ୍କ ଭବିଷ୍ୟବାଣୀ କଣ କହୁଛି ବୋଲି ପଚାରିଥିଲେ ? ଯେଉଁରେ ସେ କହିଥିଲେ କି, ଯଦି ଭଗବାନ ସତ ତାହେଲେ ଏଥରକ ଭାରତ କେବେ ମଧ୍ୟ ଜିତିବ ନାହିଁ । ଯାହାକୁ ନେଇ ଭାରତୀୟ କ୍ରିକେଟପ୍ରେମୀମାନେ ବେଶ ଉତକ୍ଷିପ୍ତ ହୋଇଥିବା ମଧ୍ୟ ଦେଖିବାକୁ ମିଳିଛି । କହିଛନ୍ତି କି, ମ୍ୟାଚ ସରୁ ତାପରେ ଦେଖିବା । ତେବେ ମହାକୁମ୍ଭ ମେଳାରୁ ଭାଇରାଲ ହୋଇଥିବା ଏହି ଆଇଆଇଟି ବାବା ଏବେ ସୋସିଆଲ ମିଡିଆରେ ଟ୍ରେଣ୍ଡ କରୁଛନ୍ତି ।

 

କୋହଲିଙ୍କ ଫଟୋ ଭାଇରାଲ, ଆଜି ଖେଳିବେ ତ ?

ନନ୍ଦିଘୋଷ ବ୍ୟୁରୋ: ପାକିସ୍ତାନ ବିପକ୍ଷରେ ସବୁବେଳେ ଦମଦାର ପ୍ରଦର୍ଶନ କରିଛନ୍ତି ଟିମ ଇଣ୍ଡିଆର ପୂର୍ବତନ ଅଧିନାୟକ ବିରାଟ କୋହଲି । ଏବେ ଖରାପ ଫର୍ମ ଦେଇ ଗତି କରୁଥିବା କୋହଲି ଆଜିର ମ୍ୟାଚରେ ପୁଣିଥରେ ଫର୍ମକୁ ଫେରିବେ ବୋଲି ଆଶା ରଖିଛନ୍ତି କ୍ରିକେଟପ୍ରେମୀ । ମାତ୍ର ମ୍ୟାଚ ଆରମ୍ଭ ହେବା ପୂର୍ବରୁ କୋହଲିଙ୍କ ଏକ ଫଟୋ ସାମନାକୁ ଆସିଛି । ଯେଉଁଥିରେ ଦେଖିବାକୁ ମିଳିଛି କି ଏକ ଆଇସି ପ୍ୟାକ୍ ବିରାଟଙ୍କ ଗୋଡ଼ରେ ବନ୍ଧା ଯାଇଛି । ଯେଉଁଥିରୁ ଲାଗୁଛି କି, ସେ ଆହତ ରହିଛନ୍ତି । ମ୍ୟାଚ ପୂର୍ବରୁ ଏଭଳି ଫଟୋ ଦେଖିବାକୁ ମିଳିଥିବାବେଳେ ସେ ଆଜିର ମ୍ୟାଚରେ ନଜର ଆସିବେ ତ ? ଏମିତି ଏକ ପ୍ରଶ୍ନ କ୍ରୀଡ଼ାପ୍ରେମୀଙ୍କ ମଧ୍ୟ ଦେଖିବାକୁ ମିଳିଛି ।

ରବିବାର ମ୍ୟାଚ ପୂର୍ବରୁ କୋହଲି ୩ ଘଣ୍ଟା ଧରି ଅଭ୍ୟାସ କରିଥିବା ଦେଖିବାକୁ ମିଳିଛି । ତେବେ ସେ ଗୋଡ଼ରେ ଆଇସି ପ୍ୟାକ ଲଗାଇଥିବାବେଳେ ଖେଳିନପାରନ୍ତି ବୋଲି କୁହାଯାଉଛି । ମାତ୍ର ପାକିସ୍ତନ ବିପକ୍ଷରେ ତାଙ୍କର ରେକର୍ଡ ଭଲ ରହିଛି । ଏହା ପୂର୍ବରୁ ମଧ୍ୟ ପାକିସ୍ତାନର ପୂର୍ବତନ କ୍ରିକେଟର ସୋଏବ ଅଖତର କୋହଲିଙ୍କ ଫର୍ମକୁ ଦେଇ ଏକ ପ୍ରତିକ୍ରିୟା ଦେଇଥିଲେ । ଯାହାକି ବେଶ ଭାଇରାଲ ମଧ୍ୟ ହୋଇଥିଲା । ସେ କହିଥିଲେ କି, କୋହଲିଙ୍କ ଫର୍ମ ନାହିଁ କିନ୍ତୁ ପାକିସ୍ତାନ ବିପକ୍ଷ ମ୍ୟାଚ ଆସୁ ଜଣା ପଡ଼ିବ । ପାକିସ୍ତାନ ବିପକ୍ଷ ମ୍ୟାଚରେ ସେ ବଡ଼ ପାଳି ଖେଳିବେ । ନିଶ୍ଚିତ ଭାବେ ଭଲ ପ୍ରଦର୍ଶନ କରିବେ ବୋଲି ସୋଏବ ଅଖତର କହିଥିଲେ । ଏବେ କିନ୍ତୁ ତାଙ୍କ ଗୋଡ଼ ଦେଖିବା ପରେ ପ୍ରଶଂସକଙ୍କ ମଧ୍ୟରେ ଅନେକ ପ୍ରଶ୍ନ ରହିଥିବାବେଳେ ଅପେକ୍ଷା ଦଳରେ ସ୍ଥାନ ପାଉଛନ୍ତି କି ନାହିଁ ବିରାଟ ।

 

ଭାରତ- ପାକିସ୍ତାନ ମ୍ୟାଚ ସମୟରେ ଶୁଭିବ ’ଜାଟ’ର ସ୍ବର

ନନ୍ଦିଘୋଷ ବ୍ୟୁରୋ: ଭାରତ-ପାକିସ୍ତାନ ମ୍ୟାଚ ଦେଖିବେ ସନ୍ନି ଦେଓ୍ବଲ । ଖେଳ ଦେଖିବା ସହ ନିଜ ଫିଲ୍ମର କରିବେ ପ୍ରମୋସନ । ବଲିଉଡ ଫିଲ୍ମ ଅଭିନେତା ସନ୍ନି ଦେଓ୍ବଲ ନିଜ ଫିଲ୍ମ ’ଜାଟ୍’ର ପ୍ରମୋସନ କରିବା ପାଇଁ ଦୁବାଇ ଯିବେ । ଏମିତି ଏକ ଖବର ପ୍ରଯୋଜନା ସଂସ୍ଥା ପକ୍ଷରୁ କୁହାଯାଇଛି । ଏପରିକି ଏହି ସମୟ ଏକ ଭିଡିଓ ମଧ୍ୟ ସୋସିଆଲ ମିଡିଆରେ ପୋଷ୍ଟ କରାଯାଇଛି । ସନ୍ନି ଦେଓ୍ବଲଙ୍କ ଅଭିନୀତ ଫିଲ୍ମ ଗଦର-୨ ବକ୍ସ ଅଫିସରେ ଭଲ ରୋଜଗାର କରିଥିଲା । ବିଶ୍ବବ୍ୟାପୀ ଫିଲ୍ମକୁ ମଧ୍ୟ ଦର୍ଶକେ ବେଶ ପସନ୍ଦ କରିଛନ୍ତି । ଏଣୁ ଭାରତ-ପାକିସ୍ତାନ ମ୍ୟାଚ ଉପରେ ସାରା ବିଶ୍ବର ନଜର ରହିଥିବା ସମୟରେ ପ୍ରମୋସନ କରିବାର ସୁଯୋଗ ଛାଡ଼ିନାହାନ୍ତି ସନ୍ନି । ପରବର୍ତ୍ତୀ ଫିଲ୍ନ ଜାଟ୍ ବକ୍ସ ଅଫିସରେ ହିଟ୍ ହେବା ସହ ଏହା ଦର୍ଶକଙ୍କ ମନମୋହିବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ଆଶା ରଖାଯାଇଛି । ସେପଟେ ଏହି ଫିଲ୍ମରେ ସନ୍ନି ଦେଓ୍ବଲଙ୍କ ସହ ରଣଦୀପ ହୁଡାଙ୍କ ଭଳି ଅଭିନେତା ମଧ୍ୟ ନଜର ଆସିବେ । ଏହା ୧୦ ଏପ୍ରିଲରେ ବିଶ୍ବବ୍ୟାପୀ ରିଲିଜ୍ ହେବାକୁ ଯାଉଛି ।