ବାଲେଶ୍ବର : ପଲିଥିନ ବ୍ୟାଗ ଭିତରୁ ନବଜାତ ଶିଶୁ ପୁତ୍ର ଉଦ୍ଧାର। ବାଲେଶ୍ବର ଜିଲ୍ଲା ଜଳେଶ୍ବର ୬୦ ନଂ ଜାତୀୟ ରାଜପଥ ରୁପସା ଥାନା ଧାରି ପୋଲ ନିକଟରୁ ଉଦ୍ଧାର କରିଛି ପୋଲିସ। ରାଜପଥ ପାର୍ଶ୍ବରେ ପଲିଥିନ ବ୍ୟାଗ ଭିତରୁ ପିଲାଟିର କାନ୍ଦ ଶୁଣି ପୋଲିସକୁ ଖବର ଦେଇଥିଲେ ସ୍ଥାନୀୟ ଲୋକେ। ଘଟଣାସ୍ଥଳରେ ପୋଲିସ ପହଞ୍ଚି ପିଲାଟିକୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି। ଶିଶୁଟିର ସ୍ବାସ୍ଥ୍ୟାବସ୍ଥା ପରୀକ୍ଷା ପରେ ଜିଲ୍ଲା ଶିଶୁ ମଙ୍ଗଳ ବିଭାଗକୁ ହସ୍ତାନ୍ତର କରାଯିବ। କେହି ପିଲାଟିକୁ ଜନ୍ମ ଦେବା ପରେ ବ୍ୟାଗରେ ଭର୍ତ୍ତି କରି ଫିଙ୍ଗି ଦେଇଥିବା ଅନୁମାନ କରାଯାଉଛି। ପୋଲିସ ଘଟଣାର ତଦନ୍ତ କରୁଛି।
ଭାରତୀୟଙ୍କୁ ବେଆଇନ ଭାବେ ଆମେରିକା ପଠାଉଥିବା ଘଟଣାରେ ଆକ୍ସନ୍, ୪୦ ଟ୍ରାଭେଲ ଏଜେଣ୍ଟଙ୍କ ଲାଇସେନ୍ସ ରଦ୍ଦ
ନନ୍ଦିଘୋଷ ବ୍ୟୁରୋ : ପଞ୍ଜାବର କେତେକ ଟ୍ରାଭେଲ୍ ଏଜେଣ୍ଟ ଲୋକଙ୍କୁ ବେଆଇନ ଭାବେ ଡଙ୍କି ରୁଟ୍ ଦେଇ ଆମେରିକା ଓ ଅନ୍ୟ ଦେଶକୁ ପଠାଇ କୋଟି କୋଟି ଟଙ୍କା ରୋଜଗାର କରୁଥିବା ଜଣାପଡ଼ିବା ପରେ ରାଜ୍ୟ ସରକାର କାର୍ଯ୍ୟାନୁଷ୍ଠାନ ଆରମ୍ଭ କରିଛନ୍ତି। ଅମୃତସରର ୪୦ଟି ଟ୍ରାଭେଲ ଏଜେଣ୍ଟଙ୍କ ଲାଇସେନ୍ସ ରଦ୍ଦ କରାଯାଇଛି।
ଆମେରିକାରୁ ନିକଟରେ ବିଦା ହୋଇଥିବା ଭାରତୀୟମାନଙ୍କୁ ଉକ୍ତ ଏଜେଣ୍ଟମାନେ ସେଠାକୁ ପଠାଇଥିବା ଜଣାପଡ଼ିଛି । ଅମୃତସର ଡେପୁଟି କମିଶନର ସାକ୍ଷୀ ସାହନିଙ୍କ ନିର୍ଦ୍ଦେଶକ୍ରମେ ପୋଲିସ ଜାଲ୍ ଟ୍ରାଭେଲ୍ ଏଜେଣ୍ଟଗୁଡ଼ିକ ଉପରେ ଚଢ଼ାଉ କରିଥିଲା। ଏଥିସହିତ ଲାଇସେନ୍ସ ନବୀକରଣ କରି ନ ଥିବା ୨୭୧ ଟ୍ରାଭେଲ ଏଜେଣ୍ଟଙ୍କୁ ନୋଟିସ ଜାରି ହୋଇଛି। ଟ୍ରାଭେଲ ଏଜେଣ୍ଟଙ୍କ କାର୍ଯ୍ୟାଳୟ ଏବଂ ଇମିଗ୍ରେଶନ କନ୍ସଲ୍ଟାଣ୍ଟର ଦସ୍ତାବିଜ୍ ଯାଞ୍ଚ କରିବାକୁ ଏସ୍ଡିଏମ୍ମାନଙ୍କୁ ନିର୍ଦ୍ଦେଶ ଦିଆଯାଇଛି।
ଅନ୍ୟପଟେ ପଞ୍ଜାବ ପୋଲିସ ପୀତିତାଙ୍କ ବୟାନ ରେକର୍ଡ କରିଛି, ଯେଉଁମାନେ କହିଛନ୍ତି ଯେ, କିଛି ଟ୍ରାଭେଲ ଏଜେଣ୍ଟ ସେମାନଙ୍କୁ ବେଆଇନ ଭାବେ ଆମେରିକା ପଠାଇବାକୁ ମିଥ୍ୟା ପ୍ରତିଶ୍ରୁତି ଦେଇ ଠକିଥିଲେ । ଏହି ଅଭିଯୋଗକୁ ଆଧାର କରି ପୋଲିସ ମୋଟ ୮ଟି FIR ଦାୟର କରିଥିଲା ।
ଛେଳି ଚୋରି କରିବାକୁ ଆସି କୂଅରେ ପଡିଲ ଚୋର
କେନ୍ଦୁଝର : ଚୋରି କରିବାକୁ ଆସି କୂଅରେ ପଡିଲା ଚୋର। ରାତି ସାରା କୂଅ ଭିତରେ ଥିବା ଚୋରକୁ ଆଜି ସକାଳୁ ଗ୍ରାମବାସୀ ଉଦ୍ଧାର କରିଛନ୍ତି । ଅଗ୍ନିଶମ ବିଭାଗ ସହାୟତାରେ କୂଅ ଭିତରୁ ବାହାରିଲା ଅଭିଯୁକ୍ତ ଚୋର । କେନ୍ଦୁଝର ଚମ୍ପୁଆ ବ୍ଲକ ବାରିଆ ଥାନା ଅନ୍ତର୍ଗତ ଝାଲିଆବେଡା ଗାଁରେ ଗତ ରାତିରେ ଚୋରି କରିବାକୁ ଆସି କୂଅରେ ଗଳି ପଡିଥିଲା ।
କୂଅ ନିକଟରେ ଏକ ବାଇକ ଥିବା ବେଳେ ବାଇକରେ ଏକ ବ୍ୟାଗରେ ପଘା, ଦଉଡି ଆଦି ଥିବାରୁ ଚୋରି କରିବାକୁ ଆସିଥିବାବେଳେ ସେ କୂଅରେ ପଡିଯାଇଥିଲା । ଏନେଇ ଗ୍ରାମବାସୀ ବାରିଆ ପୋଲିସକୁ ସୂଚନା ଦେଇଛନ୍ତି । ପୋଲିସ ଘଟଣା ସ୍ଥଳରେ ପହଞ୍ଚି ତାକୁ ଥାନାକୁ ନେଇ ପଚରା ଉଚରା କରୁଛି । ଯୁବକ ଜଣକ ମୟୁରଭଞ୍ଜ ଜିଲ୍ଲା ହାଟବାଦଡା ଦେଓଗାଁର ଅରୁଣ ମହାନ୍ତ ବୋଲି ଜଣାପଡିଛି ।
ପୋଲିସ ନିକଟରେ ଛେଳି ଚୋରି କରିବାକୁ ଆସିଥିବା ସ୍ଵୀକାର କରିଛି ଅଭିଯୁକ୍ତ। ତେବେ ଚୋରି କରିବାକୁ ଆସିଥିବା ବ୍ୟକ୍ତିଙ୍କୁ ମାନବିକତା ଦେଖାଇଛନ୍ତି ଗ୍ରାମବାସୀ । ତାକୁ କୂଅରୁ ବାହାର କରିବା ସହ ନିଆଁ ଶେକ ଦେଇଥିଲେ। ରାତିସାରା ପାଣିରେ ରହିଥିବାରୁ ଅଭିଯୁକ୍ତ ଜଣକ ଅସୁସ୍ଥ ହୋଇ ପଡିଥିଲେ।
ସ୍କୁଲରେ ଦିବ୍ୟାଙ୍ଗ ଛାତ୍ରୀଙ୍କୁ ମାଡ଼ ମାରି କଲେ ଲହୁଲୁହାଣ, ଅଭିଯୋଗ ଆଣିଲେ ପରିବାର ଲୋକ
ମୟୂରଭଞ୍ଜ : ସ୍କୁଲରେ ଦିବ୍ୟାଙ୍ଗ ଛାତ୍ରୀଙ୍କୁ ନିସ୍ତୁକ ମାଡ଼। ବିଦ୍ୟାଳୟରେ ପରିସ୍ରା ଓ ବାନ୍ତି କରିଦେବାରୁ ଦିବ୍ୟାଙ୍ଗ ଛାତ୍ରୀଙ୍କୁ ମାଡ଼ ମାରି ଗୁରୁତର କରିଛନ୍ତି ଅନ୍ୟ ଛାତ୍ର। ମୟୂରଭଞ୍ଜ ଜିଲ୍ଲା ଉଦଳା ଥାନା ଭୀମତାଳି ହାଇସ୍କୁଲରେ ଘଟିଛି ଏଭଳି ଘଟଣା। ଛାତ୍ରମାନେ ଅତି ନିର୍ଦ୍ଦୟ ଭାବେ ମାଡ଼ ମାରିଥିବା ଅଭିଯୋଗ ହୋଇଛି। ମଦନାପାଳ ଗାଁର ଯୁଗଳ ବେହେରାଙ୍କ ଦିବ୍ୟାଙ୍ଗ ଝିଅ ଗତକାଲି ଅନ୍ୟ ଛାତ୍ରଛାତ୍ରୀଙ୍କ ସହ ସ୍କୁଲକୁ ଯାଇଥିଲେ। ହେଲେ ସ୍କୁଲରେ ପରିସ୍ରା ଓ ବାନ୍ତି କରି ଦେଇଥିଲେ। ଯାହାକୁ ପରିଷ୍କାର କରିବାକୁ କିଛି ନବମ ଶ୍ରେଣୀ ଛାତ୍ର କହିଥିଲେ। ହେଲେ ସେ ସଫା ନ କରିବାରୁ ତାଙ୍କୁ ଛାତ୍ରମାନେ ନିସ୍ତୁକ ମାଡ଼ ମାରିଛନ୍ତି। ଛାତ୍ରୀଙ୍କ ପିଠି ଓ ଦେହ ସାରା ନୋଳା ଦାଗ ରହିଛି। ଏନେଇ ଉଦଳା ଥାନାରେ ପରିବାର ପକ୍ଷରୁ ଲିଖିତ ଅଭିଯୋଗ ହୋଇଛି।
ଜିଲ୍ଲାପାଳଙ୍କୁ ଅଭିଯୋଗ କରିବାକୁ ୨୨ କିମି ବାଟ ଚାଲିଲେ ୧୧୬ ଜଣ ଛାତ୍ର
ନନ୍ଦିଘୋଷ ବ୍ୟୁରୋ : ମୟୂରଭଞ୍ଜ ଜିଲ୍ଲାର ମଙ୍ଗଳ ବିଭାଗ ଦ୍ୱାରା ପରିଚାଳିତ ବାସିପିଠା ହଷ୍ଟେଲରେ ବ୍ୟାପକ ଅବବ୍ୟସ୍ଥା । ଅଭିଯୋଗ କରିବାକୁ ୨୨ କିମି ଚାଲିଲେ ଛାତ୍ର। ହଷ୍ଟେଲ ଅବ୍ୟବସ୍ଥା ବାବଦରେ ଜିଲ୍ଲାପାଳଙ୍କୁ ଅଭିଯୋଗ କରିବାକୁ ୨୨ କିମି ବାଟ ଚାଲିଲେ ୧୧୬ ଜଣ ଛାତ୍ର। ମୟୂରଭଞ୍ଜ ଜିଲ୍ଲା ବାସିପିଠା ସରକାରୀ ଉଚ୍ଚ ବିଦ୍ୟାଳୟର ଏ ଘଟଣା। ରାତି ୧୨ଟାରୁ ଚାଲି ଚାଲି ବାରିପଦା ଆସିଲେ ଶତାଧିକ ଛାତ୍ର ।
ମୟୂରଭଞ୍ଜ ବାସିପିଠା ସରକାରୀ SSD ଉଚ୍ଚ ବିଦ୍ୟାଳୟରୁ ରାତି ୧୨ଟାରୁ ଚାଲି ଚାଲି ବାରିପଦା ଆସିଲେ ଶତାଧିକ ଛାତ୍ର। ହଷ୍ଟେଲରେ ଛାତ୍ରଙ୍କୁ ଠିକରେ ଖାଇବା ଦିଆଯାଉନଥିବା ଅଭିଯୋଗ ହୋଇଛି। ଡ୍ରିଲ କ୍ଲାସକୁ ନଯିବାରୁ ପିଟି ଶିକ୍ଷକ ଅଶ୍ରାବ୍ୟ ଭାଷାରେ ଗାଳିଗୁଲଜ ସହ ଦଣ୍ଡ ଦେଉଛନ୍ତି। ପ୍ରଧାନଶିକ୍ଷକଙ୍କୁ ଦେଖା କରିବାରୁ ସେ ଅଭିଯୋଗ ନଶୁଣି ଓଲଟା ଗାଳିଗୁଲଜ ସହ ମାରପିଟ କରୁଥିବା ଅଭିଯୋଗ କରିଛନ୍ତି। ତେଣୁ ଆଜି କଲେକ୍ଟରଙ୍କୁ ଦେଖା କରିବାକୁ ଆସିଛନ୍ତି ସମସ୍ତ ଛାତ୍ର। ସେପଟେ ଘଟଣା ସ୍ଥଳରେ ବାରିପଦା ଉପଜିଲ୍ଲାପାଳ ଏହଂ ଅତିରିକ୍ତ ଜିଲ୍ଲାପାଳ ପହଁଚି ପିଲାଙ୍କୁ ବୁଝାସୁଝା କରିଥିଲେ।
ଝାରଖଣ୍ଡରେ ଲଜ୍ଜା : ଆଦିବାସୀ ନାବାଳିକାକୁ ଗଣ ଦୁର୍ଷ୍କମ ; ୧୮ଜଣ ନାବାଳକ ଅଟକ
ନନ୍ଦିଘୋଷ ବ୍ୟୁରୋ : ଆଦିବାସୀ ନାବାଳିକାକୁ ଗଣ ଦୁର୍ଷ୍କମ । ବିବାହ ଉତ୍ସବରୁ ଫେରୁଥିବାବେଳେ ୫ଜଣ ଯୁବକ ଆଦିବାସୀ ନାବାଳିକାଙ୍କୁ ଗଣ ବଳାତ୍କାର କରାଯାଇଥିବା ଅଭିଯୋଗ ହୋଇଛି। ଏଭଳି ଏକ ଘଟଣା ଘଟିଛି ଝାଡ଼ଖଣ୍ଡର ଖୁଣ୍ଟି ଜିଲା ରାଣିଆ ପୋଲିସ ଥାନା ଅଞ୍ଚଳରେ। ଅଭିଯୋଗକୁ ଭିତ୍ତି କରି ପୋଲିସ ଏକ ସ୍ବତନ୍ତ୍ର ତଦନ୍ତକାରୀ ଟିମ୍ ଗଠନ କରି ସୋମବାର ୧୮ଜଣ ନାବାଳକଙ୍କୁ ଅଟକ ରଖି ଅଧିକ ତଦନ୍ତ ଜାରି ରଖିଛି।
ସୂଚନା ଅନୁସାରେ, ଗତ ଶୁକ୍ରବାର ଆଦିବାସୀ ନାବାଳିକାମାନେ ବିବାହ ଉତ୍ସବରୁ ଫେରୁଥିବାବେଳେ ବାଟରେ ସେମାନଙ୍କୁ କେତେଜଣ ନାବାଳକ ଅଟକାଇ ଗଣବଳାତ୍କାର କରିଥିଲେ। ଏପରି କି, ଏହି ଘଟଣା ବିଷୟରେ କାହାକୁ ଜଣାଇଲେ ସେମାନଙ୍କୁ ଜୀବନରେ ମାରିଦେବେ ବୋଲି ଧମକ ଦେଇ ଘଟଣାସ୍ଥଳରୁ ଫେରାର ହୋଇଯାଇଥିଲେ।
ପୀଡ଼ିତା ନାବାଳିକାମାନେ ଘରକୁ ଫେରିବା ପରେ ଶନିବାର ସେମାନଙ୍କ ପରିବାର ଲୋକଙ୍କୁ ଘଟଣା ବିଷୟରେ ଜଣାଇଥିଲେ। ପୀଡ଼ିତାଙ୍କ ପରିବାର ପକ୍ଷରୁ ଏନେଇ ରାଣିଆ ଥାନାରେ ଅଭିଯୋଗ ହେବାପରେ ପୋଲିସ ମାମଲା ରୁଜୁ କରି ଏଏସ୍ପିଙ୍କ ନେତୃତ୍ୱରେ ଏକ ଏସ୍ଆଇଟି ଗଠନ କରି ତଦନ୍ତ ଆରମ୍ଭ ହୋଇଛି ।
ଆବାସିକ ବିଦ୍ୟାଳୟରେ ଶିଶୁକୁ ଜନ୍ମ ଦେଲେ ଛାତ୍ରୀ ; ସ୍କୁଲ କର୍ତ୍ତୃପକ୍ଷଙ୍କୁ ଦାୟୀ କଲେ ପରିବାର ଲୋକ
ଚିତ୍ରକୋଣ୍ଡା : ଆବାସିକ ବିଦ୍ୟାଳୟରେ ଶିଶୁକୁ ଜନ୍ମ ଦେଲେ ଛାତ୍ରୀ। ଅଭିଯୋଗ ଆସିଛି ଚିତ୍ରକୋଣ୍ଡା ଅନୁସୂଚିତ ଜାତି ଜନଜାତି ବିଦ୍ୟାଳୟରୁ। ସ୍କୁଲର ଜଣେ ଛାତ୍ରୀ ଦଶମ ଶ୍ରେଣୀ ପରୀକ୍ଷା ଦେଇ ସ୍କୁଲ ହଷ୍ଟେଲକୁ ଫେରିଥିଲେ। ହେଲେ ସନ୍ଧ୍ୟା ସମୟରେ ସ୍କୁଲ ହଷ୍ଟେଲରୁ ଝିଅଙ୍କ ବାପାଙ୍କୁ ଫୋନ ଯାଇଥିଲା ଯେ ଝିଅ ହଷ୍ଟେଲରେ ନାହିଁ। ଯାହା ଫଳରେ ସ୍କୁଲରେ ପହଞ୍ଚିଥିଲେ ବାପା ଓ ମା।
ସ୍କୁଲ ହଷ୍ଟେଲରେ ଝିଅ ଜଣକ ଏକ ସନ୍ତାନ ଜନ୍ମ ଦେଇଥିବା ଜାଣିବାକୁ ପାଇଥିଲେ। ସ୍କୁଲ ଚାରି କାନ୍ଥ ଭିତରେ ଏତେବଡ଼ ଘଟଣା କେମିତି ଘଟିଲା ତାହାକୁ ନେଇ ଏବେ ଚିନ୍ତାରେ ବାପା ମା। ଏ ନେଇ ସ୍କୁଲ କର୍ତ୍ତୃପକ୍ଷଙ୍କୁ ଦାୟୀ କରିଛନ୍ତି। ଚିତ୍ରକୋଣ୍ଡା ପୋଲିସ ଘଟଣା ସ୍ଥଳରେ ପହଞ୍ଚି ଛାତ୍ରୀଙ୍କୁ ଉଦ୍ଧାର କରିବା ସହ ହସ୍ପିଟାଲକୁ ଆଣି ଅଧିକ ଚିକିତ୍ସା ଲାଗି ମେଡିକାଲରେ ଭର୍ତ୍ତି କରିଛି। ତେବେ ପ୍ରଧାନ ଶିକ୍ଷକ ନିଜ ମୁଣ୍ଡରୁ ଦୋଷ ଛଡାଇ ୱାର୍ଡେନ ଓ ANMଙ୍କୁ କାର୍ଯ୍ୟରେ ଅବହେଳା ପାଇଁ ଦାୟୀ କରିଛନ୍ତି ।
ଚାମ୍ପିୟନ୍ସ ଟ୍ରଫିର ସେମିଫାଇନାଲ ରେସରୁ ବାଦ ପଡିଲା ପାକିସ୍ତାନ
ନନ୍ଦିଘୋଷ ବ୍ୟୁରୋ : ୨୦୨୫ ଚାମ୍ପିଅନ୍ସ ଟ୍ରଫିର ଆୟୋଜକ ବିଦ୍ଧିବଦ୍ଧ ଭାବେ ଟୁର୍ନାମେଣ୍ଟରୁ ବିଦା ହେଲା ପାକିସ୍ତାନ । ବାଂଲାଦେଶ ବିପକ୍ଷରେ ନ୍ୟୁଜିଲାଣ୍ଡର ବିଜୟ ପରେ ପାକିସ୍ତାନକୁ ଚାମ୍ପିଅନ୍ସ ଟ୍ରଫିରୁ ବାହାର ହୋଇଯାଇଛି । ପାକିସ୍ତାନକୁ ଟୁର୍ନାମେଣ୍ଟର ପ୍ରଥମ ମ୍ୟାଚରେ ନ୍ୟୁଜିଲ୍ୟାଣ୍ଡ ବିପକ୍ଷରେ ପରାଜୟର ସାମ୍ନା କରିବାକୁ ପଡିଥିଲା । ଏହା ପରେ, ଭାରତ ଦ୍ୱିତୀୟ ମ୍ୟାଚରେ ମଧ୍ୟ ସେମାନଙ୍କୁ ପରାସ୍ତ କରିଥିଲା। ଏହା ପରେ ପାକିସ୍ତାନ ଦଳର ଆଶା ବାଂଲାଦେଶ ଉପରେ ଥିଲା, କିନ୍ତୁ ବାଂଲାଦେଶ ଦଳ ଆଜି ନ୍ୟୁଜିଲ୍ୟାଣ୍ଡ ଠାରୁ ପରାସ୍ତ ହୋଇଛି। ଏହା ସହିତ ପାକିସ୍ତାନ ଏବଂ ବାଂଲାଦେଶ ଟୁର୍ନାମେଣ୍ଟରୁ ବାଦ୍ ପଡ଼ିଛନ୍ତି। ରାୱଲପିଣ୍ଡିରେ ନ୍ୟୁଜିଲ୍ୟାଣ୍ଡ ବାଂଲାଦେଶକୁ ୫ ଉଇକେଟ୍ରେ ପରାସ୍ତ କରିଛି।
ଏହି ମ୍ୟାଚରେ ବାଂଲାଦେଶ ପ୍ରଥମେ ବ୍ୟାଟିଂ କରି ୫୦ ଓଭରରେ ୯ ଉଇକେଟ୍ ହରାଇ ୨୩୬ ରନ କରିଥିଲା। ଜବାବରେ ରାଚିନ ରବିନ୍ଦ୍ରଙ୍କ ଚମତ୍କାର ୧୧୨ ରନର ଶତକ ବଳରେ ନ୍ୟୁଜିଲାଣ୍ଡ ୪୬.୧ ଓଭରରେ ଟାର୍ଗେଟକୁ ପିଛା କରିଥିଲା। ରାଚିନଙ୍କ ବ୍ୟତୀତ ଟମ ଲାଥାମ ମଧ୍ୟ ଅର୍ଦ୍ଧଶତକ ହାସଲ କରିଥିଲେ। ସେ ୫୫ ରନର ଏକ ଇନିଂସ ଖେଳିଥିଲେ।
କହି ରଖୁଛୁ ଯେ, ଭାରତ ବିପକ୍ଷରେ ପରାଜୟ ପରେ ପାକିସ୍ତାନ ଚାମ୍ପିଅନ୍ସ ଟ୍ରଫିରୁ ବାହାର ହୋଇଯିବା ଏକ ପ୍ରକାର ନିଶ୍ଚିତ ହୋଇଯାଇଥିଲା। ଏବେ କେବଳ ଆୟୋଜକ ଦଳର ବିଦାୟ ଆନୁଷ୍ଠାନିକ ଭାବରେ ନିଶ୍ଚିତ ହୋଇଛି। ଚାମ୍ପିଅନ୍ସ ଟ୍ରଫିର ମଡେଲ ଏପରି ଭାବରେ ପ୍ରସ୍ତୁତ କରାଯାଇଛି ଯେ ପ୍ରତ୍ୟେକ ମ୍ୟାଚ ପ୍ରାୟ ନକଆଉଟ ପରି।
ଏବେ ଭାରତ ଏବଂ ନ୍ୟୁଜିଲାଣ୍ଡ ସେମିଫାଇନାଲରେ ପ୍ରବେଶ କରିଛନ୍ତି। ବାଂଲାଦେଶର ପରାଜୟ ସହିତ ଗ୍ରୁପ ଏର ଦୁଇଟି ଦଳ ନିର୍ଣ୍ଣୟ ହୋଇଛି। ଏବେ ଗ୍ରୁପ ବି ରୁ ଦୁଇଟି ଦଳ ଆସିବେ ଏବଂ ତା’ପରେ ମାର୍ଚ୍ଚ ୪ରୁ ସେମିଫାଇନାଲ ମ୍ୟାଚ ଖେଳାଯିବ। ଯଦିଓ ଭାରତ ଏବଂ ନ୍ୟୁଜିଲାଣ୍ଡ ସେମିଫାଇନାଲରେ ସେମାନଙ୍କର ସ୍ଥାନ ନିଶ୍ଚିତ କରିଛନ୍ତି, ସେମାନେ ମାର୍ଚ୍ଚ ୨ରେ ଦୁବାଇରେ ପ୍ରଥମ ସ୍ଥାନ ପାଇଁ ମୁକାବିଲା କରିବେ। ଗ୍ରୁପ ବିରେ ଏବେ ବି ବହୁତ ରୋମାଞ୍ଚ ବାକି ଅଛି। ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ସେମାନଙ୍କର ପ୍ରଥମ ମ୍ୟାଚ ଜିତିଛନ୍ତି। ତଥାପି, ଏ ପର୍ଯ୍ୟନ୍ତ କେହି ସେମିଫାଇନାଲରେ ନିଜ ସ୍ଥାନ ନିଶ୍ଚିତ କରିନାହାଁନ୍ତି।
ପ୍ରୟାଗରାଜ ମହାକୁମ୍ଭରେ ଟଳିଲା ବଡ଼ ଦୁର୍ଘଟଣା ; ଅଳ୍ପକେ ବର୍ତ୍ତିଲେ ୧୭ ଶ୍ରଦ୍ଧାଳୁ
ନନ୍ଦିଘୋଷ ବ୍ୟୁରୋ : ପ୍ରୟାଗରାଜ ମହାକୁମ୍ଭରେ ଟଳିଲା ବଡ଼ ଦୁର୍ଘଟଣା । ହଠାତ୍ ବୁଡିବାକୁ ଲାଗିଲା ଡଙ୍ଗା, ଅଳ୍ପକେ ବର୍ତ୍ତିଲେ ୧୭ ଶ୍ରଦ୍ଧାଳୁ । ଶେଷ ପର୍ଯ୍ୟାୟରେ ପହଞ୍ଚିଲାଣି ମହାକୁମ୍ଭ ମେଳା । ନିକଟ ଅତୀତରେ ମହାକୁମ୍ଭରେ ପ୍ରବଳ ଭିଡ଼ ଯୋଗୁଁ ଅନେକ ଦୁର୍ଘଟଣା ଘଟିସାରିଲାଣଶି । ଏହାରି ମଧ୍ୟରେ ଅଳ୍ପକରେ ଟଳିଛି ବଡ଼ ବିପଦ । ସୂଚନା ଅନୁସାରେ ସଙ୍ଗମ ମଝିରେ ବୁଡ଼ ପକାଇବାକୁ ଯାଉଥିବା ଏକ ଡଙ୍ଗା ହଠାତ୍ ବୁଡ଼ିବାକୁ ଆରମ୍ଭ କଲା । ଯେଉଁଥିରେ ପାଖାପାଖି ୧୭ଜଣ ଥିଲେ । ଏନଡିଆରଏଫ୍ ଏବଂ ଏସଡିଆରଏଫ କର୍ମୀଙ୍କ ତତ୍ପରତା ଯୋଗୁଁ ଏକ ବଡ଼ ଦୁର୍ଘଟଣାକୁ ଏଡାଇ ଦିଆଯାଇ ପାରିଛି ।
ଏନଡିଆରଏଫର ଜଣେ କର୍ମଚାରୀ କହିଛନ୍ତି ଯେ, ୧୭ଜଣ ଯାତ୍ରୀଙ୍କୁ ନେଇ ଯାଉଥିବା ଏକ ଡଙ୍ଗା ନିୟନ୍ତ୍ରଣ ହରାଇ ବୁଡିବାକୁ ଲାଗିଥିଲା । ସେହି ସମୟରେ ଡଙ୍ଗାରେ ଥିବା ଭକ୍ତ ମାନେ ସାହାଯ୍ୟ ପାଇଁ ଚିତ୍କାର କରିବାକୁ ଲାଗିଥିଲେ । ଏହି ସମୟରେ ଘଟଣାସ୍ଥଳରୁ ଅଳ୍ପ ଦୂରରେ ପାଟ୍ରୋଲିଂ କରୁଥିବା ଏନଡିଆରଏଫ୍ ଉଦ୍ଧାରକାରୀଦଳ ସଙ୍ଗେ ସଙ୍ଗେ ସେଠାରେ ପହଞ୍ଚି ସମସ୍ତ ଭକ୍ତଙ୍କୁ ଉଦ୍ଧାର କରିଥିଲେ ।
ଆସନ୍ତାକାଲି ଶେଷ ହେବ ମହାକୁମ୍ଭ ଯାତ୍ରା, ଅମୃତ ସ୍ନାନ ପାଇଁ ପ୍ରୟାଗରାଜରେ ଜମିବ ଅସମ୍ଭାଳ ଭିଡ଼
ନନ୍ଦିଘୋଷ ବ୍ୟୁରୋ : ଆସନ୍ତା କାଲି ଶେଷ ହେବ ମହାକୁମ୍ଭ ସ୍ନାନ ଯାତ୍ରା । ଶୀବରାତ୍ରିରେ ଅମୃତ ସ୍ନାନ ପାଇଁ ବ୍ୟାପକ ପ୍ରସ୍ତୁତି କରିଛି ୟୁପି ପୋଲିସ । ଏହି ପବିତ୍ର ଉତ୍ସବରେ ଅଂଶଗ୍ରହଣ କରିବା ପାଇଁ ଦେଶର ପ୍ରତ୍ୟେକ କୋଣରୁ ଏବଂ ବିଦେଶରୁ ଭକ୍ତମାନଙ୍କର ପ୍ରବଳ ସମାଗମ ହେବାର ସମ୍ଭାବନା ରହିଛି। ଏହା ଯୋଗୁଁ ଯାନବାହନ ମଧ୍ୟ ବହୁ ସଂଖ୍ୟାରେ ପ୍ରୟାଗରାଜରେ ପହଞ୍ଚିବ। ସହରରେ ଭିଡ଼ ନିୟନ୍ତ୍ରଣ ପାଇଁ, ଉତ୍ତର ପ୍ରଦେଶ ପୋଲିସ ପାଞ୍ଚଟି ସ୍ୱତନ୍ତ୍ର ବ୍ୟବସ୍ଥା ଗ୍ରହଣ କରିଛି। ସଙ୍ଗମରେ ପହଞ୍ଚିବା ପାଇଁ ଭକ୍ତମାନଙ୍କୁ ଯଥାସମ୍ଭବ କମ୍ ଚାଲିବାକୁ ପଡିବ।
ପୂର୍ବ ପାଞ୍ଚଟି ଅମୃତ ସ୍ନାନର ଅଭିଜ୍ଞତା ଆଧାରରେ, ସହରର ଚାପ ବିନ୍ଦୁ ଗୁଡ଼ିକୁ ଚିହ୍ନଟ କରାଯାଇଛି। ଏଠାରେ ଅତିରିକ୍ତ ପୋଲିସ କର୍ମଚାରୀ ମୁତୟନ କରାଯିବ। ଏହି ପଏଣ୍ଟଗୁଡ଼ିକ ଉପରେ ନିରନ୍ତର ନଜର ରଖାଯିବ ଏବଂ ଆବଶ୍ୟକ ହେଲେ ଅନ୍ୟ ସ୍ଥାନକୁ ସ୍ଥାନାନ୍ତର କରାଯିବ। ଭକ୍ତମାନେ ରାସ୍ତାରେ କୌଣସି ଅସୁବିଧାର ସମ୍ମୁଖୀନ ନ ହେବାକୁ ଏବଂ ସେମାନଙ୍କର ଯାତ୍ରା ଆରାମଦାୟକ ହେବା ପାଇଁ, କିଛି ସ୍ଥାନରେ ମାନବ ଶୃଙ୍ଖଳ ଗଠନ କରାଯିବ। ଭକ୍ତମାନଙ୍କୁ ଏହି ସୁବିଧା ଯୋଗାଇ ଦିଆଯିବ। ବିଭିନ୍ନ ସ୍ଥାନରେ ସିସି କ୍ୟାମେରା ଲଗାଯାଇଛି, ଯାହା ସିଧାସଳଖ ନିୟନ୍ତ୍ରଣ କକ୍ଷ ସହିତ ସଂଯୁକ୍ତ।
ଏଠାରେ ଜଣେ ଆଇପିଏସ୍ ଅଧିକାରୀଙ୍କୁ ନିୟୋଜିତ କରାଯାଇଛି, ଯିଏ ନିୟନ୍ତ୍ରଣ କକ୍ଷରୁ ନିରନ୍ତର ନଜର ରଖିବେ। ଟ୍ରାଫିକ୍ ଜାମ୍ ପରିସ୍ଥିତିକୁ ଏଡାଇବା ପାଇଁ, 35ଟି ମୋବାଇଲ୍ ସ୍କ୍ୱାଡ୍ ନିୟୋଜିତ କରାଯାଇଛି । ଯେଉଁମାନେ ଗାଡ଼ି ଖରାପ ହେବା ପରେ ତୁରନ୍ତ ଘଟଣାସ୍ଥଳରେ ପହଞ୍ଚି କ୍ରେନ୍ ସାହାଯ୍ୟରେ ଗାଡ଼ିକୁ ବାହାର କରିବେ।ଶେଷ ଅମୃତ ସ୍ନାନ ଶିବରାତ୍ରିରେ ଥିବାରୁ, ସ୍ନାନ ପରେ ଅନେକ ଭକ୍ତ ଶିବ ମନ୍ଦିରକୁ ମଧ୍ୟ ଯିବେ। ଏହି କାରଣରୁ ମନ୍ଦିରଗୁଡ଼ିକରେ ଅଧିକ ଭିଡ଼ ହେବ। ଏହାକୁ ଧ୍ୟାନରେ ରଖି, ଶିବାଳୟଗୁଡ଼ିକ ଉପରେ ନଜର ରଖାଯିବ ଏବଂ ଫୋର୍ସ ମୁତୟନ କରାଯିବ।

