ନନ୍ଦିଘୋଷ ବ୍ୟୁରୋ: ବଜେଟକୁ ନେଇ ବରିଷ୍ଠ ବିଜେଡି ବିଧାୟକ ପ୍ରସନ୍ନ ଆଚାର୍ଯ୍ୟ କହିଛନ୍ତି, ଖୁସିର କଥା ମଧ୍ୟବିତ୍ତ ଓ ସରକାରୀ ଚାକିରିଆ ଟ୍ୟାକ୍ସ ଦେବେନି। ତେବେ ପ୍ରଶ୍ନ ଉଠୁଛି ଭାରତର କେତେ ଜଣ ବର୍ଷକୁ ୧୨ ଲକ୍ଷ ଟଙ୍କା ରୋଜଗାର କରନ୍ତି। ଏହି ବଜେଟରୁ ଚାଷୀ ଉପକୃତ ହେବେ ତ । ପ୍ରଧାନମନ୍ତ୍ରୀ କହୁଛନ୍ତି ପୂର୍ବୋଦୟ ହେବ। ହେଲେ ଓଡ଼ିଶାକୁ ଅସ୍ତ କରାଯାଉଛି। ରାଜନୈତିକ ଉଦ୍ଦେଶ୍ୟରେ ବିହାରକୁ ଦେଇ ଓଡ଼ିଶାକୁ ଅବହେଳା କରାଯାଇଛି। ଅନ୍ୟ ରାଜ୍ୟ ତୁଳନାରେ କଣ ଓଡ଼ିଶା ପାଇଛି କି ? ଏହା ଓଡ଼ିଶା ପ୍ରତି ଅନ୍ୟାୟ। ବଜେଟ ଖସଡ଼ାରେ ଓଡ଼ିଶା ପାଇଁ କିଛି ମିଳିନି। ବିହାର, ଆନ୍ଧ୍ରକୁ ମିଳିଗଲା। ଓଡ଼ିଶା ପାଇଁ ଏତେ ବୈମାତୃକ ମନୋଭାବ କାହିଁକି ? ଓଡ଼ିଶା ପାଇଁ ସମାରୋହ କରି ଟଙ୍କା ଖର୍ଚ୍ଚ ହେଉଛି। ହେଲେ ଓଡ଼ିଶା କଣ ପାଉଛି ବୋଲି ପ୍ରଶ୍ନ କରିଛନ୍ତି ପ୍ରସନ୍ନ ଆଚାର୍ଯ୍ୟ।
ସେହିପରି କେନ୍ଦ୍ର ବଜେଟରେ ଓଡ଼ିଶା ପାଇଁ କିଛି ନାହିଁ ବୋଲି କହିଛନ୍ତି ବରିଷ୍ଠ ବିଜେଡି ନେତା ଅମର ପଟ୍ଟନାୟକ। ଗତ ବର୍ଷ ବଜେଟ ଥିଲା ଆନ୍ଧ୍ର ବଜେଟ। ଏଥରେ ବିହାର ବଜେଟ। କାରଣ ଆନ୍ଧ୍ର ଓ ବିହାର ଯୋଗୁଁ କେନ୍ଦ୍ରରେ ସରକାର ବଞ୍ଚିଛି। ପୂର୍ବାଞ୍ଚଳରେ ବିହାର କିପରି ଆସୁଛି ବୋଲି ପ୍ରଶ୍ନ କରିଛନ୍ତି ଅମର। ଓଡ଼ିଶା ନବୀନ ପଟ୍ଟନାୟକଙ୍କ ନେତୃତ୍ୱରେ ଗତ ୨୪ ବର୍ଷ ଧରି ସ୍ୱତନ୍ତ୍ର ରାଜ୍ୟ ପାହ୍ୟା ପାଇଁ ଦାବି କରିଆସୁଛି। କିନ୍ତୁ ଓଡ଼ିଶାକୁ ସେପରି କିଛି ପ୍ରଦାନ କରାଯାଉନାହିଁ। ସେହିପରି ଆୟକର ନେଇ ପ୍ରତିକ୍ରିୟା ରଖିଛନ୍ତି ଅମର। ଆୟକରଦାତାଙ୍କୁ ୧୨ ଲକ୍ଷ ପର୍ଯ୍ୟନ୍ତ ଟିକସ ରିହାତି ମିଳିବ। କିନ୍ତୁ ଏଥିରେ ଫରକ ରହିଛି। ପୁରୁଣା ସ୍ଲାବରେ ଘର ଋଣ ବାବଦରେ ଯାହା ଟିକସରୁ କଟା ଯାଉଥିଲା, ତାହା ନୂଆ ସ୍ଲାବରେ ନାହିଁ। ଯେଉଁଥି ପାଇଁ ନୂଆ ସ୍ଲାବରେ ଘର କିଣିଲେ, ଫାଇଦା ମିଳିବ ନାହିଁ। ଋଣ ପରିମାଣରେ ସୁଧ ବଢିବ ବୋଲି କହିଛନ୍ତି ଅମର ପଟ୍ଟନାୟକ।
