spot_img
Home Blog Page 1177

ଘରୋଇ ଆବାସିକ ଛାତ୍ରାଵାସରେ ଛାତ୍ରଙ୍କ ସନ୍ଦେହଜନକ ମୃତ୍ୟୁ

ଯାଜପୁର: ଯାଜପୁରରେ ଏକ ଘରୋଇ ଆବାସିକ ଛାତ୍ରାଵାସରେ ଜଣେ ଛାତ୍ରଙ୍କ ସନ୍ଦେହଜନକ ମୃତ୍ୟୁ । ଶିକ୍ଷାନୁଷ୍ଠାନ କର୍ତ୍ତୃପକ୍ଷଙ୍କ ବିରୋଧରେ ଯାଜପୁର ଟାଉନ ଥାନାରେ ମାମଲା ।

ଯାଜପୁର ଟାଉନ ଥାନା ଅନ୍ତର୍ଗତ ଲଳିତେଶ୍ୱର ନିକଟରେ ଥିବା ଏକ ଯୁକ୍ତଦୁଇ ଘରୋଇ ଶିକ୍ଷାନୁଷ୍ଠାନରେ ସାନ ଦୋଗଡା ଗ୍ରାମର ପ୍ରସନ୍ନ ରାଉତଙ୍କ ପୁଅ ଗ୍ରୀଷ୍ମ କାଳୀନ ପାଠ୍ୟକ୍ରମରେ ନାମ ଲେଖାଇଥିଲେ । ହଷ୍ଟେଲରେ ରହୁଥିବା ବେଳେ ଆଜି ତାଙ୍କର ମୃତ୍ୟୁ ଘଟିଛି । କଲେଜ କର୍ତ୍ତୃପକ୍ଷ ପୁଅର ଦେହ ଖରାପ କହି ମେଡିକାଲକୁ ଡାକିଥିଲେ । ପରେ ବାଥରୁମରେ ପଡି ଯାଇଥିବା କହିଥିଲେ । ଏହାସହ ଏକ କାଗଜରେ କିଛି ଅଭିଯୋଗ ନାହିଁ କହି ଲେଖି ନେଇଥିବା ପରିବାର ଲୋକେ ଅଭିଯୋଗ କରିଛନ୍ତି । ପୋଲିସ ମାମଲା ରୁଜୁ କରି ଘଟଣା ସ୍ଥଳକୁ ଯାଇ ବାଥରୁମକୁ ସୀଲ କରି ତଦନ୍ତ ଆରମ୍ଭ କରିଛି । ତେବେ ଏନେଇ ପୋଲିସ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ ।

ଅଙ୍ଗନବାଡି କର୍ମୀଙ୍କଠାରୁ ଲାଞ୍ଚ ନେବା ବେଳେ ଭିଜିଲାନ୍ସ ଜାଲରେ ଫସିଲେ ସୁପରଭାଇଜର

କୋରାପୁଟ: ଅଙ୍ଗନବାଡ଼ି କର୍ମଚାରୀଙ୍କଠାରୁ ଲାଞ୍ଚ ନେଇ ଧରାପଡ଼ିଲେ ସୁପରଭାଇଜର । ଭିଜିଲାନ୍ସ କବଜାରେ କୋରାପୁଟ ଜିଲ୍ଲା ଲକ୍ଷ୍ମୀପୁର ବ୍ଲକ ମହିଳା ଶିଶୁ ବିକାଶ ପ୍ରକଳ୍ପର ସୁପରଭାଇଜର ରେଣୁକା ପଟ୍ଟନାୟକ । ବୁର୍ଜା ଅଙ୍ଗନବାଡି କେନ୍ଦ୍ରରେ ନୂତନ ଭାବେ ନିଯୁକ୍ତି ପାଇଥିବା ଜଣେ ଅଙ୍ଗନବାଡି କର୍ମୀଙ୍କଠାରୁ ୫୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ମାଡି ବସିଲା ଜୟପୁରର ସ୍ୱତନ୍ତ୍ର ଭିଜିଲାନ୍ସ ଟିମ୍ ।

ନୂତନ ଭାବେ ନିଯୁକ୍ତି ପାଇଥିବା ପିପଳପଦର ଗାଁର ଅଙ୍ଗନବାଡି କର୍ମୀ ଟଙ୍କା ଦେବା ପୂର୍ବରୁ ଭିଜିଲାନ୍ସକୁ ଯୋଗାଯୋଗ କରିଥିଲେ । ବର୍ତ୍ତମାନ ଏହି ଟଙ୍କା କାହା ପାଇଁ ସୁପରଭାଇଜର ଜଣକ ନେଉଥିଲେ ଓ ଏଥିରେ ଆଉ କାହା କାହା ସମ୍ପୃକ୍ତି ଅଛି ସେ ନେଇ ଭିଜିଲାନ୍ସ ତଦନ୍ତ ଜାରି ରଖିଛି ।

କୁନୋ ଜାତୀୟ ପାର୍କରେ ଚିତା ବାଘଙ୍କ ସୁରକ୍ଷାକୁ ନେଇ ଉଠିଲା ପ୍ରଶ୍ନ

ଭୋପାଳ: କୁନୋ ଜାତୀୟ ପାର୍କରେ ଚିତାଙ୍କ ସୁରକ୍ଷା ନେଇ ଉଠିଲା ପ୍ରଶ୍ନ । ମାଈ ଚିତା ଜ୍ବାଲା ଓ ତାର ଚାରିଟି ଛୁଆ ଉପରେ ଗ୍ରାମବାସୀଙ୍କ ଆକ୍ରମଣ ପରେ ଚିତାବଂଶ ବୃଦ୍ଧି ନେଇ ଚାଲିଥିବା ସରକାରୀ ଯୋଜନାକୁ ନେଇ ଚାଲେଞ୍ଜ ସୃଷ୍ଟି ହୋଇଛି । ମଧ୍ୟପ୍ରଦେଶର ତେଲିଆପୁରା ଗ୍ରାମରେ ଏକ ଗାଈକୁ ଚିତାମାନେ ଶିକାର କରିବା ପରେ ଗ୍ରାମବାସୀ ସେମାନଙ୍କୁ ଆକ୍ରମଣ କରିଥିଲେ । ବାଘ ଦଳଙ୍କ ଉପରକୁ ସେମାନେ ଟେକା ପଥର ଫୋପାଡିବା ସହ ଠେଙ୍ଗାରେ ଆକ୍ରମଣ କରିବାକୁ ଉଦ୍ୟମ କରିଥିବା ସୂଚନା ମିଳିଛି ।

ଚିତାଙ୍କ ସୁରକ୍ଷା ଲାଗି ପ୍ରଶାସନ ପକ୍ଷରୁ ନିର୍ଦ୍ଦେଶାବଳୀ ଜାରି କରାଯାଇଛି । ଯଦି ଚିତାର ସନ୍ଧାନ ମିଳେ ତେବେ ତୁରନ୍ତ ଜଙ୍ଗଲ ବିଭାଗକୁ ଖବର ଦେବା, ପିଲା ଓ ପୋଷା ପ୍ରାଣୀଙ୍କୁ ଘର ଭିତରେ ରଖିବା, ଚିତାଙ୍କୁ ଦେଖିବା ପରେ ଆତଙ୍କିତ ହୋଇ ସେମାନଙ୍କୁ ଆକ୍ରମଣ ନ କରିବା କରିବା ଲାଗି ପରାମର୍ଶ ଦିଆଯାଇଛି । ଯଦି ଚିତା ଆକ୍ରମଣରେ କୌଣସି ଗୃହପାଳିତ ପ୍ରାଣୀର ମୃତ୍ଯୁ ଘଟେ ତେବେ କ୍ଷତିପୂରଣ ଦେବାକୁ ପ୍ରତିଶ୍ରୁତି ଦିଆଯାଇଛି । ଏହାସହ ରାତିରେ କ୍ଷେତକୁ ନଯିବା, ସଂଘବଦ୍ଧ ଭାବେ ଚିତାଙ୍କୁ ନ ଘଉଡାଇବା, ଜାଲ ବା ଯନ୍ତା ଜରିଆରେ ଚିତାଙ୍କୁ ଧରିବା ଲାଗି ଉଦ୍ଯମ ନ କରିବା, ସେମାନଙ୍କ ଫଟୋ ଓ ଭିଡିଓ ନ ଉଠାଇବା ଲାଗି ପରାମର୍ଶ ଦିଆଯାଇଛି ।

ପୂର୍ବରୁ କୁନୋ ପାର୍କରୁ ଚିତାମାନେ ଉତ୍ତରପ୍ରଦେଶ, ରାଜସ୍ଥାନ ଆଡକୁ ଚାଲିଯିବା ପରିଲକ୍ଷିତ ହୋଇଛି । ବର୍ତ୍ତମାନ କୁନୋ ପାର୍କରେ ୧୧ ଛୁଆଙ୍କ ସହ ମୋଟ ୧୭ଟି ଚିତା ଖୋଲାରେ ବୁଲୁଛନ୍ତି । ୯ଟି ଚିତାଙ୍କୁ ଏନକ୍ଲୋଜର ଭିତରେ ରଖାଯାଇଛି ।

ପଶ୍ଚିମବଙ୍ଗ ଦଲଗାଓଁ ଚା’ ବଗିଚାରୁ କଲରାପତରିଆ ବାଘ ଉଦ୍ଧାର

କୋଲକାତା: ପଶ୍ଚିମବଙ୍ଗର ଦୂଆର୍ସର ଦଲଗାଓଁ ଚା’ ବଗିଚାରୁ ବାଘ ଉଦ୍ଧାର । ବନ ବିଭାଗ ଦ୍ବାରା ଏକ କଲରାପତରିଆ ବାଘକୁ ଉଦ୍ଧାର କରାଯାଇଛି । ଦୀର୍ଘ ଦିନ ଧରି ଚା’ ବଗିଚାରେ କଲରାପତରିଆ ବାଘ ରହିଥିଲା ।

ବଗିଚାରେ କାମ କରୁଥିବା ସମୟରେ ବାଘ ଆକ୍ରମଣରେ ଦୁଇଜଣ ମହିଳା ଶ୍ରମିକ ଗୁରୁତର ଆହତ ହୋଇଥିଲେ । ଏନେଇ ବନ ବିଭାଗ ନିକଟରେ ଅଭିଯୋଗ କରିଥିଲେ ଗ୍ରାମବାସୀ । ପରେ ବନ ବିଭାଗର କର୍ମଚାରୀମାନେ ଚା’ ବଗିଚାରୁ ଏକ ଗୁମ୍ଫା ପାଇଥିଲେ । ଆଜି ସକାଳେ ସେହି ଗୁମ୍ଫାରୁ ପଞ୍ଜୁରୀ ସାହଯ୍ୟରେ କଲରାପତରିଆ ବାଘକୁ ଉଦ୍ଧାର କରାଯାଇଛି ।

ବଢ଼ିବ ସରକାରଙ୍କ ନିୟନ୍ତ୍ରିତ ଔଷଧର ଦାମ

ଭୁବନେଶ୍ବର: ବଢ଼ିବ ସରକାରୀ ନିୟନ୍ତ୍ରିତ ଅନେକ ଔଷଧର ଦାମ୍ । କ୍ୟାନସର, ଡାଇବେଟିସ, ହୃଦରୋଗ ସମ୍ପର୍କିତ ଅନେକ ଔଷଧର ଦର ବଢ଼ିବ । ଏହାସହ ଆଣ୍ଟିବାୟୋଟିକର ଦାମ ବି ବଢ଼ିବ । ଏସବୁ ଔଷଧର ଦାମ ୧.୭ ପ୍ରତିଶତ ବଢିବ ବୋଲି ସୂଚନା ମିଳିଛି । ଏନେଇ ସୂଚନା ଦେଇଛନ୍ତି ଅଲ ଇଣ୍ଡିଆ ଅର୍ଗାନାଇଜେସନ ଅଫ କେମିଷ୍ଟସ୍ ଆଣ୍ଡ ଡ୍ରଗିଷ୍ଟିସର ସାଧାରଣ ସମ୍ପାଦକ ରାଜୀବ ସିଙ୍ଘଲ ।

କଞ୍ଚାମାଲର ଦାମ ବଢିବା ସହ ଅଧିକ ଖର୍ଚ୍ଚ ଭରଣା ତଥା ଫାର୍ମାସ୍ୟୁଟିକାଲ ଶିଳ୍ପକୁ ସହାୟତା ଲାଗି ସରକାର ଏହି ପଦକ୍ଷେପ ନେବେ । ଆସନ୍ତା ୨ରୁ ୩ ମାସ ମଧ୍ୟରେ ଏହି ଦରବୃଦ୍ଧି ଲାଗୁ ହେବ । ଔଷଧର ଦରବୃଦ୍ଧି ସୀମାକୁ ଅତିକ୍ରମ କରି ଫାର୍ମା କମ୍ପାନୀମାନେ ନିୟମ ଉଲ୍ଲଂଘନ କରୁଛନ୍ତି ବୋଲି ରସାୟନ ଓ ସାର ସଂକ୍ରାନ୍ତ ସଂସଦୀୟ ଷ୍ଟାଣ୍ଡିଂ କମିଟି ଅବଗତ ହୋଇଥିଲା । ଫାର୍ମା କମ୍ପାନୀଗୁଡିକ ଦ୍ବାରା ଦରବୃଦ୍ଧି ସୀମା ଉଲ୍ଲଂଘନ ଘଟଣା ୩୦୦ରୁ ଅଧିକ ବୋଲି ଜାଣିବାକୁ ପାଇଛି ଜାତୀୟ ଫାର୍ମାସୁଟିକାଲ ଦର ନିର୍ଦ୍ଧାରଣ କର୍ତ୍ତୃପକ୍ଷ ବା ଏନପିପିଏ । କେଉଁ ଔଷଧର ଦାମ୍ କେତେ ରହିବ ତାହା ନିର୍ଦ୍ଧାରଣ କରିଥାଏ ଏନପିପିଏ । ସରକାରୀ ସ୍ତରରେ ମିଳୁଥିବା ଔଷଧ କ୍ରୟ କରୁଥିବା ହେତୁ ରୋଗୀମାନେ ବାର୍ଷିକ ୩ ହଜାର ୭୮୮କୋଟି ଟଙ୍କା ସଞ୍ଚୟ କରିଥାନ୍ତି ।

ଶାସନ ଚଲାଇବା ଜାଣି ନାହାନ୍ତି ବିଜେପି ସରକାର, ପ୍ରତିହିଂସା ପରାୟଣ ହେଉଛନ୍ତି: ଅରୁଣ ସାହୁ

ଭୁବନେଶ୍ବର: ବିଜେପି ସରକାର ଠିକ ଭାବେ ଶାସନ ଚଳାଇବା ଜାଣି ନାହାନ୍ତି । ସରକାର ପ୍ରତିହିଂସା ପରାୟଣ ହେଉଛନ୍ତି । ବିଧାନସଭା ଭିତରେ ଓ ବାହାରେ ବଳ ପ୍ରୟୋଗ କରୁଛନ୍ତି । ଆଉ କଂଗ୍ରେସ ଓ ବିଜେଡି ସଦସ୍ୟ ଆହତ ହୋଇଛନ୍ତି ବୋଲି କହିଛନ୍ତି ବିଜେଡି ବିଧାୟକ ଅରୁଣ ସାହୁ ।

ସେ କହିଛନ୍ତି, ସରକାର ଭାବୁଛନ୍ତି ପୋଲିସ ଦ୍ୱାରା ଦମନ କରିବେ । ତାହା କିନ୍ତୁ ସମ୍ଭବ ନୁହେଁ । ଏବେ ଯେମିତି ପୋଲିସ ଛାଉଣୀ ହୋଇଛି, ଲାଗୁଛି ରୁଷ- ଯୁକ୍ରେନ ଲଢେଇ ଚାଲିଛି । ଶାନ୍ତିପ୍ରିୟ ରାଜ୍ୟକୁ ଅଶାନ୍ତ କରିବାରେ ବିଜେପିର ହାତ ରହିଛି ।

କଂଗ୍ରେସ ବିଧାୟକଙ୍କ ଉପରୁ ନିଲମ୍ବନ ଉଠାଇବାକୁ ବାଚସ୍ପତିଙ୍କୁ ଭେଟିବେ ପଦ୍ମଲୋଚନ

ଭୁବନେଶ୍ବର: ଗୃହରେ ବିଶୃଙ୍ଖଳା ପାଇଁ ନିଲମ୍ବିତ ହୋଇଛନ୍ତି କଂଗ୍ରେସର ସମସ୍ତ ୧୪ ବିଧାୟକ । ଏମାନଙ୍କ ଉପରୁ ନିଲମ୍ବନ ଆଦେଶ ଉଠାଇବା ପାଇଁ ବାଚସ୍ପତିଙ୍କୁ ଭେଟିବେ ବିଜେପିର ବରିଷ୍ଠ ବିଧାୟକ ପଦ୍ମଲୋଚନ ପଣ୍ଡା ।  ବିଧାନସଭାର ବାକି ଥିବା ଦିନ କିପରି ସୁରୁଖୁରୁରେ ଚାଲିବ ସେ ନେଇ ଆଲୋଚନା କରିବି ବୋଲି ସେ କହିଛନ୍ତି ।

ସମସ୍ତଙ୍କୁ ସାଙ୍ଗରେ ନେଇ ଗୃହ ଚାଲିବା ଦରକାର । ବାଚସ୍ପତି ସର୍ବଦଳୀୟ ବୈଠକ ଡାକି ଗୃହକୁ ସୁରୁଖୁରୁରେ ଚଳାଇବାକୁ ନିଷ୍ପତ୍ତି ନିଅନ୍ତୁ । କଂଗ୍ରେସର ନେତୃତ୍ଵଙ୍କ ସହ ଆଲୋଚନା କରି ସମାଧାନ କରିବାକୁ ବାଚସ୍ପତିଙ୍କୁ ଭେଟି ପ୍ରସ୍ତାବ ଦେବେ ବୋଲି କହିଛନ୍ତି ପଦ୍ମଲୋଚନ । ବିଧାୟକଙ୍କୁ ନିଲମ୍ବନ କରିବା ସପକ୍ଷରେ ସେ ନୁହଁନ୍ତି ବୋଲି କହିଛନ୍ତି ।

ଗେଲ ଇଣ୍ଡିଆକୁ ଏନଜିଟି ଛାଟ: ଖୋର୍ଦ୍ଧା ଜିଲ୍ଲାପାଳଙ୍କ ବିନା ଅନୁମତିରେ ଭୁବନେଶ୍ବରରେ କେମିତି ଚାଲିଛି ସିଏନଜି ଷ୍ଟେସନ ନିର୍ମାଣ ?

ଭୁବନେଶ୍ବର: ନିଜ ନିୟମ ନିଜେ ପାଳନ କଲାନି କେନ୍ଦ୍ର ପେଟ୍ରୋଲିୟମ ମନ୍ତ୍ରାଳୟ । ଜିଲ୍ଲାପାଳଙ୍କ ଅନୁମୋଦନ ନାହିଁ, ତଥାପି ରାଜଧାନୀର ଚନ୍ଦ୍ରଶେଖରପୁର ଆବାସିକ ଅଞ୍ଚଳରେ GAIL ଇଣ୍ଡିଆ ନିର୍ମାଣ କରୁଥିଲା ସିଏନଜି ଷ୍ଟେସନ୍ ? ସ୍ଥାନୀୟ ଅଞ୍ଚଳରେ ବିରୋଧ ସତ୍ତ୍ବେ ନିର୍ମାଣ କାର୍ଯ୍ୟ ଜାରି ରହିବାରୁ ଜାତୀୟ ଗ୍ରୀନ ଟ୍ରିବ୍ୟୁନାଲ (NGT)ରେ ରୁଜୁ ହୋଇଛି ମାମଲା । NGT ନିର୍ଦ୍ଦେଶ ପରେ ଏବେ ଖୋର୍ଦ୍ଧା ଜିଲ୍ଲାପାଳ କାମ ବନ୍ଦ କରିବା ସହ ୭ ଦିନ ଭିତରେ ଜବାବ ରଖିବାକୁ ଗେଲ୍ ଇଣ୍ଡିଆ କର୍ତ୍ତୃପକ୍ଷଙ୍କୁ କାରଣ ଦର୍ଶାଅ ନୋଟିସ ଜାରି କରିଛନ୍ତି । ସେପଟେ ପେଟ୍ରୋଲଠାରୁ ଅଧିକ ଦହନଶୀଳ ସିଏନଜି ଷ୍ଟେସନ୍ ପ୍ରତିଷ୍ଠା ନେଇ ଉଦବେଗ ପ୍ରକାଶ କରିଛନ୍ତି ସ୍ଥାନୀୟ ବାସିନ୍ଦା ।

ଗ୍ୟାସ ଅଥରିଟି ଅଫ୍ ଇଣ୍ଡିଆ ଲିମିଟେଡ୍ GAILକୁ ଏନଜିଟି ଛାଟ । ଜିଲ୍ଲାପାଳଙ୍କ ଅନୁମୋଦନ ନଥାଇ ଭୁବନେଶ୍ବର ଚନ୍ଦ୍ରଶେଖରପୁର ଅଞ୍ଚଳରେ ଚାଲିଥିଲା ଷ୍ଟେସନ ନିର୍ମାଣ । ଏନଜିଟିଙ୍କ ନିର୍ଦ୍ଦେଶରେ କାମ ବନ୍ଦ କଲେ ଖୋର୍ଦ୍ଧା ଜିଲ୍ଲାପାଳ । କାହିଁକି ଓ କେମିତି ଜିଲ୍ଲାପାଳଙ୍କଠାରୁ ମଞ୍ଜୁରୀ ନନେଇ ଗେଲ୍ ଇଣ୍ଡିଆ ନିର୍ମାଣ କରୁଛି ସେ ନେଇ ୭ ଦିନ ଭିତରେ ଜବାବ ରଖିବାକୁ କାରଣ ଦର୍ଶାଅ ନୋଟିସ ଜାରି କରିଛନ୍ତି ଖୋର୍ଦ୍ଧା ଜିଲ୍ଲାପାଳ । ସିଏନଜି ଷ୍ଟେସନ୍କୁ ସମ୍ପୂର୍ଣ୍ଣ ବିରୋଧ କରୁଛନ୍ତି ସ୍ଥାନୀୟ ଅଞ୍ଚଳ ବାସିନ୍ଦା । GAIL ଇଣ୍ଡିଆ କାମ ଆରମ୍ଭ କରିବା ଦିନଠୁ ବିରୋଧ ହୋଇ ଆସୁଛି । ଅଥଚ ତାକୁ ଅଣଦେଖା କରି ଚାଲିଛି ଗେଲ୍ ଇଣ୍ଡିଆ । ଅଭିଯୋଗ ହୋଇଛି, ଭୁବନେଶ୍ବର ରାଜଭବନ ଛକରେ ଥିବା ପେଟ୍ରୋଲ ପମ୍ପରେ ଟାଙ୍କି ଫାଟିବା ଘଟଣା ହେଉ କି ନୟାଗଡ଼ ଘଟଣା । କମ୍ପ୍ରେସର ଫାଟି ଜୀବନ ଯିବା ସମ୍ଭାବନା ରହିଛି ବୋଲି ସ୍ଥାନୀୟ ଲୋକେ ଆଶଙ୍କା ବ୍ୟକ୍ତ କରିଛନ୍ତି ।

ଦେଶର ବିଭିନ୍ନ ସ୍ଥାନରେ ସିଏନଜି ଓ ପେଟ୍ରୋଲ ପମ୍ପରେ ବିସ୍ଫୋରଣ ଘଟିବାରୁ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରାଳୟ ନିୟମ କଲେ । ପେଟ୍ରୋଲ ପମ୍ପ ହେଉକି ସିଏନଜି ଗ୍ୟାସ୍ ଷ୍ଟେସନ । ଆବାସିକ ଅଞ୍ଚଳର ୫୦ ମିଟର ବାହାରେ ଏପରି ଦହନଶୀଳ ଷ୍ଟେସନ ପ୍ରତିଷ୍ଠା ହୋଇପାରିବ । କିନ୍ତୁ ଯେ କୌଣସି ସ୍ଥିତିରେ ସ୍ଥାନୀୟ ଜିଲ୍ଲାପାଳଙ୍କ ଅନୁମତି ନନେଇ ନିର୍ମାଣ କରାଯାଇପାରିବନି । ଭୁବନେଶ୍ବରରେ ନିର୍ମାଣାଧୀନ ସିଏନଜି ଷ୍ଟେସନ୍ ପାଇଁ GAIL ଇଣ୍ଡିଆ ୫୦ ମିଟର ନିୟମ ପାଳନ କରିନି କି ଜିଲ୍ଲାପାଳଙ୍କଠାରୁ ଅନୁମତି ଆଣିନି । ଅଥଚ ସ୍ଥାୟୀ ବାସିନ୍ଦାଙ୍କ ପାଚେରୀକୁ ଲାଗି କରି ସିଏନଜି ଷ୍ଟେସନ୍ ନିର୍ମାଣ କରୁଛନ୍ତି GAIL ଇଣ୍ଡିଆ କର୍ତ୍ତୃପକ୍ଷ । ଖୋଦ ନିଜ ମନ୍ତ୍ରାଳୟର ନିୟମକୁ GAIL କର୍ତ୍ତୃପକ୍ଷ ଉଲ୍ଲଂଘନ କରିଥିବା ଆବେଦନକାରୀଙ୍କ ଓକିଲ ଅଭିଯୋଗ କରିଛନ୍ତି ।

ଭୁବନେଶ୍ବର ଚନ୍ଦ୍ରଶେଖରପୁର ଅଞ୍ଚଳର ୩ ଶହ ଡିସିମିଲ ଜାଗାରେ ନିର୍ମାଣ ଚାଲିଛି ସିଏନଜି ଷ୍ଟେସନ୍ । ଲୋକଙ୍କ ଜୀବନ ପ୍ରତି ବିପଦ ଥିବାରୁ ସବୁ ମହଲରୁ ଏହାକୁ ସ୍ଥାନାନ୍ତର ପାଇଁ ଦାବି ଉଠୁଛି । କିନ୍ତୁ କ’ଣ ପାଇଁ GAIL ଇଣ୍ଡିଆ କର୍ତ୍ତୃପକ୍ଷ ସବୁ ନିୟମକୁ ଦଳିମକଚି ଦେଉଛନ୍ତି ତାକୁ ନେଇ ସବୁ ମହଲରେ ଉଦବେଗ ପ୍ରକାଶ ପାଇଛି । ମେ’ ୩୦ ତାରିଖରେ ଜାତୀୟ ଗ୍ରୀନ୍ ଟ୍ରିବ୍ୟୁନାଲରେ ପରବର୍ତ୍ତୀ ଶୁଣାଣି ରହିଛି ।

ରାଜ୍ୟସଭାରେ ପୁଣି ସ୍ବତନ୍ତ୍ର ରାଜ୍ୟପାହ୍ୟା ଦାବି ଉଠାଇଲା ବିଜେଡି

ଭୁବନେଶ୍ବର: ରାଜ୍ୟସଭାରେ ପୁଣି ଓଡିଶାର ହକ ମାଗି ସ୍ବତନ୍ତ୍ର ରାଜ୍ୟପାହ୍ୟା ମାନ୍ୟତା ଦାବି କରିଛି ବିଜେଡି । ଦଳୀୟ ସାଂସଦ ସସ୍ମିତ ପାତ୍ର ବଜେଟ ସଂପର୍କୀତ ବିତର୍କରେ ଅଂଶ ଗ୍ରହଣ କରି କହିଛନ୍ତି, ପ୍ରାକୃତିକ ବିପର୍ଯ୍ୟୟର ବାରମ୍ବାର ଶିକାର ହେଉଥିବା ଓଡିଶାକୁ ସ୍ବତନ୍ତ୍ର ରାଜ୍ୟପାହ୍ୟା ଦେବାକୁ ରାଜ୍ୟବାସୀ ଦୀର୍ଘ ଦିନରୁ ଦାବି କରି ଆସୁଛନ୍ତି । ହେଲେ କେନ୍ଦ୍ର ସରକାର ସେ ଦିଗରେ କର୍ଣ୍ଣପାତ କରୁନାହାଁନ୍ତି । ଏହାସହ ଅତ୍ୟାବଶ୍ୟକ ଦ୍ରବ୍ୟର ଅହେତୁକ ମୂଲ୍ୟ ବୃଦ୍ଧି ପ୍ରସଙ୍ଗକୁ ମଧ୍ୟ ରାଜ୍ୟସଭାରେ ଉଠାଇଛନ୍ତି ସସ୍ମିତ । ଗୋଟିଏ ପଟେ ଖାଦ୍ୟ ପଦାର୍ଥର ଆକାଶଛୁଆଁ ଦର ବୃଦ୍ଧି ହୋଇଥିବା ବେଳେ, ବେକାରୀ ଓ କର ବୋଝ ସାଧାରଣ ଲୋକଙ୍କ ଉପରେ ଗଭୀର ପ୍ରଭାବ ପକାଇଛି । ଦରଦାମ ନିୟନ୍ତ୍ରଣକୁ ଆଣିବାକୁ ସେ ଦାବି କରିଛନ୍ତି ।

କୋଇଲା ରୟାଲଟି ଓ ଗ୍ରୀନ୍ ଟ୍ୟାକ୍ସ କ୍ଷେତ୍ରରେ ସଂସ୍କାର ଅଣାଯିବା ସହ, ଓଡିଶାର ଯେଉଁ ଜିଲ୍ଲା ଗୁଡିକରେ କୋଇଲା ଖଣି ରହିଛି, ସେହି ଜିଲ୍ଲାଗୁଡିକୁ ପର୍ଯ୍ୟାପ୍ତ ପରିମାଣର ଆଞ୍ଚଳିକ ବିକାଶ ପାଣ୍ଠି ଯୋଗାଇ ଦିଆଯାଉନାହିଁ । କେନ୍ଦ୍ର ସରକାର ଏ ଦିଗରେ ପଦକ୍ଷେପ ନେବାକୁ ସସ୍ମିତ ଦାବି କରିଛନ୍ତି ।

ଗଙ୍ଗାଜଳ ପଲିଟିକ୍ସ, ପବିତ୍ର ହେଲା ବିଧାନସଭା: ଭିତରେ ଓ ବାହାରେ ବିଜେଡି ସଦସ୍ୟଙ୍କ ଗଙ୍ଗାଜଳ ସିଞ୍ଚନ

ଭୁବନେଶ୍ବର: ପବିତ୍ର ବିଧାନସଭାକୁ ଅପବିତ୍ର କରିଛି ବିଜେପି । ବିଧାନସଭାରେ କେବେ ପୋଲିସ ପଶି ନଥିଲା କି ବିଧାୟକଙ୍କ ଉପରକୁ କେବେ ଆକ୍ରମଣ କରି ନଥିଲା । ହେଲେ ବିଜେପି ସରକାରରେ ଏହା ଘଟିଲା । ଯାହାଦ୍ୱାରା ବିଧାନସଭା ଅପବିତ୍ର ହୋଇଛି । ସେଥିପାଇଁ ବିଧାନସଭାରେ ପଶିବା ପୂର୍ବରୁ ଚାରିପଟେ ମାଟି କଳସରେ ଗଙ୍ଗା ଜଳ ଧରି ଆମ୍ବଡାଳରେ ସିଞ୍ଚନ କରିଛନ୍ତି ବିଜେଡି ବିଧାୟକ ।

ବିଧାନସଭା  ଅପବିତ୍ର ହୋଇଛି । ଗୃହ ଭିତରେ ବାହାର ଲୋକ ପଶିଛନ୍ତି । ବିଧାୟକଙ୍କର ଅଧିକାରକୁ କ୍ଷୁର୍ଣ୍ଣ କରାଯାଇଛି । ଶାସକ ଦଳର କଥାରେ ପଡି ପୋଲିସ ମାତ୍ରାଧିକ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଗୃହକୁ ବିଧାୟକମାନେ ଯିବା ଆସିବା କରିବା ସମୟରେ ବାଧା ଦେଇଛି । ବିଧାୟକଙ୍କୁ ମାଡ ମଧ୍ୟ ମରାଯାଇଛି । ଲୁଟ୍ ବି ହୋଇଛି । ବିଧାନସଭାର ବର୍ଷ ବର୍ଷର ପରମ୍ପରାକୁ ଭଙ୍ଗ କରାଯିବା ସହ ଗୃହକୁ ଅପବିତ୍ର କରାଯାଇଛି  । ଏପରି ଅଭିଯୋଗ ଆଣି ଗୁରୁବାର ବିଧାନସଭା ଭିତରେ ଓ ବାହାରେ ବିଜେଡି ବିଧାୟକମାନେ ଗଙ୍ଗାଜଳ ସିଞ୍ଚି ବିଧାନସଭାକୁ ପବିତ୍ର କରିଛନ୍ତି । ପ୍ରଶ୍ନକାଳରେ ବିଜେଡିର କିଛି ବିଧାୟକ ହାତରେ କଳସ ଧରି ଗୃହ ମଧ୍ୟରେ ଗଙ୍ଗା ଜଳ ପକେଇ ପ୍ରତିବାଦ କରିଥିଲେ । ଗୃହ ପବିତ୍ର ହେବା ପରେ ବିଜେଡି ବିଧାୟକମାନେ ପ୍ରଶ୍ନକାଳରେ ସାମିଲ ହୋଇଥିଲେ ।

ସେପଟେ ବିଜେଡିର ଅଭିନବ ପ୍ରତିବାଦ ପରେ ତେଜିଛି ଗଙ୍ଗାଜଳ ରାଜନୀତି । ବିଜେଡି ବିଧାୟକ ଗୌତମ ବୁଦ୍ଧ ଦାସ କହିଛନ୍ତି, ବିଜେପି ବିଧାନସଭାରେ ଏକଛତ୍ରବାଦ୍ ଶାସନ ଚଳାଇଛି । ଗୁଣ୍ଡାଗର୍ଦ୍ଦି ଆରମ୍ଭ କରୁଛି । ଏହା ବିରୋଧରେ ବିଜେଡି ସ୍ୱର ଉତ୍ତୋଳନ କରିଛି ଓ କରିବ । ବଜେଟ ଅଧିବେଶନରେ ବିଧାନସଭା ପରିଚାଳନା ସଠିକ୍ ଭାବେ ହୋଇପାରୁ ନଥିବାରୁ ଅସନ୍ତୋଷ ପ୍ରକାଶ କରି ବିରୋଧୀ ଶାସକ ଦଳକୁ ଘେରିଛନ୍ତି । ଅଭିନବ ପ୍ରତିବାଦ କରି ଶାସକ ଦଳକୁ ଚେତାଇ ଦେଇଛନ୍ତି ବିରୋଧୀ ।