spot_img
Home Blog Page 1174

ପୂର୍ବତନ ମନ୍ତ୍ରୀ ଗିରିଶ ନାରାୟଣ ପାଣ୍ଡେଙ୍କ ବିୟୋଗ: ପାଣ୍ଡେଙ୍କ ସାକ୍ଷ୍ୟ ଦ୍ବାରା ପଦ ହରାଇଥିଲେ ଇନ୍ଦିରା ଗାନ୍ଧୀ

ନୂଆଦିଲ୍ଲୀ: ଭାରତର ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ବିରୋଧରେ ସାକ୍ଷ୍ୟ ଦେଇ ଏକଦା ସାରା ଦେଶରେ ଚର୍ଚ୍ଚିତ ହୋଇଥିବା ପୂର୍ବତନ ଆଇନ ମନ୍ତ୍ରୀ ଗିରିଶ ନାରାୟଣ ପାଣ୍ଡେଙ୍କ ପରଲୋକ ଘଟିଛି । ଶ୍ରୀ ପାଣ୍ଡେ ରାୟବରେଲିର ସରେନୀ ଥାନା ଅଞ୍ଚଳର ଶିବପୁର ଗ୍ରାମର ବାସିନ୍ଦା ଥିଲେ । ଆଜି ସକାଳୁ ତାଙ୍କର ପରଲୋକ ଘଟିଥିଲା । ଇନ୍ଦିରାଙ୍କ ବିରୋଧରେ ସାକ୍ଷ୍ୟ ଦେଇଥିବା ଭାଜପାର ବରିଷ୍ଠ ନେତା ପାଣ୍ଡେଙ୍କ ଧମର୍ପତ୍ନୀ ଗୋଟିଏ ଦିନ ପୂର୍ବରୁ ଶେଷ ନିଃଶ୍ବାସ ତ୍ୟାଗ କରିଥିଲେ ।

୧୯୭୧ ଲୋକସଭା ନିର୍ବାଚନ ସମୟରେ କଂଗ୍ରେସ ନେତୃତ୍ବାଧୀନ କେନ୍ଦ୍ର ସରକାର ଉପରେ ନିର୍ବାଚନରେ ଭ୍ରଷ୍ଟାଚାର ନେଇ ଅଭିଯୋଗ ଆସିଥିଲା । ନିଜେ ଇନ୍ଦିରା ରାୟବରେଲିରୁ ଜିତିଥିଲେ ଓ ତାଙ୍କ ବିପକ୍ଷରେ ଲଢ଼ୁଥିବା ରାଜନାରାୟଣ ଇନ୍ଦିରାଙ୍କ ବିଜୟକୁ କୋର୍ଟରେ ଚ୍ୟାଲେଞ୍ଜ ଦେଇଥିଲେ । ଏହି ମାମଲାର ଶୁଣାଣି ତତ୍କାଳୀନ ଜଜ ଜଗେମାହନ ଲାଲ ସିହ୍ନା କରୁଥିଲେ । ସେହି ସମୟରେ ଲାଲଗଞ୍ଜରେ ସଂଘର କାର୍ଯ୍ୟକର୍ତ୍ତା ଥିବା ପାଣ୍ଡେ ଇନ୍ଦିରାଙ୍କ ବିରୋଧରେ ମୁଖ୍ୟ ସାକ୍ଷୀ ଥିଲେ । ପାଣ୍ଡୋଙ୍କୁ ପ୍ରଲୋଭନ ଦିଆଯାଇଥିଲେ ମଧ୍ୟ ସେ ଅଟଳ ଥିଲେ । ସେ ଇନ୍ଦିରାଙ୍କ ବିରୋଧରେ କୋର୍ଟରେ ସାକ୍ଷ୍ୟ ଦେବା ପରେ ଜଜ ସିହ୍ନା ପ୍ରଧାନମନ୍ତ୍ରୀ ଇନ୍ଦିରାଙ୍କ ନିର୍ବାଚନକୁ ଅବୈଧ ଘୋଷିତ କରିଦେଇଥିଲେ ।

CHSEର ବଡ଼ ନିଷ୍ପତ୍ତି: ମାଲ ପ୍ରାକ୍ଟିସ ଛାତ୍ରଛାତ୍ରୀଙ୍କୁ ମିଳିବ ବଡ଼ ଆଶ୍ବସ୍ତି

ଭୁବନେଶ୍ବର: ଯୁକ୍ତ ଦୁଇ ପରୀକ୍ଷା ଖାତା ଦେଖା ଆରମ୍ଭ ପୂର୍ବରୁ ସିଏଚଏସଇର ବଡ଼ ନିଷ୍ପତ୍ତି । ଏଥର ମାଲ ପ୍ରାକ୍ଟିସ ବା ଏମପିରେ ବୁକ ହୋଇଥିବା ଛାତ୍ରଛାତ୍ରୀଙ୍କୁ ମିଳିବ ବଡ଼ ଆସ୍ୱସ୍ତି । ତ୍ରୁଟିପୂର୍ଣ୍ଣ ଭାବେ ଏମପିରେ ବୁକ ହୋଇଥିବା ପରୀକ୍ଷାର୍ଥୀଙ୍କ ପରୀକ୍ଷା ଫଳ ସାଧାରଣ ପରୀକ୍ଷାର୍ଥୀଙ୍କ ସହ ଏକାସାଙ୍ଗରେ ପ୍ରକାଶ ପାଇବ । କାଉନସିଲ ଦ୍ୱାରା ଗଠିତ ସ୍ୱତନ୍ତ୍ର କମିଟିର ଯାଞ୍ଚରେ ଏମପିରେ ବୁକ ହୋଇଥିବା ଛାତ୍ରଛାତ୍ରୀ ନିଜର ପକ୍ଷ ରଖିବେ। ଯଦି ସେମାନେ ତ୍ରୁଟିପୂର୍ଣ୍ଣ ବୁକ ହୋଇଥିବେ ତାହେଲେ ସେମାନଙ୍କ ପରୀକ୍ଷା ଫଳ ସ୍ୱାଭାବିକ ଭାବେ ପ୍ରକାଶ ପାଇବ ବୋଲି ସୂଚନା ଦେଇଛନ୍ତି ପରୀକ୍ଷା ନିୟନ୍ତ୍ରକ ପ୍ରଶାନ୍ତ କୁମାର ପରିଡା।

ଚଳିତ ବର୍ଷ ଠାରୁ ଏହି ନୂଆ ନିୟମ ଲାଗୁ ହେବ। ପୂର୍ବରୁ ଭୁଲରେ ଏମପିରେ ବୁକ ହେଉଥିବା ଛାତ୍ରଛାତ୍ରୀଙ୍କ ପରୀକ୍ଷା ଫଳ ସାଧାରଣ ପିଲାଙ୍କ ପରୀକ୍ଷା ଫଳ ବାହାରିବାର ତିନି ମାସ ପରେ ବାହାରୁଥିଲା। ଯେଉଁଥିପାଇଁ ପିଲାମାନେ ବହୁ ଅସୁବିଧାର ସମ୍ମୁଖୀନ ହେଉଥିଲେ। ଆସନ୍ତା ଏପ୍ରିଲ ଦୁଇ ତାରିଖରେ ଆରମ୍ଭ ହେବାକୁ ଥିବା ଯୁକ୍ତ ଦୁଇ ପରୀକ୍ଷା ଖାତା ଦେଖା ପାଇଁ ବଢ଼ିଲା ମୁଲ୍ୟାଙ୍କନ କେନ୍ଦ୍ର ସଂଖ୍ୟା । ଯେଉଁ ଜିଲ୍ଲାରେ କେନ୍ଦ୍ର ନ ଥିଲା ସେଠି ନୂଆକରି ଖୋଲିଲା କେନ୍ଦ୍ର । ଉଭୟ ଅନଲାଇନ ଓ ଅଫଲାଇନ ପରୀକ୍ଷା କେନ୍ଦ୍ର ସଂଖ୍ୟା ବଢାଇଛି ଉଚ୍ଚ ମାଧ୍ୟମିକ ଶିକ୍ଷା ପରିଷଦ । ଅତ୍ୟଧିକ ଖରା ଯୋଗୁ ବହୁ ଶିକ୍ଷକ ଶିକ୍ଷୟିତ୍ରୀ ଖାତା ଦେଖିବାକୁ ଆସୁ ନ ଥିବାରୁ ଖାତା ଦେଖା କେନ୍ଦ୍ର ବଢାଯାଇଥିବା କୁହାଯାଇଛି । ପ୍ରାଥମିକ ପର୍ଯ୍ୟାୟରେ ୮ ହଜାର ଶିକ୍ଷକ ଶିକ୍ଷୟିତ୍ରୀଙ୍କୁ ଖାତା ଦେଖା ପାଇଁ ନିଯୁକ୍ତି ହୋଇଛନ୍ତି । ଏକଜାମିନରଙ୍କ ସୁବିଧା ଦୃଷ୍ଟିରୁ ସେମାନଙ୍କୁ ନିଜ ଜିଲ୍ଲାରେ ହୋଇଥିବା ମୁଲ୍ୟାଙ୍କନ କେନ୍ଦ୍ରରେ ଖାତା ଦେଖିବା ପାଇଁ ନିୟୋଜିତ କରାଯାଇଛି । ୩୫, ୪୦ ଓ ୫୦ ମାର୍କ ଥିବା ବିଷୟ ଗୁଡିକ ପାଇଁ ୩୦ ଟି ଖାତା ୫ ଘଣ୍ଟାରେ ଦେଖାଯାଇ ପାରିବ । ସେହିପରି ୭୦ ଓ ୮୦ ମାର୍କ ଥିବା ବିଷୟ ପାଇଁ ୫ ଘଣ୍ଟାରେ ୨୦ ଟି ଖାତା ଦେଖିପାରିବେ । ମେ ୧୫ ତାରିଖ ସୁଦ୍ଧା ସଠିକ ସମୟରେ ପରୀକ୍ଷାଫଳ ବାହାରିବ ବୋଲି ସୂଚନା ଦେଇଛନ୍ତି ପରୀକ୍ଷା ନିୟନ୍ତ୍ରକ ।

କଟକ ମହାନଦୀ ପଠାରେ ବାଲିଯାତ୍ରାର ଭ୍ରମ: ଉଦଘାଟିତ ହେଲା ୨୧ତମ ବୈଶାଖୀ ବାଣିଜ୍ୟ ମେଳା

କଟକ: କଟକ ମହାନଦୀ ପଠାରେ ବାଲିଯାତ୍ରାର ଭ୍ରମ । ଆୟୋଜିତ ହୋଇଛି ଚଳିତ ବର୍ଷର ପ୍ରଥମ ମେଳା । ଉଦଘାଟିତ ହେଲା ୨୧ ତମ ବୈଶାଖୀ ବାଣିଜ୍ୟ ମେଳା । ପ୍ରତିବର୍ଷ ପିଲାଙ୍କ ବାର୍ଷିକ ପରୀକ୍ଷା ପରେ ପରେ ଲାଗୁଥିବା ଏହି ମେଳାରେ ଏଥର ୧୦ ଟି ବିଦେଶୀ ରାଷ୍ଟ୍ରର ବ୍ୟବସାୟୀ ସାମିଲ ହୋଇଛନ୍ତି । ସେମାନଙ୍କ ପାଇଁ ସ୍ବତନ୍ତ୍ର ଶୀତତାପ ନିୟନ୍ତ୍ରିତ ଏସି ଷ୍ଟଲ କରାଯାଇଛି । ଏହାଛଡା ଆମ ଦେଶର ୨୨ଟି ରାଜ୍ୟର ବ୍ୟବସାୟୀ ସେମାନଙ୍କ ସାମଗ୍ରୀ ବିକ୍ରିର କରୁଛନ୍ତି । ଏଥିପାଇଁ ଚଳିତବର୍ଷ ୬୮୫ଟି ଷ୍ଟଲ ଖୋଲାଯାଇଥିବାବେଳେ ଏହା ୧୧ ଦିନ ଧରି ଚାଲିବ ।

କେବଳ କିଣାବିକା ନୁହେଁ ବରଂ ସନ୍ଧ୍ୟାରେ ମେଳାକୁ ଆସୁଥିବା ଦର୍ଶକଙ୍କ ପାଇଁ ସୁସ୍ବାଦୁ ଖାଦ୍ୟର ଷ୍ଟଲ ସବୁ ଲାଗିଛି । ଏହାସହ ଛୋଟ ଛୋଟ ପିଲାଙ୍କ ପାଇଁ ବିଭିନ୍ନ ପ୍ରକାରର ଦୋଳି ଓ ଖେଳକୁଦ ପାଇଁ ବ୍ୟବସ୍ଥା କରାଯାଇଛି । ଖରା ହେଉଥିବାରୁ ଅପରାହ୍ନ ୫ ରୁ ରାତି ୧୧ଟା ପର୍ଯ୍ୟନ୍ତ ଲୋକମାନେ ମେଳାକୁ ଆସି ଉପଭୋଗ କରିପାରିବେ ବୋଲି ଆୟୋଜକମାନେ ଆଶା ରଖିଛନ୍ତି ।  ମେଳାକୁ ଅଧିକ ଆକର୍ଷଣୀୟ କରିବା ପାଇଁ ପ୍ରତି ସନ୍ଧ୍ୟାରେ ରାଜ୍ୟର ବିଭିନ୍ନ ଅଂଚଳର ଜଣାଶୁଣା କଳାକାରଙ୍କ ଦ୍ବାର ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଇଛି ।

ବନ ବିଭାଗରେ ସାଂଘାତିକ ଦୁର୍ନୀତି: ମୃତ କେନ୍ଦୁପତ୍ର ତୋଳାଳିଙ୍କ ବୀମା ଟଙ୍କା ହଡ଼ପ ନେଇ ଆସିଲା ଅଭିଯୋଗ

ବଲାଙ୍ଗିର: ବଲାଙ୍ଗୀର କେନ୍ଦୁପତ୍ର ବିଭାଗରେ ବଡ଼ ଧରଣ ଦୁର୍ନୀତି । ବେଧଡ଼କ ଚାଲିଛି ପିସି କାରବାର । ଗରିବଙ୍କୁ ଲୁଟୁଛନ୍ତି ଅଧିକାରୀ । ମୃତକଙ୍କ ବୀମା ସହାୟତା ରାଶିରୁ ଲୁଟ୍ ଅଭିଯୋଗ । ଜିଲ୍ଲାପାଳଙ୍କ ନିକଟରେ ଫେରାଦ ହେଲେ ହିତାଧିକାରୀ । ପୂର୍ବରୁ ଜୀବିତ ଶ୍ରମିକଙ୍କୁ ମୃତ ଦର୍ଶାଇ ଟଙ୍କା ଲୁଟ ଅଭିଯୋଗ ପରେ ଏବେ ଟିଟିଲାଗଡ଼ କେନ୍ଦୁପତ୍ର ଡିଭିଜନରୁ ଆସିଛି ଆଉଏକ ସାଂଘାତିକ ଅଭିଯୋଗ । ୨୦୨୨ରେ ତୁଷୁରା କେନ୍ଦୁପତ୍ର କାର୍ଯ୍ୟାଳୟ ଅଧୀନ ଅଏଁଲାପାଲି ଗାଁର ୨ ଜଣ କେନ୍ଦୁପତ୍ର ତୋଳାଳି ଶଶି ବନଛୋର ଓ ଭଜ ବନଛୋରଙ୍କ ମୃତ୍ୟୁ ହୋଇଥିଲା  । ମୃତକଙ୍କ ସ୍ତ୍ରୀଙ୍କୁ ୨ ଲକ୍ଷ ଟଙ୍କା ବୀମାରାଶି ପ୍ରଦାନ କରିବାକୁ ବିଭାଗ ପକ୍ଷରୁ ବ୍ୟବସ୍ଥା ରହିଛି  । ଟଙ୍କା ପାଇବା ଆଶାରେ ପ୍ରଥମେ ୧୦ ହଜାର ଟଙ୍କା ଓ ପରେ ୬୦ ହଜାର ଟଙ୍କା ନେଇଥିଲେ ଅଧିକାରୀ । କିନ୍ତୁ ଏବେ ପୁଣି ୨୦ ହଜାର ଟଙ୍କା ମାଗୁଥିବା ନେଇ ଜିଲ୍ଲା ପ୍ରଶାସନ ନିକଟରେ ଅଭିଯୋଗ କରିଛନ୍ତି ମୃତକଙ୍କ ବିଧବା ପତ୍ନୀ ।

ପୂର୍ବରୁ ଏନେଇ ଟିଟିଲାଗଡ଼ ଡିଏଫଓଙ୍କୁ ଲିଖିତ ଅଭିଯୋଗ ମଧ୍ୟ କୌଣସି ପଦକ୍ଷେପ ନିଆଯାଇ ନଥିବା ନେଇ ଅଭିଯୋଗ କରିଛନ୍ତି ମୃତକଙ୍କ ପତ୍ନୀ । ସ୍ୱାମୀଙ୍କ ମୃତ୍ୟୁ ପାଇଁ ସରକାର ୨ ଲକ୍ଷ ଟଙ୍କା ପ୍ରଦାନ କରିଛନ୍ତି  । ଶୈଳ ବନଛୋରଙ୍କ ଆକାଉଣ୍ଟକୁ ୨ ଲକ୍ଷ ବଦଳରେ ୧ ଲକ୍ଷ ୬୪ ହଜାର ୯୨୧ ଟଙ୍କା ଆସିଥିବା ବେଳେ ସେଥିରୁ ୪୫ ହଜାର ଟଙ୍କା ପିସି ଆକାରରେ ଦେଇଥିବା ସେ ଅଭିଯୋଗ କରିଛନ୍ତି । ସେହିପରି ଲତାଙ୍କ କ୍ଷେତ୍ରରେ ସମାନ ଘଟଣା ଘଟିଛି  । ତାଙ୍କ ମଧ୍ୟ ଘରକୁ ଆସି ବନ କର୍ମଚାରୀ ୩୯ ହଜାର ଟଙ୍କା ନେଇଥିବା ସେ ଅଭିଯୋଗ କରିଛନ୍ତି । ତେବେ ଅଭିଯୋଗକୁ ସିଧାସଳଖ ବିଭାଗୀୟ ଅଧିକାରୀ ଖଣ୍ଡନ କରିନଥିଲେ ମଧ୍ୟ ତଦନ୍ତ ଚାଲିଥିବା କହିଛନ୍ତି  । ସେପଟେ ଉପଯୁକ୍ତ ତଦନ୍ତ କରି ଅଭିଯୁକ୍ତଙ୍କୁ ଚାକିରିରୁ ବରଖାସ୍ତ କରିବାକୁ ଦାବି କରିଛନ୍ତି ବୁଦ୍ଧିଜୀବୀ ।

ବିରାଟଙ୍କ ସାଲାରୀରୁ କଟିଯିବ ୮ କୋଟି ଟଙ୍କା: କ’ଣ ରହିଛି ଏହା ପଛର କାରଣ?

ବର୍ତ୍ତମାନ ଆଇପିଏଲ ୨୦୨୫ ଜାରି ରହିଥିବା ବେଳେ ଏହା ମଧ୍ୟରେ ଏକ ବଡ଼ ଖବର ସାମ୍ନାକୁ ଆସିଛି । ଷ୍ଟାର ବ୍ୟାଟ୍ସମ୍ୟାନ ବିରାଟ କୋହଲିଙ୍କ ସାଲାରୀରୁ ୮ କୋଟି ଟଙ୍କା କଟିଯିବ । ଏହି ଅର୍ଥ କଟିଯିବା ପରେ ଏବେ ବିରାଟ ମାତ୍ର ୧୩ କୋଟି ଟଙ୍କା ପାଇବେ । ଆଇପିଏଲ ୨୦୨୫ରେ ଆରସିବି ବିରାଟଙ୍କୁ ୨୧ କୋଟିରେ ରିଟେନ କରିଥିଲା । ତେବେ ୮ କୋଟି କଟିଯିବା ପରେ ଏବେ ବିରାଟ ମାତ୍ର ୧୩ କୋଟି ଟଙ୍କା ପାଇବେ । ଏହା ପଛର କାରଣ କ’ଣ ବୋଲି ଏବେ ବିରାଟଙ୍କ ଅଗଣିତ ଫ୍ୟାନ୍ସ ଏବେ ଜାଣିବାକୁ ଚାହିଁଛନ୍ତି ।

ଆଇପିଏଲରେ ବିରାଟଙ୍କ ଏକ ବଡ଼ ପ୍ରଭାବ ରହିଥିବାରୁ ଆରସିବି ତାଙ୍କୁ ୨୧ କୋଟିରେ ରିଟେନ କରିଥିଲା । ସେ ଆରସିବିରେ ଡେବ୍ୟୁ କରିଥିବା ବେଳେ ବର୍ଷକୁ ବର୍ଷ ତାଙ୍କର ସାଲାରୀରେ ବୃଦ୍ଧି ଘଟିଥିଲା । ଅନ୍ୟ କୌଣସି ଫ୍ରାଞ୍ଚାଇଜି ତରଫରୁ ଖେଳିବା ନେଇ ବିରାଟଙ୍କୁ ଛାଡ଼ିନଥିଲା ଆରସିବି । ପ୍ରକୃତ କଥା ହେଉଛି, ଇନକମ ଟ୍ୟାକ୍ସ ଆକ୍ଟ, ୧୯୬୧ର ନିୟମ ମୁତାବକ, ଆଇପିଏଲର ରୋଜଗାର ’ବିଜିନେସ ବା ପ୍ରୋଫେସନରୁ ହେଉଥିବା ଆୟ’ ଭାବେ ଗଣାଯାଇଥାଏ । ଏହି ଇନକମ ସବୁଠାରୁ ଅଧିକ ଟ୍ୟାକ୍ସ ବ୍ରେକଟ ଅଧିନରେ ଆସିଥାଏ । ଏହାର ଅର୍ଥ ହେଉଛି କୋହଲିଙ୍କୁ ନିଜର ୨୧ କୋଟି ସାଲାରୀରୁ ୩୦ ପ୍ରତିଶତ ଟ୍ୟାକ୍ସ ଦେବାକୁ ପଡ଼ିବ । କାରଣ ତାଙ୍କର ଇନକମ ୧୫ ଲକ୍ଷରୁ ଅଧିକ ରହିଛି । ଏହି ହିସାବରେ ୬.୩ କୋଟିର ଅଧିକ ଟ୍ୟାକ୍ସ ଆକାରରେ ଯିବ । ୫ ସେହିପରି କୋଟିରୁ ଅଧିକ ଇନକମ ହେଲେ ଟ୍ୟାକ୍ସ ଛଡ଼ା ୨୫ ପ୍ରତିଶତ ସରଚାର୍ଜ ଦେବାକୁ ପଡ଼ିଥାଏ । ସାଲାରୀରୁ ୧.୫୭୫ କୋଟି କଟିବ । ଏହାପରେ ଟୋଟାଲ ଟ୍ୟାକ୍ସରେ ତାଙ୍କୁ ୪ ପ୍ରତିଶତ ସେସ ଆକାରରେ ଅଲଗା ଭାବେ ୩୧ ଲକ୍ଷ ଦେବାକୁ ପଡ଼ିବ । ଏପରି ଭାବେ ବିରାଟଙ୍କ ସାଲାରୀରୁ ମୋଟ ୮.୧୮୫ କୋଟି ଟଙ୍କା କଟିଯିବା ପରେ ସେ ୧୨.୮୧୫ କୋଟି ଟଙ୍କା ପାଇବେ ।

କେଉଁଠୁ ଆସୁଥିଲା ନକଲି ଟଙ୍କା: ସାମ୍ନାକୁ ଆସୁଛି ନୂଆ ନୂଆ ତଥ୍ୟ

ଭୁବନେଶ୍ବର: ଭଦ୍ରକ ଯିବ କମିଶନରେଟ ପୋଲିସର ସ୍ପେଶାଲ ଟିମ୍ । ନକଲି ନୋଟ୍ ରାକେଟର ଖୁବଶୀଘ୍ର ହେବ ଖୁଲାସା । ରିମାଣ୍ଡରେ ଆସିବ ଫର୍ଜି ମାଷ୍ଟରମାଇଣ୍ଡ ମାନସ । ଚିତ୍ରାଳୟରୁ ଖାକି ପୋଷାକ ଭଡାକୁ ଆଣି ନିଜକୁ ଡ଼ିଏସପି କହି ବୁଲୁଥିବା ଭଦ୍ରକର ମାନସ ସେନାପତି ସହିଦନଗର ଥାନା ପୋଲିସ ହାତରେ ଧରା ପଡିବା ପରେ ଧୀରେ ଧୀରେ ଖୋଲିବାରେ ଲାଗିଛି ଗୁମର । ବିବାହ ପାଇଁ ଯୁବତୀଙ୍କୁ ପ୍ରଲୋଭନ, ଚାକିରି ପାଇଁ ଆଶାୟୀଙ୍କ ଠୁ ଟଙ୍କା ଠକେଇ ନେଇ ତଦନ୍ତ ପରେ ଏବେ ଆରମ୍ଭ ହୋଇଛି ନକଲି ନୋଟ ର ଖୋଲତାଡ଼ । ଗାଡିରୁ ମିଳିଥିବା ଲକ୍ଷେ ୯୩ ହଜାର ଟଙ୍କା ଆସିଥିଲା କୁଆଡୁ ? କେବେଠାରୁ ମାନସ ଜାଲ୍ ନୋଟ୍ କାରବାର କରୁଥିଲା ? ଧରାପଡିବା ଦିନ ମାନସ ଏହି ନକଲି ନୋଟରୁ କିଛି ଅଂଶ ରାଜଧାନୀରେ ଖର୍ଚ୍ଚ କରିଦେଇନି ତ ? ଏସବୁର ତଦନ୍ତ ବେଳେ ଆହୁରି ୨ ଜଣଙ୍କ ସମ୍ପୃକ୍ତି ବର୍ତ୍ତମାନ ଜାଣିବାକୁ ପାଇଛି ପୋଲିସ । ଏ ସମ୍ପର୍କରେ ଏକ ସ୍ୱତନ୍ତ୍ର ମାମଲା ମଧ୍ୟ ରୁଜୁ କରାଯାଇଛି । ୨ ଦିନ ଭିତରେ ରିମାଣ୍ଡରେ ଆସିବା ପରେ ଜାଲ ନୋଟ କାରବାର ର କିଙ୍ଗପିନ ସମ୍ପର୍କରେ ସୂଚନା ମିଳିବ ବୋଲି କହିଛନ୍ତି ପୋଲିସ କମିଶନର ।

ସେପଟେ ପୋଲିସ ତଦନ୍ତ ବେଳେ ଏକ ସଙ୍ଗୀନ ତଥ୍ୟ ପାଇଛି । ଘଟଣା ଦିନ ଜଣଙ୍କୁ କନଷ୍ଟେବଳ ଚାକିରି କରାଇଦେବା ପାଇଁ ୨ ଲକ୍ଷ ଟଙ୍କା ନେଇଥିଲା ଅଭିଯୁକ୍ତ । ଯାହାକୁ ନକଲି ବୋଲି ନିଜେ ଜାଣିନଥିଲା ମାନସ । ଜେରା ବେଳେ ଏଭଳି ସୁରାକ ସହିଦନଗର ଥାନା ପୋଲିସ ପାଖରେ ଲାଗିଛି । କେବଳ ରାଜ୍ୟ ନୁହେଁ, ଜାତୀୟ ସ୍ତରରେ ମଧ୍ୟ ନକଲି ନୋଟ କାରବାର ଅଧିକ ଉଦବେଗଜନକ ରହିଛି । ବର୍ଷକରେ ଜାଲ ନୋଟ କାରବାର ୧୫୧ ପ୍ରତିଶତ ବଢିଥିଲା ବେଳେ ୫ଶହ ଟଙ୍କିଆ ନୋଟକୁ ବିଶେଷ ଭାବେ ନକଲ କରାଯାଇ ପାରୁଛି । ୨୦୧୬ ନୋଟବନ୍ଦୀ ପରେ ଏହି କାରବାର ହୁ ହୁ ହୋଇ ବଢିଚାଲିଛି । NCRB ରେ ପ୍ରକାଶିତ ରେକର୍ଡ RBI ର ଚିନ୍ତା ବଢ଼ାଇଥିବା ବେଳେ ଦେଶର ସୁରକ୍ଷା ପ୍ରତି ସୃଷ୍ଟି କରିଛି ବଡ଼ ପ୍ରଶ୍ନବାଚୀ ।ଜଳପଥରେ ମୁଖ୍ୟତଃ ନକଲି ନୋଟ ଓଡିଶାକୁ ଆସୁଛି । ସେପଟେ ଅତ୍ୟାଧୁନିକ ସଫ୍ଟୱେର ସାହାଯ୍ୟରେ ଜାଲ ନୋଟ ଛପାଯାଉଥିବା ଖବର ମିଳିବା ପରେ ମାଷ୍ଟର ମାଇଣ୍ଡଙ୍କୁ ଧରିବାକୁ ଛାନଭିନ ଜାରି ରଖିଛି ପୋଲିସ ।

ଗ୍ରୀଷ୍ମ ଆରମ୍ଭରୁ ଜଳସଙ୍କଟ: ନଦୀର ଜଳସ୍ତର କମିଯିବାରୁ ଆତଙ୍କିତ ଅବସ୍ଥାରେ ଜନସାଧାରଣ

ଗଜପତି: ଗ୍ରୀଷ୍ମ ଆରମ୍ଭରୁ ଜଳକଷ୍ଟ । ଶୁଖିଲାଣି ଚିରସ୍ରୋତା ମହେନ୍ଦ୍ରତନୟା । ମରୁଭୂମି ପରି ଲାଗୁଛି ନଦୀଗର୍ଭ । ଯେଉଁଆଡେ ଦେଖିବେ ଖାଲି ବାଲି ଆଉ ପଥରଖଣ୍ଡ । ନଦୀର ଉପରମୁଣ୍ଡରେ ଜଳ ଆବଣ୍ଟନରେ ନିୟନ୍ତ୍ରଣ ନ ଥିବାରୁ ଗ୍ରୀଷ୍ମଋତୁ ଆରମ୍ଭରୁ ହିଁ ତଳମୁଣ୍ଡର ନଦୀ ଶୁଖିବାକୁ ଗଲାଣି । ଯାହାକୁ ନେଇ ଚିନ୍ତାରେ ନଦୀକୂଳିଆ । ନଦୀର ଜଳ ସ୍ରୋତ କ୍ଷୀଣ ହେବା ଫଳରେ ଗୋଷାଣୀ ବ୍ଲକର ଅଗରଖଣ୍ଡି , କେରାଣ୍ଡି , ଉପଲଡା, ଖରସଣ୍ଡା , ମଧୁସୂଦନପୁର , ବାଘସାଳା , କତଲକଇଠା ଆଦି ପଞ୍ଚାୟତର ଶହ ଶହ ହେକ୍ଟର ପରିବା ଚାଷ ପାଇଁ ଜଳସେଚନର ସମସ୍ୟା ଦେଖାଦେଇଛି ।

ପାନୀୟ ଜଳ ପାଇଁ ମହେନ୍ଦ୍ର ତନୟା ନଦୀ ଉପରେ ଗୋଷାଣି ଓ ରାୟଗଡା ବ୍ଳକ ସମେତ ପାରଳାଖେମୁଣ୍ଡି ସହରର ଲୋକେ ନିର୍ଭରଶୀଳ । ବୃନ୍ଦାବନ ପ୍ୟାଲେସ ନିକଟରେ ଥିବା ଜନସ୍ୱାସ୍ଥ୍ୟ ବିଭାଗର ପ୍ରକଳ୍ପ ମାଧ୍ୟମରେ ନଦୀରୁ ପାଣି ଉଠାଇ ସହରରେ ପାନୀୟ ଜଳର ଯୋଗାଣ ବ୍ୟବସ୍ଥା କରାଯାଉଛି । ବିଗତ ବର୍ଷ ନଦୀ ଶୁଖିଯିବା ଫଳରେ ଜଳ ଯୋଗାଣ ପ୍ରକିୟା ବାଧାପ୍ରାପ୍ତ ହୋଇଥିଲା। ଚଳିତ ବର୍ଷ ଗ୍ରୀଷ୍ମ ଆରମ୍ଭରୁ ନଦୀରେ ଜଳସ୍ତର କମିଗଲାଣି । ତେଣୁ ଆଗୁଆ ନଦୀରେ ଆଡ଼ିବନ୍ଧ କରି ଅଟକା ଯାଇଥିବା ଜଳକୁ ବ୍ୟବହାର କରୁଛି ଜନସ୍ୱାସ୍ଥ୍ୟ ବିଭାଗ, ଯଦି ବର୍ଷାର ପରିମାଣ କମ ହୁଏ ତେବେ ପାନୀୟ ଜଳ ସମସ୍ଯା ଉତ୍କଟ ହେବାର ଆଶଙ୍କା ରହିଛି । ଅନ୍ଯପଟେ ଜଳ ସମସ୍ୟାର ସମାଧାନ କରାଯିବାକୁ ଚେଷ୍ଟା କରାଯିବ ବୋଲି କହିଛନ୍ତି ସହକାରୀ ଯନ୍ତ୍ରୀ ।

ଭେଳିକି ସାଜିଛି ବର୍ଦ୍ଧିତ ଭତ୍ତା: ଶତ ପ୍ରତିଶତ ଦିବ୍ୟାଙ୍ଗଙ୍କୁ ମିଳୁନି ଭତ୍ତା, ସରକାରୀ ଅଫିସକୁ ଧାଇଁ ଧାଇଁ ନିରାଶ

ଡୁଙ୍ଗୁରିପାଲି: ନିର୍ବାଚନୀ ଇସ୍ତାହାର ବେଳେ ୮୦ ପ୍ରତିଶତରୁ ଉର୍ଦ୍ଧ୍ଵ ଦିବ୍ୟାଙ୍ଗଙ୍କୁ ୩ ହଜାର ୫ ଶହ ଟଙ୍କା ଭତ୍ତା ଦେବାକୁ ପ୍ରତିଶ୍ରୁତି ଦେଇଥିଲା ବିଜେପି । ହେଲେ ସରକାରକୁ ଆସିବା ପରେ ପ୍ରତିଶ୍ରୁତି ପାଣିରଗାର ପାଲଟିଛି । ଖୋଦ ସ୍ବାସ୍ଥ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀରେ ଶତ ପ୍ରତିଶତ ପିଲାକୁ ବର୍ଦ୍ଧିତ ଭତ୍ତା ମିଳୁନଥିବା ଅଭିଯୋଗ । ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ହରଭଙ୍ଗା ଗ୍ରାମର ଦିବ୍ୟାଙ୍ଗ ଅଂଶୁମାନ ସାହୁଙ୍କ ପାଇଁ ବର୍ଦ୍ଧିତ ଭତ୍ତା ସତେ ଯେପରି ସାତସପନ ପାଲଟିଛି । ଭତ୍ତା ଟିକକ ପାଇଁ ଅଂଶୁମାନଙ୍କୁ ନେଇ ଗରିବ ପିତା ମାତା ଗାଡି ଭଡା କରି ଅନେକ ବାର ଏ ଅଫିସରୁ ସେ ଅଫିସକୁ ଧାଇଁ ନୟାନ୍ତ ହୋଇଗଲେଣି । ହେଲେ କୌଣସି ସୁଫଳ ମିଳିପାରୁନାହିଁ । ବାଧ୍ୟ ହୋଇ ଜିଲ୍ଲାପାଳଙ୍କ ନିକଟରେ ଦ୍ଵାରସ୍ତ ହୋଇ ଲିଖିତ ଅଭିଯୋଗ କରିଛନ୍ତି ।

ସ୍ମାର୍ଟଫୋନରେ ବର୍ଷକରେ ୧.୧ ଲକ୍ଷ କୋଟି ଘଣ୍ଟା ବିତାଇଲେ ଭାରତୀୟ: କମ୍ପାନୀମାନଙ୍କୁ ହେଲା ୨.୫ ଲକ୍ଷ କୋଟିର ଲାଭ

ଆଜିକାଲି ସ୍ମାର୍ଟଫୋନ ସଭିଙ୍କର ଜୀବନର ଏକ ଅଙ୍ଗ ପାଲଟି ଯାଇଛି । ତେବେ ସ୍ମାର୍ଟଫୋନରେ ଭାରତୀୟମାନେ କେତେ ସମୟ ବିତାଉଛନ୍ତି, ତାହା ଜାଣିଲେ ଆପଣମାନେ ଆଶ୍ଚର୍ଯ୍ୟ ହୋଇଯିବେ । କିଛି ଲୋକ ଫୋନରେ ରିଲ୍ସ, ଫିଲ୍ମ ଦେଖିବା ଫଳରେ ଆଉ କିଛି ଲୋକ କୋଟି କୋଟି ଟଙ୍କା ରୋଜଗାର କରୁଛନ୍ତି । ଏନେଇ ଏକ ରିପୋର୍ଟ ସାମ୍ନାକୁ ଆସିଛି । ସେଥିରେ କୁହାଯାଇଛି, ଭାରତୀୟମାନେ ସ୍ମାର୍ଟଫୋନରେ ୧.୧ ଲକ୍ଷ ଲକ୍ଷ କୋଟି ଘଣ୍ଟାରୁ ଅଧିକ ସମୟ ବିତାଇଛନ୍ତି । ଏହାର ଫାଇଦା ଏଣ୍ଟରଟେନମେଣ୍ଟ ମିଡ଼ିଆ ଓ ଗେମିଂ କମ୍ପାନୀମାନେ ଉଠାଇଛନ୍ତି ।

ଭାରତୀୟମାନେ ୨୦୨୪ରେ ୧.୧ ଲକ୍ଷ କୋଟିରୁ ଅଧିକ ଘଣ୍ଟା ଫୋନ ଚଲାଇଥିଲେ । ଶସ୍ତା ଇଣ୍ଟରନେଟ କାରଣରୁ ଲୋକମାନେ ଖୁବ୍ ଫୋନ ଚଳାଇଥିଲେ । ଦେଶର ଲୋକମାନେ ୫ ଘଣ୍ଟା ଦୈନିକ ଆଭରେଜରେ ଫୋନ ଚଳାଇଥିଲେ । ସେମାନଙ୍କ ମଧ୍ୟରୁ ୭୦ ପ୍ରତିଶତ ଲୋକ ସୋସିଆଲ ମିଡ଼ିଆ ପ୍ଲାଟଫର୍ମ, ଭିଡିଓ ପ୍ଲାଟଫର୍ମ ଓ ଗେମିଂରେ ଫୋନ୍ ବ୍ୟବହାର କରିଥିଲେ । ୨୦୨୪ରେ ଲୋକମାନେ ବହୁଳ ମାତ୍ରାରେ ଫୋନ ବ୍ୟବହାର କରିବା ଫଳରେ ମିଡ଼ିଆା ଓ ଏଣ୍ଟରଟେନମେଣ୍ଟ ଇଣ୍ଡଷ୍ଟ୍ରିକୁ ୨.୫ ଲକ୍ଷ କୋଟିର ଫାଇଦା ହୋଇଛି । ଟେଲିଭିଜନ ଅପେକ୍ଷା ଫୋନ ଚଳାଉଥିବା ଲୋକଙ୍କ କାରଣରୁ କମ୍ପାନୀମାନଙ୍କୁ ପ୍ରଚୁର ଫାଇଦା ହୋଇଛି ।

OERC ଅଧ୍ୟକ୍ଷ ହେଲେ ପ୍ରଦୀପ ଜେନା: ପୂର୍ବତନ ମୁଖ୍ୟ ଶାସନ ସଚିବଙ୍କୁ ନୂଆ ଦାୟିତ୍ବ

ଭୁବନେଶ୍ବର: ପୂର୍ବତନ ମୁଖ୍ୟ ଶାସନ ସଚିବ ପ୍ରଦୀପ ଜେନାଙ୍କୁ ମିଳିଛି ବଡ଼ ଦାୟିତ୍ବ । ଶ୍ରୀ ଜେନାଙ୍କୁ ଓଡ଼ିଶା ବିଦ୍ୟୁତ ନିୟାମକ ଆୟୋଗ (OERC)ର ଅଧ୍ୟକ୍ଷ ଭାବେ ନିଯୁକ୍ତି ଦିଆଯାଇଛି । ଏନେଇ ରାଜ୍ୟ ସରକାରଙ୍କ ଶକ୍ତି ବିଭାଗ ପକ୍ଷରୁ ଏକ ବିଜ୍ଞପ୍ତି ପ୍ରକାଶ ପାଇଛି । ଖୁବଶୀଘ୍ର ଶ୍ରୀ ଜେନା ଏହି ନୂଆ ପଦରେ କାର୍ଯ୍ୟଭାର ସମ୍ଭାଳିବେ । ସୁରେଶ ମହାପାତ୍ରଙ୍କ ଅବସର ପରଠାରୁ ଏହି ପଦ ଖାଲି ପଡିଥିଲା  ।