spot_img
Home Blog Page 1033

ଆଜି ଆଣ୍ଡାମାନ ଛୁଇଁବ ଦକ୍ଷିଣ-ପଶ୍ଚିମ ମୌସୁମୀ ବାୟୁ

ନନ୍ଦିଘୋଷ ବ୍ୟୁରୋ : ଆଜି ଆଣ୍ଡାମାନ ଛୁଇଁବ ମୌସୁମୀ । ଆଣ୍ଡାମାନ ସାଗର, ଦକ୍ଷିଣ ବଙ୍ଗୋପସାଗର ଏବଂ ଆଣ୍ଡାମାନ ନିକୋବର ଦ୍ଵୀପପୁଞ୍ଜର କିଛି ଅଞ୍ଚଳକୁ ଦକ୍ଷିଣପଶ୍ଚିମ ମୌସୁମୀବାୟୁ ଅଗ୍ରସର ହେବ । ଏନେଇ ପାଣିପାଗ ସ୍ଥିତି ସମ୍ପୂର୍ଣ ଅନୁକୂଳ ରହିଛି  । ଗତ ୨୪ ଘଣ୍ଟା ମଧ୍ୟରେ ନିକୋବର ଦୀପପୁଞ୍ଜର ଅନେକ ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ସହିତ କିଛି ଅଞ୍ଚଳରେ ଭାରି ବର୍ଷା ଅନୁଭୂତ ହୋଇଛି  ।

ଆଗାମୀ ୨୪ ଘଣ୍ଟା ମଧ୍ୟରେ ବର୍ଷାରେ ବୃଦ୍ଧି ସହିତ ନିକୋବର ଦ୍ଵୀପର କିଛି ଅଞ୍ଚଳରେ ପ୍ରବଳ ମାତ୍ରାରେ ବର୍ଷା ହେବାର ସମ୍ଭାବନା ରହିଛି  । ସେପଟେ ରାଜ୍ଯରେ ଖରା ଗରମ ବଢିଚାଲିଛି  । ୧୯ ତାରିଖ ପର୍ଯ୍ୟନ୍ତ ଗରମ ଗୁଳୁଗୁଳିରେ ଲୋକେ ହନ୍ତସନ୍ତ ହେବେ  । ଦିନରେ ଖରା, ରାତିରେ ଗୁଳୁଗୁଳି ଅନୁଭୂତ ହେବ  ।

ମେ’ ୧୭ ତାରିଖରୁ ପୁଣି ଆରମ୍ଭ ହେବ IPL

ନନ୍ଦିଘୋଷ ବ୍ୟୁରୋ: ପୁଣି ଫେରିଲା IPL । ଅଧାରୁ ବନ୍ଦ ହୋଇଥିବା IPL ପୁଣି ଆରମ୍ଭ ହେବାକୁ ଯାଉଛି । ମେ’ ୧୭ ତାରିଖରୁ ପୁଣି ଥରେ ଆରମ୍ଭ ହେବ ମ୍ୟାଚ୍ । ଏହାସହ ନୂଆ କାର୍ଯ୍ୟସୂଚୀ ଘୋଷଣା କରାଯାଇଛି ।

ସୂଚନା ଅନୁସାରେ, ଜୁନ ୩ ତାରିଖରେ ଖେଳାଯିବ ଫାଇନାଲ ମ୍ୟାଚ୍ । ମେ’ ୨୯ ତାରିଖରେ କ୍ୱାଲିଫାୟାର-୧ ଖେଳାଯିବ । ସେହିପରି ମେ’ ୩୦ ତାରିଖରେ ଖେଳାଯିବ ଏଲିମିନେଟର । ଜୁନ ୧ ତାରିଖରେ ଖେଳାଯିବ କ୍ୱାଲିଫାୟାର-୨ । ବାକି ଥିବା ସମସ୍ତ ୧୭ଟି ମ୍ୟାଚ୍ ୬ଟି ଭେନ୍ୟୁରେ ଖେଳାଯିବ ।

ସୂଚନାଯୋଗ୍ୟ, ପହଲଗାଓଁ ଆତଙ୍କବାଦୀ ଆକ୍ରମଣର ପ୍ରତିଶୋଧ ନେବାକୁ ଭାରତର ଆରମ୍ଭ କରିଥିଲା ଅପରେସନ ସିନ୍ଦୂର । ଭାରତ ଏୟାର ଷ୍ଟ୍ରାଇକ କରି ପାକିସ୍ତାନ ଓ ପିଓକେରେ ଥିବା ୯ଟି ଆତଙ୍କବାଦୀ ଶିବିର ଓ ସେମାନଙ୍କ ଟ୍ରେନିଂ କ୍ୟାମ୍ପକୁ ଧ୍ବଂସ କରିଦେଇଥିଲା । ଏହାର ଜବାବ ଦେବାକୁ ଯାଇ ତିନିଦିନ ଧରି ପାକିସ୍ତାନ ଭାରତ ଉପରେ ଡ୍ରୋନ ଓ ମିଜାଇଲରେ ଆକ୍ରମଣ କରିଥିଲା । ଯାହାର ଦୃଢ଼ ଜବାବ ଦେବା ସହ ଭାରତ ସମସ୍ତ ଡ୍ରୋନ ଓ ମିଜାଇଲ ଖସାଇ ଦେଇଥିଲା । ତେବେ ସ୍ଥିତି ବିଗିଡ଼ିବା ସହ ଯୁଦ୍ଧ ସ୍ଥିତି ଉପୁଜି ଥିଲା । ଏହାକୁ ଦେଖି IPLକୁ ଅଧାରୁ ସ୍ଥଗିତ ରଖାଯାଇଥିଲା ।

ପାକିସ୍ତାନ ବିରୋଧରେ କାର୍ଯ୍ୟାନୁଷ୍ଠାନ ସ୍ଥଗିତ ରହିଛି, ବନ୍ଦ ହୋଇନି: ପ୍ରଧାନମନ୍ତ୍ରୀ

ନନ୍ଦିଘୋଷ ବ୍ୟୁରୋ: ଅପରେସନ ସିନ୍ଦୂର ପରେ ଦେଶବାସୀଙ୍କ ଉଦ୍ଦେଶ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଥମ ସମ୍ବୋଧନ । କହିଲେ- ରକ୍ତ ଓ ପାଣି ଏକାଠି ବୋହି ପାରିବେନି । ଟେରର ଓ ଟକ୍, ଟେରର ଓ ଟ୍ରେଡ ଏକାଠି ଚାଲି ପାରିବନି । ପରମାଣୁ ବ୍ଲାକମେଲକୁ ଭାରତ ଡରିବନି । ପାକିସ୍ତାନ ବିରୋଧରେ ଭାରତ ଏବେ ଏବେ କାର୍ଯ୍ୟାନୁଷ୍ଠାନ ସ୍ଥଗିତ ରଖିଛି, ବନ୍ଦ ହୋଇନି । ନସୁଧୁରିଲେ ଚରମ ପରିଣାମ ଭୋଗିବ ବୋଲି କହି ସିଧାସଳଖ ଚେତାବନୀ ଦେଇଛନ୍ତି ପ୍ରଧାନମନ୍ତ୍ରୀ ।

ସେନାର ପରାକ୍ରମକୁ ଦେଶବାଶୀଙ୍କୁ ସମର୍ପିତ

ପାକିସ୍ତାନକୁ ପ୍ରଧାନମନ୍ତ୍ରୀ ମୋଦି କଡ଼ା ଜବାବ ଦେଇ କହିଛନ୍ତି । ସେନାର ପରାକ୍ରମକୁ ଦେଶବାଶୀଙ୍କୁ ସମର୍ପିତ କରିବା ସହ ସେନା ଓ ସୁରକ୍ଷାକର୍ମୀଙ୍କୁ ସାବାସୀ ଦେଇଛନ୍ତି । କହିଛନ୍ତି, ପାକିସ୍ତାନ ବିରୋଧରେ ଆମ ସେନା ଲକ୍ଷ୍ୟ ହାସଲ କରିଛି । ଅପରେସନ ସିନ୍ଦୂର କୋଟି କୋଟି ଭାରତୀୟଙ୍କ ପ୍ରତିବିମ୍ବ । ମେ’ ୭ରେ ପୂରା ବିଶ୍ବ ଦେଖିଲା ଭାରତୀୟ ସେନାର ପ୍ରତିଜ୍ଞାର ପରିଣାମ । ୨୨ ଏପ୍ରିଲରେ ପହଲଗାଓଁରେ ଆତଙ୍କବାଦୀମାନେ ଯେଉଁ ବର୍ବରତା ଦେଖାଇଥିଲେ ତାହା ଦେଶ ଏବଂ ବିଶ୍ୱକୁ ଚକିତ କରିଦେଇଥିଲା । ଏହା ମଧ୍ୟ ଦେଶର ସଦଭାବନାକୁ ଭାଙ୍ଗିବା ପାଇଁ ଏକ ଘୃଣ୍ୟ ପ୍ରୟାସ ଥିଲା । ଆତଙ୍କବାଦୀ ଆକ୍ରମଣ ପରେ, ସମଗ୍ର ଦେଶ, ପ୍ରତ୍ୟେକ ନାଗରିକ, ପ୍ରତ୍ୟେକ ସମାଜ, ପ୍ରତ୍ୟେକ ବର୍ଗ, ପ୍ରତ୍ୟେକ ରାଜନୈତିକ ଦଳ, ଆତଙ୍କବାଦ ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ଏକ ସ୍ୱରରେ ଛିଡ଼ା ହୋଇଥିଲେ । ଆତଙ୍କବାଦୀଙ୍କୁ ନିପାତ କରିବା ପାଇଁ ଭାରତୀୟ ସେନାକୁ ସ୍ୱାଧୀନତା ମିଳିଥିଲା । ଆଜି ପ୍ରତ୍ୟେକ ଆତଙ୍କବାଦୀ, ପ୍ରତ୍ୟେକ ଆତଙ୍କବାଦୀ ସଂଗଠନ ଜାଣ ସାରିଛନ୍ତି ଆମର ଭଉଣୀ ଓ ଝିଅଙ୍କ କପାଳରୁ ସିନ୍ଦୂର ଲିଭାଇଲେ ପରିଣାମ କ’ଣ ହୋଇପାରେ ।

ଆଲୋଚନା ହେବ ତ ଆତଙ୍କବାଦ ଉପରେ ହେବ

ପ୍ରଧାନମନ୍ତ୍ରୀ କହିଛନ୍ତି, ପାକିସ୍ତାନ ସହ ଆଲୋଚନା ହେବ ତ ଆତଙ୍କବାଦ ଉପରେ ହେବ । ପାକିସ୍ତାନ ସହ ଆଲୋଚନା ହେବ ତ ପିଓକେ ଉପରେ ହେବ । ଭାରତର ନୀତି ସ୍ପଷ୍ଟ । ଟେରର ଓ ଟକ୍, ଟେରର ଓ ଟ୍ରେଡ ଏକା ସଙ୍ଗେ ହୋଇ ପାରିବନି । ପାଣି ଓ ରକ୍ତି ଏକା ସଙ୍ଗରେ ବୋହି ପାରିବନି ।

କାର୍ଯ୍ୟାନୁଷ୍ଠାନ ସ୍ଥଗିତ ରହିଛି, ବନ୍ଦ ହୋଇନି

ଅପରେସନ ସିନ୍ଦୂର ସ୍ଥଗିତ ରହିଛି, ବନ୍ଦ ହୋଇନି । ଆଗାମୀ ଦିନରେ ପାକିସ୍ତାନ କ’ଣ କରୁଛି ତାହା ଉପରେ ନଜର ରଖିଛୁ । ତିନି ସେନା, ବିଏସଏଫ, ଅର୍ଦ୍ଧ ସାମରିକ ବାହିନୀ ଆଲର୍ଟରେ ଅଛନ୍ତି । ଭାରତ ଉପରେ ଆତଙ୍କବାଦୀ ଆକ୍ରମଣ ହେଲେ ମୁହଁତୋଡ଼ ଜବାବ ମିଳିବ । ଆମେ ଆମ ହିସାବରେ ଜବାବ ଦେବୁ । ସେ ସବୁ ସ୍ଥାନକୁ ଯାଇ ଆତଙ୍କବାଦୀଙ୍କୁ ନିପାତ କରିବ ଯେଉଁଠି ସେମାନେ ଲୁଚିବେ । ଆତଙ୍କବାଦୀଙ୍କୁ ସମର୍ଥନ ଦେଉଥିବା ସରକାର ଓ ସେମାନଙ୍କ ଆକ୍କାକୁ ଆମ ପାଇଁ ସମାନ । କାହାରିଙ୍କୁ ଛାଡ଼ିବନି ଭାରତ । ସମସ୍ତଙ୍କୁ ମୁହଁତୋଡ଼ ଜବାବ ମଳିବ ।

ନ୍ୟୁକ୍ଲିୟର ବ୍ଲାକମେଲିଂ ଚଳିବନି

ପରମାଣୁ ବୋମାକୁ ନେଇ ମଧ୍ୟ ପାକିସ୍ତାନକୁ ଚେତାଇ ଦେଇଛନ୍ତି ପ୍ରଧାନମନ୍ତ୍ରୀ । କହିଛନ୍ତି, ଭାରତକୁ ନ୍ୟୁକ୍ଲିୟର ବ୍ଲାକମେଲିଂ ଚଳିବ ନାହିଁ । ଭାରତ ନ୍ୟୁକ୍ଲିୟର ବ୍ଲାକମେଲିଂ ସହିବନି । ସଠିକ ନିର୍ଣ୍ଣୟ ନେବୁ, ନିର୍ଣ୍ଣାୟକ ଆକ୍ରମଣ କରିବୁ ।

ଏ ଯୁଗ ଯୁଦ୍ଧର ନୁହେଁ

ଆଗକୁ ସେ କହିଛନ୍ତି, ଆମ ଏକତା ଆମ ଶକ୍ତି । ଆତଙ୍କବାଦ ବିରୋଧରେ ସାରା ଦେଶ ଏକ । ଏ ଯୁଗ ଯୁଦ୍ଧର ନୁହେଁ । ଏ ଯୁଗ ଆତଙ୍କବାଦର ବି ନୁହେଁ । ଆତଙ୍କବାଦ ବିରୋଧରେ ଆମ ନୀତି ସ୍ପଷ୍ଟ । ଆମେ ଆତଙ୍କବାଦ ବିରୋଧରେ ଜିରୋ ଟଲରେନ୍ସ ନୀତି ନେଇ ଚାଲୁଥିଲୁ ଓ ଆଗକୁ ଚାଲିବୁ ।

ଭଷ୍ମ ହୋଇଯିବ ପାକିସ୍ତାନ

ଏହାସହ ପାକିସ୍ତାନକୁ ଆତଙ୍କବାଦ ନେଇ ଚେତାଇବାକୁ ବି ଭୁଲି ନାହାନ୍ତି ପ୍ରଧାନମନ୍ତ୍ରୀ । ପାକିସ୍ତାନ ଉଦ୍ଦେଶ୍ୟରେ କହିଛନ୍ତି, ଆତଙ୍କବାଦକୁ ସମର୍ଥନ ଦେବା ବନ୍ଦ କର । ଆତଙ୍କବାଦକୁ ଯେମିତି ସମର୍ଥନ ପାକିସ୍ତାନ ପାଇଁ ଠିକ ନୁହେଁ । ସେହି ଆତଙ୍କବାଦୀ ପାକିସ୍ତାନକୁ ଶେଷ କରିଦେବେ । ବଞ୍ଚିବାକୁ ଚାହୁଁଥିଲେ, ନିଜ ମାଟିରୁ ଆତଙ୍କବାଦକୁ ଶେଷ କର । ଆତଙ୍କବାଦ ଶେଷ ନହେଲେ ପାକିସ୍ତାନରେ ଶାନ୍ତି ଫେରିବା ଅସମ୍ଭବ ।

ଯୁଦ୍ଧ ପରିସ୍ଥିତିରେ ବିରାମ ପରେ ପୁଣି ଥରେ ଖୋଲିଲା ଏୟାରପୋର୍ଟ

ନନ୍ଦିଘୋଷ ବ୍ୟୁରୋ: ପୁଣି ଥରେ ଖୋଲିଲା ଦେଶରେ ବନ୍ଦ ଥିବା ସମସ୍ତ ବିମାନ ବନ୍ଦର । ପାକିସ୍ତାନ ସହ ଯୁଦ୍ଧ ପରିସ୍ଥିତି ପରେ ୩୨ଟି ଏୟାରପୋର୍ଟକୁ ବନ୍ଦ କରାଯାଇଥିଲା । ପୂର୍ବରୁ ଉତ୍ତର, ଉତ୍ତର-ପଶ୍ଚିମ ଫ୍ରଣ୍ଟିଅର ଏହି ସବୁ ବିମାନ ବନ୍ଦର ଗୁଡ଼ିକୁ ୧୫ ମେ’ ଯାଏଁ ବନ୍ଦ ରଖିବାକୁ ନିଷ୍ପତ୍ତି ହୋଇଥିଲା । ହେଲେ ଅସ୍ତ୍ରବିରତି ପରେ ସବୁ ଏୟାରପୋର୍ଟକୁ ତତ୍କାଳ ଖୋଲିବାକୁ ପୁନଃ ନିଷ୍ପତ୍ତି ହୋଇଛି ।

ସ୍ବାଭାବିକ ହେଲା ବିମାନସେବା । ବିମାନବନ୍ଦରରୁ ଉଡିଲା ବିମାନ । ସୀମାରେ ଯୁଦ୍ଧ ସ୍ଥିତି ପରେ ବନ୍ଦ ଥିଲା ୩୨ଟି ଏୟାରପୋର୍ଟ । ଯୁଦ୍ଧ ପରିସ୍ଥିତିରେ ବିରାମ ପରେ ପୁଣି ଥରେ ଖୋଲିଲା ଏୟାରପୋର୍ଟ । ଜୈସଲମର୍, ଜାମନଗର, ଯୋଧପୁର, ଅମ୍ଵାଲା, ଭଟିଣ୍ଡା, ଭୁଜ, ବିକାନେର, ହିଣ୍ଡନ, ଜମ୍ମୁ, କାଣ୍ଡଲା, କୁଲୁ ମନାଲି, ଲେହ, ଲୁଧିଆନା, ନଲିଆ, ପଠାନକୋଟ, ପଟିଆଲା, ପୋର ବନ୍ଦର, ରାଜକୋଟ, ସିମଲା, ସରସୱା, ଉତ୍ତରଲାଇ ଏୟାରପୋର୍ଟ ପୁଣି ଖୋଲିଛି । ଯୁଦ୍ଧ ପରିସ୍ଥିତି ଯୋଗୁଁ ଏ ସବୁ ବିମାନବନ୍ଦର ମେ’ ୧୫ ଯାଏଁ ବନ୍ଦ ରଖିବାକୁ ନିଷ୍ପତ୍ତି ହୋଇଥିଲା । ତେବେ ସିଜଫାୟାର ପରେ ନୋଟାମ ବା ନୋଟିସ ଟୁ ଏୟାରମେନ ଆଧାରରେ ସବୁ ବିମାନ ବନ୍ଦର ଖୋଲିଛି । ଭୁବନେଶ୍ବର ବିମାନ ବନ୍ଦର ସେତେଟା ପ୍ରଭାବିତ ନ ହୋଇଥିଲେ ବି ଗାଜିଆବାଦକୁ ବିମାନ ସେବା ବନ୍ଦ ରହିଥିଲା । ସେହିପରି ଚଣ୍ଡିଗଡ଼ରୁ ପାଟଣା ଦେଇ ଭୁବନେଶ୍ବରକୁ ବି ବିମାନ ଆସି ପାରୁ ନଥିଲା । ଏୟାରଲାଇନ୍ସ କମ୍ପାନୀ ଆସନ୍ତାକାଲି ଠାରୁ ପୁଣି ଥରେ ଗାଜିଆବାଦକୁ ବିମାନ ସେବା ଆରମ୍ଭ କରିବାକୁ ଲକ୍ଷ୍ୟ ରଖିଛନ୍ତି । ସେହିପରି ଦିନେ ଦୁଇ ଦିନ ଭିତରେ ଚଣ୍ଡିଗଡ଼ରୁ ବିମାନ ଆସିବାର ସମ୍ଭାବନା ରହିଛି । ବିମାନ ବନ୍ଦର ଖୋଲିଲା, ଏବେ ଫ୍ଲାଇଟ୍ ଟାଇମିଂ ଏୟାରଲାଇନ୍ସ କମ୍ପାନୀ ସ୍ଥିର କରିବେ ।

ଯୁଦ୍ଧ ପରିସ୍ଥିତିକୁ ଦୃଷ୍ଟିରେ ରଖି ୩୨ଟି ବିମାନ ବନ୍ଦର ବନ୍ଦ କରାଯାଇଥିଲା । ଏନେଇ ଯାତ୍ରୀଙ୍କ ମନରେ ଅନେକ ପ୍ରଶ୍ନ ସୃଷ୍ଟି ହୋଇଥିଲା । କେବେ ବିମାନ ଉଡ଼ିବ, ସେନେଇ ଟିକେଟ କରିଥିବା ଯାତ୍ରୀ ଚିନ୍ତାରେ ପଡ଼ିଥିଲେ । ହେଲେ ଏବେ ବିମାନ ସେବା ଆରମ୍ଭ ପରେ ପୁଣି ଆଶ୍ବସ୍ତ ହୋଇଛନ୍ତି ଯାତ୍ରୀ ।

ଯାଜପୁରରେ ପୋଲିସକୁ ଲୁଟେରାଙ୍କ ଖୋଲା ଚ୍ୟାଲେଞ୍ଜ

ନନ୍ଦିଘୋଷ ବ୍ୟୁରୋ: ଯାଜପୁରରେପୋଲିସ ପ୍ରଶାସନକୁ ଲୁଟେରାଙ୍କ ଖୋଲା ଚ୍ୟାଲେଞ୍ଜ । ଏକାଧିକ ଅଞ୍ଚଳରେ ବୁଲାଉଛନ୍ତି କଳାକନା । ବନ୍ଧୁକ ମୁନରେ ଲୁଟି ନେଉଛନ୍ତି ଲକ୍ଷାଧିକ ଟଙ୍କାର ସୁନା ଗହଣା । ହେଲେ ପୋଲିସ ଲୁଟେରାଙ୍କ ନା ଟେର ପାଉଛି ନା ମାଷ୍ଟରମାଇଣ୍ଡକୁ ଧରିପାରୁଛି । ଏମିତି ସ୍ଥିତିରେ ପୋଲିସର କାର୍ଯ୍ୟଦକ୍ଷତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।

ଯାଜପୁରରେ ମାତିଛନ୍ତି ଲୁଟେରା । ଘର ବନ୍ଦ କରି ବୁଲିବାକୁ ଯାଉଥିଲେ ସାବଧାନ । କୌଣସି ସମୟରେ ଘରେ କଳାକନା ବୁଲାଇ ପାରନ୍ତି ଲୁଟେରା । ଘରେ ଥିଲେ ବି ସୁରକ୍ଷିତ ନୁହେଁ ଧନ ସମ୍ପତ୍ତି । ପୋଲିସ ପ୍ରଶାସନକୁ ଖୋଲା ଚ୍ୟାଲେଞ୍ଜ କରି ଜିଲ୍ଲାର ଏକାଧିକ ଅଞ୍ଚଳରେ ବୁଲାଉଛନ୍ତି କଳାକନା । ବନ୍ଧୁକ ମୁନରେ ଲୁଟି ନେଉଛନ୍ତି ଲକ୍ଷାଧିକ ଟଙ୍କାର ସୁନା ଗହଣା । ଏପରିକି କିଛି ଦିନ ତଳେ ବାଲିଚନ୍ଦ୍ରପୁର ଥାନା ଅଞ୍ଚଳରେ ଲୁଟେରାଙ୍କ ଆକ୍ରମଣରେ ଯାଇଛି ଜଣଙ୍କ ଜୀବନ । ଦଶରଥପୁର ଓ ବିଞ୍ଝାରପୁର ଅଞ୍ଚଳରେ ଲୋକଙ୍କ ନିଦ ହଜାଇ ଦେଲେଣି ଦୁର୍ବୃତ୍ତ । ଗତ ୪ ତାରିଖ ଦିନ ୭ ଜଣ ଲୁଟେରାଙ୍କୁ ଗିରଫ କରିଥିଲେ ବି ଏ ପର୍ଯ୍ୟନ୍ତ ମାଷ୍ଟରମାଇଣ୍ଡ ପାଖରେ ପହଞ୍ଚି ପାରିନି ପୋଲିସ ।

ଗତ ଦୁଇ ମାସ ମଧ୍ୟରେ ମଙ୍ଗଳପୁର ଥାନା ଅଧୀନ ବୋତଲଡଙ୍ଗା ଗାଁର ଗୋଟିଏ ଘରୁ ଦୁଇ ଥର ଲୁଟ ହୋଇଛି । ଅଳୁକୁଣ୍ଡ ଥାନା ଅଧୀନ ଚିକଣା ଗାଁର ଦୁଇ ତିନୋଟି ସ୍ଥାନରେ ଲୁଟ କରି ଫେରାର ହେଲେ ଲୁଟେରା । ବିଞ୍ଝାରପୁର ଥାନା ଅଧୀନ ସୟଦପୁରଠାରେ ଥିବା ମନ୍ଦିର, କୋରିଅର କମ୍ପାନୀ ସମେତ ଏକାଧିକ ସ୍ଥାନରୁ ଲୁଟ ଘଟଣା ସାମ୍ନାକୁ ଆସିଛି । ଅଥଚ ସ୍ଥାନୀୟ ପୋଲିସ ପ୍ରଶାସନ ପକ୍ଷରୁ କୌଣସି ଆଖିଦୃଶିଆ ପଦକ୍ଷେପ ନିଆଯାଉ ନଥିବା ଅଭିଯୋଗ ହୋଇଛି । ବିଶେଷ କରି ପୋଲିସ ରାତିରେ ପାଟ୍ରୋଲିଂ କରୁ ନଥିବାରୁ ଏଭଳି ସ୍ଥିତି ଉପୁଜି ଥିବା ଅଭିଯୋଗ ହେଉଛି । ଜିଲ୍ଲାର ମୁଖ୍ୟବଜାର ସ୍ଥଳୀଗୁଡ଼଼ିକରେ ସିସିଟିଭି ଲଗାଗଲେ ଲୁଟେରାଙ୍କୁ ସହଜରେ ଠାବ କରାଯାଇପାରନ୍ତା ବୋଲି ସ୍ଥାନୀୟ ଲୋକେ କହିଛନ୍ତି ।

ପାକିସ୍ତାନ ବିରୋଧରେ ଆକ୍ସନ ଜରୁରୀ ଥିଲା: ଡିଜିଏମଓ

ନନ୍ଦିଘୋଷ ବ୍ୟୁରୋ: ଜରୁରୀ ଥିଲା ପାକିସ୍ତାନ ବିରୋଧରେ ଆକ୍ସନ । ଆମର ଲଢ଼େଇ ଆତଙ୍କବାଦ ବିରୋଧରେ । ସେମାନଙ୍କୁ ସହଯୋଗ କରିଥିଲା ପାକିସ୍ତାନ । ତେଣୁ ଆକ୍ରମଣ କରିବା ପାଇଁ ଆମେ ବାଧ୍ୟ ହୋଇଥିଲୁ । ପ୍ରେସମିଟରେ ତିନି ସେନାର ଡିଜିଏମଓ ଏମିତି କହିଛନ୍ତି ।

ଭାରତୀୟ ସେନାର ଡାଇରେକ୍ଟର ଜେନେରାଲ ଅଫ୍ ମିଲେଟ୍ରି ଅପରେସନ (ଡିଜିଏମଓ) ଲେଫ୍ଟନାଣ୍ଟ ଜେନେରାଲ ରାଜୀବ ଘାଇ କହିଛନ୍ତି, ଆତଙ୍କବାଦୀଙ୍କ ଆଡ୍ଡାସ୍ଥଳକୁ ଆମେ ଧ୍ଵଂସ କରିଛୁ । ମେ’ ୭ରେ ବହୁ ଆତଙ୍କବାଦୀ ଶିବିର ନଷ୍ଟ କରିଛି ଭାରତୀୟ ସେନା । ଭାରତର ଆକ୍ରମଣରେ ଧ୍ଵଂସ ପାଇଛି ପାକିସ୍ତାନର ଏୟାରବେସ୍ । ଏହାର ପ୍ରମାଣ ବି ଆଜି ଦିଆଯାଇଛି । ନୁର ଖାନ ଏୟାରବେସର ଭିଡିଓ ଦେଖାଇଛି ସେନା । ସେହିପରି ରହିମୟାର ଖାନ ଏୟାରବେସକୁ ମଧ୍ୟ ଧ୍ଵଂସ କରିଛି ଭାରତ । ଡିଜିଏମଓ କହିଛନ୍ତି, ଆମେ ସୀମା ଅତିକ୍ରମ ନ କରି ଟାର୍ଗେଟକୁ ଧ୍ଵଂସ କରିଛୁ । ଆରବ ସାଗରରେ କଡ଼ା ନଜର ରଖିଥିଲା ନୌସେନା । ଶତ୍ରୁର ଜାହାଜକୁ ପାଖକୁ ଆସିବାକୁ ଦେଇ ନଥିଲୁ ।

ପାଲଟା ଆକ୍ରମଣ କରିବାକୁ ପାକିସ୍ତାନ ଚେଷ୍ଟା କରିଥିଲେ ବି ସଫଳ ହୋଇପାରି ନଥିଲା । ପାକିସ୍ତାନ ପଠାଇଥିବା ସବୁ ଡ୍ରୋନକୁ ନଷ୍ଟ କରିଛି ଭାରତ । ଆମର ଏୟାର ଡିଫେନ୍ସ ସିଷ୍ଟମକୁ ଭେଦ କରିବା ଅସମ୍ଭବ ବୋଲି କହିଛନ୍ତି ଡିଜିଏମଓ । ଆମେ ଚୀନର ମିଜାଇଲ ଓ ଡ୍ରୋନକୁ ଧ୍ଵଂସ କରାଯାଇଛି । ପାକିସ୍ତାନର ପିଏଲ-୧୫ ମିଜାଇଲକୁ ମଧ୍ୟ ଧ୍ଵଂସ କରାଯାଇଛି । ମିଶନ ପୂରା ହୋଇଛି । ଆମର ଏୟାର ଡିଫେନ୍ସ ସମ୍ପୂର୍ଣ୍ଣ ସୁରକ୍ଷିତ ଅଛି । ଯେକୌଣସି ମିଶନକୁ ମୁକାବିଲା କରିବାକୁ ଭାରତ ତୟାର ।

ସର୍ଜିକାଲ ଓ ଏୟାର ଷ୍ଟ୍ରାଇକ୍ ଉପରେ ନଜର ରଖିଥିବା ଉପଗ୍ରହର ଲାଟେଷ୍ଟ ଭର୍ସନ ଉତକ୍ଷେପଣ କରିବ ଇସ୍ରୋ

ନନ୍ଦିଘୋଷ ବ୍ୟୁରୋ: ସର୍ଜିକାଲ ଷ୍ଟ୍ରାଇକ ହେଉ କି ମେ’ ୭ର ଏୟାର ଷ୍ଟ୍ରାଇକ । ମହାକାଶରେ ଥାଇ ସବୁ କିଛି ଉପରେ ନଜର ରଖିଥିଲା ଇସ୍ରୋର ଏକ ଉପଗ୍ରହ । ଯାହାର ଲାଟେଷ୍ଟ ଭର୍ସନ ଜୁନ ୧୮ ତାରିଖ ସକାଳ ୬ଟା ୫୯ ମିନିଟରେ ଉଦକ୍ଷେପଣ ହେବାକୁ ଯାଉଛି । ଆନ୍ଧ୍ର ପ୍ରଦେଶର ଶ୍ରୀହରିକୋଟା ସ୍ଥିତ ସତିଶ ଧଓ୍ବନ ଅନ୍ତରୀକ୍ଷ କେନ୍ଦ୍ରରୁ ଏହି EOS-09 ଉପଗ୍ରହ ଉତକ୍ଷେପଣ ହେବ । ଯାହା RISAT-1B ନାମରେ ବି ପରିଚିତ । ଏବେ ଇସ୍ରୋ ଏହାକୁ ଉତକ୍ଷେପଣ କରିବାକୁ ପ୍ରସ୍ତୁତି ଶେଷ କରି ସାରିଛି । ଏହା ଭାରତୀୟ ଅନ୍ତରୀକ୍ଷ କାର୍ଯ୍ୟକ୍ରମରେ ଏକ ମାଇଲ ଖୁଣ୍ଟ ସାବ୍ୟସ୍ତ ହେବ ।

EOS-09 ଉପଗ୍ରହକୁ ପିଏସଏଲଭି-ସି୬୧ ଏକ୍ସଏଲ (PSLV-C61 XL) ରକେଟରେ ଉତକ୍ଷେପଣ କରାଯିବ । ଯାହା ପୃଥିବୀର କକ୍ଷରୁ ୫୨୯ କିମି ଉଚ୍ଚାରେ ସ୍ଥାପିତ ହେବ । ଏହାର ଓଜନ ୧୭୧୦ କେଜି ରହିଛି । ଏଥିରେ ସି-ବ୍ୟାଣ୍ଡ ସିନ୍ଥେଟିକ ଆପର୍ଚର ରାଡର (SAR) ରହିଛି । ଦିନ ହେଉ କି ରାତି, ପାଗ ଯେମିତି ବି ହୋଇଥାଉ ଏହା ହାଇ ରିଜୋଲ୍ୟୁସନ ଫଟୋ ପଠାଇବାକୁ ସକ୍ଷମ ।

EOS-09 ରିସେଟ ଶୃଙ୍ଖଳାର ଏକ ଉପଗ୍ରହ । ଉନ୍ନତ ରାଡାର ଇମେଜିଂ ଟେକନିକ ଯୋଗୁଁ ଏହା ବାଦଲ, କୁହୁଡ଼ି ଓ ଅନ୍ଧାର ପରି ପ୍ରାକୃତିକ ପରିସ୍ଥିତିରେ ମଧ୍ୟ ଉଚ୍ଚ ଗୁଣବତ୍ତାର ଫଟୋ  ନେବାକୁ ସକ୍ଷମ ।

ରକ୍ଷା ଓ ସୁରକ୍ଷା

EOS-09 ଦେଶର ସୁରକ୍ଷାକୁ ନେଇ ଗୁରୁତ୍ବପୂର୍ଣ୍ଣ ତଥ୍ୟ ପ୍ରଦାନ କରିଥାଏ । କେଉଁଠି ସେନା ମୁତୟନ ହେବେ ଓ କେମିତି ପରିଚାଳିତ ହେବେ ସେ ନେଇ ତଥ୍ୟ ଦେଇଥାଏ । ଯାହା ଦ୍ବାରା ସୀମା ଉପରେ ନଜର ରଖିବା, ସନ୍ଦିଗ୍ଧ ଗତିବିଧି ଉପରେ ନଜର ସହଜ ହୋଇଥାଏ । ଏହାସହ ଏହା ଗୁରୁତ୍ବପୂର୍ଣ୍ଣ ସ୍ଥାନର ମ୍ୟାପିଂ କରିଥାଏ । ଏହାର ହାଇ ରିଜୋଲ୍ୟୁସନ ଫଟୋ ସେନାକୁ ଗୁରୁତ୍ବପୂର୍ଣ୍ଣ ତଥ୍ୟ ଉପଲବ୍ଧ କରାଇଥାଏ ।

ବିପର୍ଯ୍ୟୟ ପରିଚାଳନା

ପ୍ରାକୃତିକ ବିପର୍ଯ୍ୟୟ ଯେଭଳି, ବନ୍ୟା, ବାତ୍ୟା, ଭୂକମ୍ପ ଓ ଭୂସ୍ଖଳନ ଉପରେ ନଜର ରଖିବା ସହ ସ୍ଥିତି ଆକଳନ କରିବାରେ ସାହାଯ୍ୟ କରିଥାଏ । ପ୍ରାକୃତିକ ବିପର୍ଯ୍ୟୟ ସମୟରେ ରିଲିଫ ପହଞ୍ଚାଇବା ଓ ଲୋକଙ୍କୁ ଉଦ୍ଧାର କରିବା ପରି ତଥ୍ୟ ପ୍ରଦାନ ଏହାର ପ୍ରାଥମିକତା ହୋଇଥାଏ ।

ପ୍ରାକୃତିକ ସମ୍ପଦର ତଦାରଖ

EOS-09ର ଉପଯୋଗ କୃଷି, ବନ୍ୟା, ଜଳ ସମ୍ପଦ ଓ ଖଣିଜ ସମ୍ପଦର ତଦାରଖରେ ମଧ୍ୟ ସହଯୋଗ କରିଥାଏ । ଏହାସହ ଜଳବାୟୁ ପରିବର୍ତ୍ତନର ବିଶ୍ଲେଷଣ କରିବାରେ ମଧ୍ୟ ସାହାଯ୍ୟ କରିଥାଏ ।

ସୂଚନାଯୋଗ୍ୟ, ରିସେଟ ଶୃଙ୍ଖଳାର ଉପଗ୍ରହ ଭାରତର ରାଡାର ଇମେଜିଂ କ୍ଷମତାକୁ ମଜଭୁତ କରିବାରେ ଗୁରୁତ୍ବପୂର୍ଣ୍ଣ ଭୂମିକା ନେଇଥାଏ । ଏହା ଉପଗ୍ରହ ଅପ୍ଟିକାଲ ସେଣ୍ଟର ଉପରେ ନିର୍ଭର କରୁଥିବା ପାରମ୍ପରିକ ଉପଗ୍ରହଠାରୁ ବହୁତ ଅଲଗା । କାରଣ ଏହାର ରାଡାର ସିଷ୍ଟମ ପ୍ରତିକୂଳ ପରିସ୍ଥିତିରେ ବି ନିରନ୍ତର ତଥ୍ୟ ପ୍ରଦାନ କରିଥାଏ । ରିସେଟ-୧କୁ ଭାରତ ୨୦୧୨ରେ ଲଞ୍ଚ କରିଥିଲା । ଏହା ଏହି ଶୃଙ୍ଖଳାର ପ୍ରଥମ ଉପଗ୍ରହ ଥିଲା । ସେବେଠାରୁ ଇସ୍ରୋ ଏହାର ଟେକ୍ନୋଲଜିକୁ ଅଧିକରୁ ଅଧିକ ଉନ୍ନତ କରୁଛି ।

ପହଲଗାଓଁ ଆତଙ୍କବାଦୀ ଆକ୍ରମଣରେ ପାକିସ୍ତାନର ପାପ ଘଡ଼ି ପୂରି ସାରିଛି: ଡିଜିଏମଓ ଲେଫ୍ଟନାଣ୍ଟ ଜେନେରାଲ ରାଜୀବ ଘାଇ

ନନ୍ଦିଘୋଷ ବ୍ୟୁରୋ: ଅପରେସନ ସିନ୍ଦୂରକୁ ନେଇ ତିନି ସେନାର ଡିଜି ଅପରେସନର ସାମ୍ବାଦିକ ସମ୍ମିଳନୀ । ଭାରତୀୟ ସେନାର ଡାଇରେକ୍ଟର ଜେନେରାଲ ଅଫ୍ ମିଲେଟ୍ରି ଅପରେସନ (ଡିଜିଏମଓ) ଲେଫ୍ଟନାଣ୍ଟ ଜେନେରାଲ ରାଜୀବ ଘାଇ ଅପରେସନ ସିନ୍ଦୂରର ସଫଳତା ସମ୍ପର୍କରେ ସୂଚନା ଦେଇଛନ୍ତି । ସେ କହିଛନ୍ତି, ପହଲଗାଓଁରେ ଆତଙ୍କବାଦୀ ଆକ୍ରମଣ କରାଇ ପାକିସ୍ତାନ ନିଜ ପାପର ଘଡ଼ି ପୂରଣ କରି ଦେଇଛି । ଆଗକୁ ଅପରେସନ ସିନ୍ଦୁର ପରି ଉଚିତ ଜବାବ ପାଇବ । ଏୟାର ଷ୍ଟ୍ରାଇକ ପରେ ଆମ ଏୟାର ଡିଫେନ୍ସ ସିଷ୍ଟମ ପ୍ରସ୍ତୁତ ଥିଲା । ପାକିସ୍ତାନ ଆମ ଏୟାର ଡିଫେନ୍ସ ଗ୍ରୀଡକୁ ଭେଦ କରି ପାରିଲାନି ।

ଆଗକୁ ସେ କହିଛନ୍ତି, ଆତଙ୍କବାଦର ଶୈଳୀ ବଦଳିଛି । ସେନା ସହ ନୀରିହ ଲୋକଙ୍କୁ ମଧ୍ୟ ଆକ୍ରମଣ କରାଯାଉଛି । ୨୦୨୪ରେ ଜମ୍ମୁରେ ଶିବଖୋରୀ ମନ୍ଦିର ଯାଉଥିବା ତୀର୍ଥଯାତ୍ରୀଙ୍କ ଉପରେ ଆକ୍ରମଣ ହୋଇଥିଲା । ଗତ ଏପ୍ରିଲରେ ପହଲଗାଓଁରେ ପର୍ଯ୍ୟଟକଙ୍କୁ ଆକ୍ରମଣ ଆତଙ୍କବାଦୀଙ୍କ ନିଷ୍ଠୁରତାର ଗୋଟିଏ ଗୋଟିଏ ଉଦାହରଣ । ପହଲଗାଓଁ ପର୍ଯ୍ୟନ୍ତ ପାକିସ୍ତାନର ପାପ ଘଡ଼ା ଭରି ଯାଇଥିଲା । ଏହାପରେ ଆମେ ଏୟାର ଷ୍ଟ୍ରାଇକ କରିଥିଲୁ । ଆମକୁ ପୂର୍ବରୁ ଆଦେଶ ଥିଲା ପାକିସ୍ତାନ ଯୁଦ୍ଧକୁ ଓହ୍ଲାଇବ । ଏଥିପାଇଁ ଆମେ ଆମ ଏୟାର ଡିଫେନ୍ସ ସିଷ୍ଟମକୁ ଆକ୍ଟିଭ କରି ଦେଇଥିଲୁ ।

ଘାଇ କହିଛନ୍ତି, ଆମେ ପ୍ରସ୍ତୁତ ଥିଲୁ ଓ ଆମ ଏୟାର ଡିଫେନ୍ସ ସିଷ୍ଟମ ଆକ୍ଟିଭ ଥିଲା । ଆମେ ଆକ୍ରମଣକୁ ପ୍ରତିହତ କରିବାକୁ ସମ୍ପୂର୍ଣ୍ଣ ପ୍ରସ୍ତୁତ ହୋଇ ରହିଥିଲୁ ।

ଏୟାର ଅପରେସନ ଡିଜି ଏୟାର ମାର୍ଶଲ ଏକେ ଭାରତୀ କହିଥିଲେ, ଆମ ଲଢ଼େଇ ଆତଙ୍କବବାଦୀ ଓ ଆତଙ୍କବାଦ ବିରୋଧରେ । ସେଥିପାଇଁ ଆମେ ମେ’ ୭ରେ ଆତଙ୍କବାଦୀ ସେଣ୍ଟର ଉପରେ ଆଟାକ କରିଥିଲୁ । ହେଲେ ପରିତାପର ବିଷୟ, ପାକିସ୍ତାନ ସେନା ଆତଙ୍କବାଦୀଙ୍କ ସମର୍ଥନରେ ବାହାରିବା ସହ ଏୟାର ଷ୍ଟ୍ରାଇକ ପାକିସ୍ତନ ଉପରେ ଆକ୍ରମଣ ବୋଲି ଧରି ନେଇଥିଲା । ଏମିତି ସ୍ଥିତିରେ ଆମର ପ୍ରତିଆକ୍ରମଣ ଆବଶ୍ୟକ ଥିଲା । ଏଥିରେ ଯାହାବି କିଛି କ୍ଷତି ହେଲା, ସେଥିପାଇଁ ପାକିସ୍ତାନ ନିଜେ ଦାୟୀ ।

ଏଟିଏମ ଭାଙ୍ଗି ଟଙ୍କା ଲୁଟିନେଲେ ଲୁଟେରା

ନନ୍ଦିଘୋଷ ବ୍ୟୁରୋ: ଏଟିଏମ ଭାଙ୍ଗି ଟଙ୍କା ଲୁଟିନେଲେ ଲୁଟେରା। ଗତ କାଲି ବିଳମ୍ବିତ ରାତିରେ ଏଟିଏମ ଭାଙ୍ଗି ଲୁଟ। ବନ୍ଦ ଥିବା ଏଟିଏମ ର ତାଲା ଗ୍ୟାସ କଟର ମାଧ୍ୟମରେ କାଟି ସିସିଟିଭି ଅଚଳ କରିବା ପରେ ଏଟିଏମ ଭାଙ୍ଗି ଲୁଟ କରିଛନ୍ତି ଲୁଟେରା ।   ବାଲେଶ୍ୱର ଜିଲ୍ଲା ସଦର ଥାନା  ଅଧିନସ୍ଥ ପଦ୍ମପୁର ଛକରେ ଥିବା ଏସ.ବି.ଆଇ  ଏଟି.ଏମ୍ ଭାଙ୍ଗି ଲୁଟ । ତେବେ ଏଟିଏମ ର କେତେ ଟଙ୍କା ଥିଲା ତାହା ଜଣା ପଡିନଥିବା ବେଳେ ଲୋକେ ପୋଲିସ କୁ ଖବର ଦେବାପରେ ସଦର ଥାନା ଆଇଆଇସି ସାଇଣ୍ଟିଫିକ ଟିମ ର ସହାୟତାରେ ତଦନ୍ତ ଆରମ୍ଭ କରିଛନ୍ତି।

ପୁରୀରେ ପୋଲିସ ଡିଜି ୱାଇ.ବି.ଖୁରାନିଆ

ନନ୍ଦିଘୋଷ ବ୍ୟୁରୋ: ପୁରୀରେ ପୋଲିସ ଡିଜି ୱାଇ.ବି.ଖୁରାନିଆ। ଆଗାମୀ ରଥଯାତ୍ରାକୁ କିଭଳି ଭାବେ ଶୃଙ୍ଖଳିତ କରିବେ ସେନେଇ ସମୀକ୍ଷା କରିବେ। ଶ୍ରୀମନ୍ଦିରର ସୁରକ୍ଷା ନିମନ୍ତେ ରଥଯାତ୍ରା ସମୟରେ ଭିଡ ଓ ଟ୍ରାଫିକ ନିୟନ୍ତ୍ରଣକୁ ନେଇ ଆଲୋଚନା କରିବେ ୱାଇ.ବି.ଖୁରାନିଆ। ସମୀକ୍ଷା ପୂର୍ବରୁ ପ୍ରଥମେ ଜଗନ୍ନାଥ ମନ୍ଦିର ଯାଇ ମହାପ୍ରଭୁଙ୍କୁ ଦର୍ଶନ କରିବା ସହ ସିଂହଦ୍ବାର ଥାନା ନିକଟରେ ଏକ ସ୍ବତନ୍ତ୍ର କମାଣ୍ଡୋ ବାହିନୀ ସହ ବୁଲେଟ ପ୍ରୁଫ ଗାଡି ରକ୍ଷକକୁ ଉଦଘାଟନ କରିଥିଲୋ।ଆତଙ୍କୀ ହମଲାକୁ ରୋକିବା ନେଇ ଜିଲ୍ଲାରେ ଏହି ଗାଡିକୁ ମୃତୟନ କରାଯାଇଛି।