ନନ୍ଦିଘୋଷ ବ୍ୟୁରୋ: ଚଉଦ ମଉଜା କେନାଲକୁ ନେଇ ବ୍ରହ୍ମଗିରିରେ ଉତ୍ତେଜନା । ଚାଷୀଙ୍କୁ ଡରାଇ ଧମକାଇ ଜିଲ୍ଲା ପ୍ରଶାସନର କେନାଲ ଖୋଳୁଥିବା ବେଳେ ସ୍ଥାନୀୟବାସୀଙ୍କ ମଧ୍ୟରେ ଅସନ୍ତୋଷ ସୃଷ୍ଟି ହୋଇଛି । ବିଗତ ୩୦ ବର୍ଷ ଧରି ବ୍ରହ୍ମଗିରି ବ୍ଲକ କୁସୁବେଣ୍ଟି ପଞ୍ଚାୟତ ହରିଦାସପୁର ଏବଂ କୁସୁବେଣ୍ଟି ଗାଁ ମଧ୍ୟରେ କେନାଲକୁ ନେଇ ବିବାଦ ଲାଗି ରହିଛି । ଏନେଇ ଜିଲ୍ଲା ପ୍ରଶାସନ ଆଜି ୨୦ ପ୍ଲାଟୁନ ପୋଲିସ ଫୋର୍ସ ଧରି ଚାଷୀଙ୍କୁ ଡରାଇ ଧମକାଇ ବିବାଦୀୟ କେନାଲକୁ ଖୋଳିବାକୁ ପହଞ୍ଚିଛି । ଏହାକୁ ତୀବ୍ର ବିରୋଧ କରିଛନ୍ତି ହରିଦାସପୁର ଗ୍ରାମବାସୀ । ଘଟଣା ସ୍ଥଳରେ ଉତ୍ତେଜନା ସୃଷ୍ଟି ହୋଇଛି । ପ୍ରସାଶନର ଏଭଳି ଆଭିମୁଖ୍ୟକୁ ବ୍ରହ୍ମଗିରିବାସୀ ନିନ୍ଦା କରିଛନ୍ତି । ବର୍ଷ ବର୍ଷ ଧରି ସମସ୍ୟାର ସମାଧାନ ନକରି ଏବେ ପ୍ରଶାସନ ବଳପ୍ରୟୋଗ କରି କେନାଲକୁ ଖୋଳୁଛି, ତାହା ଠିକ ନୁହଁ ବୋଲି କହିଛନ୍ତି ଅଞ୍ଚଳବାସିନ୍ଦା ।
ବାରମ୍ବାର ଫ୍ଲପ ପରେ ଏମିତି କହିଲେ ସୂର୍ଯ୍ୟକୁମାର ଯାଦବ
ନନ୍ଦିଘୋଷ ବ୍ୟୁରୋ : ଧର୍ମଶାଳାରେ ତୃତୀୟ ଟି-୨୦ରେ ଭାରତ ବିଜୟୀ ହୋଇଛି । ତେବେ ତୃତୀୟ ମ୍ୟାଚରେ ମଧ୍ୟ ବଡ଼ ସ୍କୋର କରିବାରେ ବିଫଳ ହୋଇଛନ୍ତି ଅଧିନାୟକ ସୂର୍ଯ୍ୟକୁମାର ଯାଦବ । ଲାଗତାର ୩ଟି ଯାକ ମ୍ୟାଚରେ ଫ୍ଲପ୍ ହୋଇଛନ୍ତି ସ୍କାଏ । ତେବେ ଖରାପ ପ୍ରଦର୍ଶନକୁ ନେଇ ତାଙ୍କୁ ପ୍ରଶ୍ନ କରାଯାଇଥିବା ବେଳେ ସେ ଏହାର ଉତ୍ତର ରଖିଛନ୍ତି । ୨୧ଟି ମ୍ୟାଚ ହେବ ସେ ଅର୍ଦ୍ଧଶତକ ହାସଲ କରିନାହାନ୍ତି । ମାତ୍ର ସୂର୍ଯ୍ୟ କହିଛନ୍ତି କି, ସେ ଖରାପ ଫର୍ମରେ ନାହାନ୍ତି । ସେ କହିଛନ୍ତି କି ମୁଁ ଫର୍ମ ହରାଇନାହିଁ । ବରଂ ରନ କରିବାରେ ସକ୍ଷମ ହେଉନାହିଁ । ମାତ୍ର ନେଟରେ ଭଲ ଖେଳୁଛି ।
ସେପଟେ ଆମେ ଯଦି ସୂର୍ଯ୍ୟକୁମାର ଯାଦବଙ୍କ ସମ୍ପର୍କରେ କହିବା ତାହେଲେ ସେ ଶେଷ ୨୧ ମ୍ୟାଚରେ ୧୩.୨୭ ହାରରେ ମାତ୍ର ୨୩୯ ରନ କରିଛନ୍ତି । ୨୧ ମ୍ୟାଚରେ ଗୋଟିଏ ବି ଅର୍ଦ୍ଧଶତକ ହାସଲ କରିନାହାନ୍ତି । ସର୍ବାଧିକ ସ୍କୋ ୪୭ ରହିଛି । ତେବେ ଶେଷ ଦୁଇଟି ଟି-୨୦ରେ ବଡ଼ ସ୍କୋର କରିବେ ବୋଲି ପ୍ରଂଶସକମାନେ ଆଶା ରଖିଛନ୍ତି ।
ମରଣ ମୁହଁରୁ ବଞ୍ଚିଲେ ଯୁବକ, ହାତୀ ପାଦ ତଳୁ ବର୍ତ୍ତିଗଲେ…
ନନ୍ଦିଘୋଷ ବ୍ୟୁରୋ: ମୃତ୍ୟୁ ମୁଖରୁ ଅଳ୍ପକେ ବର୍ତ୍ତିଲା ଜୀବନ। ହାତୀ ପାଦ ତଳୁ ଖସିଗଲେ ଯୁବକ। ଘର ଓଳିରେ ପଶି ଧାନ ଖାଉଥିଲା ହାତୀ । ହାତୀକୁ ଦେଖି ଘଉଡ଼ାଇବା ପାଇଁ ପାଟି କରିବାରୁ ଆକ୍ରମଣ କରିଥିଲା । ତଳେ ପଡିଯିବାରୁ ଯୁବକଙ୍କ ହାତ ଉପରେ ଚଢ଼ିଗଲା ହାତୀ । କପ୍ତିପଦା ବନାଞ୍ଚଳ ଗଣ୍ଡୀଦର ଗାଁରେ ଘଟିଛି ଏହି ଘଟଣା। ଗାଁର ନୀଳକଣ୍ଠ ପାଣିଆଳିଆ ଘରେ ଶୋଇଥିବା ବେଳେ ବିଳମ୍ବିତ ରାତିରେ ବାଡ଼ି ପାଖରେ ଶବ୍ଦ ଶୁଣିବାକୁ ପାଇଥିଲେ। ରାତିରେ ଘର ବାଡ଼ିକୁ ଯାଇ ଦେଖିବାରୁ ଏକ ବିଶାଳ ହାତୀ ଧାନ ଖାଉଥିଲା । ହାତୀ ମୁହଁରୁ ଧାନକୁ ବଞ୍ଚାଇବା ପାଇଁ ଘଉଡ଼ାଇବାରୁ ହାତୀ ଓଲଟା ନୀଳକଣ୍ଠଙ୍କୁ ଆକ୍ରମଣ କରିଥିଲା। ନୀଳକଣ୍ଠକୁ ହାତୀ ଗୋଡ଼ାଇବାରୁ ସେ ତଳେ ପଡି ଯାଇଥିଲେ । ହାତୀଟି ନୀଳକଣ୍ଠଙ୍କ ହାତ ଉପରେ ଚଢି ତାହାକୁ ଦଳି ଦେଇଥିବା ବେଳେ ଅଳ୍ପକେ ହାତୀ ପାଦ ତଳୁ ଜୀବନ ରକ୍ଷା କରିପାଇଯାଇଛି । ଗୁରୁତର ଅବସ୍ଥାରେ ନୀଳକଣ୍ଠଙ୍କୁ ଚିକିତ୍ସା ପାଇଁ ଉଦଳା ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ଏବେ ସୁଦ୍ଧା ବନ ବିଭାଗ ତାଙ୍କ ନିକଟରେ ପହଞ୍ଚିନାହିଁ ।
ମେସିଙ୍କ ରୋଜଗାର ଶୁଣିଲେ ଉଡ଼ିଯିବ ହୋସ୍, ୭ ଜଣ ବଡ଼ ଭାରତୀୟ କ୍ରିକେଟର ମଧ୍ୟ ହେବେନି ସମାନ…
ନନ୍ଦିଘୋଷ ବ୍ୟୁରୋ: ଆର୍ଜେଣ୍ଟିନାର ଷ୍ଟାର ଫୁଟବଳର ମେସି । ସାରା ବିଶ୍ବର ଧନୀ କ୍ରୀଡ଼ାବିତଙ୍କ ମଧ୍ୟରେ ତାଙ୍କ ନାମ ଆସେ । ତେବେ ତାଙ୍କର ରୋଜଗାର ସମ୍ପର୍କରେ ଜାଣିଲେ ଆପଣଙ୍କ ହୋସ୍ ଉଡ଼ିଯିବ । ମେସି ଏତେ ସମ୍ପତ୍ତିର ମାଲିକ ଯେ ଭାରତର ଜଣାଶୁଣା ତଥା ଧନୀ କ୍ରିକେଟର ୭ ଜଣଙ୍କ ରୋଜଗାର ମିଶିଲେ ମଧ୍ୟ କମ୍ ପଡ଼ିଯିବ । ଏବେ ଭାରତ ଗସ୍ତରେ ରହିଥିବା ମେସିଙ୍କୁ ନେଇ ବହୁତ ଚର୍ଚ୍ଚା ଲାଗି ରହିଛି । ତେବେ ଅଧିକାଂଶ ଲୋକେ ତାଙ୍କ ରୋଜଗାର ସମ୍ପର୍କରେ ଜାଣିବା ପାଇଁ ବେଶ ମନ ବଳାଇଥାନ୍ତି । ତେବେ ଆସନ୍ତୁ ଆମର ଏହି ଲେଖା ମାଧ୍ୟମରେ ଜାଣିବା ତାଙ୍କ ରୋଜଗାର ସମ୍ପର୍କରେ…
ରିପୋର୍ଟକୁ ଯଦି ବିଶ୍ବାସ କରିବା ତାହେଲେ ମେସିଙ୍କ ମୋଟ୍ ସମ୍ପତ୍ତିର ମୂଲ୍ୟ ହେଉଛି ୭୦୫୫ କୋଟି । ତେବେ ଆମେ ଯଦି ଭାରତୀୟ ଧନୀ କ୍ରିକେଟରଙ୍କ କଥା କହିବା ତାହେଲେ ଆଗରେ ଆସନ୍ତି ଅଜୟ ଜାଡେଡ଼ା । ତାଙ୍କ ନେଟଓ୍ବର୍ଥ ରହିଛି ୧୪୫୦ କୋଟି । ଦ୍ବିତୀୟ ସ୍ଥାନରେ ଆସୁଛନ୍ତି ସଚିନ ତେନ୍ଦୁଲକର । କ୍ରିକେଟର ଭଗବାନ କୁହାଯାଉଥିବା ତେନ୍ଦୁଲକରଙ୍କ ସମ୍ପତ୍ତିର ମୂଲ୍ୟ ରହିଛି ୧୪୧୫ କୋଟି । ସେହିପରି ଧୋନୀ ୧୦୬୦ କୋଟି, ବିରାଟ କୋହଲି ୧୦୪୦ କୋଟି, ସୌରଭ ଗାଙ୍ଗୁଲି ୮୦୦ କୋଟି, ରୋହିତ ଶର୍ମା ୨୪୫ କୋଟି ଏବଂ ଶୁଭମନ ଗିଲ୍ ୧୩୦ କୋଟି ଟଙ୍କାର ମାଲିକ ଅଟନ୍ତି ।
ତେବେ ଭାରତର ୭ ଜଣ ଧନୀ କ୍ରିକେଟରଙ୍କ ସମ୍ପତ୍ତି ୫୮୯୫ କୋଟି ଟଙ୍କା ରହିଥିବାବେଳେ ମେସିଙ୍କ ସମ୍ପତ୍ତିର ମୂଲ୍ୟ ରହିଛି ୭୦୫୫ କୋଟି । ଆମେ ୭ ଜଣଙ୍କ ଭାରତୀୟ ଧନୀ କ୍ରିକେଟରଙ୍କ ସମ୍ପତ୍ତିକୁ ଯଦି ମିଶାଇବା ତାହେଲେ ସେମି ସେମାନଙ୍କଠାରୁ ୧୧୬୦ କୋଟି ଟଙ୍କାର ସମ୍ପତ୍ତିରେ ଆଗୁଆ ରହୁଛନ୍ତି । ତେବେ କ୍ରିକେଟ ଅପେକ୍ଷା ଫୁଟବଲରେ ଅଧିକ ରୋଜଗାର ରହିଥିବା ଏଥିରୁ ଦର୍ଶାଉଛି ।
କଂଗ୍ରେସର ବହିଷ୍କୃତ ହେବା ପରେ ଏମିତି କହିଲେ ମୋକିମ
ନନ୍ଦିଘୋଷ ବ୍ୟୁରୋ: କଂଗ୍ରେସରୁ ବହିଷ୍କାର ପରେ ମୁହଁ ଖୋଲିଛନ୍ତି ମହମ୍ମଦ ମୋକିମ। ସେ କହିଛନ୍ତି, ମୁଁ ରାଜନୀତିରେ ଥିଲି ଓ ରହିବି। ୨୪ ଘଣ୍ଟା ସମାଜ ପାଇଁ କାମ ଜାରି ରହିବ। ମୋ ବିଚାରଧାରାରୁ କେହି ଦୂରେଇ ପାରିବେନି। ମୋ ବିଚାରଧାରାରେ କଂଗ୍ରେସ ରହିଛି। ଭାବିଥିଲି ଦଳରେ ସୁଧାର ଆଣିବି, କିନ୍ତୁ ମୋ ଉପରେ କାର୍ଯ୍ୟାନୁଷ୍ଠାନ ହୋଇଛି। ସମର୍ଥକ, ଶୁଭେଚ୍ଛୁଙ୍କ ସହ ଆଲୋଚନା ପରେ ପରବର୍ତ୍ତୀ ପଦକ୍ଷେପ ନେବି ବୋଲି ସେ କହିଛନ୍ତି। ଯାହା କହିଛି ସେଥିରେ ଅନୁଶୋଚନା ନାହିଁ, ଆଗକୁ କଂଗ୍ରେସ ପାଇଁ ଭଲ ହେବ ବୋଲି କହିଛନ୍ତି ମୋକିମ ।
ସ୍କୁଟିକୁ ଧକ୍କା ଦେଲା କାର, ଦୁଇ ମୃତ
କଳାହାଣ୍ଡି ଧର୍ମଗଡ଼ରେ ସ୍କୁଟିକୁ ଧକ୍କା ଦେଲା କାର l ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଛି। ମୃତକ ମାନେ ହେଲେ ଧର୍ମଗଡ ଥାନା ଥନଟଗାଁ ର ଲିଙ୍ଗରାଜ ଦୁର୍ଗା ଓ ଲଳିତ ତାଣ୍ଡି l ଉଭୟ ନିଜ ଗାଁ ଥନଟରୁ ଧର୍ମଗଡ଼କୁ ବିଜୁ ଏକ୍ସପ୍ରେସ ଦେଇ ସ୍କୁଟି ଯୋଗେ ଯାଉଥିବା ବେଳେ ଏକ ସଫାରୀ କାର ତାଙ୍କୁ କେବିଡି ଗାଁ ଛକରେ ଧକ୍କା ଦେଇଥିଲା l ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବାବେଳେ ଅନ୍ୟ ଜଣଙ୍କର ଭବାନୀପାଟଣା ଜିଲ୍ଲା ମୁଖ୍ୟ ଡାକ୍ତରଖାନାକୁ ନେଉଥିବା ବେଳେ ମୃତ୍ୟୁ ହୋଇଛି। ଘଟଣାସ୍ଥଳରେ ଉତ୍ତେଜନା ଦେଖାଦେଇଥିବା ବେଳେ ପୋଲିସ ପହଂଚି ଡ୍ରାଇଭରକୁ ଅଟକ ରଖି ଲୋକଙ୍କୁ ବୁଝାସୁଝା କରୁଛି l
ଭୟଙ୍କର ପ୍ରଦୂଷଣ ବଳୟରେ ରାଜଧାନୀ ଦିଲ୍ଲୀ
ନୂଆଦିଲ୍ଲୀ : ଦିଲ୍ଲୀ ଓ ନୋଏଡାରେ ପ୍ରଦୂଷଣ ବୃଦ୍ଧି ପରେ କଟକଣା ଲାଗୁ। ଗ୍ରାପ-୪ ଅନୁଯାୟୀ କଟକଣା ଜାରି କରାଯାଇଛି। ନୋଏଡାର ଅଧିକାଂଶ ଅଂଚଳରେ AQI ୪୦୦ ଅତିକ୍ରମ କରିବା ପରେ ନୋଏଡା ପ୍ରଥମରୁ ପଞ୍ଚମ ଶ୍ରେଣୀ ପାଇଁ ଅନଲାଇନ୍ କ୍ଲାସକୁ ବାଧ୍ୟତାମୂଳକ କରିଛି। ବିଭିନ୍ନ ସ୍ଥାନରେ ବାୟୁ ଗୁଣବତ୍ତା ଖରାପ ହୋଇ ୪୦୦ ଅତିକ୍ରମ କରୁଥିବାରୁ ନୋଏଡା ପ୍ରଶାସନ ପ୍ରଥମରୁ ପଞ୍ଚମ ଶ୍ରେଣୀର ଛାତ୍ରଛାତ୍ରୀଙ୍କ ପାଇଁ ଅନଲାଇନ୍ କ୍ଲାସ ଘୋଷଣା କରିଛି।GRAP ପର୍ଯ୍ୟାୟ ୪ କାର୍ଯ୍ୟକାରୀ ହେବା ପରେ ଗୌତମବୁଦ୍ଧ ନଗର ଜିଲ୍ଲା ପ୍ରଶାସନ ସ୍କୁଲଗୁଡ଼ିକ ପାଇଁ ବଡ଼ ପରିବର୍ତ୍ତନ ଘୋଷଣା କରିଛି। ପ୍ରଦୂଷଣ ସ୍ତର ଦ୍ରୁତ ଗତିରେ ବୃଦ୍ଧି ପାଉଥିବାରୁ, ପ୍ରଶାସନ ପରବର୍ତ୍ତୀ ସୂଚନା ପର୍ଯ୍ୟନ୍ତ ସ୍କୁଲଗୁଡ଼ିକୁ ଅନଲାଇନ୍ ଏବଂ ହାଇବ୍ରିଡ୍ ମୋଡରେ କରିବାକୁ ନିର୍ଦ୍ଦେଶ ଦେଇଛି।ଦିଲ୍ଲୀ ପୂର୍ବରୁ ସମାନ ପଦକ୍ଷେପ ବାଧ୍ୟତାମୂଳକ କରିସାରିଛି। ପ୍ରି-ନର୍ସରୀ ଠାରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ସମସ୍ତ ଛାତ୍ରଛାତ୍ରୀ ଅନଲାଇନ୍ କ୍ଲାସରେ ଯୋଗଦେବେ।ସ୍ୱାସ୍ଥ୍ୟଗତ ଚିନ୍ତା ଯୋଗୁଁ ଏହି ବୟସ ଗୋଷ୍ଠୀ ପାଇଁ ଶାରୀରିକ ଶ୍ରେଣୀ ସ୍ଥଗିତ ରଖିବାକୁ ସ୍କୁଲଗୁଡ଼ିକୁ କୁହାଯାଇଛି। ଛୋଟ ପିଲାମାନେ ଖରାପ ବାୟୁ ଗୁଣବତ୍ତାର ଶିକାର ହେବାରେ ଅଧିକ ସମ୍ବେଦନଶୀଳ। ଷଷ୍ଠରୁ ନବମ ଶ୍ରେଣୀର ଛାତ୍ରଛାତ୍ରୀମାନେ ଏକ ହାଇବ୍ରିଡ୍ ମୋଡ୍ ଅନୁସରଣ କରିବେ। ସ୍କୁଲଗୁଡ଼ିକ ଶିକ୍ଷାଗତ ଆବଶ୍ୟକତା ଏବଂ ନିର୍ଦ୍ଦିଷ୍ଟ ଦିନରେ ପ୍ରଦୂଷଣ ପରିସ୍ଥିତି ଉପରେ ନିର୍ଭର କରି ଅନଲାଇନ୍ ଏବଂ ଅଫଲାଇନ୍ ଉଭୟ ଶ୍ରେଣୀ ପରିଚାଳନା କରିପାରିବେ। ଏକାଦଶ ଶ୍ରେଣୀର ଛାତ୍ରଛାତ୍ରୀମାନେ ମଧ୍ୟ ହାଇବ୍ରିଡ୍ ମଡେଲକୁ ଅନୁସରଣ କରିବେ।ଏହି ନିର୍ଦ୍ଦେଶ ଜିଲ୍ଲାର କୋଚିଂ ସେଣ୍ଟରଗୁଡ଼ିକ ପାଇଁ ମଧ୍ୟ ପ୍ରଯୁଜ୍ୟ। ଅଧିକାରୀମାନେ କହିଛନ୍ତି ଯେ ଏହି ଅଞ୍ଚଳରେ ବାୟୁ ଗୁଣବତ୍ତା ଗମ୍ଭୀର ବର୍ଗରେ ରହିବା ପରେ ଏହି ନିଷ୍ପତ୍ତି ନିଆଯାଇଛି। ପ୍ରଦୂଷଣ ନିୟନ୍ତ୍ରଣ ବ୍ୟବସ୍ଥା ଅଧୀନରେ GRAP ପର୍ଯ୍ୟାୟ ୪ ହେଉଛି ସର୍ବୋଚ୍ଚ ସ୍ତରର ପ୍ରତିକ୍ରିୟା।ପରିବହନ, ନିର୍ମାଣ, ଶିଳ୍ପ କାର୍ଯ୍ୟକଳାପ ଏବଂ ଶିକ୍ଷାନୁଷ୍ଠାନଗୁଡ଼ିକ ଉପରେ ପ୍ରତିବନ୍ଧକ ଲଗାଯାଇଛି।ଆବଶ୍ୟକ ନହେଲେ ପିଲାମାନଙ୍କୁ ବାହାରକୁ ନ ପଠାଇବାକୁ ଅଭିଭାବକମାନଙ୍କୁ ପରାମର୍ଶ ଦିଆଯାଇଛି।
ଧର୍ମଶାଳା ଆକ୍ରମଣକୁ ନବୀନଙ୍କ ନିନ୍ଦା
ଭୁବନେଶ୍ବର : ଯାଜପୁର ଧର୍ମଶାଳାର ପୂର୍ବତନ ବିଧାୟକ ତଥା ବିଜୁ ଜନତା ଦଳର ବରିଷ୍ଠ ନେତା ପ୍ରଣବ ବଳବନ୍ତରାୟଙ୍କ ଘରେ ପଶି ଭଙ୍ଗା ରୁଜା ଓ ସମର୍ଥକଙ୍କ ଉପରେ ଆକ୍ରମଣ ଘଟଣାକୁ ଦୃଢ଼ ନିନ୍ଦା କରିଛନ୍ତି ବିଜେଡି ମୁଖ୍ୟ ନବୀନ ପଟ୍ଟନାୟକ। ସୋସିଆଲ ମିଡିଆରେ ସେ ପୋଷ୍ଟ କରିଛନ୍ତି, ଦିନ ଦ୍ବିପହରରେ ଏହି ଘଟଣା ଘଟିଥିଲେ ବି ପୋଲିସ ପ୍ରଶାସନ ତଥା ସରକାର ନିରବଦ୍ରଷ୍ଟା ସାଜିବା ଏବଂ ଏପର୍ଯ୍ୟନ୍ତ କାହା ଉପରେ ବି କାର୍ଯ୍ୟାନୁଷ୍ଠାନ ନ ନେବା ସମସ୍ତଙ୍କୁ ଆଶ୍ଚର୍ଯ୍ୟ କରୁଛି। ରାଜ୍ୟରେ ଅରାଜକତା ଓ ଗୁଣ୍ଡାରାଜକୁ ପ୍ରସୟ ଦେଇ ବିଜେପି ସରକାର କ’ଣ ଦର୍ଶାଇବାକୁ ଚାହୁଁଛନ୍ତି? ଶାନ୍ତିପ୍ରିୟ ଓଡ଼ିଶାବାସୀ ଏହାକୁ କଦାପି ଗ୍ରହଣ କରିବେ ନାହିଁ। ତୁରନ୍ତ ଦୋଷୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ଦାବି କରିଛନ୍ତି ନବୀନ ପଟ୍ଟନାୟକ।
ପ୍ରବଳ ଶୀତରେ ଥରୁଛି ଓଡ଼ିଶା
ଭୁବନେଶ୍ବର : ଶୀତ ଲହରୀରେ ଥରହର ଓଡ଼ିଶା। ଶୁଖିଲା ପାଗ ଯୋଗୁ କମୁଛି ପାରଦ। ଭୋରରୁ ଘରୁ ବାହାରିବା ମୁସକିଲ ହୋଇପଡୁଛି । ସାରା ରାଜ୍ୟରେ ଥଣ୍ଡା ଯୋଗୁ ଜନଜୀବନ ଅସ୍ତବ୍ୟସ୍ତ ହୋଇପଡୁଛି । ଫୁଲବାଣୀରେ ସବୁଠୁ କମ ତାପମାତ୍ରା ୬ ଡିଗ୍ରୀ ରେକର୍ଡ କରାଯାଇଛି । ଆହୁରି ଶୁଖିଲା ପାଗ ରହିବ । ଫଳରେ ଶୀତ ଲାଗି ରହିବ ବୋଲି କହିଛି ପାଣିପାଗ କେନ୍ଦ୍ର । ଅନ୍ୟପଟେ ସର୍ବନିମ୍ନ ତାପମାତ୍ରା ସାମନ୍ୟ ବୃଦ୍ଧି ଘଟିବ ବୋଲି ସୂଚନା ଦିଆଯାଇଛି । ଗତ ୨୪ ଘଣ୍ଟାରେ ରାଉରକେଲାରେ ସାମାନ୍ୟ କୁହୁଡିର ପ୍ରଭାବ ଦେଖିବାକୁ ମିଳିଥିଲା । ଏଠାରେ ୩ ଶହ ମିଟର ରହିଥିଲା ଦୃଶ୍ୟମାନ କ୍ଷମତା।
ମହମ୍ମଦ ମୋକିମ୍ କଂଗ୍ରେସରୁ ବହିଷ୍କୃତ
ଭୁବନେଶ୍ବର : ବର୍ତ୍ତମାନର ବଡ଼ ଖବର। ମହମ୍ମଦ ମୋକିମ୍ କଂଗ୍ରେସରୁ ବହିଷ୍କୃତ। ଦଳ ବିରୋଧୀ କାମ ଅଭିଯୋଗରେ ତାଙ୍କ ବିରୋଧରେ ନିଆଯାଇଛି କଡ଼ା କାର୍ଯ୍ୟାନୁଷ୍ଠାନ। ତାଙ୍କୁ ପ୍ରାଥମିକ ସଦସ୍ୟ ପଦରୁ ବହିଷ୍କାର କରାଯାଇଛି। ଦଳୀୟ ନେତୃତ୍ଵକୁ ଖୋଲାଖୋଲି ଚ୍ୟାଲେଞ୍ଜ କରିଥିଲେ ମୋକିମ। କିଛି ଦିନ ତଳେ ୫ ପୃଷ୍ଠାର ବିରାଟ ଚିଠି ଲେଖିଥିଲେ କଂଗ୍ରେସ ସାଂସଦ ସୋନିଆ ଗାନ୍ଧିଙ୍କୁ। ଏଥିରେ ସେ ପିସିସି ସଭାପତି ଭକ୍ତ ଦାସଙ୍କ ବିରୋଧରେ ଖୋଲାଖୋଲି ବିଷୋଦଗାର କରିଥିଲେ। ନୂଆପଡ଼ା ପରାଜୟକୁ ନେଇ କହିଥିଲେ ଭକ୍ତ ଦାସଙ୍କ ନିଜ ଅଞ୍ଚଳରେ ବି ଦଳ ୮୦ ହଜାର ଭୋଟରେ ହାରିଛି। ଏଥିପାଇଁ କର୍ମୀ ହତାଶ ହୋଇ ପଡ଼ିଥିବା କହିଥିଲେ। କେବଳ ସେତିକି ନୁହେଁ ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧି ଓ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡ଼ଗେଙ୍କ ବିରୋଧରେ ବି ମତ ଦେଇଥିଲେ। ଏହାକୁ ନେଇ ଦଳରେ ସୃଷ୍ଟି ହୋଇଥିଲା କମ୍ପନ। ଅନୁମାନ କରାଯାଉଥିଲା ମୋକିମଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ହୋଇପାରେ। ଏପରି ସଂକେତ ବି ଆସିଥିଲା। ଶେଷରେ ତାଙ୍କୁ ଦଳରୁ ବହିଷ୍କାର କରାଯାଇଛି।