ଆକାଶରେ ପ୍ରଦର୍ଶିତ ଭାରତର ବୀରତା, ବନ୍ଦେ ମାତରଂରେ ପ୍ରକମ୍ପିତ ବିଜୟଚୌକ

1 min read

ନୂଆଦିଲ୍ଲୀ: ଗଣତନ୍ତ୍ର ଦିବସ ପରେ ପ୍ରତିବର୍ଷ ପାଳନ ହୋଇଆସୁଛି ଧ୍ୱଜାବତରଣ ଦିବସ ବା ବିଟିଂ ଦି ରିଟ୍ରିଟ୍ ସେରିମୋନି  । ୨୬ ଜାନୁଆରୀରେ ଗଣତନ୍ତ୍ର ଦିବସ ପାଳନ ହୋଇଆସୁଥିବାବେଳେ ୨୯ ଜାନୁଆରୀରେ ବିଟିଂ ଦି ରିଟ୍ରିଟ୍ ପାଳନ ହୋଇଆସୁଛି  । ପ୍ରତିବର୍ଷ ଭଳି ଆଜି ମଧ୍ୟ ସମୟ ୫.୧୫ ମିନଟରେ ପାଳନ ହୋଇଛି ଏହି ଉତ୍ସବ  । ବୀର ଯବାନଙ୍କ ଚିତା କର୍ଷକ ପରେଡ ସହ ଧ୍ୱଜାବତ୍ୱରଣ ହୋଇଛି  । ଦେଶର ତିନି ସେନା ମୁଖ୍ୟଙ୍କ ଗହଣରେ ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଉପସ୍ଥିତ ରହିଛନ୍ତି  ।

ଏହା ସହ ଦେଶର ଅନେକ ପ୍ରତିଷ୍ଠିତ ବ୍ୟକ୍ତିତ୍ୱ ଯୋଗଦାନ କରିଛନ୍ତି  । ଜାତୀୟ ସଂଗୀତ ‘ଜନ ଗଣ ମନ ’ ରୁ ଆରମ୍ଭ କରାଯାଇଥିଲା  । ଏଥିସହ ସବୁଠାରୁ ଆକର୍ଷଣୀୟ ଏବଂ ଚିତାକର୍ଷକ ଥିଲା ଆଜାଦୀ କି ଅମୃତ ମହୋତ୍ସବ  । ଡ୍ରୋନ ସୋ ସାଙ୍ଗକୁ ଲାଇଟ ଏବଂ ସାଉଣ୍ଡ ସୋ ରେ କମ୍ପମାନ ହୋଇଥିଲା ବିଜୟ ଚୌକ  । ବୈଭବୀ ଭାରତର ଗାଥା, ବୀରତା ଏବଂ ପରାକାଷ୍ଠାକୁ ଲେଜର ସୋ ମାଧ୍ୟମରେ ପ୍ରକାଶ କରାଯାଇଛି  । ସନାତନୀ ଭାରତରେ ମୁନି ଋଷିଙ୍କ ଆବିର୍ଭାବ ଠାରୁ ଆରମ୍ଭ କରି ଭାରତର ଗାରିମାମୟ ଇତିହାସକୁ ଉଲ୍ଲେଖ କରାଯାଇଥିଲା  ।

ପ୍ରତିଟି ପରିସ୍ଥିତିରେ କିପରି ଦେଶର ଯବାନ ମାଟି ପାଇଁ ମୃତ୍ୟୁକୁ ସ୍ୱୀକାର କରିଛନ୍ତି, ଝଡ଼-ବର୍ଷା-ଖରାକୁ ଖାତିର ନକରି ଭାରତର ବୀରତାକୁ ବଜାୟ ରଖିଛନ୍ତି ତାହା ମଧ୍ୟ ପ୍ରଦର୍ଶିତ କରାଯାଇଥିଲା  । ଏହାସହ ଦେଶ ସ୍ୱାଧିନତାରେ ଜୀବନକୁ ବଳି ଦେଇଥିବା ମାଟିର ମହାନ ସଂଗ୍ରାମୀଙ୍କ ସଂଘର୍ଷ କାହାଣୀ  । ଜାତିର ପିତା ମହାତ୍ମା ଗାନ୍ଧୀଙ୍କ ଅହିଂସାର ଆହ୍ୱାନ , ଲାଲ-ବାଲ-ପାଲଙ୍କ ଋଣ ହୁଙ୍କାର, ବୀର ସୁଭାଷ ବୋଷଙ୍କ ଆଜାଦ ହିନ୍ଦ ଫୈଜର ଗଠନକୁ ଡ୍ରୋନ ସୋ ମାଧ୍ୟମରେ ଦେଶ ଆଗରେ ପ୍ରଦର୍ଶିତ କରାଯାଇଛି  । ଦେଶ ସ୍ୱାଧନତାର ୭୫ ବର୍ଷ ଅବସରରେ ଆଜାଦୀ କି ଅମୃତ ମହୋତ୍ସବକୁ ଭବ୍ୟ ଭାବେ ପାଳନ କରାଯାଇଛି  । ବନ୍ଦେ ମାତଂର ନାରାରେ ପ୍ରକମ୍ପିତ ହୋଇଥିଲା ବିଜୟ ଚୌକ  ।

୧୯୭୧ରେ ପାକିସ୍ତାନ ସହ ଯୁଦ୍ଧରେ ବିଜୟ ପରେ ପ୍ରସ୍ତୁତ ହୋଇଥିବା ଧୂନ୍‌ରେ ଆରମ୍ଭ ହୋଇଥିଲା ଧ୍ବଜାବତରଣ ସମାରୋହ । ପ୍ରତିବର୍ଷ ଏହି ସମାରୋହ ଦେଖିବାକୁ ୨୫ ହଜାର ଦର୍ଶକଙ୍କୁ ଅନୁମତି ମିଳୁଥିବା ବେଳେ ଚଳିତବର୍ଷ କରୋନା ପାଇଁ କମ୍‌ ସଂଖ୍ୟକ ଦର୍ଶକଙ୍କୁ ଅନୁମତି ମିଳିଥିଲା । ୧୯୫୦ରେ ଭାରତରେ ପ୍ରଥମ କରି ଧ୍ବଜାବତରଣ ସମାବେଶର ଆୟୋଜନ କରାଯାଇଥିଲା । ଚଳିତବର୍ଷ ବିଟିଂ ରିଟ୍ରିଟରେ ଡ୍ରୋନ ଶୋ ଓ ପ୍ରୋଜେକ୍ସନ ମ୍ୟାପିଂକୁ ସାମିଲ କରାଯାଇଥିଲା । ପ୍ରାୟ ଏକ ହଜାର ମେଡ୍‌ ଇନ ଇଣ୍ଡିଆ ଡ୍ରୋନ୍ ମଝି ଆକାଶରେ  ଦେଖାଇଥିଲେ ପାରଦର୍ଶିତା ।

About Post Author

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.