କେନ୍ଦୁଝର ଜିଲ୍ଲା ଘଟଗାଁରୁ ଉଦ୍ଧାର ହାତୀଛୁଆକୁ ନନ୍ଦନକାନନ ଅଣାଯିବ

କେନ୍ଦୁଝର: କେନ୍ଦୁଝର ଜିଲ୍ଲା ଘଟଗାଁରୁ ଉଦ୍ଧାର ହାତୀଛୁଆକୁ ନନ୍ଦନକାନନ ଅଣାଯିବ । ଏନେଇ ସମସ୍ତ ପ୍ରସ୍ତୁତି ଶେଷ ହୋଇଥିବା କହିଛନ୍ତି କେନ୍ଦୁଝର ଜିଲ୍ଲା ଘଟଗାଁ ରେଞ୍ଜର । ହାତୀଛୁଆକୁ ହାତୀପଲ ଗ୍ରହଣ ନକରିବାରୁ ଏଭଳି ନିଷ୍ପତ୍ତି ନିଆଯାଇଛି । ଗତ ୩ ଦିନ ଧରି ବାରବାଙ୍କ ଜଙ୍ଗଲରେ ଚେଷ୍ଟା କରି ବିଫଳ ହୋଇଛି ବନ ବିଭାଗ । ଦେଢ଼ବର୍ଷର ଏକ ହାତୀଛୁଆ ଏକ ପଥର ଖୋଲରେ ପଡ଼ି ଯାଇଥିବା ବେଳେ ୧୨ ଟିକିଆ ହାତୀପଲ୍ଲ ହାତୀଛୁଆକୁ ସେଠାରୁ ଉଦ୍ଧାର କରିପାରି ନଥିଲେ ।

ପରେ ବନ ବିଭାଗ ହାତୀ ଛୁଆକୁ ସେଠାରୁ ଉଦ୍ଧାର କରିଥିଲେ । ବନ ବିଭାଗ ହାତୀପଲ୍ଲଙ୍କ ନିକଟକୁ ହାତୀକୁ ପଠାଇଥିଲେ ସୁଦ୍ଧା ଛୁଆକୁ ଗ୍ରହଣ ନକରି ପଳାଇଥିଲେ ହାତୀ । ଛୁଆଟିକୁ ହାତୀପଲ ନନେବା ପରେ ଅଲୋଡ଼ା ହୋଇଯାଇଥିଲା ଛୁଆହାତୀ । ଏବେ ତାକୁ ନନ୍ଦନକାନନ ଅଣାଯିବ । ଘଟଣା ଘଟିଥିଲା କେନ୍ଦୁଝର ଜିଲ୍ଲା ଘଟଗାଁ ରେଞ୍ଜ ଢ଼େଙ୍କିକୋଟ୍‌ ବିଟ୍ କାଳିମାଟି ଡ୍ୟାମ ନିକଟରେ । ହାତୀଛୁଆକୁ ହାତୀପଲ୍ଲ ଗ୍ରହଣ ନକରିବାରୁ ହାତୀ ଛୁଆକୁ ନନ୍ଦନକାନନ ପଠାଇବାକୁ ସ୍ଥିର କରିଛି କେନ୍ଦୁଝର ବନ ବିଭାଗ ।