ପୂରା ହେଲା ନାସାର ମୁନ ମିଶନ, ପୃଥିବୀକୁ ଫେରିଆସିଲା SLS ଆାର୍ଟେମିସ୍-୧

ନୂଆଦିଲ୍ଲୀ: ପୂରା ହେଲା ନାସାର ମୁନ ମିଶନ । ଗତକାଲି ରାତି ୧୧ଟା ୧୦ ମିନିଟରେ ପୃଥିବୀକୁ ଫେରିଆସିଲା ଆର୍ଟେମିସ-୧ । ୨୫ ଦିନ ୧୦ ଘଣ୍ଟା ୫୩ ମିନିଟର ଯାତ୍ରା ସାରି ଫେରିଲା ନାସା SLS ରକେଟ୍ । ୧.୪ ମିଲିୟନ ମାଇଲ ଯାତ୍ରା କରିଛି ଆର୍ଟେମିସ-୧ । କେନେଡି ସ୍ପେସ ଷ୍ଟେସନରୁ ଏହି ରକେଟ୍‌ ଉତକ୍ଷେପଣ କରାଯାଇଥିବା ବେଳେ, ଏହା କାଲିଫର୍ଣ୍ଣିଆ ସମୁଦ୍ରରେ ଅବତରଣ କରିଛି । ଚନ୍ଦ୍ରପୃଷ୍ଠରୁ ପୃଥିବୀ ଫେରିଥିବା ଏହି ରକେଟ ଲାଟେଷ୍ଟ ଟେକ୍ନୋଲୋଜି ସ୍କିପ୍ ଏଣ୍ଟ୍ରି ଟେକନିକରେ ଲ୍ୟାଣ୍ଡ କରିଛି । ଏହି ପ୍ରକ୍ରିୟାରେ ତିନିଟି ପର୍ଯ୍ୟାୟ ରହିଥିଲା ।

ପ୍ରଥମେ ଏହା ପୃଥିବୀ ବାୟୁମଣ୍ଡଳର ଉପରିଭାଗରେ ପ୍ରବେଶ କରିଥିଲା । ଏହାପରେ କ୍ୟାପସୁଲ ସାହାଯ୍ୟରେ ବାୟୁମଣ୍ଡଳ ବାହାରକୁ ଆସି ପୁଣି ପାରାଚ୍ୟୁଟ ଯୋଜେ ବାୟୁମଣ୍ଡଳରେ ପ୍ରବେଶ କରିଥିଲା । ସ୍କିପ ଏଣ୍ଟ୍ରି ବେଳେ ସ୍ପେସକ୍ରାଫ୍ଟ ଓ କ୍ରୁ ମଡ୍ୟୁଲ ଅଲଗା ହୋଇଥିଲା । ଆର୍ଟେମିସ-୧ ନାସା ମୁନ ମିସନର ଟେଷ୍ଟ ଫ୍ଲାଇଟ । ଆର୍ଟେମିସ-୨ରେ ମହାକାଶଚାରୀଙ୍କୁ ଚନ୍ଦ୍ରପୃଷ୍ଠକୁ ପଠାଇବାକୁ ନାସା ଯୋଜନା କରୁଛି । ଟେଷ୍ଟ ଫ୍ଲାଇଟର ଲ୍ୟାଣ୍ଡିଂ ପରେ ଏବେ ଆର୍ଟେମିସ-୨ର ପ୍ଲାନିଂ କରାଯାଉଛି । ୨୦୨୪ ସୁଦ୍ଧା ଆର୍ଟେମିସ-୨ ଲଞ୍ଚ କରିବାକୁ ନାସା ଯୋଜନା କରୁଛି ।