ରିଲିଜ ହେଲା ସସପେନ୍ସ-ଥ୍ରୀଲର ଫିଲ୍ମ ‘ଚେହରେ’ର ଟ୍ରେଲର, ଦେଖିବାକୁ ମିଳିଲା ରିୟା ଚକ୍ରବର୍ତ୍ତୀଙ୍କ ଝଲକ

ନୂଆଦିଲ୍ଲୀ: ନିର୍ଦ୍ଦେଶକ ରୁମୀ ଜାଫରୀଙ୍କ ଫିଲ୍ମ ‘ଚେହରେ’କୁ ନେଇ ଦୀର୍ଘ ସମୟ ଧରି ସସପେନ୍ସ ଲାଗି ରହିଥିଲା କାରଣ ବିବାଦ ଭିତରକୁ ଆସିବା ପରେ ଏହି ଫିଲ୍ମରୁ ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ରୋଲକୁ ପୂରାପୂରୀ କାଟିଦିଆଯାଇଥିଲା । କିନ୍ତୁ ଏହି ପ୍ରଶ୍ନର ଉତ୍ତର ଖୋଜୁଥିବା ଦର୍ଶକଙ୍କୁ ଫିଲ୍ମର ଟ୍ରେଲର ରିଲିଜ ହେବାପରେ ଏହାର ଉତ୍ତର ମିଳିଛି । ଅମିତାଭ ବଚ୍ଚନ ଏବଂ ଇମରାନ ହାଶମୀ ଅଭିନିତ ଏହି ସସପେନ୍ସ ଥ୍ରିଲର ଫିଲ୍ମର ଟ୍ରେଲର କିଛି ସମୟ ପୂର୍ବରୁ ରିଲିଜ କରାଯାଇଛି । ତେବେ ଫିଲ୍ମକୁ ନେଇ ଦର୍ଶକଙ୍କ ଉତ୍ସାହ ଆହୁରି ବଢ଼ିଯାଇଛି ।

‘ଚେହରେ’ ଟ୍ରେଲରରେ, ଅମିତାଭ ବଚ୍ଚନ ଫିଲ୍ମରେ ଜଣେ କ୍ରିମିନାଲ ଲୟର ଚରିତ୍ରରେ ନଜର ଆସୁଛନ୍ତି । ଅନ୍ୟପଟେ ଇମରାନ ହାଶମୀ ଏକ ଆଡ୍ ଏଜେନ୍ସିର ମାଲିକ ରୂପରେ ନଜର ଆସୁଛନ୍ତି । ଶୁନଶାନ ସ୍ଥାନରେ ନିର୍ମିତ ଏକ କଟେଜରେ ସମସ୍ତେ ଏକାଠି ଅଛନ୍ତି ଏବଂ ଏକ ମୋକ୍ ଟ୍ରାୟଲ କେସର ଖେଳ ଖେଳନ୍ତି ।

ଫିଲ୍ମ ‘ଚେହରେ’କୁ ନେଇ ବିଗତ କିଛି ଦିନ ହେବ ଚର୍ଚ୍ଚା ଜୋର ଧରିଥିଲା । ଏହି ଫିଲ୍ମର ଟିଜର, ପୋଷ୍ଟରରୁ ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କୁ ପୂରାପୂରୀ ହଟେଇଦିଆଯାଇଛି । କିନ୍ତୁ ରିୟାଙ୍କ ଏକ ଝଲକ ଟ୍ରେଲରରେ ଦେଖିବାକୁ ମିଳୁଛି ।

ସୂଚନା ଅନୁଯାୟୀ ଫିଲ୍ମଟି ଅପ୍ରେଲ ୯ ତାରିଖରେ ରିଲିଜ ହେବାକୁ ଯାଉଛି । ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ରୁମୀ ଜାଫରୀ ଏବଂ ଆନନ୍ଦ ପଣ୍ଡିତ ଏହି ଫିଲ୍ମର ପ୍ରଯୋଜନା ଭାର ସମ୍ଭାଳିଛନ୍ତି । ଏହି ଫିଲ୍ମରେ ସିଦ୍ଧାନ୍ତ କପୁର, କ୍ରିସଟଲ ଡିସୁଜା, ରଘୁବୀର ଯାଦବ ଏବଂ ଅନୁ କପୁର ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସୁଛନ୍ତି ।

Leave a Reply