ମହଙ୍ଗା ପଡିଲା ଚୀନକୁ ବିରୋଧ; ୨୫.୫୨ ଲକ୍ଷ କୋଟି ଟଙ୍କା ହରାଇଲା ଅଲିବାବା

ନୂଆଦିଲ୍ଲୀ: ବିଶ୍ୱର ବୃହତମ କମ୍ପାନୀ ଆଲିବାବା ହରାଇଲା ୩୪୪ ବିଲିୟନ ଡଲାର । ଭାରତୀୟ ଟଙ୍କାରେ ଏହାର ମୂଲ୍ୟ ପ୍ରାୟ ୨୫ ଲକ୍ଷ ୫୨ ହଜାର କୋଟି ଟଙ୍କା। ବିଶ୍ୱରେ ଏହି ଧରଣର କ୍ଷତି ସହିବାରେ ଆଲିବାବା ପ୍ରଥମ କମ୍ପାନୀ ହୋଇଛି । ଅଲିବାବା ଗ୍ରୁପର ପ୍ରତିଷ୍ଠାତା ଜାକମାଙ୍କୁ ନେଇ ସନ୍ଦେହ ଜାରି ରହିଥିବାବେଳେ ଗତ ବର୍ଷଠାରୁ ତାଙ୍କ କମ୍ପାନୀ ଉପରେ ଚୀନ ସରକାର କଟକଣା ଜାରି କରିଆସିଛନ୍ତି।

ସାରା ବିଶ୍ୱରେ ଅଲିବାବାର ଷ୍ଟକରେ ଘାଟା ଆସିଥିବାରୁ ଏହି କ୍ଷତି ଘଟିଛି। ବ୍ଲୁମବର୍ଗ ପକ୍ଷରୁ କରାଯାଇଥିବା ଆକଳନରେ ଏହି ବିଶାଳ କ୍ଷତି ପରିମାଣ ସାମନାକୁ ଆସିଛି । ଚୀନରେ ଅଲିବାବା ଓ ଆଣ୍ଟ ଗ୍ରୁପ ଉପରେ କଟକଣା ଜାରି କରାଯିବା ସହ ବେଜିଂର ଜାକମା ବିରୋଧୀ ଆଭିମୁଖ୍ୟ ଯୋଗୁ ଏହି ବିପୁଳ କ୍ଷତି ଘଟିଛି ।

ଦେଶର ସବୁଠାରୁ ଭାଇବ୍ରାଣ୍ଟ ସେକ୍ଟରରେ ଡ୍ରାଗନର କଟକଣା ଜାରି କରାଯିବା ସହ ଆଣ୍ଟ ଗ୍ରୁପର ଲିଷ୍ଟିଂକୁ ବାତିଲ କରିଥିବାରୁ ଏହି କ୍ଷତି ଘଟିଛି । କଟକଣା ଯୋଗୁ ଆଲିବାବର ସେୟାର ସର୍ବକାଳୀନ ହ୍ରାସ ପାଇଥିଲା । ଚୀନର ତଥାକଥିତ ଜିରୋ କୋଭିଡ ନୀତି ଓ ଆର୍ଥିକ ନୀତିକୁ ସମାଲୋଚନା କରିବାରୁ ବେଜିଂର କୋପ ଦୃଷ୍ଟିରେ ପଡିଛନ୍ତି ଜାକମା।

Leave a Reply

Your email address will not be published.