ଦିଲ୍ଲୀରେ ସ୍ଥିତି ଗମ୍ଭୀର: ଦିପାବଳୀରେ ବାଣ ଫୁଟାଇବାରୁ ଅନେକ ଅଞ୍ଚଳରେ AQI ୯୯୯ ଛୁଇଁଲା

1 min read

ନୂଆଦିଲ୍ଲୀ: ସୁପ୍ରିମ କୋର୍ଟ ଏବଂ ଏନଜିଟିର ଆଦେଶ ପରେ ମଧ୍ୟ ଦିପାବଳୀରେ ଦିଲ୍ଲୀ- ଏନସିଆର ଲୋକମାନେ ବାଣ ଫୁଟାଇଥିବାର ଦେଖିବାକୁ ମିଳିଛି । ଏହାର ପରିଣାମରେ ଆହରୁ ଖରାପ ସ୍ଥିତିରେ ଥିବା ଦିଲ୍ଲୀର ବାୟୁର ଆହୁରି ପ୍ରଦୂଷଣ ହୋଇଉଠିଛି ।

ଦିପାବଳୀ ରାତିରେ ଫୁଟାଯାଇଥିବା ବାଣ ଯୋଗୁଁ ଦିଲ୍ଲୀର ଏୟାର କ୍ୱାଲିଟି ଗମ୍ଭୀର ଶ୍ରେଣୀରେ ପହଞ୍ଚିଛି । ଦିଲ୍ଲୀର ଅନେକ ଅଞ୍ଚଳରେ ଏୟାର କ୍ୱାଲିଟି ଇଣ୍ଡେକ୍ସ ୯୯୯ ପର୍ଯ୍ୟନ୍ତ ପହଞ୍ଚିଛି । ପୁରା ଦିଲ୍ଲୀ ରାତି ସମୟରେ ବାଣର ବିଷାକ୍ତ ଧୂଆଁ ଚାଦରରେ ଆଚ୍ଛାଦିତ ହୋଇଥିଲା ।

ରାତିରେ ବାୟୁ ପ୍ରଦୂଷଣ ଅଧିକ ମାତ୍ରାରେ ହେବାରରୁ ଦିଲ୍ଲୀ ନଗର ନିଗମ ଅଧ ରାତିରେ ସଦର ବଜାର ଅଞ୍ଚଳରେ ପାଣି ସ୍ପ୍ରେ କରିଥିଲା । ବଢୁଥିବା ପ୍ରଦୂଷଣକୁ କମ କରିବା ପାଇଁ ନର୍ଥ ଦିଲ୍ଲୀର ମେୟର ଜୟପ୍ରକାଶ ହଟ ସ୍ପଟ ଅଞ୍ଚଳରେ ଫଙ୍ଗିଂ କରୁଥିବା ନଜର ଆସିଥିଲେ । ଦିଲ୍ଲୀରେ ସକାଳ ଚାରି ଟାରେ ରେକର୍ଡ କରାଯାଇଥିବା AQI ରେ ଗମ୍ଭୀର ସ୍ଥିତି ଦେଖିବାକୁ ମିଳିଛି ।

ଆନନ୍ଦ ବିହାରରେ ଏୟାର କ୍ୱାଲିଟି ଇଣ୍ଡେକ୍ସରେ ୫୭୨, ମନ୍ଦିର ମାର୍ଗ ଅଞ୍ଚଳରେ ୭୮୫, ପଞ୍ଜାବ ବାଗରେ ୫୪୪, ଦ୍ୱାରକା ସେକ୍ଟରେ ୫୦୦, ସୋନିୟା ବିହାରରେ ୪୬୨, ଆମେରିକା ଦୂତାବାସ ଅଞ୍ଚଳରେ ୬୧୦, ଶହିଦ ମୁଖଦେବ କଲେଜ ଅଫ ବିଜନେସ ଷ୍ଟଡିଜ ଆଖପାଖ ଅଞ୍ଚଳରେ ୯୯୯, ଜଙ୍ଗାଗୀରପୁରୀରେ ୭୭୩, ସତ୍ୟବତୀ କଲେଜରେ ୮୧୮ ଏବଂ ବବାନା ଅଞ୍ଚଳରେ ୬୨୩ ରେକର୍ଡ କରାଯାଇଛି ।

ପୂର୍ବ ସପ୍ତାହରେ କରୋନାପ ସମୀକ୍ଷା ବୈଠକ ପରେ ଦିଲ୍ଲୀ ସରକାର ୩୦ ନଭେମ୍ବର ପର୍ଯ୍ୟନ୍ତ ବାଣ କରିବା ପାଇଁ ନିର୍ଦ୍ଦେଶ ଦେଇଥିଲେ । ବର୍ତ୍ତମାନ ଦିଲ୍ଲୀରେ କରୋନା ସଂକ୍ରମଣ ବଢ଼ିବାରେ ଲାଗିଛି । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଅକ୍ଷରଧାମ ମନ୍ଦିରରେ ଦିପାବଳୀ ପୂଜା ପୂର୍ବରୁ ବାଣ ନଫୁଟାଇବା ପାଇଁ ନିର୍ଦ୍ଦେଶ ଦେଇଥିଲେ । କାରଣ ଏମିତି କରିବା ଦ୍ୱାରା ପ୍ରଦୂଷଣର ସ୍ଥର ଆହୁରି ବଢ଼ିବ ଏବଂ ତାହା କରୋନା ସଂକ୍ରମିତଙ୍କ ସ୍ୱାସ୍ଥ୍ୟ ଉପରେ ପ୍ରଭାବ ପକାଇବ ।

Leave a Reply