ଭାରତ-ଅଷ୍ଟ୍ରେଲିଆ ଦ୍ୱିତୀୟ ଟି୨୦ ମ୍ୟାଚ୍; ସିରିଜ ଲକ୍ଷ୍ୟରେ ଟିମ୍ ଇଣ୍ଡିଆ

ସିଡନୀ: ଆଜି ଭାରତ-ଅଷ୍ଟ୍ରେଲିଆ ଦ୍ୱିତୀୟ ଟି-୨୦ ମ୍ୟାଚ୍ ଅନୁଷ୍ଠିତ ହେବାକୁ ଯାଉଛି । ପ୍ରଥମ ମ୍ୟାଚ୍‌ରେ ଦମଦାର ବିଜୟ ପରେ ଭ୍ରମଣକାରୀ ଭାରତ ଅଷ୍ଟ୍ରେଲିଆ ବିପକ୍ଷ ମ୍ୟାଚରେ ପଡ଼ିଆକୁ ଓଲ୍ହାଇବ ।

ସିଡ଼ିନୀ ମଇଦାନରେ ଖେଳାଯିବାକୁ ଥିବା ମ୍ୟାଚରେ ଅଲରାଉଣ୍ଡର ରବୀନ୍ଦ୍ର ଜାଡେଜାଙ୍କ ଅନୁପସ୍ଥିତିରେ ଦଳ ମ୍ୟାଚ୍‌ରେ ଜିତିବାକୁ ଚେଷ୍ଟା କରିବ। ପ୍ରଥମ ଟି-୨୦ ମୁକାବିଲାରେ ଜାଡେଜାଙ୍କ ମୁଣ୍ଡରେ ଆଘାତ ଲାଗିବାରୁ କନକୁସନ ବିକଳ୍ପ ଭାବେ ଖେଳିଥିବା ୟୁଜବେନ୍ଦ୍ର ଚହଲ ଚମତ୍କାର ବୋଲିଂ କରି ୩ ଓ୍ଵିକେଟ୍ ନେଇ ଦଳର ବିଜୟରେ ମୁଖ୍ୟ ଭୂମିକା ଗ୍ରହଣ କରିଥିଲେ।

ସେହିପରି ଦଳ ଦ୍ଵିତୀୟ ଟି-୨୦ ଜିତି କଙ୍ଗାରୁଠାରୁ ଦିନିକିଆ ପରାଜୟର ପ୍ରତିଶୋଧ ନେବାକୁ ଚେଷ୍ଟା କରିବ। ଏପରିକି ଟେଷ୍ଟ ଶୃଙ୍ଖଳା ପୂର୍ବରୁ ଟି-୨୦ ଶୃଙ୍ଖଳା ଜିତିଲେ ଭାରତୀୟ ଦଳର ମନୋବଳ ବୃଦ୍ଧି ଘଟିବ।

ଭାରତ:- ବିରାଟ କୋହଲି (ଅଧିନାୟକ), ଶିଖର ଧୱନ, ମୟଙ୍କ ଅଗ୍ରୱାଲ, କେ.ଏଲ୍ ରାହୁଲ, ଶ୍ରେୟସ୍ ଆୟର, ମନୀଷ ପାଣ୍ଡେ, ହାର୍ଦ୍ଦିକ ପାଣ୍ଡ୍ୟା, ସଞ୍ଜୁ ସାମସନ୍, ୱାଶିଂଟନ୍ ସୁନ୍ଦର, ୟୁଜବେନ୍ଦ୍ର ଚହଲ, ଜସପ୍ରୀତ ବୁମରା, ମହମ୍ମଦ ଶାମି, ନବଦୀପ ସୋନି, ଦୀପକ ଚହର, ଟି ନଟରାଜନ୍ ଓ ଶାର୍ଦ୍ଦୁଲ ଠାକୁର ।

ଅଷ୍ଟ୍ରେଲିଆ:- ଆରୋନ ଫିଞ୍ଚ (ଅଧିନାୟକ), ସିନ୍ ଆବଟ, ଆଷ୍ଟନ୍ ଏଗର୍, ଆଲେକ୍ସ କେରୀ, ଜୋସ୍ ହେଜଲବୁଡ୍, ମୋଇଜେସ୍ ହେନ୍ରିକ୍ସ, ମାର୍ନସ୍ ଲାବୁସେନ୍, ଗ୍ଲେନ୍ ମ୍ୟାକ୍ସୱେଲ, ଡାନିଏଲ୍ ସାମସ୍, କେନ୍ ରିଚାର୍ଡସନ, ଷ୍ଟିଭ ସ୍ମିଥ, ମିସେଲ ଷ୍ଟାର୍କ, ମାର୍କସ ଷ୍ଟୋଇନିସ, ମାଥ୍ୟୁ ୱେଡ, ଡାର୍ସି ସର୍ଟ, ଏଡମ ଜାମ୍ପା, ମିସେଲ ସ୍ୱେପସନ୍ ଓ ନାଥାନ୍ ଲିଅନ୍।