Covid19 Vaccine: ଡିସେମ୍ବର ୧୧ରେ ଆମେରିକାରେ ମିଳିପାରେ କରୋନା ଟୀକା
1 min read
ୱାଶିଂଟନ୍: ଡିସେମ୍ବର ଆରମ୍ଭରେ ଆମେରିକା ଲୋକଙ୍କୁ ମିଳିପାରେ କୋଭିଡ୍ ଟୀକା । ଆମେରିକା ଖାଦ୍ୟ ଏବଂ ଔଷଧ ପ୍ରଶାସନ ସୂତ୍ରରୁ ମିଳିଥିବା ସୂଚନା ଅନୁସାରେ ଅନୁମତି ମିଳିବାର ୨୪ ଘଣ୍ଟା ମଧ୍ୟରେ ଭ୍ୟାକ୍ସିନ୍ ଯୋଗାଣ ଆରମ୍ଭ କରାଯିବ । ୧୧ ଅଥବା ୧୨ ଡିସମ୍ବରରୁ ଆରମ୍ଭ ହେବ ଭ୍ୟାକ୍ସିନ ଯୋଗାଣ । FDA ଭ୍ୟାକ୍ସିନ୍ ପରାମର୍ଶଦାତା କଥିତ ଭାବରେ ଟୀକାକୁ ଅନୁମତି ଦେବା ଲାଗି ୮ରୁ ୧୦ ଡିସମ୍ବରକୁ ଫାଇଜର ଓ ମଡର୍ଣ୍ଣା କମ୍ପାନୀ ସହ କଥାବାର୍ତ୍ତା ହେବେ । କରୋନା ଭ୍ୟାକ୍ସିନକୁ ନେଇ ଆମେରିକା ଏକ ବଡ଼ ଦାବି କରିଛି । ଯେଉଁଥିରେ କୁହାଯାଇଛି ଆମେରିକାର ମଡର୍ଣ୍ଣା ଇଙ୍କ ନାମକ ଟୀକା ତିଆରି କରିଛି । କମ୍ପାନୀର ଦାବି ହେଉଛି- ଆକ୍ରାନ୍ତଙ୍କ ଠାରେ ଭ୍ୟାକ୍ସିନ୍ ୯୪.୫ ପ୍ରତିଶତ କାମ କରିଛି ।
ମିଡିଆ ରିପୋର୍ଟ ଅନୁସାରେ, ଆମେରିକାର ମଡର୍ଣ୍ଣା ଇଙ୍କ କମ୍ପାନୀ ଦାବି କରିଛି- କରୋନା ଚିକିତ୍ସାରେ କମ୍ପାନୀର ଭ୍ୟାକ୍ସିନ ୯୪ ପ୍ରତିଶତ ସଫଳ ହୋଇଛି । ଏହି ଭ୍ୟାକ୍ସିନର ଗୋଟିଏ ଡୋଜ୍ ପାଇଁ ସରକାର ୨୫ରୁ ୩୭ ଆମେରିକୀୟ ଡଲାର ଭାରତୀୟ ମୂଲ୍ୟରେ ୧ ହଜାର ୮୫୪ ଟଙ୍କାରୁ ୨ ହଜାର ୭୪୪ ଟଙ୍କା ନେଇପାରନ୍ତି ।
ଆମେରିକାର ମଡର୍ଣ୍ଣା ଇଙ୍କ୍ ଏକ ବୟାନରେ ଦାବି କରିଛି- କମ୍ପାନୀର କରୋନା ଭ୍ୟାକ୍ସିନର ଭଲ ପରିଣାମ ମିଳିଛି । ମଡର୍ଣ୍ଣାର ସିଇଓ ସୂଚନା ଦେଇଛନ୍ତି- ଭ୍ୟାକ୍ସିନର ଦର ଆବଶ୍ୟକତା ଅନୁଯାୟୀ ସ୍ଥିର ହେବ । ଏବେର ଏକ ଅନୁମାନ ଅନୁଯାୟୀ, ଭ୍ୟାକ୍ସିନର ଦାମ ୧୦ରୁ ୧୫ ଡଲାର ହୋଇପାରେ ।
କମ୍ପାନୀ କହିଛି- ଏବେ ଭ୍ୟାକ୍ସିନର ଅନ୍ତିମ ପର୍ଯ୍ୟାୟ କ୍ଲିନିକାଲ ଟ୍ରାଏଲ୍ ଯାଏଁ ଆମେ ଘୋଷଣା କରିବୁ ନାହିଁ । କିନ୍ତୁ, ଅନ୍ତିମ ଡାଟା ମିଳିବା ପରେ ଅନୁମତି ଆଣି ମାର୍କେଟକୁ ଅଣାଯିବ । ଆମେ ଏନେଇ ଜର୍ମାନର ସାପ୍ତାହିକ ୱେଷ୍ଟ ଏମ୍ ସୋଟ୍ୟାଗ୍ ସହ ଆଲୋଚନା କରିଛନ୍ତି । କମ୍ପାନୀର କହିବା ଅନୁଯାୟୀ ଭ୍ୟାକ୍ସିନର ସର୍ବନିମ୍ନ ବଜାର ଦର ୧୨୭୩ ଟଙ୍କା ରହିବ ।
