୨୪ ଘଣ୍ଟା ପରେ ବି ରାସ୍ତାରେ ପଡ଼ିଛି ଶବ; ପୋଲିସର ଖୋଜ୍-ଖବର ନାହିଁ

ବୁର୍ଲା: ଗତ କିଛି ଦିନ ହେବ ବୁର୍ଲା ଭାରି ଚର୍ଚ୍ଚାରେ । ଡକାୟତି ଓ ହତ୍ୟା ଭଳି ଅପରାଧ ସହରରେ ବଢିବାରେ ଲାଗିଛି । ଗତକାଲି ବୁର୍ଲାରେ ଏକ ହତ୍ୟାକାଣ୍ଡ ହୋଇଥିଲା । ଏନେଇ ପରିବାର ଲୋକେ ଥାନାରେ ଅଭିଯୋଗ ମଧ୍ୟ କରିଥିଲେ । ତେବେ ଘଟଣାକୁ ୨୪ ଘଣ୍ଟା ପୂରି ଯାଇଥିଲେ ମଧ୍ୟ ପୋଲିସର ଦେଖା-ଦର୍ଶନ ନାହିଁ ।

ସ୍ଥାନୀୟ ଲୋକଙ୍କ କହିବା କଥା ଯେ ବୁର୍ଲା ପୋଲିସ ଘଟଣାକୁ ଗୁରୁତ୍ୱର ସହ ନେଉନି । ତେବେ ସବୁଠାରୁ ବଡ କଥା ଆନ୍ଦୋଳନ, ରାସ୍ତାରୋକ କ୍ରମାଗତ ଭାବେ ତେଜିବାରେ ଲାଗିଛି । ମୃତ ଶରୀର ଏପର୍ଯ୍ୟନ୍ତ ଘଟଣାସ୍ଥଳରେ ପଡ଼ି ରହିଥିବା ବେଳେ ସ୍ଥାନୀୟ ଲୋକେ ଓ ପରିବାରବର୍ଗ ରାସ୍ତା ରୋକ କରିଛନ୍ତି । ଅଭିଯୁକ୍ତକୁ ଗିରଫ ନହେବା ପର୍ଯ୍ୟନ୍ତ ରାସ୍ତାରୋକ୍ ଓ ବିକ୍ଷୋଭ ଜାରି ରହିବ ବୋଲି ଆନ୍ଦୋଳନକାରୀମାନେ କହିଛନ୍ତି ।