ନନ୍ଦିଘୋଷବ୍ୟୁରୋ: ଭାରତୀୟ ସ୍ପିଡ ବୋଲର୍ ଅର୍ଶଦୀପ ସିଂ ନିଜ ଜୀବନର ଏକ ନୂଆ ଅଧ୍ୟାୟ ଆରମ୍ଭ କରିବାକୁ ଯାଉଛନ୍ତି। ସେ ବୁଧବାର ଅର୍ଥାତ୍ ଆଜି ନିଜର ଦୀର୍ଘଦିନର ବାନ୍ଧବୀ ସମରୀନ୍ କୌରଙ୍କ ସହ ନିର୍ବନ୍ଧ (Engagement) କରିଛନ୍ତି। ଏହି ଖାସ୍ ମୁହୂର୍ତ୍ତର ସୁନ୍ଦର ଫଟୋଗୁଡ଼ିକୁ ଦମ୍ପତି ନିଜ ଇନ୍ଷ୍ଟାଗ୍ରାମ୍ ଆକାଉଣ୍ଟରେ ସେୟାର କରି ପ୍ରଶଂସକଙ୍କୁ ସୂଚନା ଦେଇଛନ୍ତି।
ଇନ୍ଷ୍ଟାଗ୍ରାମ୍ ପୋଷ୍ଟରେ ନିଜ ପ୍ରପୋଜାଲ୍ ର ଆକର୍ଷଣୀୟ ଫଟୋ ସେୟାର କରି ଅର୍ଶଦୀପ ଓ ସମରୀନ୍ ଲେଖିଛନ୍ତି, “ଜୀବନ ଆମକୁ ଦେଇଥିବା ସବୁକିଛି ମଧ୍ୟରୁ ଆମେ ପରସ୍ପରକୁ ପାଇଥିବାରୁ ସବୁଠାରୁ ବେଶି ଖୁସି,ସାରା ଜୀବନ ଏକାଠି ବିତାଇବା ପାଇଁ…”। ଏହାସହ ପୋଷ୍ଟର ତଳ ଭାଗରେ “Hi Fiancé” ବୋଲି ଉଲ୍ଲେଖ କରାଯାଇଛି।
ସୂଚନାଯୋଗ୍ୟ ଯେ, ଅର୍ଶଦୀପ ଆଇପିଏଲ୍ରେ ପଞ୍ଜାବ କିଙ୍ଗସରୁ ମୁମ୍ବାଇ ଇଣ୍ଡିଆନ୍ସକୁ ଟ୍ରେଡ୍ ଅର୍ଥାତ୍ ହାର୍ଦ୍ଦିକ ପାଣ୍ଡ୍ୟାଙ୍କ ସହ ଅଦଳବଦଳ ହେବାର କିଛି ଘଣ୍ଟା ପରେ ହିଁ ଏହି ବ୍ୟକ୍ତିଗତ ଖୁସିର ଖବର ସାମ୍ନାକୁ ଆସିଛି। ଏହି ପୋଷ୍ଟ ସାମ୍ନାକୁ ଆସିବା ପରେ ଭାରତୀୟ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ସବୁଠାରୁ ପ୍ରଥମେ ଶୁଭେଚ୍ଛା ଜଣାଇ ଲେଖିଛନ୍ତି, ଅଭିନନ୍ଦନ, ଭଗବାନ ତୁମ ଦୁହିଁଙ୍କର ମଙ୍ଗଳ କରନ୍ତୁ। ତେବେ ସୋସିଆଲ ମିଡିଆରେ ଏବେ ଏହି ନବଦମ୍ପତିଙ୍କୁ ଶୁଭେଚ୍ଛାର ସ୍ରୋତ ଛୁଟୁଛି।
