ଲଭ୍ ସେକ୍ସ ଆଉ ଧୋକା : କନଷ୍ଟେବଳଙ୍କ ବିରୋଧରେ ସାଙ୍ଘାତିକ ଅଭିଯୋଗ ଆଣିଲେ ପ୍ରେମିକା
1 min read
ବଣାଇଁ: ପୁଣି ଖାକିରେ ଲାଗିଲା ଦାଗ । ପ୍ରଥମେ ପ୍ରେମ ଓ ତା’ପରେ ପ୍ରତାରଣା । ଏଭଳି କିଛି ସାଂଘାତିକ ଅଭିଯୋଗ ଆସିଛି ଜଣେ ପୋଲିସ କନେଷ୍ଟବଲଙ୍କ ବିରୋଧରେ । । ବିବାହ ପାଇଁ ପ୍ରଥମେ ପ୍ରଲୋଭନ ଦେଖାଇ ମହିଳାଙ୍କ ସହ ଶାରୀରିକ ସମ୍ପର୍କ ରଖିଥିଲେ । ତେବେ ମହିଳା ବିବାହ କରିବାକୁ କହିବାରୁ କନଷ୍ଟେବଳ ଜଣଙ୍କ ମନା କରିଦେଇଥିଲେ । ପରେ ଏନେଇ ମହିଳା ଜଣଙ୍କ ଥାନାରେ ଅଭିଯୋଗ କରିଛନ୍ତି । ଏଭଳି ଦୁଷ୍କର୍ମର ସାଙ୍ଘାତିକ ଅଭିଯୋଗ ଓଡିଶା ସଶସ୍ତ୍ର ପୋଲିସ ବଳ କନଷ୍ଟେବଳଙ୍କ ନାଁରେ ହୋଇଛି ।
ସୂଚନା ଅନୁଯାୟୀ, ମହିଳା ତାଙ୍କ ନାନୀଙ୍କ ଗାଁକୁ ଯାଇଥିବା ବେଳେ ଆରମ୍ଭ ହୋଇଥିଲା ପ୍ରେମ ସମ୍ପର୍କ । ପ୍ରେମ ପରେ ମହିଳାଙ୍କ ଅନିଚ୍ଛା ସତ୍ତ୍ୱେ ଶାରୀରିକ ସମ୍ପର୍କ ରଖିଥିଲେ ପୋଲିସ ବାବୁ । ବଣାଇଁ ଉପଖଣ୍ଡର ଟିକାୟତପଲ୍ଲୀ ଥାନା ଅଞ୍ଚଳର ଯୁବତୀ ଜଣଙ୍କ ଏନେଇ ଅଭିଯୋଗ କରିଛନ୍ତି । ମହିଳାଙ୍କୁ ବିବାହର ପ୍ରତିଶୃତି ଦେଇ ଶାରୀରିକ ସଂପର୍କ ରଖିଲେ । କିନ୍ତୁ ବିବାହ କଥା ଉଠାଇଲେ କୌଣସି ନା କୌଣସି ବାହାନା କରି କଥାକୁ ଟାଳି ଦେଉଥିଲେ । ଖାଲି ସେତିକି ନୁହେଁ ଶାରୀରିକ ସମ୍ପର୍କ ପରେ ମହିଳା ଗର୍ଭବତୀ ହେବା ପରେ ଗର୍ଭକୁ ମଧ୍ୟ ନଷ୍ଟ କରିଥିଲେ ଅଭିଯୁକ୍ତ କନଷ୍ଟେବଳ ।
ତେବେ ଗର୍ଭ ନଷ୍ଟ କରିବା ପରେ ଏବେ ପ୍ରତାରଣା ଦେବା ଭଳି ସଙ୍ଗିନ ଅଭିଯୋଗ ଆଣିଛନ୍ତି ମହିଳା । ଅଭିଯୋଗ ପରେ ପୋଲିସ ଅଭିଯୁକ୍ତଙ୍କ ବିରୋଧରେ ଦୁଷ୍କର୍ମ ମାମଲା ରୁଜୁ କରିଛି l ଅଭିଯୁକ୍ତ କନେଷ୍ଟବଳ ଜଣଙ୍କ ହେଉଛନ୍ତି ମହୁଲପଦା ଥାନା ଝିଙ୍କନଳୀ ଗାଁର ଲକ୍ଷ୍ମଣ ମୁଣ୍ଡାରୀ । ସେ ଏବେ ରାଉରକେଲାରେ କାର୍ଯ୍ୟରତ ଅଛନ୍ତି । ତେବେ ତାଙ୍କୁ ଖୁବ ଶୀଘ୍ର ଗିରଫ କରାଯିବ ବୋଲି ପୋଲିସ ସୂଚନା ଦେଇଛି । ଅଭିଯୋଗକାରିଣୀଙ୍କ ଡାକ୍ତରୀ ମଇନା ନିମନ୍ତେ ବଣାଇଁ ଉପଖଣ୍ଡ ଚିକିତ୍ସାଳୟକୁ ପଠାଯାଇଛି ।
