କଟକରୁ ଫେରିଥିଲେ ବୋଲି ଗାଁରେ ପୁରାଇଲେନି ଗାଁ ଲୋକେ ଆଉ…
ରାୟଗଡ଼: କରୋନା ଭୟରେ ନିଷ୍ଠୁର ହେଉଛି ମଣିଷ । ଆଉ ଏହି ଭୟର ପ୍ରଭାବ ସିଧା ମାନବିକତା ଉପରେ ପଡ଼ୁଛି । ଆଉ ମଣିଷ ଲଂଘୁଛି ତାର ସବୁ ସୀମା ଦୟାମାୟା ଦେଖାଇବା ପରିବର୍ତ୍ତେ କରୋନା ଭୟରେ ନିଷ୍ଠୁର ହୋଇଯାଉଛି ମଣିଷ । ଏବେ ରାୟଗଡ଼ାରୁ ଏମିତି ଏକ କରୋନା ଭୟକୁ ପ୍ରମାଣିତ କରୁଛି । କରୋନା ଭୟରେ ଗାଁ ଭିତରକୁ ପଶିବାକୁ ଦେଇ ନାହାଁନ୍ତି ଗାଁ ଲୋକେ । ଆଉ ଯାତ୍ରୀ ବିଶ୍ରାମଗାରାରେ ପଡି ରହିଛନ୍ତି ରୋଗାକ୍ରାନ୍ତ ବାଳକ ଓ ତାଙ୍କ ସମ୍ପର୍କୀୟ ।
ସୂଚନା ଅନୁସାରେ, ଚିକିତ୍ସା ପାଇଁ କଟକ ଯାଇ ଫେରିବା ପରେ ଗ୍ରାମବାସୀ ଗାଁରେ ପ୍ରବେଶ କରିବା ପାଇଁ ବାରଣ କରିଛନ୍ତି । ରାୟଗଡା ବିଷମ କଟକ ବ୍ଲକ ନୂଆଗାଁରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି । ଗାଁର ସନ୍ଧ୍ୟାରାଓ ମିଣିଆକା ଚିକିତ୍ସା ପାଇଁ ରାୟଗଡା ମୁଖ୍ୟ ଚିକିତ୍ସାଳୟ ଯାଇଥିଲେ । ହେଲେ ବାଳକଟିକୁ ପ୍ରଥମେ ରାୟଗଡାରୁ କୋରାପୁଟ, ତାପରେ ବ୍ରହ୍ମପୁର ଓ ପରେ କଟକ ବଡ଼ ମେଡ଼ିକାଲକୁ ଚିକିତ୍ସା ପାଇଁ ନିଆ ଯାଇଥିଲା ।
ତେବେ କଟକରେ ବାଳକଟିର ଚିକିତ୍ସା ହୋଇନପାରିବାରୁ ତାଙ୍କୁ ଗତ କାଲି ନିଜ ଗାଁକୁ ଫେରାଇ ନିଆଯାଇଥିଲା । ହେଲେ ଫେରିବା ପରେ କରୋନା ଭୟରେ ତାଙ୍କୁ ଗାଁ ଭିତରକୁ ପ୍ରବେଶ କରିବାକ ଗ୍ରାମବାସୀ ବାରଣ କରିଥିଲେ । ସ୍ଥାନୀୟ ସରପଞ୍ଚଙ୍କ ବୁଝାସୁଝା କରିବା ପରେ ମଧ୍ୟ ଗ୍ରାମବାସୀ ବୁଝି ନଥିବା ଥିଲେ । ସେପଟେ ସ୍ଥାନୀୟ ବିଧାୟକ ତଥା ଆଦିବାସୀ କଲ୍ୟାଣ ବିଭାଗ ମନ୍ତ୍ରୀ ଜଗରନାଥ ସରକାଙ୍କ ଦୃଷ୍ଟି ଆକର୍ଷଣ କରି ପ୍ରଶାସନିକ ଅଧିକାରୀ ଙ୍କ ସହ ଆଲୋଚନା କରି ପଦକ୍ଷେପ ନେବେ ବୋଲି ସେ ପ୍ରକାଶ କରିଛନ୍ତି ।
