କେବଳ ଗୋଟିଏ ଟ୍ରକ ପାଇଁ ତିଆରି ହେଲା ରାସ୍ତା : ସୁରକ୍ଷା ଦେଲା ପୋଲିସ୍ , ଜାଣନ୍ତୁ କଣ ଥିଲା ଟ୍ରକରେ…
ନୂଆଦିଲ୍ଲୀ: ମହାରାଷ୍ଟ୍ରରୁ କେରଳର ତିରୁଭଅନନ୍ତପୁରମକୁ ଯଦି ଆମେ କାରରେ ୧୭୦୦କିଲୋମିଟରର ରାସ୍ତା ଅତିକ୍ରମ କରିବାକୁ ୩୪ଘଣ୍ଟା ସମୟ ଲାଗିବ । କିନ୍ତୁ ସୋସିଆଲ ମିଡ଼ିଆରେ ଏମିତି ଏକ ଟ୍ରକର ଫଟୋ ଭାଇରାଲ ହେଉଛି ଯିଏ କି ଏହି ଦୂରତା ଅତିକ୍ରମ କରିବାକୁ ବର୍ଷକର ସମୟ ନେଇଛି । ଏହି ଟ୍ରକର ଖାସ୍ କଥା ହେଉଛି, ଏଥିରେ ୩୮ଚକା ଲାଗିଛି ଏବଂ ଏହା ଉପରେ ୭୮ଟନର ଏକ ମେସିନ ଲୋଡ୍ କରାଯାଇଛି । ଏହି ଟ୍ରକ ତିରୁଭଅନନ୍ତପୁରମର ବିକ୍ରମ ସାରାଭାଇ ସ୍ପେସ ସେଣ୍ଟରରେ ପହଞ୍ଚିଛି ।
ଜାତୀୟ ଗଣମାଧ୍ୟମର ସୂଚନା ଅନୁସାରେ ୭୪ ଚକା ବିଶିଷ୍ଟ ଏହି ଟ୍ରକ ମହାରାଷ୍ଟ୍ରରୁ ଜୁଲାଇ ୯ ୨୦୧୯ରୁ ଚାଲିଥିଲା । ଏହି ଟ୍ରକରେ ତିରୁଭଅନନ୍ତପୁରମର ବିକ୍ରମ ସାରାଭାଇ ସ୍ପେସ କେନ୍ଦ୍ରରେ ଡେଲିଭରୀ ପାଇଁ ଗୋଟିଏ ଏୟାରସ୍ପେସ ଅଟୋକ୍ଲେବ ଲୋଡ ହୋଇଛି । ଏହି ଟ୍ରକରେ ଥିବା ଜଣେ କର୍ମଚାରୀ କହିଛନ୍ତି ଯେ, ୨୦୧୯ଜୁଲାଇରେ ଆରମ୍ଭ ହୋଇଥିବା ୪ ରାଜ୍ୟ ଦେଇ ଆରମ୍ଭ ହୋଇଥିବା ଏହି ଯାତ୍ରା ଆଜି କେରଳରେ ସରିଛି । ଏହି ଟ୍ରକର ସୁରକ୍ଷାକୁ ଧ୍ୟାନରେ ରଖି ସବୁବେଳେ ପୋଲିସର ଏକ ଗାଡ଼ି ଏହି ଟ୍ରକ ପାଖାପାଖି ରହିଥାଏ ।
କେବଳ ଏତିକି ନୁହେଁ ରାସ୍ତାରେ ଟ୍ରକକୁ ଯେମିତି କିଛି ବି ଅସୁବିଧା ନହୁଏ ସେନେଇ ରାସ୍ତାର ମରାମତି ମଧ୍ୟ କରାଯାଏ । କେବଳ ଏତିକି ନୁହେଁ ବହୁଥର ଟ୍ରକ ପାଇଁ ଜାଗା କମ୍ ପଡ଼ୁଥିବାରୁ ଗଛ ମଧ୍ୟ କଟାଯାଇଥିଲା । ଏବଂ କିଛି ସ୍ଥାନରେ ରାସ୍ତା ଦେବାକୁ ବିଦ୍ୟୁତ୍ ଖୁଣ୍ଟକୁ ମଧ୍ୟ ପଛକୁ ନେବାକୁ ପଡ଼ିଥାଏ ।
ବିକ୍ରମ ସାରାଭାଇ ସ୍ପେସ ସେଣ୍ଟରର କିଛି ଅଧିକାରୀ କହିଛନ୍ତି ଯେ, ଟ୍ରକରେ ଯେଉଁ ମେସିନ ଲୋଡ ହୋଇଛି ତାହାକୁ ଅଲଗା ଅଲଗା କରି ଅଣାଯାଇ ପାରିନଥାନ୍ତା । ଏଥିପାଇଁ ହିଁ ଏହାକୁ ଏକାସାଙ୍ଗରେ ଅଣାଯାଇଛି ଏବଂ ସେ କହିଛନ୍ତି ଯେ ଏହି ଟ୍ରକଟି ଏବେ ବିକ୍ରମ ସାରାଭାଇ ସ୍ପେସ ସେଣ୍ଟରରେ ପହଞ୍ଚି ଯାଇଛି ସେଥିପାଇଁ ସେ ବହୁତ ଖୁସି ।
