ଦେଶକୁ ‘ନିସର୍ଗ’ ଭୟ: ଦ୍ରୁତ ଗତିରେ ସ୍ଥଳଭାଗ ମୁହାଁ ହେଉଛି ସାମୁଦ୍ରିକ ଝଡ଼ ‘ନିସର୍ଗ’
ନୂଆଦିଲ୍ଲୀ: ଅମ୍ଫାନ ପରେ ମାଡ଼ି ଆସୁଛି ଆଉ ଏକ ସାମୂଦ୍ରିକ ବାତ୍ୟା । ସ୍ଥଳଭାଗ ମୁହାଁ ବାତ୍ୟା ‘ନିସର୍ଗ’। ଆରବ ସାଗରରେ ସୃଷ୍ଟି ହୋଇଥିବା ବାତ୍ୟା ଆସନ୍ତା ଆସନ୍ତାକାଲି ଉତ୍ତର ମହାରାଷ୍ଟ୍ର ଓ ଦକ୍ଷିଣ ଗୁଜୁରାଟ ସୀମାରେ ଲ୍ୟାଣ୍ଡଫଲ କରିବ । ପ୍ରଭାବରେ ମହାରାଷ୍ଟ୍ର ଓ ଗୁଜୁରାଟର ବିଭିନ୍ନ ଜିଲ୍ଲାରେ ପ୍ରବଳ ବର୍ଷା ହେବ ବୋଲି ଆଇଏମଡି ପକ୍ଷରୁ ସୂଚନା ମିଳିଛି ।
ବାତ୍ୟା ସ୍ଥଳଭାଗ ଛୁଇଁବା ବେଳେ ଘଣ୍ଟା ପ୍ରତି ୧୦୦ରୁ ୧୨୦ କିଲୋମିଟର ବେଗରେ ପବନ ବହିପାରେ ବୋଲି କହିଛି ଆଇଏମ୍ଡି । ଦମ୍ନ୍ ଠାରୁ ଏହି ସାମୁ୍ଦ୍ରକି ଝଡ ପାଖାପାଖି ୩୫୦ କିଲୋମିଟର ଦୂରରେ ରହିଥିବା ସୂଚନା ମିଳିଛି । ଏନେଇ ସତର୍କତାମୂଳକ ପଦକ୍ଷେପ ନିଆଯାଉଛି। ଉଭୟ ଗୁଜୁରାଟ ଓ ମହାରାଷ୍ଟ ସରକାର ତଟବର୍ତ୍ତୀ ଅଞ୍ଚଳରେ ଏନ୍ଡିଆରଏଫ୍ ଟିମ୍ ମୂତୟନ କରିଥିବା ସୂଚନା ମିଳିଛି । ଗୁଜୁରାଟରେ ୧୦ଟି ଏନଡିଆରଏଫ୍ ଟିମ୍ ମୁତୟନ ହୋଇଛନ୍ତି ।
ବାତ୍ୟା ନିସର୍ଗକୁ ନେଇ ଏନ୍ଡିଏମ୍ଏ, ଏନ୍ଡିଆରଏଫ୍ ଓ ଆଇଏମ୍ଡି ସହ ଆଲୋଚନା କରିଛନ୍ତି ଗୃହମନ୍ତ୍ରୀ ଅମିତ ଶାହ । ମହାରାଷ୍ଟ ମୁଖ୍ୟମନ୍ତ୍ରୀ ଉଦ୍ଧବ ଠାକ୍ରେ ଏବଂ ଗୁଜୁରାଟ ମୁଖ୍ୟମୃନ୍ତ୍ରୀ ବିଜୟ ରୂପାନୀଙ୍କ ସହ ମଧ୍ୟ ଭିଡିଓ କନ୍ଫରେନ୍ସିଂ ଜରିଆରେ ଆଗୁଆ ସତର୍କତା ନେଇ ଆଲୋଚନା କରିଛନ୍ତି ଗୃହମନ୍ତ୍ରୀ ଅମିତ ଶାହ ।
