ଭୁବନେଶ୍ବର : ସରିଲା ବାତ୍ୟା ମୁରାସୁର ଲ୍ୟାଣ୍ଡଫଲ ପ୍ରକ୍ରିୟା। ସ୍ଥଳଭାଗ ଛୁଇଁଲା ବାତ୍ୟା ମୁରାସୁ । ଆନ୍ଧ୍ରରେ ସ୍ଥଳ ଭାଗ ଛୁଇଁଲା ବାତ୍ୟା ମୁରାସୁ। ନେଲୋର – ନରସାପୂର୍ ମଝି ଓଙ୍ଗୋଲ ନିକଟରେ ହେଲା ଲ୍ୟାଣ୍ଡଫଲ। ଦୁଇ ଘଣ୍ଟା ଧରି ଚାଲିଲା ଲ୍ୟାଣ୍ଡଫଲ ପ୍ରକ୍ରିୟା। ରାତି ଗୋଟାଏରେ ଆରମ୍ଭ ହୋଇଥିଲା ଲ୍ୟାଣ୍ଡଫଲ ପ୍ରକ୍ରିୟା। ଲ୍ୟାଣ୍ଡ ଫଲ ବେଳେ ପବନର ବେଗ ୧୦୦ ରୁ ୧୧୦ କିଲୋମିଟର ଥିଲା। ଏହାର ପ୍ରଭାବରେ ଦକ୍ଷିଣ ଓଡ଼ିଶାରେ ପ୍ରବଳ ବର୍ଷା ପାଇଁ ସତର୍କତା ଜାରି କରାଯାଇଛି। ଆସନ୍ତା ୨୪ ଘଣ୍ଟା ପାଇଁ ୧୬ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି। ଗଞ୍ଜାମ,ଗଜପତି,ରାୟଗଡ଼ା ,କୋରାପୁଟ ଓ ମାଲକାନଗିରି ଜିଲ୍ଲା ରେ ପ୍ରବଳ ବର୍ଷା ନେଇ ୟେଲୋ ୱାର୍ଣ୍ଣିଂ ଜାରି କରାଯାଇଛି। ଏହି ଜିଲ୍ଲା ରେ ପବନ ର ବେଗ ୪୦ ରୁ ୫୦ କିମି ଓ ଝଟକା ପବନ ୬୦ କିମି ଛୁଇଁପାରେ। ବାତ୍ୟା ମୁରାସୁ ପ୍ରଭାବରେ ଆନ୍ଧ୍ରପ୍ରଦେଶ, ତେଲଙ୍ଗାନା, ତାମିଲନାଡୁ ଓ ପୁଡୁଚେରୀରେ ପ୍ରବଳ ବର୍ଷା। ବର୍ଷା ଲାଗି ଚେନ୍ନାଇ ସମେତ ବହୁ ସ୍ଥାନରେ ସ୍କୁଲ ବନ୍ଦ କରାଯାଇଛି। ଚେନ୍ନାଇରେ ବହୁ ବିମାନକୁ ବାତିଲ କରାଯାଇଛଇ। ପ୍ରବଳ ବର୍ଷା ଯୋଗୁ ଏହି ସବୁ ରାଜ୍ୟରେ ଜନଜୀବନ ବାଧାପ୍ରାପ୍ତ ହୋଇଛି। ବାତ୍ୟା ଲାଗି ଏହି ସବୁ ରାଜ୍ୟରେ ସରକାରଙ୍କ ପକ୍ଷରୁ ସତର୍କତାମୂଳକ ପଦକ୍ଷେପ ନିଆଯାଇଛି। ବିଭିନ୍ନ ବିପଜ୍ଜନକ ସ୍ଥାନରୁ ଲୋକଙ୍କୁ ଉଦ୍ଧାର କରାଯାଇଛି।
