ବାତ୍ୟା ସମୟରେ କିଭଳି ରହିବେ ସତର୍କ ? SRC ଦେଲେ ପରାମର୍ଶ…
1 min read
ଭୁବନେଶ୍ୱର: ଆସୁଛି ମହାବାତ୍ୟା ଅମ୍ଫାନ୍ । ରାଜ୍ୟ ସରକାର ଏନେଇ ଉପକୂଳବର୍ତ୍ତୀ ଜିଲ୍ଲାପାଳମାନଙ୍କୁ ସତର୍କ କରାଇଛନ୍ତି । ଏହାସହ ରାଜ୍ୟବାସୀଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି । ତେବେ ମହାବାତ୍ୟା ପାଇଁ ଏସ୍ଆର୍ସିଙ୍କ ପକ୍ଷରୁ ୨୦ଟି ପରାମର୍ଶ ଦିଆଯାଇଛି ।
୧- ପ୍ରଥମେ ନିଜକୁ ଓ ନିଜ ପରିବାରକୁ ବଞ୍ଚାଇବା । ସେଥିପାଇଁ ଆମକୁ ଛାତ ଘରେ ହିଁ ରହିବାକୁ ହେବ ।
୨- ବାତ୍ୟା ଆଶ୍ରୟସ୍ଥଳକୁ ଯିବା ପୂର୍ବରୁ ଗୁରୁତ୍ୱପୂର୍ଣ୍ଣ କାବଜପତ୍ରକୁ ସୁରକ୍ଷିତ ରଖନ୍ତୁ ।
୩- ଜରୁରୀ ଔଷଧ, ନଗଦ ଟଙ୍କା ଓ ସୁନାକୁ ସୁରକ୍ଷିତ ରଖନ୍ତୁ ।
୪- ପାଖରେ ଥିବା ଶୁଖିଲା ଖାଦ୍ୟ ନିଶ୍ଚିତ ଭାବେ ସାଙ୍ଗରେ ଆଶ୍ରୟସ୍ଥଳକୁ ନେଇ ଯାଆନ୍ତୁ ।
୫- ବିଦ୍ୟୁତ୍ ସରବରାହ ବିଛିନ୍ନ ରହିବା ଆଶଙ୍କା ଥବାରୁ ବାତ୍ୟା ସମ୍ଭନ୍ଧୀୟ ସୂଚନା ପାଇଁ ରେଡିଓକୁ ପାଖରେ ରଖନ୍ତୁ ।
୬- ଘରେ ସୋଲାର ସିଷ୍ଟମ ଥିଲେ ତାକୁ ଚାର୍ଜ କରି ରଖନ୍ତୁ । ପାଖରେ ସୋଲାର ଲ୍ୟାମ୍ପ୍ ଓ ଟର୍ଚ୍ଚ ରଖନ୍ତୁ ।
୭- ଆବଶ୍ୟକୀୟ ଲୁଗାପଟା ସାଙ୍ଗରେ ନେଇ ଆଶ୍ରୟସ୍ଥଳକୁ ଯାଆନ୍ତୁ ।
୮- ବାତ୍ୟାଆଶ୍ରୟ ସ୍ଥଳୀରେ ରହିବା ବେଳେ ଗଣ୍ଡଗୋଳ ସୃଷ୍ଟି କରନ୍ତୁ ନାହିଁ ।
୯- ପ୍ରଥମେ ଛୋଟ ପିଲା ଓ ବୟସ୍କ ବ୍ୟକ୍ତିଙ୍କୁ ଆଶ୍ରୟସ୍ଥଳରେ ପଂହଚାଇବାକୁ ସାହାଯ୍ୟ କରନ୍ତୁ ।
୧୦- ବାତ୍ୟା ବେଳେ କୌଣସି ପରିସ୍ଥିତିରେ ବି ବାହାରକୁ ବାହାରନ୍ତୁ ନାହିଁ ।
୧୧- ବାତ୍ୟା ସମୟରେ ଫୁଲ ତୋଳିବା, ନଡ଼ିଆ ଗୋଟାଇବା, ଆମ୍ବ ଗୋଟାଇବା ଓ ପାଣି ଆଣିବା ପାଇଁ ବାହାରକୁ ଯାଆନ୍ତୁ ନାହିଁ ।
୧୨- ବାତ୍ୟା ଆରମ୍ଭ ହେବାର ପ୍ରଥମ ଦଲକା ପବନ ପରେ ଭାବନ୍ତୁ ନାହିଁ ବାତ୍ୟା ସରିଗଲା ।
୧୩- ଦ୍ୱିତୀୟ ଦଲକା ପବନ ପରେ ହୁଏତ ପଦାକୁ ବାହାରିପାରିବେ ।
୧୪- ବାତ୍ୟା ବେଳେ ସମୁତ୍ରକୂଳ କିମ୍ବା ନଦୀକୁ ଯାଆନ୍ତୁ ନାହିଁ ।
୧୫- ବାତ୍ୟା ସମୟରେ ଯାନବାହାନ ଚଲାନ୍ତୁ ନାହିଁ ।
୧୬- ଆସନ୍ନ ପ୍ରସବା ମହିଳାଙ୍କୁ ଆଗୁଆ ହସ୍ପିଟାଲରେ ଭର୍ତ୍ତି କରାନ୍ତୁ ।
୧୭- ସାମାଜିକ ଦୂରତା ରକ୍ଷା କରିବା ସହ ଫେସ୍ ମାସ୍କ ବ୍ୟବହାର କରନ୍ତୁ ।
୧୮- ବାତ୍ୟା ଆଶ୍ରୟସ୍ଥଳରେ ହାତ ଧୋଇବାକୁ ସାବୁନ, ହ୍ୟ।ଣ୍ଡଓ୍ୱାସ୍ ଓ ସାନିଟାଇଜର ରଖନ୍ତୁ ।
୧୯- ଯ଼ଦି ଘରେ ଗୃହପାଳିତ ପଶୁ ଥାଆନ୍ତି ତା’ ହେଲେ ସେମାନଙ୍କୁ ବାନ୍ଧନ୍ତୁ ନାହିଁ ଖୋଲା ରଖନ୍ତୁ ।
୨୦- ପ୍ରଶାସନକୁ ସହଯ଼ୋଗ କରନ୍ତୁ ଓ ଗାଇଡଲାଇନ ମାନନ୍ତୁ ।
