ନନ୍ଦିଘୋଷବ୍ୟୁରୋ: ସାଧାରଣ ଗ୍ରାହକଙ୍କ ଉପରେ ପୁଣି ଥରେ ମହଙ୍ଗା ମାଡ଼ ହୋଇଛି। ମଦର ଡେରି ପକ୍ଷରୁ କ୍ଷୀର ଦର ବୃଦ୍ଧି କରାଯାଇଥିବା ବେଳେ ଏହା ଆଜିଠାରୁ ଲାଗୁ ହେବ। କମ୍ପାନୀ ଏହାର ବିଭିନ୍ନ ପ୍ରକାର ଲିକ୍ୱିଡ୍ କ୍ଷୀର ଦର ଲିଟର ପିଛା ୨ରୁ ୪ ଟଙ୍କା ପର୍ଯ୍ୟନ୍ତ ବୃଦ୍ଧି କରିଛି। ତେବେ ବାଜରାରୁ କ୍ଷୀର କିଣିବା ଖର୍ଚ୍ଚ ବଢ଼ିଥିବାରୁ କମ୍ପାନୀ ଏହି ପଦକ୍ଷେପ ନେଇଛି। ବର୍ଦ୍ଧିତ ଖର୍ଚ୍ଚର କିଛି ଅଂଶ ଗ୍ରାହକଙ୍କ ଉପରେ ପଡ଼ିଥିବା ବେଳେ ମଦର ଡେରି ନିଜ କ୍ଷୀର ବିକ୍ରିରୁ ହେଉଥିବା ଆୟର ୭୦ ପ୍ରତିଶତ ଚାଷୀଙ୍କୁ ପ୍ରଦାନ କରିଥାଏ।
ତେବେ ଦିଲ୍ଲୀ-ଏନସିଆର ବଜାରରେ କମ୍ପାନୀ ନିଜ ଆଉଟଲେଟ୍, ଜେନେରାଲ ଟ୍ରେଡ୍ ଏବଂ ଇ-କମର୍ସ ପ୍ଲାଟଫର୍ମ ଜରିଆରେ ପ୍ରତିଦିନ ପ୍ରାୟ ୩୫ ଲକ୍ଷ ଲିଟର କ୍ଷୀର ବିକ୍ରି କରିଥାଏ। ଟୋନ୍ଡ୍ କ୍ଷୀର ପୂର୍ବରୁ ୫୪ ଟଙ୍କା ଥିବାବେଳେ ବର୍ତ୍ତମାନ ତାହା ୫୭ ଟଙ୍କାକୁ ବୃଦ୍ଧି ପାଇଛି। ସେହିପରି ଫୁଲ୍ କ୍ରିମ୍ କ୍ଷୀର ୬୭ ଟଙ୍କାରୁ ବଢ଼ି ୬୯ ଟଙ୍କା, ଟୋନ୍ଡ୍ କ୍ଷୀର, ୨୦ ଟଙ୍କାରୁ ୨୧ ଟଙ୍କା, ଡବଲ୍ ଟୋନ୍ଡ୍ କ୍ଷୀର ୪୮ ଟଙ୍କାରୁ ବଢ଼ି ୪୯ ଟଙ୍କା ଏବଂ ଗାଈ କ୍ଷୀର ୫୬ ଟଙ୍କାରୁ ବଢ଼ି ୫୮ ଟଙ୍କା ହୋଇଛି।
ତେବେ ଏହାପୂର୍ବରୁ ୨୦୨୨ ମେ’ ୨୪ ତାରିଖରେ କମ୍ପାନୀ କ୍ଷୀର ଦର ବୃଦ୍ଧି କରିଥିଲା। ଏହା ପୂର୍ବରୁ ୨୦୨୫ ଏପ୍ରିଲରେ ଦରରେ ପରିବର୍ତ୍ତନ ହୋଇଥିଲା।
