ଭୁବନେଶ୍ବର :ରାଜ୍ୟରେ ଆନ୍ତଃରାଜ୍ୟ ଗଞ୍ଜେଇ ଚୋରାଚାଲାଣ ରାକେଟ ଉପରେ STFର ବଡ଼ ପ୍ରହାର । ଆନ୍ତଃରାଜ୍ୟ ଗଞ୍ଜେଇ ଚୋରାଚାଲାଣ ସିଣ୍ଡିକେଟର ମୁଖ୍ୟ ମାଷ୍ଟରମାଇଣ୍ଡ “ମାଷ୍ଟର” ସହ ତାଙ୍କର ସହଯୋଗୀମାନଙ୍କୁ STF ଗିରଫ କରିଛି । ଗତ ଏକ ମାସ ଧରି ଚାଲିଥିବା ଗୁପ୍ତଚର ଭିତ୍ତିକ ଅଭିଯାନରେ ଏହି ବଡ଼ ସଫଳତା ମିଳିଛି । ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, “ମାଷ୍ଟର” ଏକ ସଂଗଠିତ ଆନ୍ତଃରାଜ୍ୟ ଗଞ୍ଜେଇ ଚୋରାଚାଲାଣ ନେଟୱର୍କର ପରିଚାଳନା କରୁଥିଲା । ଏନେଇ ଅଧିକ ପଚରାଉଚରା ଜାରି ରହିଛି । ତଦନ୍ତରେ ଆହୁରି ବଡ଼ ଖୁଲାସା ହେବାର ସମ୍ଭାବନା ରହିଛି।
