ନନ୍ଦିଘୋଷ ବ୍ୟୁରୋ: ଭିଜିଲାନ୍ସ ଜାଲରେ କନ୍ଧମାଳ ଜିଲ୍ଲା ବାଲିଗୁଡ଼ା ITDA ସହକାରୀ ନିର୍ବାହୀ ଯନ୍ତ୍ରୀ ବୈକୁଣ୍ଠ ନାଥ ବେହେରା । ଆଜି ସକାଳୁ ବୈକୁଣ୍ଠନାଥ ବେହେରାଙ୍କ ଘରେ ଚଢ଼ାଉ କରିଛି ଭିଜିଲାନ୍ସ ଟିମ୍ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏହି ଚଢ଼ାଉ ହୋଇଛି। ଏକକାଳୀନ ୯ଟି ସ୍ଥାନରେ ଚଢ଼ାଉ ଚାଲିଥିବା ଜଣାପଡ଼ିଛି। ବର୍ତ୍ତମାନ ସୁଦ୍ଧା ଅନେକ ଦାମୀ କୋଠା ସମେତ ବିପୁଳ ସମ୍ପତ୍ତି ଠାବ ହୋଇଥିବା ଜଣାପଡ଼ିଛି । ଏହି ରେଡରେ ୨ ଅତିରିକ୍ତ ଏସପି, ୫ ଡିଏସପି, ୬ ଇନ୍ସପେକ୍ଟର ସାମିଲ ଅଛନ୍ତି। ଭୁବନେଶ୍ବର, ବାରିପଦା, ଧର୍ମଶାଳା, ବାଲିଗୁଡାର ଏକକାଳୀନ ୯ଟି ସ୍ଥାନରେ ରେଡ ହୋଇଛି।
. ଭୁବନେଶ୍ବର (ଚନ୍ଦ୍ରଶେଖରପୁର): ଏକ ଚାରି ମହଲା କୋଠା ଓ ଆଉ ଏକ ୨ ମହଲା କୋଠା ଠାବ ।
. ଭୁବନେଶ୍ବର (ଶୈଳଶ୍ରୀ ବିହାର): ଏକ ୩ ମହଲା କୋଠା ।
. ପଟିଆ: ଏକ ୨ ମହଲା କୋଠା ଠାବ ହୋଇଛି ।
. ଯାଜପୁର ଧର୍ମଶାଳା ଥାନା ଜାରକା କଲେଜ ନିକଟ ପଣ୍ଡୁଆସ୍ଥିତ ଘରେ ଭିଜିଲାନ୍ସ ଟିମ୍ ପକ୍ଷରୁ ଚଢାଉ ଜାରି ରହିଛି। ପଣ୍ଡୁଆ ମୌଜାରେ ବୈକୁଣ୍ଠଙ୍କ ଏକ ଦୁଇ ମହଲା କୋଠା ରହିଛି। ଏହି ଚଢାଉରେ ଜଣେ ଇନିସପେକ୍ଟର, ଜଣେ ସବ୍ ଇନିସପେକ୍ଟର ଓ ଦୁଇଜଣ ସରକାରୀ ସାକ୍ଷୀ ସାମିଲ ଅଛନ୍ତି।
ମୟୂରଭଞ୍ଜ ବାରିପଦାସ୍ଥିତ ଦେଉଳସାହି ଠାରେ ଥିବା ବୈକୁଣ୍ଠଙ୍କ ଶଶୁରଙ୍କ ଘରେ ମଧ୍ୟ ଚଢ଼ାଉ ଜାରି ରହିଛି। ତେବେ ଚଢ଼ାଉ ଏବେ ବି ଜାରି ରହିଥିବାରୁ ସମ୍ପତ୍ତିର ସଠିକ୍ ଆକଳନ ସମ୍ପର୍କରେ ସମ୍ପୂର୍ଣ୍ଣ ରିପୋର୍ଟ ଆସିବା ବାକି ଅଛି ।
