ନନ୍ଦିଘୋଷ ବ୍ୟୁରୋ : କଂଗ୍ରେସର ବରିଷ୍ଠ ନେତା ପୱନ ଖେରାଙ୍କୁ ଆଶ୍ଵସ୍ତି। ତାଙ୍କୁ ୭ ଦିନ ପାଇଁ ଆଗୁଆ ଜାମିନ ଦେଇଛନ୍ତି ତେଲେଙ୍ଗାନା ହାଇକୋର୍ଟ। ଆସାମର ମୁଖ୍ୟମନ୍ତ୍ରୀ ହିମନ୍ତ ବିଶ୍ଵଶର୍ମାଙ୍କ ପତ୍ନୀ ରିନିକି ଭୁୟାଁ ଶର୍ମାଙ୍କ ଏକାଧିକ ପାସପୋର୍ଟ ଥିବାର ଓ ବିଦେଶରେ ସଂପତ୍ତି ଥିବାର ଅଭିଯୋଗ କରିଥିଲେ ପୱନ ଖେରା। କିନ୍ତୁ ହିମନ୍ତ ବିଶ୍ଵଶର୍ମା ଏହା ନିର୍ବାଚନୀ ସତ୍ଯପାଠରେ ଉଲ୍ଲେଖ କରିନଥିଲେ। ଏହାକୁ ନେଇ ମାମଲା ରୁଜୁ କରିଥିଲେ ରିନିକି ଭୂୟାଁ। ଆସାମ ପୋଲିସ ଦିଲ୍ଲୀ ଆସି ପୱନ ଖେରାଙ୍କ ବାସଭବନକୁ ଯାଇଥିଲା। କିନ୍ତୁ ପାଇନଥିଲା। ହାଇଦ୍ରାବାଦରେ ଆଗୁଆ ଜାମିନ ଆବେଦନ କରିଥିଲେ ପୱନ ଖେରା। ଅଧିକ ଦିନ ମାଗିଥିଲେ ମଧ୍ୟ ୭ ଦିନ ଆଶ୍ଵସ୍ତି ଦେଇଛନ୍ତି ହାଇକୋର୍ଟ ଓ ଉପଯୁକ୍ତ ଅଦାଲତରେ ଆବେଦନ କରିବାକୁ କହିଛନ୍ତି।
