ନନ୍ଦିଘୋଷ ବ୍ୟୁରୋ : ପୁଣି ବୋରୱେଲ ଟ୍ରାଜେଡି। ମଧ୍ୟପ୍ରଦେଶ ଉଜ୍ଜୟିନୀରେ ୭୦ ଫୁଟ ଗଭୀର ଏକ ବୋରୱେଲ ଭିତରେ ଖସିପଡ଼ିଲା ଏକ ଅଢେଇ ବର୍ଷର ଶିଶୁ। ଗତ ଗୁରୁବାର ରାତି ୮ଟାରେ ଅଘଟଣ ଘଟିବା ପରେ ସେଠାରେ ଜାରି ରହିଛି ରେସ୍କ୍ୟୁ ଅପରେସନ। ବାଦନଗର ତହସିଲର ଝାଲାରିଆ ଗ୍ରାମରେ ଏହି ଘଟଣା ଘଟିଛି। ପ୍ରବୀଣ ଦେବାସୀଙ୍କ ପୁଅ ବୋରୱେଲରେ ଖସିପଡ଼ିଥିବା ଜଣାଯାଇଛି। ପ୍ରବୀଣଙ୍କ ପରିବାର ୩ଦିନ ତଳେ ରାଜସ୍ଥାନ ପାଲିରୁ ଆସି ସେଠାରେ ରହିଥିଲେ। ଉଜ୍ଜୟିନୀ ସହରରୁ ପ୍ରାୟ ୭୫ କିଲୋମିଟର ଦୂରରେ ଏହି ଘଟଣା ଘଟିଛି। ବାଦନଗର ପୋଲିସ ଓ ଏସଡିଆରଏଫ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ତଦାରଖ କରିଛି। ନଳକୂପ ଭିତରକୁ ଅକ୍ସିଜେନ ପଠାଯାଇଛି।
