ପିପିଲି : ପିସିଆର ଭ୍ୟାନକୁ ପଛରୁ ପିଟିଲା କାର। ପୁରୀ ପିପିଲି ସାତଶଙ୍ଖ ଫାଣ୍ଡି ଜାତୀୟ ରାଜପଥ ବ୍ରିଜ ନିକଟରେ ଭୟଙ୍କର ଦୁର୍ଘଟଣା। ଜାତୀୟ ରାଜପଥରେ ପାଟ୍ରୋଲିଂ ଭ୍ୟାନରେ ଡ୍ୟୁଟି କରୁଥିବା ବେଳେ ୩ ପୋଲିସ କର୍ମଚାରୀ ଆହତ ହୋଇଛନ୍ତି।ବିଳମ୍ବିତ ରାତିରେ ଘଟିଛି ଦୁର୍ଘଟଣା। ଦୁର୍ଘଟଣା ଘଟାଇଥିବା କାର ଓ ୪ ଜଣଙ୍କୁ ଅଟକ ରଖିଛି ପୋଲିସ। କାରଟି ଭୁବନେଶ୍ବରରୁ ପୁରୀ ଅଭିମୁଖେ ଯାଉଥିବା ବେଳେ ଦୁର୍ଘଟଣା ଘଟିଥିଲା। ଅତ୍ୟଧିକ ମଦ୍ୟପାନ ଯୋଗୁଁ ଏହି ଦୁର୍ଘଟଣା ଘଟିଥିବା ପୋଲିସ ସୂଚନା ଦେଇଛି।
